Agni Purāṇa · Chapter 152 | Living Bliss Digital Library

अथ द्विपञ्चाशदधिकशततमो ऽध्यायः

atha dvipañcāśadadhikaśatatamo 'dhyāyaḥ

गृहस्थवृत्तिः

gṛhasthavṛttiḥ

पुष्कर उवाच

puṣkara uvāca

आजीवंस्तु यथोक्तेन ब्राह्मणः स्वेन कर्मणा

ājīvaṃstu yathoktena brāhmaṇaḥ svena karmaṇā

क्षत्रविट्शूद्रधर्मेण जीवेन्नैव तु शूद्रजात्

kṣatraviṭśūdradharmeṇa jīvennaiva tu śūdrajāt

कृषिबाणिज्यगोरक्ष्यं कुशीदञ्च द्विजश् चरेत्

kṛṣibāṇijyagorakṣyaṃ kuśīdañca dvijaś caret

गोरसं गुडलवणलाक्षामांसानि वर्जयेत्

gorasaṃ guḍalavaṇalākṣāmāṃsāni varjayet

भूमिं भित्वौषधीश्छित्वा हुत्वा कोटपिपीलिकान्

bhūmiṃ bhitvauṣadhīśchitvā hutvā koṭapipīlikān

पुनन्ति खलु यज्ञेन कर्षका देवपूजनात्

punanti khalu yajñena karṣakā devapūjanāt

हलमष्टगवं धर्म्यं षड्गवं जीवितार्थिनां

halamaṣṭagavaṃ dharmyaṃ ṣaḍgavaṃ jīvitārthināṃ

चर्तुर्गवं नृशंसानां द्विगवं धर्मघातिनां

carturgavaṃ nṛśaṃsānāṃ dvigavaṃ dharmaghātināṃ

ऋतामृताभ्यां जीवेत मृतेन प्रमृतेन वा

ṛtāmṛtābhyāṃ jīveta mṛtena pramṛtena vā

सत्यानृताभ्यामपिवा न स्ववृत्त्या कदा च न

satyānṛtābhyāmapivā na svavṛttyā kadā ca na

इत्य् आग्नेये महापुराणे गृहस्थवृत्तयो नाम व्रिपञ्चाशदधिकशततमो ऽध्यायः ॥

ity āgneye mahāpurāṇe gṛhasthavṛttayo nāma vripañcāśadadhikaśatatamo 'dhyāyaḥ ||