Chapter 309

अपरां त्वरिताविद्यां वक्ष्ये ऽहं भुक्तिमुक्तिदां

aparāṃ tvaritāvidyāṃ vakṣye 'haṃ bhuktimuktidāṃ

पुरे वज्राकुले देवीं रजोभिर्लिखिते यजेत्

pure vajrākule devīṃ rajobhirlikhite yajet

पद्मगर्भे दिग्विदिक्षु चाष्टौ वज्राणि वीथिकां

padmagarbhe digvidikṣu cāṣṭau vajrāṇi vīthikāṃ

द्वारशोभोपशोभाञ्च लिखेच्छ्रीघ्रं स्मरेन्नरः

dvāraśobhopaśobhāñca likhecchrīghraṃ smarennaraḥ

अष्टादशभुजां सिंहे वामजङ्घा प्रतिष्ठिता

aṣṭādaśabhujāṃ siṃhe vāmajaṅghā pratiṣṭhitā

दक्षिणा द्विगुणा तस्याः पादपीठे समर्पिता

dakṣiṇā dviguṇā tasyāḥ pādapīṭhe samarpitā

नागभूषां वज्रकुण्डे खड्गं चक्रं गदां करमात्

nāgabhūṣāṃ vajrakuṇḍe khaḍgaṃ cakraṃ gadāṃ karamāt

शूलं शरं तथा शक्तिं वरदं दक्षिणैः करैः

śūlaṃ śaraṃ tathā śaktiṃ varadaṃ dakṣiṇaiḥ karaiḥ

धनुः पाशं शरं घण्टां तर्जनींशङ्खमङ्कुशम्

dhanuḥ pāśaṃ śaraṃ ghaṇṭāṃ tarjanīṃśaṅkhamaṅkuśam

अभयञ्च तथा वर्जं वामपार्श्वे धृतायुधम्

abhayañca tathā varjaṃ vāmapārśve dhṛtāyudham

पूजनाच्छत्रुनाशः स्याद्राष्ट्रं जयति लीलया

pūjanācchatrunāśaḥ syādrāṣṭraṃ jayati līlayā

दीर्घायूराष्ट्रभूतिः स्याद्दिव्यादिसिद्धिभाक्

dīrghāyūrāṣṭrabhūtiḥ syāddivyādisiddhibhāk

तलेतिसप्तपातालाः कालाग्निभुवनान्तकाः

taletisaptapātālāḥ kālāgnibhuvanāntakāḥ

ओं कारादिस्वरारभ्य यावद्ब्रह्माण्डवाचकम्

oṃ kārādisvarārabhya yāvadbrahmāṇḍavācakam

ओं काराद्भ्रामयेत्तोयन्तोतला त्वरिता ततः

oṃ kārādbhrāmayettoyantotalā tvaritā tataḥ

प्रस्तावं सम्प्रवक्ष्यामि स्वरवर्गं लिखेद्भुवि

prastāvaṃ sampravakṣyāmi svaravargaṃ likhedbhuvi

तालुर्वर्गः कवर्गः स्यात्तृतीयो जिह्वतालुकः

tālurvargaḥ kavargaḥ syāttṛtīyo jihvatālukaḥ

चतुर्थस्तालुजिह्वाग्रो जिह्वादन्तस्तु पञ्चमः

caturthastālujihvāgro jihvādantastu pañcamaḥ

षष्ठो ऽष्टपुटसम्पन्नो मिश्रवर्गस्तु सप्तमः

ṣaṣṭho 'ṣṭapuṭasampanno miśravargastu saptamaḥ

ऊष्माणः स्याच्छ्वर्गस्तु उद्धरेच्च मनुं ततः

ūṣmāṇaḥ syācchvargastu uddharecca manuṃ tataḥ

षष्ठस्वरसमारूढं ऊष्मणान्तं सविन्दुकम्

ṣaṣṭhasvarasamārūḍhaṃ ūṣmaṇāntaṃ savindukam

तालुवर्गद्वितीयन्तु स्वरैकादशयोजितम्

tāluvargadvitīyantu svaraikādaśayojitam

जिह्वातालुसमायोगः प्रथमं केवलं भवेत्

jihvātālusamāyogaḥ prathamaṃ kevalaṃ bhavet

तदेव च द्वितीयन्तु अधस्ताद्विनियोजयेत्

tadeva ca dvitīyantu adhastādviniyojayet

एकादशस्वरैर् युक्तं प्रथमं तालुवर्गतः

ekādaśasvarair yuktaṃ prathamaṃ tāluvargataḥ

ऊष्माणस्य द्वितीयन्तु अधस्ताद् दृश्य योजयेत्

ūṣmāṇasya dvitīyantu adhastād dṛśya yojayet

षोडशस्वरसंयुक्तमूष्माणस्य द्वितीयकम्

ṣoḍaśasvarasaṃyuktamūṣmāṇasya dvitīyakam

जिह्वादन्तसमायोगे प्रथमं योजयेदधः

jihvādantasamāyoge prathamaṃ yojayedadhaḥ

मिश्रवर्गाद् द्वितीयन्तु अधस्तात् पुनरेव तु

miśravargād dvitīyantu adhastāt punareva tu

चतुर्थस्वरसम्भिन्नं तालुवर्गादिसंयुतम्

caturthasvarasambhinnaṃ tāluvargādisaṃyutam

ऊष्मणश् च द्वितीयन्तु अधस्ताद्विनियोजयेत्

ūṣmaṇaś ca dvitīyantu adhastādviniyojayet

स्वरैकादशभिन्नन्तु ऊष्मणान्तं सविन्दुकम्

svaraikādaśabhinnantu ūṣmaṇāntaṃ savindukam

पञ्चस्वरसमारूढं ओष्ठसम्पुटयोगतः

pañcasvarasamārūḍhaṃ oṣṭhasampuṭayogataḥ

द्वितीयमक्षरञ्चान्यज्जिह्वाग्रे तालुयोगतः

dvitīyamakṣarañcānyajjihvāgre tāluyogataḥ

प्रथमं पञ्चमे योज्यं स्वरार्धेनोद्धृता इमे

prathamaṃ pañcame yojyaṃ svarārdhenoddhṛtā ime

ओंकाराद्या नमोन्ताश् च जपेत् स्वाहाग्निकार्यके

oṃkārādyā namontāś ca japet svāhāgnikāryake

ओं ह्रीं ह्रूं ह्रः हृदयं हां हृश्चेति शिरः ।

oṃ hrīṃ hrūṃ hraḥ hṛdayaṃ hāṃ hṛśceti śiraḥ /

त्वरिताङ्गानि वक्ष्यामि विद्याङ्गानि शृणुष्व मे

tvaritāṅgāni vakṣyāmi vidyāṅgāni śṛṇuṣva me

आदिद्विहृदयं प्रोक्तं त्रिचतुःशिर इष्यते

ādidvihṛdayaṃ proktaṃ tricatuḥśira iṣyate

पञ्चषष्ठः शिखा प्रोक्ता कवचं सप्तमाष्टमम्

pañcaṣaṣṭhaḥ śikhā proktā kavacaṃ saptamāṣṭamam

तारकन्तु भवेन्नेत्रं नवार्धाक्षरलक्षणं

tārakantu bhavennetraṃ navārdhākṣaralakṣaṇaṃ

तोतलेति समाख्याता वज्रतुण्डे ततो भवेत्

totaleti samākhyātā vajratuṇḍe tato bhavet

ख ख हूं दशवीजा स्याद्वज्रतुण्डेन्द्रद्रूतिका

kha kha hūṃ daśavījā syādvajratuṇḍendradrūtikā

खेचरि ज्वालिनीज्वाले खखेति ज्वालिनीदश

khecari jvālinījvāle khakheti jvālinīdaśa

वर्चे शरविभीषणि खखेति च शवर्यपि

varce śaravibhīṣaṇi khakheti ca śavaryapi

छे छेदनि करालिनि खखेति च कराल्यपि

che chedani karālini khakheti ca karālyapi

वक्षःश्रवद्रवप्लवनी ख ख दूतीप्लवं ख्यपि

vakṣaḥśravadravaplavanī kha kha dūtīplavaṃ khyapi

स्त्रीबालकारे धुननि शास्त्री वसनवेगिका

strībālakāre dhunani śāstrī vasanavegikā

क्षे पक्षे कपिले हस हस कपिला नाम दूतिका

kṣe pakṣe kapile hasa hasa kapilā nāma dūtikā

ह्रूं तेजोवति रौद्री च मातङ्गरौद्रिदूतिका

hrūṃ tejovati raudrī ca mātaṅgaraudridūtikā

पुटे पुटे ख ख खड्गे फट् ब्रह्मकदूतिका

puṭe puṭe kha kha khaḍge phaṭ brahmakadūtikā

वैतालिनि दशार्णाः स्युस्त्यजान्यहिपलालवत्

vaitālini daśārṇāḥ syustyajānyahipalālavat

हृदादिकन्यासादौ स्यान् मध्ये नेत्रे न्यसेत्सुधीः

hṛdādikanyāsādau syān madhye netre nyasetsudhīḥ

पादादरभ्य मूर्दान्तं शिर आरभ्य पादयोः

pādādarabhya mūrdāntaṃ śira ārabhya pādayoḥ

अङ्घ्रिजानूरुगुह्ये च नाभिहृत्कण्ठदेशतः

aṅghrijānūruguhye ca nābhihṛtkaṇṭhadeśataḥ

वज्रमण्डलबूर्धे च अघोर्धे चादिवीजतः

vajramaṇḍalabūrdhe ca aghordhe cādivījataḥ

सोमरूपं ततो गावं धारामृतसुवर्षिणम्

somarūpaṃ tato gāvaṃ dhārāmṛtasuvarṣiṇam

विशन्तं ब्रह्मरन्ध्रेण साधकस्तु विचिन्तयेत्

viśantaṃ brahmarandhreṇa sādhakastu vicintayet

मूर्धास्यकण्ठहृन्नाभौ गुह्योरुजानुपादयोः

mūrdhāsyakaṇṭhahṛnnābhau guhyorujānupādayoḥ

आदिवीजं न्यसेन्मन्त्री तर्जन्यादि पुनः पुनः

ādivījaṃ nyasenmantrī tarjanyādi punaḥ punaḥ

ऊर्धं सोममधः पद्मं शरीरं वीजविग्रहं

ūrdhaṃ somamadhaḥ padmaṃ śarīraṃ vījavigrahaṃ

यो जानाति न मृत्युः स्यात्तस्य न व्याधयो ज्वरा

yo jānāti na mṛtyuḥ syāttasya na vyādhayo jvarā

यजेज्जपेत्तां विन्यस्य ध्यायेद्देवीं शताष्टकम्

yajejjapettāṃ vinyasya dhyāyeddevīṃ śatāṣṭakam

मुद्रा वक्ष्ये प्रणीताद्याः प्रणीताः पञ्चधास्मृताः

mudrā vakṣye praṇītādyāḥ praṇītāḥ pañcadhāsmṛtāḥ

ग्रथितौ तु करौ कृत्वा मध्ये ऽङ्गुष्ठौ निपातयेत्

grathitau tu karau kṛtvā madhye 'ṅguṣṭhau nipātayet

तर्जनीं मूर्ध्निसंलग्नां विन्यसेत्तां शिरोपरि

tarjanīṃ mūrdhnisaṃlagnāṃ vinyasettāṃ śiropari

प्रणीतेयं समाख्याता हृद्देशे तां समानयेत्

praṇīteyaṃ samākhyātā hṛddeśe tāṃ samānayet

ऊर्धन्तु कन्यसामध्ये सवीजान्तां विदुर्द्विजाः

ūrdhantu kanyasāmadhye savījāntāṃ vidurdvijāḥ

नियोज्य तर्जनीमध्ये ऽनेकलग्नां परस्पराम्

niyojya tarjanīmadhye 'nekalagnāṃ parasparām

ज्येष्टाग्रं निक्षिपेन्मध्ये भेदनी सा प्रकीर्तिता

jyeṣṭāgraṃ nikṣipenmadhye bhedanī sā prakīrtitā

नाभिदेशे तु तां बद्ध्वा अङ्गुष्ठावुत्क्षिपेत्ततः

nābhideśe tu tāṃ baddhvā aṅguṣṭhāvutkṣipettataḥ

कराली तु महामुद्रा हृदये योज्य मन्त्रिणः

karālī tu mahāmudrā hṛdaye yojya mantriṇaḥ

पुनस्तु पूर्ववद् बद्धलग्नां ज्येष्ठां समुत्क्षिपेत्

punastu pūrvavad baddhalagnāṃ jyeṣṭhāṃ samutkṣipet

वज्रतुण्डा समाख्याता वज्रदेशे तु बन्धयेत्

vajratuṇḍā samākhyātā vajradeśe tu bandhayet

उभाभ्याञ्चैव हस्ताभ्यां मणिबन्धन्तु बन्धयेत्

ubhābhyāñcaiva hastābhyāṃ maṇibandhantu bandhayet

त्रीणि त्रीणि प्रसार्येति वज्रमुद्रा प्रकीर्तिता

trīṇi trīṇi prasāryeti vajramudrā prakīrtitā

दण्डः खड्गञ्चक्रगदा मुद्रा चाकारतः स्मृता

daṇḍaḥ khaḍgañcakragadā mudrā cākārataḥ smṛtā

अङ्गुष्ठेनाक्रमेत् त्रीणि त्रिशूलञ्चोर्ध्वतो भवेत्

aṅguṣṭhenākramet trīṇi triśūlañcordhvato bhavet

एका तु मध्यमोर्ध्वा तु शक्तिरेव विधीयते

ekā tu madhyamordhvā tu śaktireva vidhīyate

शरञ्च वरदञ्चापं पाशं भारञ्च घण्टया

śarañca varadañcāpaṃ pāśaṃ bhārañca ghaṇṭayā

शङ्खमङ्कुशमभयं पद्ममष्ट च विंशतिः

śaṅkhamaṅkuśamabhayaṃ padmamaṣṭa ca viṃśatiḥ

मोहणी मोक्षणी चैव ज्वालिनी चामृताभया

mohaṇī mokṣaṇī caiva jvālinī cāmṛtābhayā

प्रणीताः पञ्चमुद्रास्तु पूजाहोमे च योजयेत्

praṇītāḥ pañcamudrāstu pūjāhome ca yojayet