Chapter 143

कुब्जिकाक्रमपूजाञ्च वक्ष्ये सर्वार्थसाधनीं

kubjikākramapūjāñca vakṣye sarvārthasādhanīṃ

यया जिताः सुरा देवैः शस्त्राद्यैर् आज्यसंयुतैः

yayā jitāḥ surā devaiḥ śastrādyair ājyasaṃyutaiḥ

मायाबीजं च गुह्याङ्गे षट्कमस्त्रं करे न्यसेत्

māyābījaṃ ca guhyāṅge ṣaṭkamastraṃ kare nyaset

काली कालीति हृदयं दुष्टचाण्डालिका शिरः

kālī kālīti hṛdayaṃ duṣṭacāṇḍālikā śiraḥ

ह्रौं स्फें ह स ख क छ ड ओं कारो भैरवः शिखा

hrauṃ spheṃ ha sa kha ka cha ḍa oṃ kāro bhairavaḥ śikhā

भेलखी कवचं दूती नेत्राख्या रक्तचण्डिका

bhelakhī kavacaṃ dūtī netrākhyā raktacaṇḍikā

ततो गुह्यक्रुञ्जिकास्त्रं मण्डले स्थानके यजेत्

tato guhyakruñjikāstraṃ maṇḍale sthānake yajet

अग्नौ कूर्चशिरो रुद्रे नैरृत्ये ऽथ शिखानिले

agnau kūrcaśiro rudre nairṛtye 'tha śikhānile

कवचम्मध्यतो नेत्रं अस्त्रन्दिक्षु च मण्डले

kavacammadhyato netraṃ astrandikṣu ca maṇḍale

द्वात्रिंशता कर्णिकायां स्रोंहसक्षमलनववषडसचात्ममन्त्रवीजकं

dvātriṃśatā karṇikāyāṃ sroṃhasakṣamalanavavaṣaḍasacātmamantravījakaṃ

ब्रह्माणी चैव माहेशो कौमारी वैष्णवी तथा

brahmāṇī caiva māheśo kaumārī vaiṣṇavī tathā

वाराही चैव माहेन्द्री चामुण्डा चण्डिकेन्द्रकात्

vārāhī caiva māhendrī cāmuṇḍā caṇḍikendrakāt

यजेद्रवलकसहान् शिवेन्दाग्नियमे ऽद्निपे

yajedravalakasahān śivendāgniyame 'dnipe

जले तु कुसुममालामद्रिकाणां च पञ्चकं

jale tu kusumamālāmadrikāṇāṃ ca pañcakaṃ

जालन्धरं पूर्णगिरिं कामरूपं क्रमाद्यजेत्

jālandharaṃ pūrṇagiriṃ kāmarūpaṃ kramādyajet

मरुदेशाग्निनैरृत्ये मध्ये वै वज्रकुब्जिकां

marudeśāgninairṛtye madhye vai vajrakubjikāṃ

अनादिविमलः पूज्यः सर्वज्ञविमलस्तुतः

anādivimalaḥ pūjyaḥ sarvajñavimalastutaḥ

प्रसिद्धविमलश्चाथ संयोगविमलस्तुतः

prasiddhavimalaścātha saṃyogavimalastutaḥ

समयाख्यो ऽथ विमल एतद्विमलपञ्चकं

samayākhyo 'tha vimala etadvimalapañcakaṃ

मरुदीशाननैरृत्ये वह्नौ चोत्तरशृङ्गके

marudīśānanairṛtye vahnau cottaraśṛṅgake

कुब्जार्थं खिंखिनी षष्ठा सोपन्ना सुस्थिरा तथा

kubjārthaṃ khiṃkhinī ṣaṣṭhā sopannā susthirā tathā

रत्नसुन्दरी चैशाने शृङ्गे चाष्टादिनाथकाः

ratnasundarī caiśāne śṛṅge cāṣṭādināthakāḥ

मित्र ओडीशषष्ठ्याख्यौ वर्षा अग्न्यम्बुपे ऽनिले

mitra oḍīśaṣaṣṭhyākhyau varṣā agnyambupe 'nile

भवेद्गगनरत्नं स्याच्चाप्ये कवचरत्नकं

bhavedgaganaratnaṃ syāccāpye kavacaratnakaṃ

ब्रुं मर्त्यः पञ्चनामाख्यो मरुदीशानवह्निगः

bruṃ martyaḥ pañcanāmākhyo marudīśānavahnigaḥ

याम्याग्नेये पञ्चरत्नं ज्येष्ठा रौद्री तथान्तिका

yāmyāgneye pañcaratnaṃ jyeṣṭhā raudrī tathāntikā

तिस्रो ह्य् आसां महावृद्धाः पञ्चप्रणवतो ऽखिलाः

tisro hy āsāṃ mahāvṛddhāḥ pañcapraṇavato 'khilāḥ

सप्तविंशत्यष्टविंशभेदात् सम्पूजनं द्विधा

saptaviṃśatyaṣṭaviṃśabhedāt sampūjanaṃ dvidhā

ओं ऐं गूं क्रमगणपतिं प्रणवं वटुकं यजेत्

oṃ aiṃ gūṃ kramagaṇapatiṃ praṇavaṃ vaṭukaṃ yajet

चतुरस्रे मण्डले च दक्षिणे गणपं यजेत्

caturasre maṇḍale ca dakṣiṇe gaṇapaṃ yajet

वामे च वटुकं कोणे गुरून् सोडशनाथकान्

vāme ca vaṭukaṃ koṇe gurūn soḍaśanāthakān

वायव्यादौ चाष्ट दश प्रतिषट्कोणके ततः

vāyavyādau cāṣṭa daśa pratiṣaṭkoṇake tataḥ

ब्रह्माद्याश्चाष्ट परितस्तन्मध्ये च नवात्मकः

brahmādyāścāṣṭa paritastanmadhye ca navātmakaḥ

कुब्जिका कुलटा चैव क्रमपूजा तु सर्वदा

kubjikā kulaṭā caiva kramapūjā tu sarvadā