Chapter 324

रुद्राक्षकटकं धार्यं विषमं सुसमं दृडम्

rudrākṣakaṭakaṃ dhāryaṃ viṣamaṃ susamaṃ dṛḍam

एकत्रिपञ्चवदनं यथालाभन्तु धारयेत्

ekatripañcavadanaṃ yathālābhantu dhārayet

द्विचतुःषण्मुखं शस्तमव्रणं तीव्रकण्ठकं

dvicatuḥṣaṇmukhaṃ śastamavraṇaṃ tīvrakaṇṭhakaṃ

दक्षवाहौ शिखादौ च धारयेच्चतुराननं

dakṣavāhau śikhādau ca dhārayeccaturānanaṃ

अब्रह्मचारी ब्रह्मचारी अस्नातः स्नातको भवेत्

abrahmacārī brahmacārī asnātaḥ snātako bhavet

हैमी वा मुद्रिका धार्या शिवमन्त्रेण चार्च्य तु

haimī vā mudrikā dhāryā śivamantreṇa cārcya tu

शिवः शिखा तथा ज्योतिः सवित्रश्चेतिगोचराः

śivaḥ śikhā tathā jyotiḥ savitraścetigocarāḥ

गोचरन्तु कुलं ज्ञेयं तेन लक्ष्यस्तु दीक्षितः

gocarantu kulaṃ jñeyaṃ tena lakṣyastu dīkṣitaḥ

प्राजापत्यो महीपालः कपोतो ग्रन्थिकः शिवे

prājāpatyo mahīpālaḥ kapoto granthikaḥ śive

कुटिलाश् चैव वेतालाः पद्महंसाः शिखाकुले

kuṭilāś caiva vetālāḥ padmahaṃsāḥ śikhākule

धृतराष्ट्रा वकाः काका गोपाला ज्योतिसंज्ञके

dhṛtarāṣṭrā vakāḥ kākā gopālā jyotisaṃjñake

कुटिका साठराश् चैव गुटिका दण्डिनो ऽपरे

kuṭikā sāṭharāś caiva guṭikā daṇḍino 'pare

सावित्री गोचरे चैवमेकैकस्तु चतुर्विधः

sāvitrī gocare caivamekaikastu caturvidhaḥ

सिद्धाद्यंशकमाख्यास्ये येन मन्त्रःसुसिद्धिदः

siddhādyaṃśakamākhyāsye yena mantraḥsusiddhidaḥ

भूमौ तु मातृका लेख्याः कूटषण्डाववर्जिताः

bhūmau tu mātṛkā lekhyāḥ kūṭaṣaṇḍāvavarjitāḥ

मन्त्राक्षराणि विश्लिष्य अनुस्वारं नयेत् पृथक्

mantrākṣarāṇi viśliṣya anusvāraṃ nayet pṛthak

साधकस्य तु या संज्ञा तस्या विश्लेषणं चरेत्

sādhakasya tu yā saṃjñā tasyā viśleṣaṇaṃ caret

मन्त्रस्यादौ तथा चान्ते साधकार्णानि योजयेत्

mantrasyādau tathā cānte sādhakārṇāni yojayet

सिद्धः साध्यः सुशिद्धो ऽरिः संज्ञातो गणयेत् क्रमात्

siddhaḥ sādhyaḥ suśiddho 'riḥ saṃjñāto gaṇayet kramāt

मन्त्रस्यादौ तथा चान्ते सिद्धिदः स्याच्छतांशतः

mantrasyādau tathā cānte siddhidaḥ syācchatāṃśataḥ

सिद्धादिश्चान्तसिद्धश् च तत्क्षणादेव सिध्यति

siddhādiścāntasiddhaś ca tatkṣaṇādeva sidhyati

सुसिद्धादिः सुसिद्धन्तःसिद्धवत् परिकल्पयेत्

susiddhādiḥ susiddhantaḥsiddhavat parikalpayet

अरिमादौ तथान्ते च दूरतः परिवर्जयेत्

arimādau tathānte ca dūrataḥ parivarjayet

सिद्धः सुसिद्धश् चैकार्थे अरिः साध्यस्तथैव च

siddhaḥ susiddhaś caikārthe ariḥ sādhyastathaiva ca

आदौ सिद्धः स्थितो मन्त्रे तदन्ते तद्वदेव हि

ādau siddhaḥ sthito mantre tadante tadvadeva hi

मध्ये रिपुसहस्राणि न दोषाय भवन्ति हि

madhye ripusahasrāṇi na doṣāya bhavanti hi

मायाप्रसादप्रणवेनांशकः ख्यातमन्त्रके

māyāprasādapraṇavenāṃśakaḥ khyātamantrake

ब्रह्मांशको ब्रह्मविद्या विष्ण्वङ्गो वैष्णवःस्मृतः

brahmāṃśako brahmavidyā viṣṇvaṅgo vaiṣṇavaḥsmṛtaḥ

रुद्रांशको भवेद्वीर इन्द्रांशश्चेश्वरप्रियः

rudrāṃśako bhavedvīra indrāṃśaśceśvarapriyaḥ

नागांशो नागस्तब्धाक्षो यक्षांशो भूषणप्रियः

nāgāṃśo nāgastabdhākṣo yakṣāṃśo bhūṣaṇapriyaḥ

गन्धर्वांशो ऽतिगीतादि भीमांशो राक्षसांशकः

gandharvāṃśo 'tigītādi bhīmāṃśo rākṣasāṃśakaḥ

दैर्यांशः स्याद् युद्धकार्यो मानी विद्याधरांशकः

dairyāṃśaḥ syād yuddhakāryo mānī vidyādharāṃśakaḥ

पिशाचांशो मलाक्रान्तो मन्त्रं दद्यान्निरीक्ष्य च

piśācāṃśo malākrānto mantraṃ dadyānnirīkṣya ca

मन्त्र एकात् फडन्तः स्यात् विद्यापञ्चाशतावधि

mantra ekāt phaḍantaḥ syāt vidyāpañcāśatāvadhi

बाला विंशाक्षरान्ता च रुद्रा द्वाविंशगायुधा

bālā viṃśākṣarāntā ca rudrā dvāviṃśagāyudhā

तत ऊर्ध्वन्तु ये मन्त्रा दृद्धा यावच्छतत्रयं

tata ūrdhvantu ye mantrā dṛddhā yāvacchatatrayaṃ

अकारादिहकारन्ताः क्रमात् पक्षौ सितासितौ

akārādihakārantāḥ kramāt pakṣau sitāsitau

अनुस्वारविसर्गेण विना चैव स्वरा दश

anusvāravisargeṇa vinā caiva svarā daśa

ह्रस्वाः शुक्ला दीर्घाः श्यामांस्तिथयःप्रतिपम्मुखाः

hrasvāḥ śuklā dīrghāḥ śyāmāṃstithayaḥpratipammukhāḥ

उदिते शान्तिकादीनि भ्रमिते वश्यकादिकम्

udite śāntikādīni bhramite vaśyakādikam

भ्रामिते सन्धयो द्वेषोच्चाटने स्तम्भने ऽस्तकम्

bhrāmite sandhayo dveṣoccāṭane stambhane 'stakam

इहावाहे शान्तिकाद्यं पिङ्गले कर्षणादिकम्

ihāvāhe śāntikādyaṃ piṅgale karṣaṇādikam

मारणोच्चाटनादीनि विषुवे पञ्चधा पृथक्

māraṇoccāṭanādīni viṣuve pañcadhā pṛthak

अधरस्य गृहे पृथ्वी ऊर्ध्वे तेजो ऽन्तरा द्रवः

adharasya gṛhe pṛthvī ūrdhve tejo 'ntarā dravaḥ

रन्ध्रपार्श्वे वहिर्वायुः सर्वं व्याप्य महेश्वरः

randhrapārśve vahirvāyuḥ sarvaṃ vyāpya maheśvaraḥ

स्तम्भनं पार्थिवे शान्तिर्जले वश्यादि तेजसे

stambhanaṃ pārthive śāntirjale vaśyādi tejase

वायौ स्याद् भ्रमणं शून्ये पुण्यं कालं समभ्यसेत्

vāyau syād bhramaṇaṃ śūnye puṇyaṃ kālaṃ samabhyaset