अथ षष्ठाधिकत्रिशततमो ऽध्यायः
atha ṣaṣṭhādhikatriśatatamo 'dhyāyaḥ
त्रैलोक्यमोहनमन्त्राः
trailokyamohanamantrāḥ
अग्निर् उवाच
agnir uvāca
वक्ष्ये मन्त्रं चतुर्वर्गसिद्ध्यै त्रैलिक्यमोहनम्
vakṣye mantraṃ caturvargasiddhyai trailikyamohanam
ओं श्रीं ह्रीं ह्रूं ओं नमः पुरुशोत्तमः पुरुषोत्तमप्रतिरूप लक्ष्मीनिवास सकलजगत्क्षोभण सर्वस्त्रीहृदयदारण त्रिभुवनमदोन्मादकर सुरमनुजसुन्दरोजनमनांसि तापय 2 दोपय 2 शोडय 2 मारय 2 स्तम्भय 2 द्रावय 2 आकर्षय 2 परमसुभग सर्वसौमाग्यकर कामप्रद अमुकं हन 2 चक्रेण गदया खड्गेण सर्व-[!!!] :प् 127
oṃ śrīṃ hrīṃ hrūṃ oṃ namaḥ puruśottamaḥ puruṣottamapratirūpa lakṣmīnivāsa sakalajagatkṣobhaṇa sarvastrīhṛdayadāraṇa tribhuvanamadonmādakara suramanujasundarojanamanāṃsi tāpaya 2 dopaya 2 śoḍaya 2 māraya 2 stambhaya 2 drāvaya 2 ākarṣaya 2 paramasubhaga sarvasaumāgyakara kāmaprada amukaṃ hana 2 cakreṇa gadayā khaḍgeṇa sarva-[!!!] :p 127
वाणैर्भिद 2 पाशेन हट्ट 2 अङ्कुशेन ताड्य 2 तुरु 2 किन्तिष्ठसियावत्तावत् समीहितं मे सिद्धं भवति हूं फट् नमः ओं पुरुषोत्तम त्रिभुवनमदोन्मादकर हूं फट् हृदयाय नमः कर्षय महाबल हूं फट् अस्त्राय त्रिभुवनेश्वर
vāṇairbhida 2 pāśena haṭṭa 2 aṅkuśena tāḍya 2 turu 2 kintiṣṭhasiyāvattāvat samīhitaṃ me siddhaṃ bhavati hūṃ phaṭ namaḥ oṃ puruṣottama tribhuvanamadonmādakara hūṃ phaṭ hṛdayāya namaḥ karṣaya mahābala hūṃ phaṭ astrāya tribhuvaneśvara
सर्वजनमनांसि हन 2 दारय 2 मम वशमानय 2 हूं फट् नेत्राय त्रैलोक्यमोहन हृषीकेशाप्रतिरूप सर्वस्त्रीहृदयाकर्षण आगच्छ 2 नमः ॥
sarvajanamanāṃsi hana 2 dāraya 2 mama vaśamānaya 2 hūṃ phaṭ netrāya trailokyamohana hṛṣīkeśāpratirūpa sarvastrīhṛdayākarṣaṇa āgaccha 2 namaḥ ||
सङ्गाक्षिण्यायकेन न्यासं मूलवदीरितं
saṅgākṣiṇyāyakena nyāsaṃ mūlavadīritaṃ
इष्ट्वा सञ्जप्य पञ्चाशत्सहस्रमभिषिच्य च
iṣṭvā sañjapya pañcāśatsahasramabhiṣicya ca
कुण्डेग्नौ देविके वह्नौ कृत्वा शतं हुनेत्
kuṇḍegnau devike vahnau kṛtvā śataṃ hunet
पृथग्दधि घृतं क्षीरं चरुं साज्यं पयः शृतं
pṛthagdadhi ghṛtaṃ kṣīraṃ caruṃ sājyaṃ payaḥ śṛtaṃ
द्वादशाहुतिमूलेन सहस्रञ्चाक्षतांस्तिलान्
dvādaśāhutimūlena sahasrañcākṣatāṃstilān
यवं मधुत्रयं पुष्पं फलं दधि समिच्छतं
yavaṃ madhutrayaṃ puṣpaṃ phalaṃ dadhi samicchataṃ
हुत्वा पूर्णाहुतिं शिष्टं प्राशयेत्सघृतं चरुं
hutvā pūrṇāhutiṃ śiṣṭaṃ prāśayetsaghṛtaṃ caruṃ
सम्भोज्य विप्रानाचार्यं तोषयेत्सिध्यते मनुः
sambhojya viprānācāryaṃ toṣayetsidhyate manuḥ
स्नात्वा यथावदाचम्य वाग्यतो यागमन्दिरं
snātvā yathāvadācamya vāgyato yāgamandiraṃ
गत्वा पद्मासनं बद्ध्वा शोषयेद्विधिना वपुः
gatvā padmāsanaṃ baddhvā śoṣayedvidhinā vapuḥ
रक्षोघ्नविघ्नकृद्दिक्षु न्यसेदादौ सुदर्शनम्
rakṣoghnavighnakṛddikṣu nyasedādau sudarśanam
पञ्चबीजं नाभिमध्यस्थं धूम्रं चण्डानिलात्मकम्
pañcabījaṃ nābhimadhyasthaṃ dhūmraṃ caṇḍānilātmakam
अशेषं कल्मषं देहात् विश्लेषयदनुस्मरेत्
aśeṣaṃ kalmaṣaṃ dehāt viśleṣayadanusmaret
रंवीजं हृदयाब्जस्थं स्मृत्वा ज्वालाभिरादहेत्
raṃvījaṃ hṛdayābjasthaṃ smṛtvā jvālābhirādahet
उर्ध्वाधस्तिर्यगाभिस्तु मूर्ध्नि संप्लावयेद्वपुः
urdhvādhastiryagābhistu mūrdhni saṃplāvayedvapuḥ
ध्यात्वामृतैर् वहिश्चान्तःसुषुम्नामार्गगामिभिः
dhyātvāmṛtair vahiścāntaḥsuṣumnāmārgagāmibhiḥ
एवं शुद्धवपुः प्राणानायम्य मनुना त्रिधा
evaṃ śuddhavapuḥ prāṇānāyamya manunā tridhā
विन्यसेन्न्यस्तहस्तान्तः शक्तिं मस्तकवक्त्रयोः
vinyasennyastahastāntaḥ śaktiṃ mastakavaktrayoḥ
गुह्ये गले दिक्षु हृदि कक्षौ देहे च सर्वतः
guhye gale dikṣu hṛdi kakṣau dehe ca sarvataḥ
आवाह्य ब्रह्मरन्ध्रेण हृत्पद्मे सूर्यमण्डलात्
āvāhya brahmarandhreṇa hṛtpadme sūryamaṇḍalāt
तारेण सम्परात्मानं स्मरेत्तं सर्वलक्षणं
tāreṇa samparātmānaṃ smarettaṃ sarvalakṣaṇaṃ
त्रैलोक्यमोहनाय विद्महे स्मराय धीमहि तन्नो विष्णुः प्रचोदयात् आत्मार्चनात् क्रतुद्रव्यं प्रोक्षयेच्छुद्धपात्रकं कृत्वात्मपूजां विधिना स्थण्डिले तं समर्चयेत् कर्मादिकल्पिते पीठे पद्मस्थं गरुडोपरि मर्वाङ्गसुन्दरं प्राप्तवयोलावण्ययौवनं मदाघूर्णितताम्राक्षमुदारं स्मरविह्वलिं दिव्यमाल्याम्वरलेपभूषितं सस्मिताननं विष्णुं नानाविधानेकपरिवारपरिच्छदम् लोकानुग्रहणं सौम्यं सहस्रादित्यतेजसं पञ्चवाणधरं प्राप्तकामैक्षं द्विचतुर्भुजम् देवस्त्रीभिर्वृतं देवीमुखासक्तेक्षणं जपेत् चक्रं शङ्खं धनुः खड्गं गदांमुषलमङ्कुशं पाशञ्च विभ्रतं चार्चेदावाहादिविसर्गतः श्रियं वामोरुजङ्घास्थां श्लिष्यन्तीं पाणिना पतिं साब्जचामरकरां पीनां श्रीवत्सकौस्तुभान्वितां मालिनं पीतवस्त्रञ्च चक्राद्याढ्यं हरिं यजेत् ओं सुदर्शन महाचक्रराज दुष्टभयङ्कर छिद 2 छिन्द 2 विदारय 2 परममन्त्रान् ग्रस 2 भक्षय 2 भूतानि चाशप 2 हूं :प् 129
trailokyamohanāya vidmahe smarāya dhīmahi tanno viṣṇuḥ pracodayāt ātmārcanāt kratudravyaṃ prokṣayecchuddhapātrakaṃ kṛtvātmapūjāṃ vidhinā sthaṇḍile taṃ samarcayet karmādikalpite pīṭhe padmasthaṃ garuḍopari marvāṅgasundaraṃ prāptavayolāvaṇyayauvanaṃ madāghūrṇitatāmrākṣamudāraṃ smaravihvaliṃ divyamālyāmvaralepabhūṣitaṃ sasmitānanaṃ viṣṇuṃ nānāvidhānekaparivāraparicchadam lokānugrahaṇaṃ saumyaṃ sahasrādityatejasaṃ pañcavāṇadharaṃ prāptakāmaikṣaṃ dvicaturbhujam devastrībhirvṛtaṃ devīmukhāsaktekṣaṇaṃ japet cakraṃ śaṅkhaṃ dhanuḥ khaḍgaṃ gadāṃmuṣalamaṅkuśaṃ pāśañca vibhrataṃ cārcedāvāhādivisargataḥ śriyaṃ vāmorujaṅghāsthāṃ śliṣyantīṃ pāṇinā patiṃ sābjacāmarakarāṃ pīnāṃ śrīvatsakaustubhānvitāṃ mālinaṃ pītavastrañca cakrādyāḍhyaṃ hariṃ yajet oṃ sudarśana mahācakrarāja duṣṭabhayaṅkara chida 2 chinda 2 vidāraya 2 paramamantrān grasa 2 bhakṣaya 2 bhūtāni cāśapa 2 hūṃ :p 129
फट् ओं जलचराय स्वाहा । खड्गतीक्ष्ण छिन्द 2 खड्गाय
phaṭ oṃ jalacarāya svāhā / khaḍgatīkṣṇa chinda 2 khaḍgāya
नमः । शारङ्गाय सशराय हूं फट् । भूतग्रामाय विद्महे चतुर्विधाय धीमहि तन्नो ब्रह्म प्रचोदयात् । सम्बर्तक श्वसन पोथय 2 हूं फट् स्वाहा । पाश बन्ध 2 आकर्षय 2 हूं फट् । अङ्कुशेन कट्ट हूं फट् क्रमाद्भुजेषु मन्त्रैः स्वैर् एभिरस्त्राणि पूजयेत्
namaḥ / śāraṅgāya saśarāya hūṃ phaṭ / bhūtagrāmāya vidmahe caturvidhāya dhīmahi tanno brahma pracodayāt / sambartaka śvasana pothaya 2 hūṃ phaṭ svāhā / pāśa bandha 2 ākarṣaya 2 hūṃ phaṭ / aṅkuśena kaṭṭa hūṃ phaṭ kramādbhujeṣu mantraiḥ svair ebhirastrāṇi pūjayet
ओं पक्षिराजाय ह्रूं फट्
oṃ pakṣirājāya hrūṃ phaṭ
तार्क्ष्यं यजेत् कर्णिकायामङ्गदेवान् यथाविधि
tārkṣyaṃ yajet karṇikāyāmaṅgadevān yathāvidhi
शाक्तिरिन्द्रादियन्त्रेषु तार्क्ष्याद्या धृतचामराः
śāktirindrādiyantreṣu tārkṣyādyā dhṛtacāmarāḥ
शक्तयो ऽन्ते प्रयोज्यादौ सुरेशाद्याश् च दण्डिना
śaktayo 'nte prayojyādau sureśādyāś ca daṇḍinā
पीते लक्ष्मीसरस्वत्यौ रतिप्रीतिजयाः सिताः
pīte lakṣmīsarasvatyau ratiprītijayāḥ sitāḥ
कीर्तिकान्त्यौ सिते श्यामे तुष्टिपुष्ट्यौ स्मरोदिते
kīrtikāntyau site śyāme tuṣṭipuṣṭyau smarodite
लोकेशान्तं यजेद्देवं विष्णुमिष्टार्थसिद्धये
lokeśāntaṃ yajeddevaṃ viṣṇumiṣṭārthasiddhaye
ध्यायेन्मन्त्रं जपित्वैनं जुहुयात्त्वभिशेचयेत्
dhyāyenmantraṃ japitvainaṃ juhuyāttvabhiśecayet
ओं श्रीं क्रीं ह्रीं हूं त्रैलोक्यमोहनाय विष्णवे नमः
oṃ śrīṃ krīṃ hrīṃ hūṃ trailokyamohanāya viṣṇave namaḥ
एतत्पूजादिना सर्वान् कामानाप्नोति पूर्ववत्
etatpūjādinā sarvān kāmānāpnoti pūrvavat
तोयैः सम्मोहनी पुष्पैर् नित्यन्तेन च तर्पयेत्
toyaiḥ sammohanī puṣpair nityantena ca tarpayet
ब्रह्मा सशक्रश्रीदण्डी वीजं त्रैलोक्यमोहनम्
brahmā saśakraśrīdaṇḍī vījaṃ trailokyamohanam
जप्त्वा त्रिलक्षं हुत्वा च लक्षं बिल्वैश् च साज्यकैः
japtvā trilakṣaṃ hutvā ca lakṣaṃ bilvaiś ca sājyakaiḥ
तण्डुलैः फलगन्धाद्यैः दूर्वाभिस्त्वायुराप्नुयात्
taṇḍulaiḥ phalagandhādyaiḥ dūrvābhistvāyurāpnuyāt
तयाभिषेकहोमादिक्रियातुष्टो ह्य् अभीष्टदः
tayābhiṣekahomādikriyātuṣṭo hy abhīṣṭadaḥ
ओं नमो भगवते वराहाय भूर्भुवः स्वःपतये भूपतिद्वं मे देहि हृदयाय स्वाह पञ्चाङ्गं नित्यमयुतं जप्त्वायूराज्यमाप्नुयात्
oṃ namo bhagavate varāhāya bhūrbhuvaḥ svaḥpataye bhūpatidvaṃ me dehi hṛdayāya svāha pañcāṅgaṃ nityamayutaṃ japtvāyūrājyamāpnuyāt
इत्य् आग्नेये महापुराणे त्रैलोक्यमोहनमन्त्रो नाम षष्ठाधिकत्रिशततमो ऽध्यायः ॥
ity āgneye mahāpurāṇe trailokyamohanamantro nāma ṣaṣṭhādhikatriśatatamo 'dhyāyaḥ ||