Chapter 201

नवव्यूहार्चनं वक्ष्ये नारदाय हरीरितं

navavyūhārcanaṃ vakṣye nāradāya harīritaṃ

मण्डले ऽब्जे ऽर्चयेन्मध्ये अवीजं वासुदेवकं

maṇḍale 'bje 'rcayenmadhye avījaṃ vāsudevakaṃ

आवीजञ्च सङ्कर्षणम् प्रद्युम्नं च दक्षिणे

āvījañca saṅkarṣaṇam pradyumnaṃ ca dakṣiṇe

अः अनुरुद्धं नैऋते ओं नारायणमप्सु च

aḥ anuruddhaṃ naiṛte oṃ nārāyaṇamapsu ca

तत् सद्ब्रह्माणमनिले हुं विष्णुं क्षौं नृसिंहकं

tat sadbrahmāṇamanile huṃ viṣṇuṃ kṣauṃ nṛsiṃhakaṃ

उत्तरे भूर्वराहञ्च ईशे द्वारि च पश्चिमे

uttare bhūrvarāhañca īśe dvāri ca paścime

कं टं सं शं गरुत्मन्तं पूर्ववक्त्रञ्च दक्षिणे

kaṃ ṭaṃ saṃ śaṃ garutmantaṃ pūrvavaktrañca dakṣiṇe

खं छं वं हुं फडिति च खं ठं फं शं गदांविधौ

khaṃ chaṃ vaṃ huṃ phaḍiti ca khaṃ ṭhaṃ phaṃ śaṃ gadāṃvidhau

बं णं मं क्षं कोणेशञ्च घं दं भं हंश्रियं यजेत्

baṃ ṇaṃ maṃ kṣaṃ koṇeśañca ghaṃ daṃ bhaṃ haṃśriyaṃ yajet

दक्षिणे चोत्तरे पुष्टिं गं डं बं शं स्ववीजकं

dakṣiṇe cottare puṣṭiṃ gaṃ ḍaṃ baṃ śaṃ svavījakaṃ

पीठस्य पश्चिमे धं वं वनमालाञ्च पश्चिमे

pīṭhasya paścime dhaṃ vaṃ vanamālāñca paścime

श्रीवत्सं चैव सं हं लं छं तं यं कौस्तुभं जले

śrīvatsaṃ caiva saṃ haṃ laṃ chaṃ taṃ yaṃ kaustubhaṃ jale

दशमाङ्गक्रमाद्विष्णोर्नमो ऽनन्तमधो ऽर्चयेत्

daśamāṅgakramādviṣṇornamo 'nantamadho 'rcayet

दशाङ्गादिमहेन्द्रादीन् पूर्वादौ चतुरो घटान्

daśāṅgādimahendrādīn pūrvādau caturo ghaṭān

तोरणानि वितानं च अग्न्यनिलेन्दुवीजकैः

toraṇāni vitānaṃ ca agnyanilenduvījakaiḥ

मण्डलानि क्रमाद्ध्यात्वा तनुं वन्द्य ततः प्लवेत्

maṇḍalāni kramāddhyātvā tanuṃ vandya tataḥ plavet

अम्वरस्थं ततो ध्यात्वा सूक्ष्मरूपमथात्मनः

amvarasthaṃ tato dhyātvā sūkṣmarūpamathātmanaḥ

सितामृते निमग्नञ्च चन्द्रविम्वात् स्रुतेन च

sitāmṛte nimagnañca candravimvāt srutena ca

तदेव चात्मनो वीजममृतं प्लवसंस्कृतं

tadeva cātmano vījamamṛtaṃ plavasaṃskṛtaṃ

उत्पाद्यमानं पुरुषमात्मानमुपकल्पयेत्

utpādyamānaṃ puruṣamātmānamupakalpayet

उत्पन्नो ऽस्मि स्वयं विष्णुर्वीजं द्वादशकं न्यसेत्

utpanno 'smi svayaṃ viṣṇurvījaṃ dvādaśakaṃ nyaset

हृच्छिरस्तु शिखा चैव कवचं चास्त्रमेव च

hṛcchirastu śikhā caiva kavacaṃ cāstrameva ca

वक्षोमूर्धशिखापृष्ठलोचनेषु न्यसेत पुनः

vakṣomūrdhaśikhāpṛṣṭhalocaneṣu nyaseta punaḥ

अस्त्रं करद्वये न्यस्य ततो दिव्यतनुर्भवेत्

astraṃ karadvaye nyasya tato divyatanurbhavet

यथात्मनि तथा देवे शिष्यदेहे न्यसेत्तथा

yathātmani tathā deve śiṣyadehe nyasettathā

अनिर्माल्या स्मृता पूजा यद्धरेः पूजनं हृदि

anirmālyā smṛtā pūjā yaddhareḥ pūjanaṃ hṛdi

सनिर्माल्या मण्डलादौ बद्धनेत्राश् च शिष्यकाः

sanirmālyā maṇḍalādau baddhanetrāś ca śiṣyakāḥ

पुष्पं क्षिपेयुर्यन्मूर्तौ तस्य तन्नाम कारयेत्

puṣpaṃ kṣipeyuryanmūrtau tasya tannāma kārayet

निवेश्य वामतः शिष्यांस्तिलव्रीहिघृतं हुनेत्

niveśya vāmataḥ śiṣyāṃstilavrīhighṛtaṃ hunet

शतमष्टोत्तरं हुत्वा सहस्रं कायशुद्धये

śatamaṣṭottaraṃ hutvā sahasraṃ kāyaśuddhaye

नवव्यूहस्य मूर्तीनामङ्गानां च शताधिकं

navavyūhasya mūrtīnāmaṅgānāṃ ca śatādhikaṃ

पूऋणान्दत्त्वा दीक्षयेत्तान् गुरुः पूज्यश् च तैर् धनैः

pūṛṇāndattvā dīkṣayettān guruḥ pūjyaś ca tair dhanaiḥ