Chapter 262

श्रीसूक्तं प्रतिवेदञ्च ज्ञेयं लक्ष्मीविवर्धनं

śrīsūktaṃ prativedañca jñeyaṃ lakṣmīvivardhanaṃ

हिरण्यवर्णा हरिणीमृचः पञ्चदश श्रियः

hiraṇyavarṇā hariṇīmṛcaḥ pañcadaśa śriyaḥ

रथेष्वक्षेषु वाजेति चतस्रो यजुषि श्रियः

ratheṣvakṣeṣu vājeti catasro yajuṣi śriyaḥ

स्रावन्तीयं तथा साम श्रीसूक्तं सामवेदके

srāvantīyaṃ tathā sāma śrīsūktaṃ sāmavedake

श्रियं धातर्मयि धेहि प्राक्तमाथर्वणे तथा

śriyaṃ dhātarmayi dhehi prāktamātharvaṇe tathā

श्रीसूक्तं यो जपेद्भक्त्या हुत्वा श्रीस्तस्य वै भवेत्

śrīsūktaṃ yo japedbhaktyā hutvā śrīstasya vai bhavet

पद्मानि चाथ विल्वानि हुत्वाज्यं वा तिलान् श्रियः

padmāni cātha vilvāni hutvājyaṃ vā tilān śriyaḥ

एकन्तु पौरुषं सूक्तं प्रतिवेदन्तु सर्वदं

ekantu pauruṣaṃ sūktaṃ prativedantu sarvadaṃ

सूक्तेन द्दद्यान्निष्पापो ह्य् एकैकया जलाञ्जलिं

sūktena ddadyānniṣpāpo hy ekaikayā jalāñjaliṃ

स्नात एकैकया पुष्पं विष्णोर्दत्वाघहा भवेत्

snāta ekaikayā puṣpaṃ viṣṇordatvāghahā bhavet

स्नात एकैकया दत्वा फलं स्यात् सर्वकामभाक्

snāta ekaikayā datvā phalaṃ syāt sarvakāmabhāk

महापापोपपान्तो भवेज्जप्त्वा तु पौरुषं

mahāpāpopapānto bhavejjaptvā tu pauruṣaṃ

कृच्छ्रैर् विशुद्धो जप्त्वा च हुत्वा स्नात्वाथ सर्वभाक्

kṛcchrair viśuddho japtvā ca hutvā snātvātha sarvabhāk

अष्टादशभ्यः शान्तिभ्यस्तिस्रो ऽन्याः शान्तयो वराः

aṣṭādaśabhyaḥ śāntibhyastisro 'nyāḥ śāntayo varāḥ

अमृता चाभयवा सौम्या सर्वोत्पातविमर्दनाः

amṛtā cābhayavā saumyā sarvotpātavimardanāḥ

अमृता सर्वदवत्या अभया ब्रह्मदैवता

amṛtā sarvadavatyā abhayā brahmadaivatā

सौम्या च सर्वदैवत्या एका स्यात्सर्वकामदा

saumyā ca sarvadaivatyā ekā syātsarvakāmadā

अभयाया मणिः कार्यो वरुणस्य भृगूत्तम

abhayāyā maṇiḥ kāryo varuṇasya bhṛgūttama

शतकाण्डो ऽमृतायाश् च सौम्यायाः शङ्कजो मणिः

śatakāṇḍo 'mṛtāyāś ca saumyāyāḥ śaṅkajo maṇiḥ

तद्दैवत्यास् तथा मन्त्राः सिद्धौ स्यान्मणिबन्धनं

taddaivatyās tathā mantrāḥ siddhau syānmaṇibandhanaṃ

दिव्यान्तरीक्षभौमादिसमुत्पातार्दना इमाः

divyāntarīkṣabhaumādisamutpātārdanā imāḥ

दिव्यान्तरीक्षभौमन्तु अद्भुतं त्रिविधं शृणु

divyāntarīkṣabhaumantu adbhutaṃ trividhaṃ śṛṇu

ग्रहर्क्षवैकृतं दिव्यमान्तरीक्षन्निबोध मे

graharkṣavaikṛtaṃ divyamāntarīkṣannibodha me

उल्कापातश् च दिग्दाहः परिवेशस्तथैव च

ulkāpātaś ca digdāhaḥ pariveśastathaiva ca

गन्धर्वनगरञ्चैव वृष्टिश् च विकृता च या

gandharvanagarañcaiva vṛṣṭiś ca vikṛtā ca yā

चरस्थिरभवं भूमौ भूकम्पमपि भूमिजं

carasthirabhavaṃ bhūmau bhūkampamapi bhūmijaṃ

सप्ताहाभ्यनतरे वृष्टावद्भुतं भयकृद्भवेत्

saptāhābhyanatare vṛṣṭāvadbhutaṃ bhayakṛdbhavet

शान्तिं विना त्रिभिर्वषैर् अद्भुतं भयकृद्भवेत्

śāntiṃ vinā tribhirvaṣair adbhutaṃ bhayakṛdbhavet

देवतार्चाः प्रनृत्यन्ति वेपन्ते प्रज्वलन्ति च

devatārcāḥ pranṛtyanti vepante prajvalanti ca

आरठन्ति च रोदन्ति प्रस्विद्यन्ते हसन्ति च

āraṭhanti ca rodanti prasvidyante hasanti ca

अर्चाविकारोपशमो ऽभ्यर्च्य हुत्वा प्रजापतेः

arcāvikāropaśamo 'bhyarcya hutvā prajāpateḥ

अनग्निर्दीप्यते यत्र राष्ट्रे च भृशनिस्वनं

anagnirdīpyate yatra rāṣṭre ca bhṛśanisvanaṃ

न दीप्यते चेन्धनवांस्तद्राष्ट्रं पाड्यते नृपैः

na dīpyate cendhanavāṃstadrāṣṭraṃ pāḍyate nṛpaiḥ

अग्निवैकृत्यशमनमग्निमन्त्रैश् च भार्गव

agnivaikṛtyaśamanamagnimantraiś ca bhārgava

अकाले फलिता वृक्षाः क्षीरं रक्तं स्रवन्ति च

akāle phalitā vṛkṣāḥ kṣīraṃ raktaṃ sravanti ca

वृक्षोत्पातप्रशमनं शिवं पूज्य च कारयेत्

vṛkṣotpātapraśamanaṃ śivaṃ pūjya ca kārayet

अतिवृष्टिरनावृष्टिर्दुर्भिक्षायोभयं मतं

ativṛṣṭiranāvṛṣṭirdurbhikṣāyobhayaṃ mataṃ

अनृतौ त्रिदिनारब्धवृष्टिर्ज्ञेया भयाय हि

anṛtau tridinārabdhavṛṣṭirjñeyā bhayāya hi

वृष्टिवैकृत्यनाशः स्यात्पर्जण्येन्द्वर्कपूजनात्

vṛṣṭivaikṛtyanāśaḥ syātparjaṇyendvarkapūjanāt

नगरादपसर्पन्ते समीपमुपयान्ति च

nagarādapasarpante samīpamupayānti ca

नद्यो ह्रदप्रश्रवणा विरसाश् च भवन्ति च

nadyo hradapraśravaṇā virasāś ca bhavanti ca

शलिलाशयवैकृत्ये जप्तव्यो वारुणो मनुः

śalilāśayavaikṛtye japtavyo vāruṇo manuḥ

अकालप्रसवा नार्यः कालतो वाप्रजास् तथा

akālaprasavā nāryaḥ kālato vāprajās tathā

विकृतप्रसवाश् चैव युग्मप्रसवनादिकं

vikṛtaprasavāś caiva yugmaprasavanādikaṃ

स्त्रीणां प्रसववैकृत्ये स्त्रीविप्रादिं प्रपूजयेत्

strīṇāṃ prasavavaikṛtye strīviprādiṃ prapūjayet

वडवा हस्तिनी गौर्वा यदि युग्मं प्रसूयते

vaḍavā hastinī gaurvā yadi yugmaṃ prasūyate

विजात्यं विकृतं वापि षड्भिर्मासैर् म्रियेत वै

vijātyaṃ vikṛtaṃ vāpi ṣaḍbhirmāsair mriyeta vai

विकृतं वा प्रसूयन्ते परचक्रभयं भवेत्

vikṛtaṃ vā prasūyante paracakrabhayaṃ bhavet

होमः प्रसूतिवैकृत्ये जपो विप्रादिपूजनं

homaḥ prasūtivaikṛtye japo viprādipūjanaṃ

यानि यानान्ययुक्तानि युक्तानि न वहन्ति च

yāni yānānyayuktāni yuktāni na vahanti ca

आकाशे तूर्यनादाश् च महद्भयमुपस्थितं

ākāśe tūryanādāś ca mahadbhayamupasthitaṃ

प्रविशन्ति यदा ग्राममारण्या मृगपक्षिणः

praviśanti yadā grāmamāraṇyā mṛgapakṣiṇaḥ

अरण्यं यान्ति वा ग्राम्याः जलं यान्ति स्थलोद्भवाः

araṇyaṃ yānti vā grāmyāḥ jalaṃ yānti sthalodbhavāḥ

स्थलं वा जलजा यान्ति राजद्वारादिके शिवाः

sthalaṃ vā jalajā yānti rājadvārādike śivāḥ

प्रदोषे कुक्कुटो वासे शिवा चार्कोदये भवेत्

pradoṣe kukkuṭo vāse śivā cārkodaye bhavet

गृहङ्कपोतः प्रविशेत् क्रव्याहा मूर्ध्नि लीयते

gṛhaṅkapotaḥ praviśet kravyāhā mūrdhni līyate

मधुरां मक्षिकां कुर्यात् काको मैथुनगो दृशि

madhurāṃ makṣikāṃ kuryāt kāko maithunago dṛśi

प्रासादतोरणोद्यानद्वारप्राकारवेश्मनां

prāsādatoraṇodyānadvāraprākāraveśmanāṃ

अनिमित्तन्तु पतनं दृढानां राजमृत्यवे

animittantu patanaṃ dṛḍhānāṃ rājamṛtyave

रजसा वाथ धूमेन दिशो यत्र समाकुलाः

rajasā vātha dhūmena diśo yatra samākulāḥ

केतूदयोपरागौ च छिद्रता शशिसूर्ययोः

ketūdayoparāgau ca chidratā śaśisūryayoḥ

ग्रहर्क्षविकृतिर्यत्र तत्रापि भयमादिशेत्

graharkṣavikṛtiryatra tatrāpi bhayamādiśet

अग्निर्यत्र म दीप्येत स्रवन्ते चोदकम्भकाः

agniryatra ma dīpyeta sravante codakambhakāḥ

मृतिर्भयं शून्यतादिरुत्पातानां फलम्भवेत्

mṛtirbhayaṃ śūnyatādirutpātānāṃ phalambhavet

द्विजदेवादिपूजाभ्यः शान्तिर्जप्यैस्तु होमतः ॥33

dvijadevādipūjābhyaḥ śāntirjapyaistu homataḥ //33