अथाष्टाधिकद्विशततमो ऽध्यायः
athāṣṭādhikadviśatatamo 'dhyāyaḥ
व्रतदानादिसमुच्चयः
vratadānādisamuccayaḥ
अग्निर् उवाच
agnir uvāca
व्रतदानानि सामान्यं प्रवदामि समासतः
vratadānāni sāmānyaṃ pravadāmi samāsataḥ
तिथौ प्रतिपदादौ च सूर्यादौ कृत्तिकासु च
tithau pratipadādau ca sūryādau kṛttikāsu ca
विष्कम्भादौ च मेषादौ काले च ग्रहणादिके
viṣkambhādau ca meṣādau kāle ca grahaṇādike
यत् काले यद् व्रतं दानं यद् द्रव्यं नियमादि यत्
yat kāle yad vrataṃ dānaṃ yad dravyaṃ niyamādi yat
तद् द्रव्याख्यञ्च कालाख्यं सर्वं वै विष्णुदैवतं
tad dravyākhyañca kālākhyaṃ sarvaṃ vai viṣṇudaivataṃ
रवीशब्रह्मलक्ष्म्याद्याः सर्वे विष्णोर्विभूतयः
ravīśabrahmalakṣmyādyāḥ sarve viṣṇorvibhūtayaḥ
तमुद्दिश्य व्रतं दानं पूजादि स्यात्तु सर्वदं
tamuddiśya vrataṃ dānaṃ pūjādi syāttu sarvadaṃ
जगत्पते समागच्छ आसनं पाद्यमर्घ्यकं
jagatpate samāgaccha āsanaṃ pādyamarghyakaṃ
मधुपर्कं तथाचामं स्नानं वस्तञ्च गन्धकं
madhuparkaṃ tathācāmaṃ snānaṃ vastañca gandhakaṃ
पुष्पं धूपश् च दीपश् च नैवेद्यादि नमो ऽस्तु ते
puṣpaṃ dhūpaś ca dīpaś ca naivedyādi namo 'stu te
इति पूजाव्रते दाने दानवाक्यं समं शृणु
iti pūjāvrate dāne dānavākyaṃ samaṃ śṛṇu
अद्यामुकसगोत्राय विप्रायामुकशर्मणे
adyāmukasagotrāya viprāyāmukaśarmaṇe
एतद् द्रव्यं विष्णुदैवं सर्वपापोपशान्तये
etad dravyaṃ viṣṇudaivaṃ sarvapāpopaśāntaye
आयुरारोग्यवृद्ध्यर्थं सौभाग्यादिविवृद्धये
āyurārogyavṛddhyarthaṃ saubhāgyādivivṛddhaye
गोत्रसन्ततिवृद्ध्यर्थं विजयाय धनाय च
gotrasantativṛddhyarthaṃ vijayāya dhanāya ca
धर्मायैश्वर्यकामाय तत्पापशमनाय च
dharmāyaiśvaryakāmāya tatpāpaśamanāya ca
संसारमुक्तये दानन्तुभ्यं सम्प्रददे ह्य् अहं
saṃsāramuktaye dānantubhyaṃ sampradade hy ahaṃ
एतद्दानप्रतिष्ठार्थं तुभ्यमेतद् ददाम्यहं
etaddānapratiṣṭhārthaṃ tubhyametad dadāmyahaṃ
एतेन प्रीयतां नित्यं सर्वलोकपतिः प्रभुः
etena prīyatāṃ nityaṃ sarvalokapatiḥ prabhuḥ
यज्ञदानव्रतपते विद्याकीर्त्यादि देहि मे
yajñadānavratapate vidyākīrtyādi dehi me
धर्मकामार्थमोक्षांश् च देहि मे मनसेप्सितं
dharmakāmārthamokṣāṃś ca dehi me manasepsitaṃ
यः पठेच्छृणुयान्नित्यं व्रतदानसमुच्चयं
yaḥ paṭhecchṛṇuyānnityaṃ vratadānasamuccayaṃ
स प्राप्तकामो विमलो भुक्तिमुक्तिमवाप्नुयात्
sa prāptakāmo vimalo bhuktimuktimavāpnuyāt
तिथिवारर्क्षसङ्क्रान्तियोगमन्वादिकं व्रतं
tithivārarkṣasaṅkrāntiyogamanvādikaṃ vrataṃ
नैकधा वासुदेवादेर्नियमात् पूजनाद्भवेत्
naikadhā vāsudevāderniyamāt pūjanādbhavet
इत्य् आगेन्ये महापुराणे व्रतदानसमुच्चयो नाम अष्टाधिकद्विशततमो ऽध्यायः ॥
ity āgenye mahāpurāṇe vratadānasamuccayo nāma aṣṭādhikadviśatatamo 'dhyāyaḥ ||