Chapter 28

अभिषेकं प्रवक्ष्यामि यथाचार्यस्तु पुत्रकः

abhiṣekaṃ pravakṣyāmi yathācāryastu putrakaḥ

सिद्धिभाक् साधको येन रोगी रोगाद्विमुच्यते

siddhibhāk sādhako yena rogī rogādvimucyate

राज्यं राजा सुतं स्त्रीञ्च प्राप्नुयान्मलनाशनं

rājyaṃ rājā sutaṃ strīñca prāpnuyānmalanāśanaṃ

मूर्तिकुम्भान् सुरत्नाढ्यान्मध्यपूर्वादितो न्यसेत्

mūrtikumbhān suratnāḍhyānmadhyapūrvādito nyaset

सहस्रावर्तितान् कुर्यादथवा शतवर्तितान्

sahasrāvartitān kuryādathavā śatavartitān

मण्डपे मण्डले विष्णुं प्राच्यैशान्याञ्च पीठिके

maṇḍape maṇḍale viṣṇuṃ prācyaiśānyāñca pīṭhike

निवेश्य शकलीकृत्य पुत्रकं साधकादिकं

niveśya śakalīkṛtya putrakaṃ sādhakādikaṃ

अभिषेकं समभ्यर्च्य कुर्याद्गीतादिपूर्वकं

abhiṣekaṃ samabhyarcya kuryādgītādipūrvakaṃ

दद्याच्च योगपीठादींस्त्वनुग्राह्यास्त्वया नराः

dadyācca yogapīṭhādīṃstvanugrāhyāstvayā narāḥ

गुरुश् च समयान् ब्रूयाद्गुप्तः शिष्योथ सर्वभाक्

guruś ca samayān brūyādguptaḥ śiṣyotha sarvabhāk