Agni Purāṇa · Chapter 179 | Living Bliss Digital Library

अथैकोनाशीत्यधिकशततमो ऽध्यायः ॥

athaikonāśītyadhikaśatatamo 'dhyāyaḥ ||

चतुर्थीव्रतानि

caturthīvratāni

अग्निर् उवाच

agnir uvāca

चतुर्थी व्रतान्याख्यास्ये भुक्तिमुक्तिप्रदानि ते

caturthī vratānyākhyāsye bhuktimuktipradāni te

माघे शुक्लचतुर्थ्यान्तु उपवासी यजेद् गुणं

māghe śuklacaturthyāntu upavāsī yajed guṇaṃ

पञ्चम्याञ्च तिलान्नादी वर्षान्निर्विघ्नतः सुखी

pañcamyāñca tilānnādī varṣānnirvighnataḥ sukhī

गं स्वाहा मूलमन्त्रो ऽयं गामाद्यं हृदयादिकं

gaṃ svāhā mūlamantro 'yaṃ gāmādyaṃ hṛdayādikaṃ

आगच्छोल्काय चावाह्य गच्छोल्काय विसर्जनं

āgaccholkāya cāvāhya gaccholkāya visarjanaṃ

उल्कान्तैर् गादिगन्धाद्यैः पूजयेन्मोदकादिभिः

ulkāntair gādigandhādyaiḥ pūjayenmodakādibhiḥ

ओं महोल्काय विद्महे वक्रतुण्डाय धीमहि तन्नो दन्ती प्रचीदयात्

oṃ maholkāya vidmahe vakratuṇḍāya dhīmahi tanno dantī pracīdayāt

मासि भाद्रपदे चापि चतुर्थीकृच्छिवं व्रजेत्

māsi bhādrapade cāpi caturthīkṛcchivaṃ vrajet

चतुर्थ्यां फाल्गुने नक्तमविघ्नाख्या व्रजेत्

caturthyāṃ phālgune naktamavighnākhyā vrajet

चतुर्थ्यां फाल्गुने नक्तमविघ्नाख्या चतुर्थ्यपि

caturthyāṃ phālgune naktamavighnākhyā caturthyapi

चतुर्थ्यां दमनैः पूज्य चैत्रे प्रार्च्य गणं सुखी

caturthyāṃ damanaiḥ pūjya caitre prārcya gaṇaṃ sukhī

इत्य् आग्नेये महपुराणे चतुर्थीव्रतानि नाम एकोनाशीत्यधिकशततमो ऽध्यायः ॥

ity āgneye mahapurāṇe caturthīvratāni nāma ekonāśītyadhikaśatatamo 'dhyāyaḥ ||