Agni Purāṇa · Chapter 182 | Living Bliss Digital Library

अथ द्व्यशीत्यधिकशततमो ऽध्यायः ॥

atha dvyaśītyadhikaśatatamo 'dhyāyaḥ ||

सप्तमीव्रतानि

saptamīvratāni

अग्निर् उवाच

agnir uvāca

सप्तमीव्रतकं वक्ष्ये सर्वेषां भुक्तिमुक्तिदं

saptamīvratakaṃ vakṣye sarveṣāṃ bhuktimuktidaṃ

माघमासे ऽब्जके शुक्ले सूर्यं प्रार्च्य विशोकभाक्

māghamāse 'bjake śukle sūryaṃ prārcya viśokabhāk

सर्वावाप्तिस्तु सप्तभ्यां मासि भाद्रे ऽर्कपूजनात्

sarvāvāptistu saptabhyāṃ māsi bhādre 'rkapūjanāt

पौषे मासि सिते ऽनश्नन् प्रार्च्यार्कं पापनाशनं

pauṣe māsi site 'naśnan prārcyārkaṃ pāpanāśanaṃ

कृष्णपक्षे तु माघस्य सर्वावाप्तिस्तु सप्तमी

kṛṣṇapakṣe tu māghasya sarvāvāptistu saptamī

फाल्गुने तु सिते नन्दा सप्तमी चार्कपूजनात्

phālgune tu site nandā saptamī cārkapūjanāt

मार्गशीर्षे सिते प्रार्च्य सप्तमी चापराजिता

mārgaśīrṣe site prārcya saptamī cāparājitā

मार्गशीर्षे सिते चाव्दं पुत्रीया सप्तमी स्त्रियाः

mārgaśīrṣe site cāvdaṃ putrīyā saptamī striyāḥ

इत्य् आग्नेये महापुराणे सप्तमीव्रतानि नाम द्व्यशीत्यधिकशततमो ऽध्यायः ॥

ity āgneye mahāpurāṇe saptamīvratāni nāma dvyaśītyadhikaśatatamo 'dhyāyaḥ ||