Chapter 26

मुद्राणां लक्षणं वक्ष्ये सान्निध्यादिप्रकारकं

mudrāṇāṃ lakṣaṇaṃ vakṣye sānnidhyādiprakārakaṃ

अञ्जलिः प्रथमा मुद्रा वन्दनी हृदयानुगा

añjaliḥ prathamā mudrā vandanī hṛdayānugā

ऊर्ध्वाङ्गुष्ठोवाममुष्टिर्दक्षिणाङ्गुष्ठबन्धनं

ūrdhvāṅguṣṭhovāmamuṣṭirdakṣiṇāṅguṣṭhabandhanaṃ

सव्यस्य तस्य चाङ्गुष्ठो यस्य चोर्ध्वे प्रकीर्तितः

savyasya tasya cāṅguṣṭho yasya cordhve prakīrtitaḥ

तिस्रः साधरणा व्यूहे अथासाधरणा इमाः

tisraḥ sādharaṇā vyūhe athāsādharaṇā imāḥ

कनिष्ठादिविमोकेन अष्टो मुद्रा यथाक्रमं

kaniṣṭhādivimokena aṣṭo mudrā yathākramaṃ

अष्टानां पूर्ववीजानां क्रमशस्त्ववधारयेत्

aṣṭānāṃ pūrvavījānāṃ kramaśastvavadhārayet

अङ्गुष्ठेन कनिष्टान्तं नमयित्वाङ्गुलित्रयं

aṅguṣṭhena kaniṣṭāntaṃ namayitvāṅgulitrayaṃ

ऊर्ध्वं कृत्वा सम्मुखञ्च वीजाय नवमाय वै

ūrdhvaṃ kṛtvā sammukhañca vījāya navamāya vai

वामहस्तमथोत्तानं कृत्वार्धं नामयेच्छनैः

vāmahastamathottānaṃ kṛtvārdhaṃ nāmayecchanaiḥ

वराहस्य स्मृता मुद्रा अङ्गनाञ्च क्रमादिमाः

varāhasya smṛtā mudrā aṅganāñca kramādimāḥ

एकैकां मोचयेद्बद्ध्वा वाममुष्टो तथागुलीं

ekaikāṃ mocayedbaddhvā vāmamuṣṭo tathāgulīṃ

आकुञ्चयेत् पूर्वमुद्रां दक्षिणेप्येवमेव च

ākuñcayet pūrvamudrāṃ dakṣiṇepyevameva ca

ऊर्ध्वाङ्गुष्ठो वाममुष्ठिर्मुद्रासिद्धिस्ततो भवेत्

ūrdhvāṅguṣṭho vāmamuṣṭhirmudrāsiddhistato bhavet