Chapter 129

अर्घमानं प्रवक्ष्यामि उल्कापातो ऽथ भूश् चला

arghamānaṃ pravakṣyāmi ulkāpāto 'tha bhūś calā

निर्घातो ग्रहणं वेशो दिशां दाहो भवेद्यदा

nirghāto grahaṇaṃ veśo diśāṃ dāho bhavedyadā

लक्षयेन्मासि मास्येवं यद्येते स्युश् च चैत्रके

lakṣayenmāsi māsyevaṃ yadyete syuś ca caitrake

अलङ्कारादि सङ्गृह्य षड्भिर्मासैश् चतुर्गुणम्

alaṅkārādi saṅgṛhya ṣaḍbhirmāsaiś caturguṇam

वैशाखे चाष्टमे मासि षड्गुणं सर्वसङ्ग्रहं

vaiśākhe cāṣṭame māsi ṣaḍguṇaṃ sarvasaṅgrahaṃ

ज्यैष्ठे मासि तथाषाढे यवगोधूमधान्यकैः

jyaiṣṭhe māsi tathāṣāḍhe yavagodhūmadhānyakaiḥ

श्रावणे घृततैलाद्यैर् आश्विने वस्त्रधान्यकैः

śrāvaṇe ghṛtatailādyair āśvine vastradhānyakaiḥ

कार्त्तिके धान्यकैः क्रीतैर् मासे स्यान्मार्गशीर्षके

kārttike dhānyakaiḥ krītair māse syānmārgaśīrṣake

पुष्ये कुङ्कुमगन्धाद्यैर् लाभो धान्यैश् च माघके

puṣye kuṅkumagandhādyair lābho dhānyaiś ca māghake

गन्धाद्यैः फाल्गुने क्रीतैर् अर्घकाण्डमुदाहृतम्

gandhādyaiḥ phālgune krītair arghakāṇḍamudāhṛtam