Chapter 333

यतिर्विच्छेद इत्य् उक्तस्तत्तन्मध्यान्तयौ गणौ

yatirviccheda ity uktastattanmadhyāntayau gaṇau

यौसः कुमारलालिता तौ गौ चित्रपदा स्मृता

yausaḥ kumāralālitā tau gau citrapadā smṛtā

विद्युन्माला मममागणैर् भूतगणैर् भवेत्

vidyunmālā mamamāgaṇair bhūtagaṇair bhavet

माणवका क्रीडितकं वनौ हलमुखी वसः

māṇavakā krīḍitakaṃ vanau halamukhī vasaḥ

स्याद्भुजङ्गशिशुसूतानौ मेहनं मरुतं ननौ

syādbhujaṅgaśiśusūtānau mehanaṃ marutaṃ nanau

भवेच्छुद्धविराड्वृत्तं समौ जगौ

bhavecchuddhavirāḍvṛttaṃ samau jagau

पणवोमलयोमः स्याज्जौ गौ मयूरसारिणी

paṇavomalayomaḥ syājjau gau mayūrasāriṇī

सत्तामभसगा वृत्तं भजताद्युपरिस्थिता

sattāmabhasagā vṛttaṃ bhajatādyuparisthitā

रुक्मवती भससगाविन्द्रावज्रा तजौ गजौ

rukmavatī bhasasagāvindrāvajrā tajau gajau

जतौ जगौ गूपपूर्वावाद्यन्ताद्युपजातयः

jatau jagau gūpapūrvāvādyantādyupajātayaḥ

दोधकं भगभागौ स्यात् शालिनी मतभागगौ

dodhakaṃ bhagabhāgau syāt śālinī matabhāgagau

यतिः समुद्रा ऋषयः वातोर्मी मभतागगौ

yatiḥ samudrā ṛṣayaḥ vātormī mabhatāgagau

चतुःस्वरा स्याद्भ्रमरी विलासिता मभौनलौ

catuḥsvarā syādbhramarī vilāsitā mabhaunalau

समुद्रा अथ ऋषयो वनौ लौगौ रथोद्धता

samudrā atha ṛṣayo vanau laugau rathoddhatā

सामताधनभागोगोवृत्ताननसमाश् च सः

sāmatādhanabhāgogovṛttānanasamāś ca saḥ

श्येनी वजवनागः स्याद्रम्या नपरगागगः

śyenī vajavanāgaḥ syādramyā naparagāgagaḥ

जगती वंशस्था वृत्तं जतौ जावथ तौ जवौ

jagatī vaṃśasthā vṛttaṃ jatau jāvatha tau javau

इन्द्रवंशा तोटकं सैश् चतुर्भिः प्रतिपादतः

indravaṃśā toṭakaṃ saiś caturbhiḥ pratipādataḥ

भवेद्द्रुतविलम्बिता नभौ भवावथौ नलौ

bhaveddrutavilambitā nabhau bhavāvathau nalau

स्यौ श्रीपुठो वसुवेदा जलोगतिजलौ जमौ

syau śrīpuṭho vasuvedā jalogatijalau jamau

जसौ वसर्ववश्चाथ ततं ननमराः स्मृतं

jasau vasarvavaścātha tataṃ nanamarāḥ smṛtaṃ

कुसुमविचित्रा न्यौ द्यौ नौ नौ रौ स्याच्चलाम्बिका

kusumavicitrā nyau dyau nau nau rau syāccalāmbikā

भुजङ्गप्रयातं थैः स्याच्चतुर्भिः स्रग्विनीभवैः

bhujaṅgaprayātaṃ thaiḥ syāccaturbhiḥ sragvinībhavaiḥ

प्रमिताक्षरा गजौ सौ कान्तोत्पीडा मतौ समौ

pramitākṣarā gajau sau kāntotpīḍā matau samau

वैश्वदेवी ममयायाः पञ्चाङ्गा नवमालिनी

vaiśvadevī mamayāyāḥ pañcāṅgā navamālinī

नजौ भयौ प्रतिपादं गणा यदि जगत्यपि

najau bhayau pratipādaṃ gaṇā yadi jagatyapi

प्रहर्षणी मवजवा गोपतिर्वह्निदिक्षु च

praharṣaṇī mavajavā gopatirvahnidikṣu ca

रुचिरा जभसजगा च्छिन्ना वेदैर् ग्रहैः स्मृता

rucirā jabhasajagā cchinnā vedair grahaiḥ smṛtā

मत्तमयूरं मतया सगौ वेदरहे यतिः

mattamayūraṃ matayā sagau vedarahe yatiḥ

गौरीनलनसागः स्यादसम्बाधा नतौ नगौ

gaurīnalanasāgaḥ syādasambādhā natau nagau

गोग इन्द्रियनवकौ ननौ वसनगाः स्वराः

goga indriyanavakau nanau vasanagāḥ svarāḥ

स्वराश्चापराजिता स्यान्ननभाननगाः स्वराः

svarāścāparājitā syānnanabhānanagāḥ svarāḥ

द्विःप्रहरणकलिता वसन्ततिलका नभौ

dviḥpraharaṇakalitā vasantatilakā nabhau

जौ गौ सिंहोन्नता सा स्यान्मुनेरुद्धर्षणी च सा

jau gau siṃhonnatā sā syānmuneruddharṣaṇī ca sā

चन्द्रावर्ता ननौ सोमावर्तर्तुनवकः स्मृतः

candrāvartā nanau somāvartartunavakaḥ smṛtaḥ

मणिगुणनिकरा सौ मालिनौ नौ मयौ ययः

maṇiguṇanikarā sau mālinau nau mayau yayaḥ

यतिर्वसुस्वरा भौ वौ नतलमित्रसग्रहाः

yatirvasusvarā bhau vau natalamitrasagrahāḥ

ऋषभगजविलासितं ज्ञेया शिखरिणी जगौ

ṛṣabhagajavilāsitaṃ jñeyā śikhariṇī jagau

रसभालभृगुरुद्राः पृथ्वीजसजसा जनौ

rasabhālabhṛgurudrāḥ pṛthvījasajasā janau

गोवसुग्रहविच्छिन्ना पिङ्गलेनेरिता पुरा

govasugrahavicchinnā piṅgaleneritā purā

वंशपत्रपतितं स्याद् भवना भौ नगौ सदिक्

vaṃśapatrapatitaṃ syād bhavanā bhau nagau sadik

हरिणी नसमारः सो नगौ रसचतुःस्वराः

hariṇī nasamāraḥ so nagau rasacatuḥsvarāḥ

मन्दाक्रान्ता नभनतं तगौगछिरसस्वराः

mandākrāntā nabhanataṃ tagaugachirasasvarāḥ

कुसुमितलता वेल्लिता यययाः शराः

kusumitalatā vellitā yayayāḥ śarāḥ

रथाः स्वराः प्रतिरथससजाः सतताश् च गः

rathāḥ svarāḥ pratirathasasajāḥ satatāś ca gaḥ

शार्दूलविक्रीडितं स्यादादित्यमुनयो यतिः

śārdūlavikrīḍitaṃ syādādityamunayo yatiḥ

कृतिः सुवदना मोरो भनया भनगाः सुराः

kṛtiḥ suvadanā moro bhanayā bhanagāḥ surāḥ

यतिर्मुनिरसाश्चाथ इति वृत्तं क्रमात् स्मृतम्

yatirmunirasāścātha iti vṛttaṃ kramāt smṛtam

स्नग्धरा मरतानोमोयपौ त्रिःसप्तका यतिः

snagdharā maratānomoyapau triḥsaptakā yatiḥ

समुद्रकं भरजानोवनगो दशभास्कराः

samudrakaṃ bharajānovanago daśabhāskarāḥ

अश्वललितं नजभा जभजा भनमीशतः

aśvalalitaṃ najabhā jabhajā bhanamīśataḥ

मत्ताक्रीडा ममनना नौनग्नौ गोष्टमातिथिः

mattākrīḍā mamananā naunagnau goṣṭamātithiḥ

तन्वी भनतसाभोभो लयो वाणसुरार्ककाः

tanvī bhanatasābhobho layo vāṇasurārkakāḥ

क्रौञ्चपदा भमतता नौ नौ वाणशराष्टतः

krauñcapadā bhamatatā nau nau vāṇaśarāṣṭataḥ

भुजङ्गविजृम्भितं ममतना ननवासनौ

bhujaṅgavijṛmbhitaṃ mamatanā nanavāsanau

गोष्टेशमुनिभिश्छेदो ह्य् उपहाराख्यमीदृअशम्

goṣṭeśamunibhiśchedo hy upahārākhyamīdṛaśam

मननानतानः सो गगौ ग्रहरसो रसात्

mananānatānaḥ so gagau graharaso rasāt

नौ सप्तरोदण्डदः स्याच्चण्डवृष्टिप्रघातकं

nau saptarodaṇḍadaḥ syāccaṇḍavṛṣṭipraghātakaṃ

रेफवृद्ध्या णणवा स्युर्व्यालजीमूतमुख्यकाः

rephavṛddhyā ṇaṇavā syurvyālajīmūtamukhyakāḥ

शेषे वै प्रचिता ज्ञेया गाथाप्रस्तार उच्यते

śeṣe vai pracitā jñeyā gāthāprastāra ucyate