अथ सप्ताधिकत्रिशततमो ऽध्यायः
atha saptādhikatriśatatamo 'dhyāyaḥ
त्रैलोक्यमोहनीलक्ष्म्यादिपूजा
trailokyamohanīlakṣmyādipūjā
अग्निर् उवाच
agnir uvāca
वक्षः सवह्निर्यामाक्षौ दण्डीः श्रीः सर्वसिद्धिदा
vakṣaḥ savahniryāmākṣau daṇḍīḥ śrīḥ sarvasiddhidā
महाश्रिये महासिद्धे महाविद्युत्प्रभे नमः
mahāśriye mahāsiddhe mahāvidyutprabhe namaḥ
श्रिये देवि विजये नमः । गौरि महाबले बन्ध 2 नमः । हूं महाकाये पद्महस्ते हूं फट् श्रियै नमः । श्रियै फट् श्रियै नमः । श्रियै फट् श्रीं नमः । श्रिये श्रीद नमः स्वाहा स्वाहा श्रीफट् ॥
śriye devi vijaye namaḥ / gauri mahābale bandha 2 namaḥ / hūṃ mahākāye padmahaste hūṃ phaṭ śriyai namaḥ / śriyai phaṭ śriyai namaḥ / śriyai phaṭ śrīṃ namaḥ / śriye śrīda namaḥ svāhā svāhā śrīphaṭ ||
अस्याङ्गानि नवोक्तानि तेष्वेकञ्च समाश्रयेत्
asyāṅgāni navoktāni teṣvekañca samāśrayet
त्रिलक्षमेकलक्षं वा जप्त्वाक्षाब्जैश् च भूतिदः
trilakṣamekalakṣaṃ vā japtvākṣābjaiś ca bhūtidaḥ
श्रीगेहे विष्णुगेहे वा श्रियं पूज्य धनं लभेत्
śrīgehe viṣṇugehe vā śriyaṃ pūjya dhanaṃ labhet
आज्याक्तैस्तण्डुलैर् लक्षं जुहुयात् खादिरानले
ājyāktaistaṇḍulair lakṣaṃ juhuyāt khādirānale
राजा वश्यो भवेद्वृद्धिः श्रीश् च स्यादुत्तरोत्तरं
rājā vaśyo bhavedvṛddhiḥ śrīś ca syāduttarottaraṃ
सर्षपाम्भोभिषेकेण नश्यन्ते सकला ग्रहाः
sarṣapāmbhobhiṣekeṇa naśyante sakalā grahāḥ
बिल्वलक्षहुता लक्ष्मीर्वित्तवृद्धिश् च जायते
bilvalakṣahutā lakṣmīrvittavṛddhiś ca jāyate
शक्रवेश्म चतुर्द्वारं हृदये चिन्तयेदथ
śakraveśma caturdvāraṃ hṛdaye cintayedatha
बलाकां वामनां श्यामां श्वेतपङ्कजधारिणीम्
balākāṃ vāmanāṃ śyāmāṃ śvetapaṅkajadhāriṇīm
ऊर्ध्ववाहुद्वयं ध्यायेत्क्रीडन्तीं द्वारि पूर्ववत्
ūrdhvavāhudvayaṃ dhyāyetkrīḍantīṃ dvāri pūrvavat
उर्ध्वीकृतेन हस्तेन रक्तपङ्कजधारिणीं
urdhvīkṛtena hastena raktapaṅkajadhāriṇīṃ
श्वेताङ्गीं दक्षिणे द्वारि चिन्तयेद्वनमालिनीम्
śvetāṅgīṃ dakṣiṇe dvāri cintayedvanamālinīm
हरितां दोर्द्वयेनोर्धमुद्वहन्तीं सिताम्बुजम्
haritāṃ dordvayenordhamudvahantīṃ sitāmbujam
ध्यायेद्विभीषिकां नाम श्रीदूतीं द्वारि पश्चिमे
dhyāyedvibhīṣikāṃ nāma śrīdūtīṃ dvāri paścime
शाङ्करीमुक्क्तरे द्वारि तन्मध्ये ऽष्टदलपङ्कजं
śāṅkarīmukktare dvāri tanmadhye 'ṣṭadalapaṅkajaṃ
वासुदेवः सङ्कर्षणः प्रद्युम्नश्चानिरुद्धकः
vāsudevaḥ saṅkarṣaṇaḥ pradyumnaścāniruddhakaḥ
ध्येयास्ते पद्मपत्रेषु शङ्खचक्रगदाधराः
dhyeyāste padmapatreṣu śaṅkhacakragadādharāḥ
अञ्जनक्षीरकाश्मीरहेमाभास्ते सुवाससः
añjanakṣīrakāśmīrahemābhāste suvāsasaḥ
आग्नेयादिषु पत्रेषु गुग्गुलुश् च कुरुण्टकः
āgneyādiṣu patreṣu gugguluś ca kuruṇṭakaḥ
दमकः सलिलश्चेति हस्तिनी रजतप्रभाः
damakaḥ salilaśceti hastinī rajataprabhāḥ
हेमकुम्भधराश् चैते कर्णिकायां श्रियं स्मरेत्
hemakumbhadharāś caite karṇikāyāṃ śriyaṃ smaret
चतुर्भुजां सुवर्णाभां सपद्मोर्ध्वभुजद्वयां
caturbhujāṃ suvarṇābhāṃ sapadmordhvabhujadvayāṃ
दक्षिणाभयहस्ताभां वामहस्तवरप्रदां
dakṣiṇābhayahastābhāṃ vāmahastavarapradāṃ
श्वेतगन्धांशुकामेकरौम्यमालास्त्रधारिणीं
śvetagandhāṃśukāmekaraumyamālāstradhāriṇīṃ
ध्यात्वा सपरिवारान्तामभ्यर्च्य सकलं लभेत्
dhyātvā saparivārāntāmabhyarcya sakalaṃ labhet
द्रोणाब्जपुष्पश्रीवृक्षपर्णं मूर्ध्नि न धारयेत्
droṇābjapuṣpaśrīvṛkṣaparṇaṃ mūrdhni na dhārayet
लवणामलकं वर्ज्यं नागादित्यतिथौ क्रमात्
lavaṇāmalakaṃ varjyaṃ nāgādityatithau kramāt
पायसाशी जपेत् सूक्तं श्रियस्तेनाभिषेचयेत्
pāyasāśī japet sūktaṃ śriyastenābhiṣecayet
आवाहादिविसर्गान्तां मूर्ध्नि ध्यात्वार्चयेत् श्रियम्
āvāhādivisargāntāṃ mūrdhni dhyātvārcayet śriyam
विल्वाज्याब्जपायसेन पृथक् योगः श्रिये भवेत्
vilvājyābjapāyasena pṛthak yogaḥ śriye bhavet
विषं महिषकान्ताग्निरुद्रिज्योतिर्वकद्वयम्
viṣaṃ mahiṣakāntāgnirudrijyotirvakadvayam
ओं ह्रीं महामहिषमर्दिनि ठ ठ मूलमन्त्रं भहिषहिंसके नमः । महिषशत्रुं भ्रामय 2 हूं फट् ठ ठ महिषं हेषय 2 हूं महिषं हन2 देवि हूं महिषनिसूदनि फट् दुर्गाहृदयमित्युक्तं साङ्गं सर्वार्थसाधकम् यजेद्यथोक्तं तां देवीं पीठञ्चैवाङ्गमध्यगम् ओं ह्रीं दुर्गे रक्षणि स्वाहा चेति दुर्गायै नमः । वरवर्ण्यै नमः । आर्यायै कनकप्रभायै कृत्तिकायै अभयप्रदायै कन्यकायै सुरूपायै ॥
oṃ hrīṃ mahāmahiṣamardini ṭha ṭha mūlamantraṃ bhahiṣahiṃsake namaḥ / mahiṣaśatruṃ bhrāmaya 2 hūṃ phaṭ ṭha ṭha mahiṣaṃ heṣaya 2 hūṃ mahiṣaṃ hana2 devi hūṃ mahiṣanisūdani phaṭ durgāhṛdayamityuktaṃ sāṅgaṃ sarvārthasādhakam yajedyathoktaṃ tāṃ devīṃ pīṭhañcaivāṅgamadhyagam oṃ hrīṃ durge rakṣaṇi svāhā ceti durgāyai namaḥ / varavarṇyai namaḥ / āryāyai kanakaprabhāyai kṛttikāyai abhayapradāyai kanyakāyai surūpāyai ||
पत्रस्थाः पूजयेदेता मूर्तीराद्यैः स्वरैः क्रमात्
patrasthāḥ pūjayedetā mūrtīrādyaiḥ svaraiḥ kramāt
चक्राय शङ्खाय गदायै खड्गाय धनुषे वाणाय
cakrāya śaṅkhāya gadāyai khaḍgāya dhanuṣe vāṇāya
अष्टम्याद्यैर् इमां दुर्गां लोकेशान्तां यजेदिति
aṣṭamyādyair imāṃ durgāṃ lokeśāntāṃ yajediti
दुर्गायोगः समायुःश्रीस्वामिरक्ताजयादिकृत्
durgāyogaḥ samāyuḥśrīsvāmiraktājayādikṛt
समाध्येशानमन्त्रेण तिलहोमो वशीकरः
samādhyeśānamantreṇa tilahomo vaśīkaraḥ
जयः पद्मैस्तु दुर्वाभिः शान्तिः कामः पलाशजैः
jayaḥ padmaistu durvābhiḥ śāntiḥ kāmaḥ palāśajaiḥ
पुष्टिः स्यात् काकपक्षेण मृतिद्वेषादिकं भवेत्
puṣṭiḥ syāt kākapakṣeṇa mṛtidveṣādikaṃ bhavet
ब्रह्मक्षुद्रभयापत्तिं सर्वमेव मनुर्हरेत्
brahmakṣudrabhayāpattiṃ sarvameva manurharet
ओं दुर्गे दुर्गे रक्षणि स्वाहा
oṃ durge durge rakṣaṇi svāhā
रक्षाकरीयमुदिता जयदुर्गाङ्गसंयुता
rakṣākarīyamuditā jayadurgāṅgasaṃyutā
श्यामां त्रिलिचनां देवीं ध्यात्वात्मानं चतुर्भुजम्
śyāmāṃ trilicanāṃ devīṃ dhyātvātmānaṃ caturbhujam
शङ्खचक्राब्जशूलादित्रिशूलां रौद्ररूपिणीं
śaṅkhacakrābjaśūlāditriśūlāṃ raudrarūpiṇīṃ
युद्धादौ सञ्जयेदेतां यजेत् खड्गादिके जये
yuddhādau sañjayedetāṃ yajet khaḍgādike jaye
इत्य् आग्नेये महापुराणे त्रैलोक्यमोहनीलक्ष्म्यादिपूजा नाम सप्ताधिकत्रिशततमो ऽध्यायः :प् 133
ity āgneye mahāpurāṇe trailokyamohanīlakṣmyādipūjā nāma saptādhikatriśatatamo 'dhyāyaḥ :p 133