अथ त्रयोदशाधिकत्रिशततमो ऽध्यायः
atha trayodaśādhikatriśatatamo 'dhyāyaḥ
त्वरिताज्ञानम्
tvaritājñānam
अग्निर् उवाच
agnir uvāca
ओम् ह्रीं हूं खे छे क्षः स्त्रीं ह्रूं क्षे ह्रीं फट् त्वरितायैनमः
om hrīṃ hūṃ khe che kṣaḥ strīṃ hrūṃ kṣe hrīṃ phaṭ tvaritāyainamaḥ
त्वरितां पूजयेन्न्यस्य द्विभुजाञ्चाष्टवाहुकां
tvaritāṃ pūjayennyasya dvibhujāñcāṣṭavāhukāṃ
आधारशक्तिं पद्मञ्च सिंहे देवीं हृदादिकम्
ādhāraśaktiṃ padmañca siṃhe devīṃ hṛdādikam
पूर्वादौ गायत्रीं यजेन्मण्डले वै प्रणीतया
pūrvādau gāyatrīṃ yajenmaṇḍale vai praṇītayā
हुंकारां खेचरीं चण्डां छेदनीं क्षेपणींस्त्रियाः
huṃkārāṃ khecarīṃ caṇḍāṃ chedanīṃ kṣepaṇīṃstriyāḥ
हुंकारां क्षेमकारीञ्च फट्कारीं मध्यतो यजेत्
huṃkārāṃ kṣemakārīñca phaṭkārīṃ madhyato yajet
जयाञ्च विजयां द्वारि किङ्करञ्च तदग्रतः
jayāñca vijayāṃ dvāri kiṅkarañca tadagrataḥ
लिलैहीमैश् च सर्वाप्त्यै नामव्याहृतिभिस् तथा
lilaihīmaiś ca sarvāptyai nāmavyāhṛtibhis tathā
अनन्ताय नमः स्वाहा कुलिकाय नमः स्वधा
anantāya namaḥ svāhā kulikāya namaḥ svadhā
स्वाहा वासुकिराजाय शङ्खपालाय वौषट्
svāhā vāsukirājāya śaṅkhapālāya vauṣaṭ
तक्षकाय वषन्नित्यं महापद्माय वै नमः
takṣakāya vaṣannityaṃ mahāpadmāya vai namaḥ
स्वाहा कर्कोटनागाय फट् पद्माय च वै नमः
svāhā karkoṭanāgāya phaṭ padmāya ca vai namaḥ
लिखेन्निग्रहचक्रन्तु एकाशीतिपदैर् नरः
likhennigrahacakrantu ekāśītipadair naraḥ
वस्ते पटे तरौ भूर्जे शिलायां यष्टिकासु च
vaste paṭe tarau bhūrje śilāyāṃ yaṣṭikāsu ca
मध्ये कोष्ठे साध्यनाम पूर्वादौ पट्टिकासु च
madhye koṣṭhe sādhyanāma pūrvādau paṭṭikāsu ca
ओं ह्रीं क्षूं छन्द छन्द चतुरः कण्ठकान् कालरात्रिकां
oṃ hrīṃ kṣūṃ chanda chanda caturaḥ kaṇṭhakān kālarātrikāṃ
ऐशादावम्बुपादौ च यमराज्यञ्च वाह्यतः
aiśādāvambupādau ca yamarājyañca vāhyataḥ
कालीनारवमाली कालीनामाक्षमालिनी
kālīnāravamālī kālīnāmākṣamālinī
मामोदेतत्तदोमोमा रक्षत स्वस्व भक्षवा
māmodetattadomomā rakṣata svasva bhakṣavā
यमपाटटयामय मटमो टट मोटमा
yamapāṭaṭayāmaya maṭamo ṭaṭa moṭamā
वामो भूरिविभूमेया टट रीश्व श्वरी टट
vāmo bhūrivibhūmeyā ṭaṭa rīśva śvarī ṭaṭa
यमराजाद्वाह्यतो वं तं तोयं मारणात्मकं
yamarājādvāhyato vaṃ taṃ toyaṃ māraṇātmakaṃ
कज्जलं निम्बनिर्यासमज्जासृग्विषसंयुतम्
kajjalaṃ nimbaniryāsamajjāsṛgviṣasaṃyutam
काकपक्षस्य लेखन्या श्मशाने वा चतुष्पथे
kākapakṣasya lekhanyā śmaśāne vā catuṣpathe
निधापयेत् कुम्भाधस्ताद्वल्मीके वाथ निक्षिपेत्
nidhāpayet kumbhādhastādvalmīke vātha nikṣipet
विभीतद्रुमशास्वाधो यन्त्रं सर्वारिमर्दनम्
vibhītadrumaśāsvādho yantraṃ sarvārimardanam
लिखेच्चानुग्रहञ्चक्रं शुक्लपत्रे ऽथ भूर्जके
likheccānugrahañcakraṃ śuklapatre 'tha bhūrjake
लाक्षया कुङ्कुमेनाथ स्फटिकाचन्दनेन वा
lākṣayā kuṅkumenātha sphaṭikācandanena vā
भुवि भित्तौ पूर्वदले नाम मध्यमकोष्ठके
bhuvi bhittau pūrvadale nāma madhyamakoṣṭhake
खण्डे तु वारिमध्यस्थं ओं हंसो वापि पट्टिशम्
khaṇḍe tu vārimadhyasthaṃ oṃ haṃso vāpi paṭṭiśam
लक्ष्मीश्लोकं शिवादौ च राक्षसादिक्रमाल्लिखेत्
lakṣmīślokaṃ śivādau ca rākṣasādikramāllikhet
श्रीःसाममोमा सा श्रीः सानौ याज्ञे ज्ञेया नौसा
śrīḥsāmamomā sā śrīḥ sānau yājñe jñeyā nausā
माया लीला लाली यामा याज्ञे ज्ञेया नौसा माया
māyā līlā lālī yāmā yājñe jñeyā nausā māyā
यत्र ज्ञेया वहिः शीघ्रा दिक्षुरं कलसं वहिः
yatra jñeyā vahiḥ śīghrā dikṣuraṃ kalasaṃ vahiḥ
पद्मस्थं पद्मचक्रञ्च भृत्युजित् स्वर्गगन्धृतिं
padmasthaṃ padmacakrañca bhṛtyujit svargagandhṛtiṃ
शान्तीनां परमा सान्तिः सौभाग्यादिप्रदायकम्
śāntīnāṃ paramā sāntiḥ saubhāgyādipradāyakam
रुद्रे रुद्रसमाः कार्याः कोष्ठकास्तत्र ता लिखेत्
rudre rudrasamāḥ kāryāḥ koṣṭhakāstatra tā likhet
ओमाद्याह्रूंफडन्ता च आदिवर्णमथानुतः
omādyāhrūṃphaḍantā ca ādivarṇamathānutaḥ
विद्यावर्णक्रमेनेव संज्ञाञ्च वषडन्तिकां
vidyāvarṇakrameneva saṃjñāñca vaṣaḍantikāṃ
अधस्थात् प्रत्यङ्गिरैषा सर्वकामार्थसाधिका
adhasthāt pratyaṅgiraiṣā sarvakāmārthasādhikā
एकाशीतिपदे सर्वामादिवर्णक्रमेण तु
ekāśītipade sarvāmādivarṇakrameṇa tu
आदिमं यावदन्तं स्याद्वषडन्तञ्च नाम वै
ādimaṃ yāvadantaṃ syādvaṣaḍantañca nāma vai
एषा प्रत्यङ्गिरा चान्या सर्वकार्यादिसाधनी
eṣā pratyaṅgirā cānyā sarvakāryādisādhanī
निग्रहानुग्रहञ्चक्रञ्चतुःषष्टिपदैर् लिखेत्
nigrahānugrahañcakrañcatuḥṣaṣṭipadair likhet
अमृती सा च विद्या च क्रीं सः हूं नामाथ मध्यतः
amṛtī sā ca vidyā ca krīṃ saḥ hūṃ nāmātha madhyataḥ
फट्काराद्यां पत्रगतां त्रिह्रींकारेण वेष्टयेत्
phaṭkārādyāṃ patragatāṃ trihrīṃkāreṇa veṣṭayet
कुम्भववद्धारिता सर्वशत्रुहृत् सर्वदायिका
kumbhavavaddhāritā sarvaśatruhṛt sarvadāyikā
विषन्नश्येत् कर्णजपादक्षराद्यैश् च दण्डकैः
viṣannaśyet karṇajapādakṣarādyaiś ca daṇḍakaiḥ
इत्य् आग्नेये महापुराणे त्वरिताज्ञानं नाम त्रयोदशाधिकत्रिशततमो ऽध्यायः
ity āgneye mahāpurāṇe tvaritājñānaṃ nāma trayodaśādhikatriśatatamo 'dhyāyaḥ