Chapter 39

विष्ण्वादीनां प्रतिष्ठादि वक्ष्ये ब्रह्मन् शृणुष्व मे

viṣṇvādīnāṃ pratiṣṭhādi vakṣye brahman śṛṇuṣva me

प्रोक्तानि पञ्चरातराणि सप्तरात्राणि वै मया

proktāni pañcarātarāṇi saptarātrāṇi vai mayā

व्यस्तानि मुनिभिर्लोके पञ्चविंशतिसङ्ख्यया

vyastāni munibhirloke pañcaviṃśatisaṅkhyayā

हयशीर्षं तन्त्रमाद्यं तन्त्रं त्रैलोक्यमोहनं

hayaśīrṣaṃ tantramādyaṃ tantraṃ trailokyamohanaṃ

वैभवं पौष्करं तन्त्रं प्रह्रादङ्गार्ग्यगालवं

vaibhavaṃ pauṣkaraṃ tantraṃ prahrādaṅgārgyagālavaṃ

नारदीयञ्च सम्प्रश्नं शाण्डिल्यं वैश्वकं तथा

nāradīyañca sampraśnaṃ śāṇḍilyaṃ vaiśvakaṃ tathā

सत्योक्तं शौनकं तन्त्रं वासिष्ठं ज्ञानसागरं

satyoktaṃ śaunakaṃ tantraṃ vāsiṣṭhaṃ jñānasāgaraṃ

स्वायम्भुवं कपिलञ्च तार्क्षं नारायणीयकं

svāyambhuvaṃ kapilañca tārkṣaṃ nārāyaṇīyakaṃ

आत्रेयं नारसिंहाख्यमानन्दाख्यं तथारुणं

ātreyaṃ nārasiṃhākhyamānandākhyaṃ tathāruṇaṃ

बौधायनं तथार्षं तु विश्वोक्तं तस्य सारतः

baudhāyanaṃ tathārṣaṃ tu viśvoktaṃ tasya sārataḥ

प्रतिष्ठां हि द्विजः कुर्यान्मध्यदेशादिसम्भवः

pratiṣṭhāṃ hi dvijaḥ kuryānmadhyadeśādisambhavaḥ

नकच्छदेशसम्भूतः कावेरीकोङ्कणोद्गतः

nakacchadeśasambhūtaḥ kāverīkoṅkaṇodgataḥ

कामरूपकलिङ्गोप्त्यः काञ्चीकाश्मीरकोशलः

kāmarūpakaliṅgoptyaḥ kāñcīkāśmīrakośalaḥ

आकाशवायुतेजोम्बु भूरेताः पञ्च रात्रयः

ākāśavāyutejombu bhūretāḥ pañca rātrayaḥ

अचैतन्यास्तमोद्रिक्ताः पञ्चरात्रविवर्जितं

acaitanyāstamodriktāḥ pañcarātravivarjitaṃ

ब्रह्माहं विष्णुरमल इति विद्यात्स देशिकः

brahmāhaṃ viṣṇuramala iti vidyātsa deśikaḥ

सर्वलक्षणहीणोपि स गुरुस्तन्त्रपारगः

sarvalakṣaṇahīṇopi sa gurustantrapāragaḥ

नगराभिमुखाः स्थाप्या देवा न च पराङ्मुखाः

nagarābhimukhāḥ sthāpyā devā na ca parāṅmukhāḥ

कुरुक्षेत्रे गयादौ च नदीनान्तु समीपतः

kurukṣetre gayādau ca nadīnāntu samīpataḥ

ब्रह्मा मध्ये तु नगरे पूर्वे शक्रस्य शोभनं

brahmā madhye tu nagare pūrve śakrasya śobhanaṃ

अग्नावग्नेश् च मातॄणां भूतानाञ्च यमस्य च

agnāvagneś ca mātṝṇāṃ bhūtānāñca yamasya ca

दक्षिणे चण्डिकायाश् च पितृदैत्यादिकस्य च

dakṣiṇe caṇḍikāyāś ca pitṛdaityādikasya ca

वैरृते मन्दिरं कुर्यात् वरुणाददेश् च वारुणे

vairṛte mandiraṃ kuryāt varuṇādadeś ca vāruṇe

वायोर् नागस्य वायव्ये सौम्ये यक्षगुहस्य च

vāyor nāgasya vāyavye saumye yakṣaguhasya ca

चण्डीशस्य महेशस्य ऐशे विष्णोश् च सर्वशः

caṇḍīśasya maheśasya aiśe viṣṇoś ca sarvaśaḥ

पूर्वदेवकुलं पीड्य प्रासादं स्वल्पकं त्वथ

pūrvadevakulaṃ pīḍya prāsādaṃ svalpakaṃ tvatha

समं वाप्यधिकं वापि न कर्तव्यं विजानता

samaṃ vāpyadhikaṃ vāpi na kartavyaṃ vijānatā

उभयोर्द्विगुणां सीमां त्यक्त्वा चोच्छ्रयसम्मितां

ubhayordviguṇāṃ sīmāṃ tyaktvā cocchrayasammitāṃ

प्रासादं कारयेदन्यं नोभयं पीडयेद्बुधः

prāsādaṃ kārayedanyaṃ nobhayaṃ pīḍayedbudhaḥ

भूमौ तु शोधितायां तु कुर्याद्भुमिपरिग्रहं

bhūmau tu śodhitāyāṃ tu kuryādbhumiparigrahaṃ

प्राकारसीमापर्यन्तं ततो भुतबलिं हरेत्

prākārasīmāparyantaṃ tato bhutabaliṃ haret

माषं हरिद्राचूर्णन्तु सलाजं दधिसक्तुभिः

māṣaṃ haridrācūrṇantu salājaṃ dadhisaktubhiḥ

अष्टाक्षरेण सक्तूंश् च पातायित्वाष्टदिक्षु च

aṣṭākṣareṇa saktūṃś ca pātāyitvāṣṭadikṣu ca

राक्षसाश् च पिशाचाश् च येस्मिंस्तिष्ठन्ति भूतले

rākṣasāś ca piśācāś ca yesmiṃstiṣṭhanti bhūtale

सर्वे ते व्यपगच्छन्तु स्थानं कुर्यामहं हरेः

sarve te vyapagacchantu sthānaṃ kuryāmahaṃ hareḥ

हलेन वाहयित्वा गां गोभिश् चैवावदारयेत्

halena vāhayitvā gāṃ gobhiś caivāvadārayet

प्रमाण्वष्टकेनैव त्रसरेणुः प्रकीर्त्यते ॥19

pramāṇvaṣṭakenaiva trasareṇuḥ prakīrtyate //19

तैर् अष्टभिस्तु बालाग्रं लिख्या तैर् अष्टभिर्मता

tair aṣṭabhistu bālāgraṃ likhyā tair aṣṭabhirmatā

ताभिर्यूकाष्टभिः ख्याता ताश्चाष्टौ यवमध्यमः

tābhiryūkāṣṭabhiḥ khyātā tāścāṣṭau yavamadhyamaḥ

यवाष्टकैर् अङ्गुलं स्याच्चतुर्विंशाङ्गुलः करः

yavāṣṭakair aṅgulaṃ syāccaturviṃśāṅgulaḥ karaḥ

चतुरङ्गुलसंयुक्तः स हस्तः पद्महस्तकः

caturaṅgulasaṃyuktaḥ sa hastaḥ padmahastakaḥ