Chapter 55

अतः परंप्रवक्ष्यामि प्रतिमानान्तु पिण्डिकाम्

ataḥ paraṃpravakṣyāmi pratimānāntu piṇḍikām

दैर्घ्येण प्रतिमातुल्या तदर्धेन तु विस्तृता

dairghyeṇa pratimātulyā tadardhena tu vistṛtā

उच्छ्रितायामतोर्धेन सुविस्तारार्धभागतः

ucchritāyāmatordhena suvistārārdhabhāgataḥ

तृतीयेन तु वा तुल्यं तत्त्रिभागेण मेखला

tṛtīyena tu vā tulyaṃ tattribhāgeṇa mekhalā

खातं च तत्प्रमाणं तु किञ्चिदुत्तरतो नतम्

khātaṃ ca tatpramāṇaṃ tu kiñciduttarato natam

विस्तारस्य चतुर्थेन प्रणालस्य विनिर्गमः

vistārasya caturthena praṇālasya vinirgamaḥ

समूलस्य विस्तारमग्रे कुर्यात्तदर्धतः

samūlasya vistāramagre kuryāttadardhataḥ

विस्तारस्य तृतीयेन तोयमार्गन्तु कारयेत्

vistārasya tṛtīyena toyamārgantu kārayet

पिण्डिकार्धेन वा तुल्यं दैर्घ्यमीशस्य कीर्तितम्

piṇḍikārdhena vā tulyaṃ dairghyamīśasya kīrtitam

ईशं वा तुल्यदीर्घञ्च ज्ञात्वा सूत्रं प्रकल्पयेत्

īśaṃ vā tulyadīrghañca jñātvā sūtraṃ prakalpayet

उच्छ्रायं पूर्ववत् कुर्याद्भागषोडशसङ्ख्यया

ucchrāyaṃ pūrvavat kuryādbhāgaṣoḍaśasaṅkhyayā

अधः षट्कं द्विभागन्तु कण्ठं कुर्यात्त्रिभागकम्

adhaḥ ṣaṭkaṃ dvibhāgantu kaṇṭhaṃ kuryāttribhāgakam

शेषास्त्वेकैकशः कार्याः प्रतिष्ठानिर्गमास् तथा

śeṣāstvekaikaśaḥ kāryāḥ pratiṣṭhānirgamās tathā

पट्टिका पिण्डिका चेयं सामान्यप्रतिमासु च

paṭṭikā piṇḍikā ceyaṃ sāmānyapratimāsu ca

प्रासादद्वारमानेन प्रतिमाद्वारमुच्यते

prāsādadvāramānena pratimādvāramucyate

गजव्यालकसंयुक्ता प्रभा स्यात् प्रतिमासु च

gajavyālakasaṃyuktā prabhā syāt pratimāsu ca

पिण्डिकापि यथाशोभं कर्तव्या सततं हरेः

piṇḍikāpi yathāśobhaṃ kartavyā satataṃ hareḥ

सर्वेषामेव देवानां शिष्णूक्तं मानमुच्यते

sarveṣāmeva devānāṃ śiṣṇūktaṃ mānamucyate

देवीनामपि सर्वासां लक्ष्म्युक्तं मानमुच्यते

devīnāmapi sarvāsāṃ lakṣmyuktaṃ mānamucyate