अथ त्रिसप्ततितमो ऽध्यायः
atha trisaptatitamo 'dhyāyaḥ
सूर्यपूजाविधिः
sūryapūjāvidhiḥ
ईश्वर उवाच
īśvara uvāca
वक्ष्ये सूर्यार्चनं स्कन्द कराङ्गन्यासपूर्वकं
vakṣye sūryārcanaṃ skanda karāṅganyāsapūrvakaṃ
अहं तेजोमयः सूर्य इति ध्यात्वार्घ्यमर्चयेत्
ahaṃ tejomayaḥ sūrya iti dhyātvārghyamarcayet
पूरयेद्रक्तवर्णेन ललाटाकृष्टविन्दुना
pūrayedraktavarṇena lalāṭākṛṣṭavindunā
तं संपूज्य रवेरङ्गैः कृत्वा रक्षावगुण्ठनं
taṃ saṃpūjya raveraṅgaiḥ kṛtvā rakṣāvaguṇṭhanaṃ
सम्प्रोक्ष्य तज्जलैर् द्रव्यं पूर्वास्यो भानुमर्चयेत्
samprokṣya tajjalair dravyaṃ pūrvāsyo bhānumarcayet
ओं अं हृद्वीजादि सर्वत्र पूजनं दण्डिपिङ्गलौ
oṃ aṃ hṛdvījādi sarvatra pūjanaṃ daṇḍipiṅgalau
द्वारि दक्षे वामपार्श्वे ईशाने अं गणाय च
dvāri dakṣe vāmapārśve īśāne aṃ gaṇāya ca
अग्नौ गुरुं पीठमध्ये प्रभूतं चासनं यजेत्
agnau guruṃ pīṭhamadhye prabhūtaṃ cāsanaṃ yajet
अग्न्यादौ विमलं सारमाराध्यं परमं सुखं
agnyādau vimalaṃ sāramārādhyaṃ paramaṃ sukhaṃ
सितरक्तपीतनीलवर्णान् सिंहनिभान् यजेत्
sitaraktapītanīlavarṇān siṃhanibhān yajet
पद्ममध्ये रां च दीप्तां रीं सूक्ष्मां रं जयांक्रमात्
padmamadhye rāṃ ca dīptāṃ rīṃ sūkṣmāṃ raṃ jayāṃkramāt
रूं भद्रां रें विभूतीश् च विमलां रैममोघया
rūṃ bhadrāṃ reṃ vibhūtīś ca vimalāṃ raimamoghayā
रों रौं विद्युता शक्तिं पूर्वाद्याः सर्वतोमुखाः
roṃ rauṃ vidyutā śaktiṃ pūrvādyāḥ sarvatomukhāḥ
रं मध्ये अर्कासनं स्यात् सूर्यमूर्तिं षडक्षरं
raṃ madhye arkāsanaṃ syāt sūryamūrtiṃ ṣaḍakṣaraṃ
ओं हं खं खोल्कयेति यजेदावाह्य भास्करं
oṃ haṃ khaṃ kholkayeti yajedāvāhya bhāskaraṃ
ललाटाकृष्टमञ्जल्यां ध्यात्वा रक्तं न्यसेद्रविं
lalāṭākṛṣṭamañjalyāṃ dhyātvā raktaṃ nyasedraviṃ
ह्रां ह्रीं सः सूर्याय नमो मुद्रयावाहनादिकं
hrāṃ hrīṃ saḥ sūryāya namo mudrayāvāhanādikaṃ
विधाय प्रीतये विम्बमुद्रां गन्धादिकं ददेत्
vidhāya prītaye vimbamudrāṃ gandhādikaṃ dadet
पद्ममुद्रां बिल्वमुद्रां प्रदर्श्याग्नौ हृदीरितं
padmamudrāṃ bilvamudrāṃ pradarśyāgnau hṛdīritaṃ
ओं आं हृदयाय नमः अर्काय शिरसे तथा
oṃ āṃ hṛdayāya namaḥ arkāya śirase tathā
भूर्भुवः स्वः सुरेशाय शिखायै नैरृते यजेत्
bhūrbhuvaḥ svaḥ sureśāya śikhāyai nairṛte yajet
हुं कवचाय वायव्ये हां नेत्रायेति मध्यतः
huṃ kavacāya vāyavye hāṃ netrāyeti madhyataḥ
वः अस्त्रायेति पूर्वादौ ततो मुद्राः प्रदर्शयेत्
vaḥ astrāyeti pūrvādau tato mudrāḥ pradarśayet
धेनुमुद्रा हृदादीनां गोविषाणा च नेत्रयोः
dhenumudrā hṛdādīnāṃ goviṣāṇā ca netrayoḥ
अस्त्रस्य त्रासनी योज्या ग्रहणां च नमस्क्रिया
astrasya trāsanī yojyā grahaṇāṃ ca namaskriyā
सों सोमं बुं बुधं वृञ्च जीवं भं भार्गवं यजेत्
soṃ somaṃ buṃ budhaṃ vṛñca jīvaṃ bhaṃ bhārgavaṃ yajet
दले पूर्वादिके ऽग्न्यादौ अं भौमं शं शनैश् चरं
dale pūrvādike 'gnyādau aṃ bhaumaṃ śaṃ śanaiś caraṃ
रं राहुं कें केतवे च गन्धाद्यैश् च खखोल्कया
raṃ rāhuṃ keṃ ketave ca gandhādyaiś ca khakholkayā
मूलं जप्त्वार्घ्यपात्राम्बु दत्वा सूर्याय संस्तुतिः
mūlaṃ japtvārghyapātrāmbu datvā sūryāya saṃstutiḥ
नत्वा पराङ्मुखञ्चार्कं क्षमस्वेति ततो वदेत्
natvā parāṅmukhañcārkaṃ kṣamasveti tato vadet
शराणुना फडन्तेन समाहत्याणुसंहृतिं
śarāṇunā phaḍantena samāhatyāṇusaṃhṛtiṃ
हृत्पद्मे शिवसूर्येतिसंहारिण्योपसंस्कृतिं
hṛtpadme śivasūryetisaṃhāriṇyopasaṃskṛtiṃ
योजयेत्तेजश् चण्डाय रविनिर्माल्यमर्पयेत्
yojayettejaś caṇḍāya ravinirmālyamarpayet
अभ्यर्च्यैशे जपाद्ध्यानाद्धोमात्सर्वं रवेर्भवेत्
abhyarcyaiśe japāddhyānāddhomātsarvaṃ raverbhavet
इत्य् आदिमहापुराणे आग्नेये सूर्यपूजा नाम त्रिसप्ततितमो ऽध्यायः ॥
ity ādimahāpurāṇe āgneye sūryapūjā nāma trisaptatitamo 'dhyāyaḥ ||