Chapter 132

सेवाचक्रं प्रवक्ष्यामि लाभालाभानुसूचकं

sevācakraṃ pravakṣyāmi lābhālābhānusūcakaṃ

पिता माता तथा भ्राता दम्पती च विशेषतः

pitā mātā tathā bhrātā dampatī ca viśeṣataḥ

तस्मिंश् चक्रे तु विज्ञेयं यो यस्माल्लभते फलं

tasmiṃś cakre tu vijñeyaṃ yo yasmāllabhate phalaṃ

षडूर्ध्वाः स्थापयेद्रेखा भिन्नाश्चाष्तौ तु तिर्यगाः

ṣaḍūrdhvāḥ sthāpayedrekhā bhinnāścāṣtau tu tiryagāḥ

कोष्ठकाः पञ्चत्रिंशच्च तेषु वर्णान् समालिखेत्

koṣṭhakāḥ pañcatriṃśacca teṣu varṇān samālikhet

स्वरान् पञ्च समुद्धृत्य स्पर्शान् पश्चात् समालिखेत्

svarān pañca samuddhṛtya sparśān paścāt samālikhet

ककारादिहकारान्तान् हीनाङ्गांस्त्रीन्विवर्जयेत्

kakārādihakārāntān hīnāṅgāṃstrīnvivarjayet

सिद्धः साध्यः सुसिद्धश् च अरिर्मृत्युश् च नामतः

siddhaḥ sādhyaḥ susiddhaś ca arirmṛtyuś ca nāmataḥ

अरिर्मृत्युअश् च द्वावेतौ वर्जयेत् सर्वकर्मसु

arirmṛtyuaś ca dvāvetau varjayet sarvakarmasu

एषां मध्ये यदा नाम लक्षयेत्तु प्रयत्नतः

eṣāṃ madhye yadā nāma lakṣayettu prayatnataḥ

आत्मपक्षे स्थिताः सत्त्वाः सर्वे ते शुभदायकाः

ātmapakṣe sthitāḥ sattvāḥ sarve te śubhadāyakāḥ

द्वितीयः पोषकाश् चैव तृतीयश्चार्थदायकः

dvitīyaḥ poṣakāś caiva tṛtīyaścārthadāyakaḥ

आत्मनाशश् चतुर्थस्तु पञ्चमो मृत्युदायकः

ātmanāśaś caturthastu pañcamo mṛtyudāyakaḥ

स्थानमेवार्थलाभाय मित्रभृत्यादिवान्धवाः

sthānamevārthalābhāya mitrabhṛtyādivāndhavāḥ

सिद्धः साध्यः सुसिद्धश् च सर्वे ते फलदायकाः

siddhaḥ sādhyaḥ susiddhaś ca sarve te phaladāyakāḥ

अरिर्भृत्यश् च द्वावेतौ वर्जयेत् सर्वकर्मसु

arirbhṛtyaś ca dvāvetau varjayet sarvakarmasu

अकारान्तं यथा प्रोक्तं अ+इ+उ+ए+ओ विदुस् तथा

akārāntaṃ yathā proktaṃ a+i+u+e+o vidus tathā

पुनश् चैवांशकान् वक्ष्ये वर्गाष्टकसुसंस्कृतान्

punaś caivāṃśakān vakṣye vargāṣṭakasusaṃskṛtān

देवा अकारवर्गे दैत्याः कवर्गमाश्रिताः

devā akāravarge daityāḥ kavargamāśritāḥ

नागाश् चैव चवर्गाः स्युर्गन्धवाश् च टवर्गजाः

nāgāś caiva cavargāḥ syurgandhavāś ca ṭavargajāḥ

तवर्गे ऋषयः प्रोक्ताः पवर्गे राक्षसाः स्मृताः

tavarge ṛṣayaḥ proktāḥ pavarge rākṣasāḥ smṛtāḥ

पिशाचाश् च यवर्गे च शवर्गे मानुषाः स्मृताः

piśācāś ca yavarge ca śavarge mānuṣāḥ smṛtāḥ

देवेभ्यो बलिनो दैत्या दैत्येभ्यः पन्नगास् तथा

devebhyo balino daityā daityebhyaḥ pannagās tathā

पन्नगेभ्यश् च गन्धर्वा गन्धर्वादृषयो वराः

pannagebhyaś ca gandharvā gandharvādṛṣayo varāḥ

ऋषिभ्यो राक्षसाः शूरा राक्षसेभ्यः पिशाचकाः

ṛṣibhyo rākṣasāḥ śūrā rākṣasebhyaḥ piśācakāḥ

पिशाचेभ्यो मानुषाः स्युर्दुर्बलं वर्जयेद्बली

piśācebhyo mānuṣāḥ syurdurbalaṃ varjayedbalī

पुनर्मित्रविभागन्तु ताराचक्रं क्रमाच्छृणु

punarmitravibhāgantu tārācakraṃ kramācchṛṇu

नामाद्यक्षरमृक्षन्तु स्फुटं कृत्वा तु पर्वतः

nāmādyakṣaramṛkṣantu sphuṭaṃ kṛtvā tu parvataḥ

ऋक्षे तु संस्थितास्तारा नवत्रिका यथाक्रमात्

ṛkṣe tu saṃsthitāstārā navatrikā yathākramāt

जन्म सम्पद्विपत् क्षेमं नामर्क्षात्तारका इमाः

janma sampadvipat kṣemaṃ nāmarkṣāttārakā imāḥ

प्रत्यरा धनदा षष्ठी नैधनामैत्रके परे

pratyarā dhanadā ṣaṣṭhī naidhanāmaitrake pare

परमैत्रान्तिमा तारा जन्मतारा त्वशोभना

paramaitrāntimā tārā janmatārā tvaśobhanā

सम्पत्तारा महाश्रेष्ठा विपत्तारा तु निष्फला

sampattārā mahāśreṣṭhā vipattārā tu niṣphalā

क्षेमतारा सर्वकार्ये प्रत्परा अर्थनाशिनी

kṣematārā sarvakārye pratparā arthanāśinī

धनदा राज्यलाभादि नैधना कार्यनाशिनी

dhanadā rājyalābhādi naidhanā kāryanāśinī

मैत्रतारा च मित्राय परमित्रा हितावहा

maitratārā ca mitrāya paramitrā hitāvahā

ताराचक्रं ।मात्रा वै स्वरसञ्ज्ञा स्यान्नाममध्ये क्षिपेत् प्रिये

tārācakraṃ |mātrā vai svarasañjñā syānnāmamadhye kṣipet priye

विंशत्या च हरेद्भागं यच्छेषं तत् फलं भवेत्

viṃśatyā ca haredbhāgaṃ yaccheṣaṃ tat phalaṃ bhavet

उभयोर्त्रासमध्ये तु लक्षयेच्च धनं ह्य् ऋणं

ubhayortrāsamadhye tu lakṣayecca dhanaṃ hy ṛṇaṃ

हीनमात्रा ह्य् ऋणं ज्ञेयन्धनं मात्राधिकं पुनः

hīnamātrā hy ṛṇaṃ jñeyandhanaṃ mātrādhikaṃ punaḥ

धनेन मित्रता नॄणां ऋणेनैव ह्य् उदासता

dhanena mitratā nṝṇāṃ ṛṇenaiva hy udāsatā

सेवाचक्रमिदं प्रोक्तं लाभालाभादिदर्शकं

sevācakramidaṃ proktaṃ lābhālābhādidarśakaṃ

मेषमिथुनयोः प्रीतिर्मैत्री मिथुनसिंहयोः

meṣamithunayoḥ prītirmaitrī mithunasiṃhayoḥ

तुलासिंहौ महामैत्री एवं धनुर्घटे पुनः

tulāsiṃhau mahāmaitrī evaṃ dhanurghaṭe punaḥ

मित्रसेवां न कुर्वीत मित्रौ मीनवृषौ मतौ

mitrasevāṃ na kurvīta mitrau mīnavṛṣau matau

वृषकर्कटयोर्मैत्री कुलीरघटयोस् तथा

vṛṣakarkaṭayormaitrī kulīraghaṭayos tathā

कन्यावृश्चिकयोरेवन्तथा मकरकीटयोः

kanyāvṛścikayorevantathā makarakīṭayoḥ

मीनमकरयोर्मैत्री तृतीयैकादशे स्थिता

mīnamakarayormaitrī tṛtīyaikādaśe sthitā

तुलामेषौ महामैत्री विद्विष्टो वृषवृश्चिकौ

tulāmeṣau mahāmaitrī vidviṣṭo vṛṣavṛścikau

मिथुनधनुषोः प्रीतिः कर्कटमकरयोस् तथा

mithunadhanuṣoḥ prītiḥ karkaṭamakarayos tathā

मृगकुम्भकयोः प्रीतिः कनामीनौ तथैव च ॥26

mṛgakumbhakayoḥ prītiḥ kanāmīnau tathaiva ca //26