अथ द्विचत्वारिंशदधिकशततमो ऽध्यायः
atha dvicatvāriṃśadadhikaśatatamo 'dhyāyaḥ
मन्त्रोषधादिः
mantroṣadhādiḥ
ईश्वर उवाच
īśvara uvāca
मन्त्रौषधानि चक्राणि वक्ष्ये सर्वप्रदानि च
mantrauṣadhāni cakrāṇi vakṣye sarvapradāni ca
चौरनाम्नो वर्णगुणो द्विघ्नो मात्राश् चतुर्गुणाः
cauranāmno varṇaguṇo dvighno mātrāś caturguṇāḥ
नाम्ना हृते भवेच्छेषद्यौरो ऽथ जातकं वदे
nāmnā hṛte bhaveccheṣadyauro 'tha jātakaṃ vade
प्रश्ने ये विषमा वर्णास्ते गर्भे पुत्रजन्मदाः
praśne ye viṣamā varṇāste garbhe putrajanmadāḥ
नामवर्णैः समैः काणो वामे ऽक्ष्णि विषमैः पुनः
nāmavarṇaiḥ samaiḥ kāṇo vāme 'kṣṇi viṣamaiḥ punaḥ
दक्षिणाक्षि भवेत् काणं स्त्रीपुन्नामाक्षरस्य च
dakṣiṇākṣi bhavet kāṇaṃ strīpunnāmākṣarasya ca
मात्रावर्णाश् चतुर्निघना वर्णपिण्डे गुणे कृते
mātrāvarṇāś caturnighanā varṇapiṇḍe guṇe kṛte
समे स्त्री विषमे ना स्याद्विशेषे च मृतिः स्त्रियाः
same strī viṣame nā syādviśeṣe ca mṛtiḥ striyāḥ
प्रथमं रूपशून्ये ऽथ प्रथमं म्रियते पुमान्
prathamaṃ rūpaśūnye 'tha prathamaṃ mriyate pumān
प्रश्नं सूक्ष्माक्षरैर् गृह्य द्रव्यैर् भागे ऽखिले मतम्
praśnaṃ sūkṣmākṣarair gṛhya dravyair bhāge 'khile matam
शनिचक्रं प्रवक्ष्यामि तस्य दृष्टिं परित्यजेत्
śanicakraṃ pravakṣyāmi tasya dṛṣṭiṃ parityajet
राशिस्थः सप्तमे दृष्टिश् चतुर्दशशतेर्धिका
rāśisthaḥ saptame dṛṣṭiś caturdaśaśaterdhikā
एकद्व्यष्टद्वादशमः पाददृष्टिश् च तं त्यजेत्
ekadvyaṣṭadvādaśamaḥ pādadṛṣṭiś ca taṃ tyajet
दिनाधिपः प्रहरभाक् शेषा यामार्धभागिनः
dinādhipaḥ praharabhāk śeṣā yāmārdhabhāginaḥ
शनिभागन्त्यजेद्युद्धे दिनराहुं वदामि ते
śanibhāgantyajedyuddhe dinarāhuṃ vadāmi te
रवौ पूर्वे ऽनिले मन्दे गुरौ याम्ये ऽनले भृगौ
ravau pūrve 'nile mande gurau yāmye 'nale bhṛgau
अग्नौ कुजे भवेत् सोम्ये स्थिते राहुर्बुधे सदा
agnau kuje bhavet somye sthite rāhurbudhe sadā
फणिराहुस्तु प्रहरमैशे वह्नौ च राक्षसे
phaṇirāhustu praharamaiśe vahnau ca rākṣase
वायौ संवेष्टयित्वा च शत्रुं हन्तीशसन्मुखं
vāyau saṃveṣṭayitvā ca śatruṃ hantīśasanmukhaṃ
तिथिराहुं प्रवक्ष्यामि पूर्णिमाग्नेयगोचरे
tithirāhuṃ pravakṣyāmi pūrṇimāgneyagocare
अमावास्या वायवे च राहुः सम्मुखशत्रुहा
amāvāsyā vāyave ca rāhuḥ sammukhaśatruhā
काद्या जान्ताः सम्मुखे स्युः साद्या दान्ताश् च दक्षिणे
kādyā jāntāḥ sammukhe syuḥ sādyā dāntāś ca dakṣiṇe
अक्ले त्यजेत् कुजगणान् धाद्या मान्ताश् च पूर्वतः
akle tyajet kujagaṇān dhādyā māntāś ca pūrvataḥ
याद्या हान्ता उत्तरे स्युस्तिथिदृष्टिं विवर्जयेत्
yādyā hāntā uttare syustithidṛṣṭiṃ vivarjayet
पूर्वाश् च दक्षिणास्तिस्रो रेखा वै मूलभेदके
pūrvāś ca dakṣiṇāstisro rekhā vai mūlabhedake
सूर्यराश्यादि संलिख्य दृष्टौ हानिर्जयो ऽन्यथा
sūryarāśyādi saṃlikhya dṛṣṭau hānirjayo 'nyathā
विष्टिराहुं प्रवक्ष्यामि अष्टौ रेखास्तु पातयेत्
viṣṭirāhuṃ pravakṣyāmi aṣṭau rekhāstu pātayet
शिवाद्यमं यमाद्वायुं वायोरिन्द्रं ततो ऽम्बुपं
śivādyamaṃ yamādvāyuṃ vāyorindraṃ tato 'mbupaṃ
नैरृताच्च नयेच्चन्द्रं चन्द्रादग्निं ततो जले
nairṛtācca nayeccandraṃ candrādagniṃ tato jale
जलादीशे चरेद्राहुर्विष्ट्या सह महाबलः
jalādīśe caredrāhurviṣṭyā saha mahābalaḥ
ऐशान्यां च तृतीयादौ सप्तम्यादौ च याम्यके
aiśānyāṃ ca tṛtīyādau saptamyādau ca yāmyake
एवं कृष्णे सिते पक्षे वायौ राहुश् च हन्त्यरीन्
evaṃ kṛṣṇe site pakṣe vāyau rāhuś ca hantyarīn
इन्द्रादीन् भैरवादींश् च ब्रह्माण्यादीन् ग्रहादिकान्
indrādīn bhairavādīṃś ca brahmāṇyādīn grahādikān
अष्टाष्टकञ्च पूर्वादौ याम्यादौ वातयोगिनीं
aṣṭāṣṭakañca pūrvādau yāmyādau vātayoginīṃ
यान्दिशं वहते वायुस्तत्रस्थो घातयेदरीन्
yāndiśaṃ vahate vāyustatrastho ghātayedarīn
दृढीकरणमाख्यास्ये कण्ठे बाह्वादिधारिता
dṛḍhīkaraṇamākhyāsye kaṇṭhe bāhvādidhāritā
पुष्योद्धृता काण्डलक्ष्यं वारयेत् शरपुङ्खिका
puṣyoddhṛtā kāṇḍalakṣyaṃ vārayet śarapuṅkhikā
तथा पराजिता पाठा द्वाभ्यां खड्गं निवारयेत्
tathā parājitā pāṭhā dvābhyāṃ khaḍgaṃ nivārayet
ओं नमो भगवति वज्रशृङ्खले हन 2 ओं भक्ष 2 ओं खाद ओं अरे रक्तं पिब कपालेन रक्ताक्षि रक्तपटे भस्माङ्गि भस्मलिप्तशरीरे वज्रायुधे वज्राकारनिचिते पूर्वां दिशं बन्ध 2 ओं दक्षिणां दिशम्बन्ध 2 ओं पश्चिमां दिशम्बन्ध 2 उत्तरां दिशम्बन्ध 2 नागान् बन्ध 2 नागपत्नीर्बन्ध 2 ओं असुरान् बन्ध 2 ओं यक्षराक्षसपिशाचान् बन्ध 2 ओं प्रेतभूतगन्धर्वादयो ये केचिदुपद्रवास्तेभ्यो रक्ष 2 ओं ऊर्धवं रक्ष 2 अधा रक्ष 2 ओं क्षुरिक बन्ध 2 ओं ज्वल महाबले घटि 2 ओं मोटि 2 सटावलिवज्जाग्निवज्रप्राकारे हुं फट् ह्रीं ह्रूं श्रीं फट् ह्रीं हः फूं फें फः सर्वग्रहेभ्यः सर्वव्याधिभ्यः सर्वदुष्टोपद्रवेभ्यो ह्रीं अशेषेभ्यो रक्ष 2 ग्रहज्वरादिभूतेषु सर्वकर्मसु योजयेत् ॥20
oṃ namo bhagavati vajraśṛṅkhale hana 2 oṃ bhakṣa 2 oṃ khāda oṃ are raktaṃ piba kapālena raktākṣi raktapaṭe bhasmāṅgi bhasmaliptaśarīre vajrāyudhe vajrākāranicite pūrvāṃ diśaṃ bandha 2 oṃ dakṣiṇāṃ diśambandha 2 oṃ paścimāṃ diśambandha 2 uttarāṃ diśambandha 2 nāgān bandha 2 nāgapatnīrbandha 2 oṃ asurān bandha 2 oṃ yakṣarākṣasapiśācān bandha 2 oṃ pretabhūtagandharvādayo ye kecidupadravāstebhyo rakṣa 2 oṃ ūrdhavaṃ rakṣa 2 adhā rakṣa 2 oṃ kṣurika bandha 2 oṃ jvala mahābale ghaṭi 2 oṃ moṭi 2 saṭāvalivajjāgnivajraprākāre huṃ phaṭ hrīṃ hrūṃ śrīṃ phaṭ hrīṃ haḥ phūṃ pheṃ phaḥ sarvagrahebhyaḥ sarvavyādhibhyaḥ sarvaduṣṭopadravebhyo hrīṃ aśeṣebhyo rakṣa 2 grahajvarādibhūteṣu sarvakarmasu yojayet //20
इत्य् आग्नेये महापुराणे युद्धजयार्णवे मन्त्रौषधादिर्नाम हि चत्वारिंशदधिकशततमो ऽध्यायः ॥
ity āgneye mahāpurāṇe yuddhajayārṇave mantrauṣadhādirnāma hi catvāriṃśadadhikaśatatamo 'dhyāyaḥ ||