अथाष्टाधिकत्रिशततमो ऽध्यायः
athāṣṭādhikatriśatatamo 'dhyāyaḥ
त्वरितापूजा
tvaritāpūjā
अग्निर् उवाच
agnir uvāca
त्वरिताङ्गान्समाख्यास्ये भुक्तिमुक्तिप्रदायकान्
tvaritāṅgānsamākhyāsye bhuktimuktipradāyakān
ओं आधारशक्त्यै नमः । ओं ह्रीं पुरु 2 महासिंहाय
oṃ ādhāraśaktyai namaḥ / oṃ hrīṃ puru 2 mahāsiṃhāya
नमः ।ओं पद्माय नमः । ओं ह्रीं ह्रूं खेचछेक्षः ।
namaḥ /oṃ padmāya namaḥ / oṃ hrīṃ hrūṃ khecachekṣaḥ /
स्त्रीं ओं ह्रूं क्षैं ह्रूं फट् त्वरितायै नमः । खे च हृदयाय नमः ।चछे शिरसे नमः ।छेक्षः शिखायै नमः । क्षस्त्री कवचाय नमः । स्त्रीं ह्रूं नेत्राय नमः । ह्रूं खे अस्त्राय फट् नमः । ओं त्वरिताविद्यां विद्महे तूर्णविद्याञ्च धीमहि तन्नो देवी प्रचोदयात् । श्रीप्रणितायै
strīṃ oṃ hrūṃ kṣaiṃ hrūṃ phaṭ tvaritāyai namaḥ / khe ca hṛdayāya namaḥ /cache śirase namaḥ /chekṣaḥ śikhāyai namaḥ / kṣastrī kavacāya namaḥ / strīṃ hrūṃ netrāya namaḥ / hrūṃ khe astrāya phaṭ namaḥ / oṃ tvaritāvidyāṃ vidmahe tūrṇavidyāñca dhīmahi tanno devī pracodayāt / śrīpraṇitāyai
नमः । ह्रूं कारायै नमः । ओं खेच हृदयाय नमः ।
namaḥ / hrūṃ kārāyai namaḥ / oṃ kheca hṛdayāya namaḥ /
खेचर्यै नमः । ओं चण्डायै नमः । छेदन्यै नमः क्षेपण्यै नमः ।स्त्रियै ह्रूं कार्यै नमः । क्षेमङ्कर्यै जयायै किङ्कराय रक्ष । ओं त्वरिताज्ञया स्थिरो भव वषट्
khecaryai namaḥ / oṃ caṇḍāyai namaḥ / chedanyai namaḥ kṣepaṇyai namaḥ /striyai hrūṃ kāryai namaḥ / kṣemaṅkaryai jayāyai kiṅkarāya rakṣa / oṃ tvaritājñayā sthiro bhava vaṣaṭ
तोतला त्वरिता तूर्णेत्येत्येवं विद्येयमीरिता
totalā tvaritā tūrṇetyetyevaṃ vidyeyamīritā
शिरोभ्रुमस्तके कण्ठे हृदि नाभौ च गुह्यके
śirobhrumastake kaṇṭhe hṛdi nābhau ca guhyake
उर्वोश् च जानुजङ्घोरुद्वये चरणयोः क्रमात्
urvoś ca jānujaṅghorudvaye caraṇayoḥ kramāt
न्यस्ताङ्गो न्यस्तमन्त्रस्तु समस्तं व्यापकं न्यसेत्
nyastāṅgo nyastamantrastu samastaṃ vyāpakaṃ nyaset
पार्वती शवरी चेशा वरदाभयहस्तिका
pārvatī śavarī ceśā varadābhayahastikā
मयूरबलया पिच्छमौलिः किसलयांशुका
mayūrabalayā picchamauliḥ kisalayāṃśukā
सिंहासनस्था मायूरवर्हच्छत्रसमन्विता
siṃhāsanasthā māyūravarhacchatrasamanvitā
त्रिनेत्रा श्यामला देवी वनमालाविभूषणा
trinetrā śyāmalā devī vanamālāvibhūṣaṇā
विप्राहिकण्राभरणा चत्रकेयूरभूषणा
viprāhikaṇrābharaṇā catrakeyūrabhūṣaṇā
वैश्यनागकटीबन्धा वृषलाहिकृतनूपुरा
vaiśyanāgakaṭībandhā vṛṣalāhikṛtanūpurā
एवं रूपात्मिका भूत्वा तन्मन्त्रं नियुतं जपेत्
evaṃ rūpātmikā bhūtvā tanmantraṃ niyutaṃ japet
ईशः किरातरूपो ऽभूत् पुरा गौरी च तादृशी
īśaḥ kirātarūpo 'bhūt purā gaurī ca tādṛśī
जपेद्ध्यायेत् पूजयेत्तां सर्वसिद्ध्यैविषादिहृत्
japeddhyāyet pūjayettāṃ sarvasiddhyaiviṣādihṛt
अष्टसिंहासने पूज्या दले पूर्वादिके क्रमात्
aṣṭasiṃhāsane pūjyā dale pūrvādike kramāt
अङ्गगायत्री प्रणीता हूङ्काराद्या दलाग्रके
aṅgagāyatrī praṇītā hūṅkārādyā dalāgrake
फट्कारी चाग्रतो देव्याः श्रीवीजेनार्चयेदिमाः
phaṭkārī cāgrato devyāḥ śrīvījenārcayedimāḥ
लोकेशायुधवर्णास्ताः फट्कारी तु धनुर्धरा
lokeśāyudhavarṇāstāḥ phaṭkārī tu dhanurdharā
जया च विजया द्वास्थे पूज्ये सौवर्णयष्टिके
jayā ca vijayā dvāsthe pūjye sauvarṇayaṣṭike
किङ्करा वर्वरी मुण्डी लगुडी च तयोर्वहिः
kiṅkarā varvarī muṇḍī laguḍī ca tayorvahiḥ
इष्ट्वैवं सिद्धयेद्द्रव्यैः कुण्डे योन्याकृतौ हुनेत्
iṣṭvaivaṃ siddhayeddravyaiḥ kuṇḍe yonyākṛtau hunet
हेमलाभो ऽर्जुनैर् धान्यैर् गोधूमैः पुष्टिसम्पदः
hemalābho 'rjunair dhānyair godhūmaiḥ puṣṭisampadaḥ
यवैर् धान्यैस्तिलैः सर्वसिद्धिरीतिविनाशनम्
yavair dhānyaistilaiḥ sarvasiddhirītivināśanam
अक्षैर् उन्मत्तता शत्रोः शाल्मलीभिश् च मारणम्
akṣair unmattatā śatroḥ śālmalībhiś ca māraṇam
जम्बुभिर्धनधान्याप्तिस्तुष्टिर्नीलोत्पलैर् अपि
jambubhirdhanadhānyāptistuṣṭirnīlotpalair api
रक्तात्पलैर् महापुष्टिः कुन्दपुष्पैर् महोदयः
raktātpalair mahāpuṣṭiḥ kundapuṣpair mahodayaḥ
मल्लिकाभिः पुरक्षोभः कुमुदैर् जनवर् लभः
mallikābhiḥ purakṣobhaḥ kumudair janavar labhaḥ
अशोकैः पुत्रलाभः स्यात् पाटलाभिः शुभाङ्गना
aśokaiḥ putralābhaḥ syāt pāṭalābhiḥ śubhāṅganā
आम्रैर् आयुस्तिलैर् लक्ष्मीर्बिल्वैः श्रीश् चम्पकैर् धनम्
āmrair āyustilair lakṣmīrbilvaiḥ śrīś campakair dhanam
इष्टं मधुकपुष्पैश् च बिल्वैः सर्वज्णतां लभेत्
iṣṭaṃ madhukapuṣpaiś ca bilvaiḥ sarvajṇatāṃ labhet
त्रिलक्षजप्यात्सर्वाप्तिर्होमाद्ध्यानात्तथेज्यया
trilakṣajapyātsarvāptirhomāddhyānāttathejyayā
मण्डले ऽभ्यर्च्य गायत्र्या आहुतीः पञ्चविंशतिम्
maṇḍale 'bhyarcya gāyatryā āhutīḥ pañcaviṃśatim
दद्याच्छतत्रयं मूलात् पल्लवैर् दीक्षितो भवेत्
dadyācchatatrayaṃ mūlāt pallavair dīkṣito bhavet
पञ्चगव्यं पुरा पीत्वा चरुकं प्राशयेत्सदा
pañcagavyaṃ purā pītvā carukaṃ prāśayetsadā
इत्य् आग्नेये महापुराणे त्वरितापूजा नामाष्टाधिकत्रिशततमो ऽध्यायः % छप्तेर् {309}
ity āgneye mahāpurāṇe tvaritāpūjā nāmāṣṭādhikatriśatatamo 'dhyāyaḥ % chapter {309}
अथ नवाधिकत्रिशततमो ऽध्यायः
atha navādhikatriśatatamo 'dhyāyaḥ
त्वरितामन्त्रादिः
tvaritāmantrādiḥ
अग्निर् उवाच
agnir uvāca