Chapter 272

सूर्यवंशं सोमवंशं रज्ञां वंशं वदमि ते

sūryavaṃśaṃ somavaṃśaṃ rajñāṃ vaṃśaṃ vadami te

हरेर्ब्रह्मा पद्मगो ऽभून्मरीचिर्ब्रह्मणः सुतः

harerbrahmā padmago 'bhūnmarīcirbrahmaṇaḥ sutaḥ

मरीचेः कश्यपस्तस्माद्विवस्वांस्तस्य पत्न्यपि

marīceḥ kaśyapastasmādvivasvāṃstasya patnyapi

संज्ञा राज्ञी प्रभा तिस्रो राज्ञी रैवतपुत्रिका

saṃjñā rājñī prabhā tisro rājñī raivataputrikā

रेवन्तं सुषुवे पुत्रं प्रभातञ्च प्रभा रवेः

revantaṃ suṣuve putraṃ prabhātañca prabhā raveḥ

त्वाष्ट्री संज्ञा मनुं पुत्रं यमलौ यमुनां यमम्

tvāṣṭrī saṃjñā manuṃ putraṃ yamalau yamunāṃ yamam

छाया संज्ञा च सावर्णिं मनुं वैवस्वतं सुतम्

chāyā saṃjñā ca sāvarṇiṃ manuṃ vaivasvataṃ sutam

शनिञ्च तपतीं विष्टिं संज्ञायाञ्चाश्विनौ पुनः

śaniñca tapatīṃ viṣṭiṃ saṃjñāyāñcāśvinau punaḥ

मनोर्वैवस्वतस्यासन् पुत्रा वै न च तत्समाः

manorvaivasvatasyāsan putrā vai na ca tatsamāḥ

इक्ष्वाकुश् चैव नाभागो धृष्टःशर्यातिरेव च

ikṣvākuś caiva nābhāgo dhṛṣṭaḥśaryātireva ca

नरिष्यन्तस् तथा प्रांशुर्नाभागादिष्टसत्तमाः

nariṣyantas tathā prāṃśurnābhāgādiṣṭasattamāḥ

करुषश् च पृषध्रश् च अयोध्यायां महाबलाः

karuṣaś ca pṛṣadhraś ca ayodhyāyāṃ mahābalāḥ

कन्येला च मनोरासीद्बुधात्तस्यां पुरूरवाः

kanyelā ca manorāsīdbudhāttasyāṃ purūravāḥ

पुरूरवसमुच्पाद्य सेला सुद्युम्नताङ्गता

purūravasamucpādya selā sudyumnatāṅgatā

सुद्युम्नादुत्कलगयौ विनताश्वस्त्रयो नृपाः

sudyumnādutkalagayau vinatāśvastrayo nṛpāḥ

उत्कलस्योत्कलं राष्ट्रं विनताश्वस्य पश्चिमा

utkalasyotkalaṃ rāṣṭraṃ vinatāśvasya paścimā

दिक् सर्वा राजवर्यस्य गयस्य तु गयापुरी

dik sarvā rājavaryasya gayasya tu gayāpurī

वशिष्ठवाक्यात् सुद्युम्नः प्रतिष्ठानमवाप ह

vaśiṣṭhavākyāt sudyumnaḥ pratiṣṭhānamavāpa ha

तत् पुरूरवसे प्रादात्सुद्युम्नो राज्यमाप्य तु

tat purūravase prādātsudyumno rājyamāpya tu

नरिष्यतः शकाः पुत्रा नाभागस्य च वैष्णवः

nariṣyataḥ śakāḥ putrā nābhāgasya ca vaiṣṇavaḥ

अम्बरीषः प्रजापालो धार्ष्टकं धृष्टतः कुलम्

ambarīṣaḥ prajāpālo dhārṣṭakaṃ dhṛṣṭataḥ kulam

सुकल्पानर्तौ शर्यार्तेर्वैरोह्यानर्ततो नृपः

sukalpānartau śaryārtervairohyānartato nṛpaḥ

आनर्तविषयश्चासीत् पुरी चासीत् कुशस्थली

ānartaviṣayaścāsīt purī cāsīt kuśasthalī

रेवस्य रैवतः पुत्रः ककुद्मी नाम धार्मिकः

revasya raivataḥ putraḥ kakudmī nāma dhārmikaḥ

ज्येष्ठः पुत्रशतस्यासीद्राज्यं प्राप्य कुशस्थलीम्

jyeṣṭhaḥ putraśatasyāsīdrājyaṃ prāpya kuśasthalīm

स कन्यासहितः श्रुत्वा गान्धर्वं ब्रह्मणो ऽन्तिके

sa kanyāsahitaḥ śrutvā gāndharvaṃ brahmaṇo 'ntike

मुहूर्तभूतं देवस्य मर्त्ये बहुयुगं गतम्

muhūrtabhūtaṃ devasya martye bahuyugaṃ gatam

आजगाम जवेनाथ स्वां पुरीं यादवैर् वृताम्

ājagāma javenātha svāṃ purīṃ yādavair vṛtām

कृतां द्वारवतीं नाम बहुद्वारां मनोरमाम्

kṛtāṃ dvāravatīṃ nāma bahudvārāṃ manoramām

भोजवृष्ण्यन्धकैर् गुप्तां(?) वासुदेवपुरोगमैः

bhojavṛṣṇyandhakair guptāṃ(?) vāsudevapurogamaiḥ

रेवतीं बलदेवाय ददौ ज्ञात्वा ह्य् अनिन्दिताम्

revatīṃ baladevāya dadau jñātvā hy aninditām

तपः सुमेरुशिखरे तप्त्वा विष्ण्वालयं गतः

tapaḥ sumeruśikhare taptvā viṣṇvālayaṃ gataḥ

नाभागस्य च पुत्रौ द्वौ वैश्यौ ब्राह्मणतां गतौ

nābhāgasya ca putrau dvau vaiśyau brāhmaṇatāṃ gatau

करूषस्य तु कारूषाः क्षत्रिया युद्धदुर्मदाः

karūṣasya tu kārūṣāḥ kṣatriyā yuddhadurmadāḥ

शूद्रत्वञ्च पृषध्रो ऽगाद्धिंसयित्वा गुरोश् च गाम्

śūdratvañca pṛṣadhro 'gāddhiṃsayitvā guroś ca gām

मनुपुत्रादथेक्षाकोर्विकुक्षिर्देवराडभूत्

manuputrādathekṣākorvikukṣirdevarāḍabhūt

विकुक्षेस्तु ककुत्स्थो ऽभूत्तस्य पुत्रः सुयोधनः

vikukṣestu kakutstho 'bhūttasya putraḥ suyodhanaḥ

तस्य पुत्रः पृथुर् नाम विश्वगश्वः पृथोः सुतः

tasya putraḥ pṛthur nāma viśvagaśvaḥ pṛthoḥ sutaḥ

आयुस्तस्य च पुत्रो ऽभूद्युवनाश्वस् तथा सुतः

āyustasya ca putro 'bhūdyuvanāśvas tathā sutaḥ

युवनाश्वाच्च श्रावन्तः पूर्वे श्रावन्तिका पुरी

yuvanāśvācca śrāvantaḥ pūrve śrāvantikā purī

श्रावन्ताद् वृहदश्वो ऽभूत् कुबलाश्वस्ततो नृपः

śrāvantād vṛhadaśvo 'bhūt kubalāśvastato nṛpaḥ

धुन्धुमारत्वमगमद्धुन्धोर् नाम्ना च वै पुरा

dhundhumāratvamagamaddhundhor nāmnā ca vai purā

धुन्धुमारास्त्रयो भूपा दृढाश्वो दण्ड एव च

dhundhumārāstrayo bhūpā dṛḍhāśvo daṇḍa eva ca

कपिलो ऽथ दृढाश्वात्तु हर्यश्वश् च प्रमोदकः

kapilo 'tha dṛḍhāśvāttu haryaśvaś ca pramodakaḥ

हर्यश्वाच्च निकुम्भो ऽभूत् संहताश्वो निकुम्भतः

haryaśvācca nikumbho 'bhūt saṃhatāśvo nikumbhataḥ

अकृशाश्वो रणाश्वश् च संहताश्वसुतावुभौ

akṛśāśvo raṇāśvaś ca saṃhatāśvasutāvubhau

युवनाश्वो रणाश्वस्य मान्धाता युवनाश्वतः

yuvanāśvo raṇāśvasya māndhātā yuvanāśvataḥ

मान्धातुः पुरुकुत्सो ऽभून्मुचुकुन्दो द्वितीयकः

māndhātuḥ purukutso 'bhūnmucukundo dvitīyakaḥ

पुरुकुत्सादसस्युश् च सम्भूतो नर्मदाभवः

purukutsādasasyuś ca sambhūto narmadābhavaḥ

सम्भूतस्य सुधन्वाभूत्त्रिधन्वाथ सुधन्वनः

sambhūtasya sudhanvābhūttridhanvātha sudhanvanaḥ

त्रिधन्वनस्तु तरुणस्तस्य सत्यव्रतः सुतः

tridhanvanastu taruṇastasya satyavrataḥ sutaḥ

सत्यव्रतात्सत्यरथो हरिश् चन्द्रश् च तत्सुतः

satyavratātsatyaratho hariś candraś ca tatsutaḥ

हरिश् चन्द्राद्रोहिताश्वो रोहिताश्वाद्वृको ऽभवत्

hariś candrādrohitāśvo rohitāśvādvṛko 'bhavat

वृकाद्वाहुश् च वाहोश् च सगरस्तस्य च प्रिया

vṛkādvāhuś ca vāhoś ca sagarastasya ca priyā

प्रभा षष्टिसहस्राणां सुतानां जननी ह्य् अभूत्

prabhā ṣaṣṭisahasrāṇāṃ sutānāṃ jananī hy abhūt

तुष्टादौर्वान्नृपादेकं भानुमत्यसमञ्जसम्

tuṣṭādaurvānnṛpādekaṃ bhānumatyasamañjasam

खनन्तः पृथिवीं दग्धा विष्णुना बहुसागराः

khanantaḥ pṛthivīṃ dagdhā viṣṇunā bahusāgarāḥ

असमञ्जसो ऽंश्रुमांश् च दिलीपो ऽंशुमतो ऽभवत्

asamañjaso 'ṃśrumāṃś ca dilīpo 'ṃśumato 'bhavat

भगीरथो दिलीपात्तु येन गङ्गावतारिता

bhagīratho dilīpāttu yena gaṅgāvatāritā

भगीरथात्तु नाभागो नाभागादम्बरीषकः

bhagīrathāttu nābhāgo nābhāgādambarīṣakaḥ

सिन्धुद्वीपो ऽम्बरीषात्तु श्रुतायुस्तत्सुतः स्मृतः

sindhudvīpo 'mbarīṣāttu śrutāyustatsutaḥ smṛtaḥ

श्रुतायोरृतपर्णो ऽभूत्तस्य कल्माषपादकः

śrutāyorṛtaparṇo 'bhūttasya kalmāṣapādakaḥ

कल्माषाङ्घ्रेः सर्वकर्मा ह्य् अनरण्यस्ततो ऽभवत्

kalmāṣāṅghreḥ sarvakarmā hy anaraṇyastato 'bhavat

अनरण्यात्तु निघ्नो ऽथ अनमित्रस्ततो रघुः

anaraṇyāttu nighno 'tha anamitrastato raghuḥ

रघोरभुद्दिलीपस्तु दिलीपाच्चाप्यजो नृपः

raghorabhuddilīpastu dilīpāccāpyajo nṛpaḥ

दीर्घवाहुरजात् कालस्त्वजापालस्ततो ऽभवत्

dīrghavāhurajāt kālastvajāpālastato 'bhavat

तथ दशरथो जातस्तस्य पुत्रचतुष्टयम्

tatha daśaratho jātastasya putracatuṣṭayam

नारायणात्मकाः सर्वे रामस्तस्याग्रजो ऽभवत्

nārāyaṇātmakāḥ sarve rāmastasyāgrajo 'bhavat

रावणान्तकरो राजा ह्य् अयोध्यायां रघूत्तमः

rāvaṇāntakaro rājā hy ayodhyāyāṃ raghūttamaḥ

वाल्मीकिर्यस्य चरितं चक्रे तन्नारदश्रवात्

vālmīkiryasya caritaṃ cakre tannāradaśravāt

रामपुत्रौ कुशलवौ सीतायां कुलवर्धनौ

rāmaputrau kuśalavau sītāyāṃ kulavardhanau

अतिथिश् च कुशाज्जज्ञे निषधस्तस्य चात्मजः

atithiś ca kuśājjajñe niṣadhastasya cātmajaḥ

निषधात्तु नलो जज्ञे नभो ऽजायत वै नलात्

niṣadhāttu nalo jajñe nabho 'jāyata vai nalāt

नभसः पुण्डरीको ऽभूत् सुधन्वा च ततो ऽभवत्

nabhasaḥ puṇḍarīko 'bhūt sudhanvā ca tato 'bhavat

सुधन्वनो देवानीको ह्य् अहीनाश्वश् च तत्सुतः

sudhanvano devānīko hy ahīnāśvaś ca tatsutaḥ

अहीनाश्वात् सहस्राश्वश् चन्द्रालोकस्ततो ऽभवत्

ahīnāśvāt sahasrāśvaś candrālokastato 'bhavat

चन्द्रावलोकतस्तारापीडो ऽस्माच्चन्द्रपर्वतः

candrāvalokatastārāpīḍo 'smāccandraparvataḥ

चन्द्रगिरेर्भानुरथः श्रुतायुस्तस्य चात्मजः

candragirerbhānurathaḥ śrutāyustasya cātmajaḥ

इक्ष्वाकुवंशप्रभवाः सूर्यवंशधराः स्मृताः

ikṣvākuvaṃśaprabhavāḥ sūryavaṃśadharāḥ smṛtāḥ