Chapter 243

शस्ता स्त्री चारुसर्वाङ्गी मत्तमातङ्गगामिनी

śastā strī cārusarvāṅgī mattamātaṅgagāminī

गुरूरुजघना या च मत्तपारावतेक्षणा

gurūrujaghanā yā ca mattapārāvatekṣaṇā

सुनीलकेशी तन्वङ्गी विलोमाङ्गी मनोहरा

sunīlakeśī tanvaṅgī vilomāṅgī manoharā

समभूमिस्पृशौ पादौ संहतौ च तथा स्तनौ

samabhūmispṛśau pādau saṃhatau ca tathā stanau

नाभिः प्रदक्षिणावर्ता गुह्यमश्वत्थपत्रवत्

nābhiḥ pradakṣiṇāvartā guhyamaśvatthapatravat

गुल्फौ निगूढौ मध्येन नाभिरङ्गुष्ठमानिका

gulphau nigūḍhau madhyena nābhiraṅguṣṭhamānikā

जठरन्न प्रलम्बञ्च रोमरूक्षा न शोभना

jaṭharanna pralambañca romarūkṣā na śobhanā

नर्क्षवृक्षनदीनाम्नी न सदा कलहप्रिया

narkṣavṛkṣanadīnāmnī na sadā kalahapriyā

न लोलुपा न दुर्भाषा शुभा देवादिपूजिता

na lolupā na durbhāṣā śubhā devādipūjitā

गण्डैर् मधूकपुष्पाभैर् न शिराला न लोमशा

gaṇḍair madhūkapuṣpābhair na śirālā na lomaśā

न संहतभ्रूकुटिला पतिप्राणा पतिप्रिया

na saṃhatabhrūkuṭilā patiprāṇā patipriyā

अलक्षणापि लक्षण्या यत्राकारास्ततो गुणाः

alakṣaṇāpi lakṣaṇyā yatrākārāstato guṇāḥ

भुवङ्कनिष्ठिका यस्या न स्पृशेन्मृत्युरेव सा

bhuvaṅkaniṣṭhikā yasyā na spṛśenmṛtyureva sā