Chapter 110

गङामाहात्म्यमाख्यास्ये सेव्या सा भुक्तिमुक्तिदा

gaṅāmāhātmyamākhyāsye sevyā sā bhuktimuktidā

येषां मध्ये याति गङ्गा ते देशा पावना वराः

yeṣāṃ madhye yāti gaṅgā te deśā pāvanā varāḥ

गङ्गा तारयते चोभौ वंशौ नित्यं हि सेविता

gaṅgā tārayate cobhau vaṃśau nityaṃ hi sevitā

चान्द्रायणसहस्राच्च गङ्गाम्भःपानमुत्तमं

cāndrāyaṇasahasrācca gaṅgāmbhaḥpānamuttamaṃ

गङां मासन्तु संसेव्य सर्वयज्ञफलं लभेत्

gaṅāṃ māsantu saṃsevya sarvayajñaphalaṃ labhet

सकलाघहरी देवी स्वर्गलोकप्रदायिनी

sakalāghaharī devī svargalokapradāyinī

यावदस्थि च गङ्गायां तावत् स्वर्गे स तिष्ठति

yāvadasthi ca gaṅgāyāṃ tāvat svarge sa tiṣṭhati

अन्धादयस्तु तां सेव्य देवैर् गच्छन्ति तुल्यतां

andhādayastu tāṃ sevya devair gacchanti tulyatāṃ

गङ्गातीर्थसमुद्भूतमृद्धारी सो ऽघहार्कवत्

gaṅgātīrthasamudbhūtamṛddhārī so 'ghahārkavat

दर्शनात् स्पर्शनात् पानात्तथा गङ्गेतिकीर्तनात्

darśanāt sparśanāt pānāttathā gaṅgetikīrtanāt

पुनाति पुण्यपुरुषान् शतशीथ सहस्रशः

punāti puṇyapuruṣān śataśītha sahasraśaḥ