Agni Purāṇa · Chapter 334 | Living Bliss Digital Library

अथ चतुस्त्रिंशदधिकत्रिशततमो ऽध्यायः

atha catustriṃśadadhikatriśatatamo 'dhyāyaḥ

प्रस्तारनिरूपणम्

prastāranirūpaṇam

अग्निर् उवाच

agnir uvāca

छन्दो ऽत्र सिद्धं गाथा स्यात् पादे सर्व गुरौ तथा

chando 'tra siddhaṃ gāthā syāt pāde sarva gurau tathā

प्रस्तार आद्यगाथोनः परतुल्यो ऽथ पूर्वगः

prastāra ādyagāthonaḥ paratulyo 'tha pūrvagaḥ

नष्टमध्ये समे ऽङ्केनः समे ऽर्ध विषमे गुरुः

naṣṭamadhye same 'ṅkenaḥ same 'rdha viṣame guruḥ

प्रतिलोमगुणं नाद्यं द्विरुद्दिष्टग एकनुत्

pratilomaguṇaṃ nādyaṃ dviruddiṣṭaga ekanut

सङ्ख्याद्विरर्धे रूपे तु शून्यं शून्ये द्विरीरितं

saṅkhyādvirardhe rūpe tu śūnyaṃ śūnye dvirīritaṃ

तावदर्धतद्गुणितं द्विद्व्यूनञ्च तदन्ततः

tāvadardhatadguṇitaṃ dvidvyūnañca tadantataḥ

परे पूर्णं परे पूर्णं मेरुप्रस्तारतो भवेत्

pare pūrṇaṃ pare pūrṇaṃ meruprastārato bhavet

नगसंख्या वृत्तसंख्या चाध्वाङ्गुलमधोर्धतः

nagasaṃkhyā vṛttasaṃkhyā cādhvāṅgulamadhordhataḥ

सङ्ख्यैव द्विगुणैकोना छन्दःसारो ऽयमीरितः

saṅkhyaiva dviguṇaikonā chandaḥsāro 'yamīritaḥ

इत्य् आग्नेये महापुराणे प्रस्तारनिरूपणं नाम चतुस्त्रिंशदधिकत्रिशततमो ऽध्यायः

ity āgneye mahāpurāṇe prastāranirūpaṇaṃ nāma catustriṃśadadhikatriśatatamo 'dhyāyaḥ