अथ एकसप्ततितमो ऽध्यायः
atha ekasaptatitamo 'dhyāyaḥ
गणेशपूजाविधिः
gaṇeśapūjāvidhiḥ
ऐश्वर उवाच
aiśvara uvāca
गणपूजां प्रवक्ष्यामि निर्विघ्नामखिलार्थदां
gaṇapūjāṃ pravakṣyāmi nirvighnāmakhilārthadāṃ
गणाय स्वाहा हृदयमेकदंष्ट्राय वै शिरः
gaṇāya svāhā hṛdayamekadaṃṣṭrāya vai śiraḥ
गजकर्णिने च शिखा गजवक्त्राय वर्म च
gajakarṇine ca śikhā gajavaktrāya varma ca
महोदराय स्वदन्तहस्तायाक्षि तथास्त्रकम्
mahodarāya svadantahastāyākṣi tathāstrakam
गणो गुरुः पादुका च शक्त्यनन्तौ च धर्मकः
gaṇo guruḥ pādukā ca śaktyanantau ca dharmakaḥ
मुख्यास्थिमण्डलं चाधश्चोर्ध्वच्छदनमर्चयेत्
mukhyāsthimaṇḍalaṃ cādhaścordhvacchadanamarcayet
पद्मकर्णिकवीजांश् च ज्वालिनीं नन्दयार्चयेत्
padmakarṇikavījāṃś ca jvālinīṃ nandayārcayet
सूर्येशा कामरूपा च उदया कामवर्तिनी
sūryeśā kāmarūpā ca udayā kāmavartinī
सत्यां च विघ्ननाशा च आसनं गन्धमृत्तिका
satyāṃ ca vighnanāśā ca āsanaṃ gandhamṛttikā
यं शोषा रं च दहनं प्लवो लं वं तथामृतम्
yaṃ śoṣā raṃ ca dahanaṃ plavo laṃ vaṃ tathāmṛtam
लम्बोदराय विद्महे महोदराय धीमहि तन्नो दन्ती प्रचोदयात्
lambodarāya vidmahe mahodarāya dhīmahi tanno dantī pracodayāt
गणपतिर्गणाधिपो गणेशो गणनायकः
gaṇapatirgaṇādhipo gaṇeśo gaṇanāyakaḥ
गणक्रीडो वक्रतुण्ड एकदंष्ट्रो महोदरः
gaṇakrīḍo vakratuṇḍa ekadaṃṣṭro mahodaraḥ
गजवक्त्रो लम्बुक क्षिर्विकटो विघ्ननाशनः
gajavaktro lambuka kṣirvikaṭo vighnanāśanaḥ
धूम्रवर्णा महेन्द्राद्याः पूज्या गणपतेः स्मृताः
dhūmravarṇā mahendrādyāḥ pūjyā gaṇapateḥ smṛtāḥ
इत्य् आदिमहापुराणे आग्नेये विनायकपूजाकथनं नाम एकसप्ततितमो ऽध्यायः ॥
ity ādimahāpurāṇe āgneye vināyakapūjākathanaṃ nāma ekasaptatitamo 'dhyāyaḥ ||