Chapter 91

अभिषिक्तः शिवं विष्णुं पूजयेद्भास्करादिकान्

abhiṣiktaḥ śivaṃ viṣṇuṃ pūjayedbhāskarādikān

शङ्खभेर्यादिनिर्घोषैः स्नापयेत् पञ्चगव्यकैः

śaṅkhabheryādinirghoṣaiḥ snāpayet pañcagavyakaiḥ

यो देवान्देवलोकं स याति स्वकुलमुद्धरन्

yo devāndevalokaṃ sa yāti svakulamuddharan

वर्षकोटिसहस्रेषु यत् पापं स्मुपार्जितं

varṣakoṭisahasreṣu yat pāpaṃ smupārjitaṃ

घृताभ्यङ्गेन देवानां भस्मीभवति पावके

ghṛtābhyaṅgena devānāṃ bhasmībhavati pāvake

आढकेन घृताद्यैश् च देवान् स्नाप्य सुरो भवेत्

āḍhakena ghṛtādyaiś ca devān snāpya suro bhavet

चन्दनेनानुलिप्याथ गन्धाद्यैः पूजयेत्तथा

candanenānulipyātha gandhādyaiḥ pūjayettathā

अल्पायासनं स्तुतिभिस्तुता देवास्तु सर्वदा

alpāyāsanaṃ stutibhistutā devāstu sarvadā

अतीतानागतज्ञानमन्त्रधीभुक्तिमुक्तिदाः

atītānāgatajñānamantradhībhuktimuktidāḥ

गृहीत्वा प्रश्नसूक्ष्मार्णे हृते द्वाभ्यां शुभाशुभं

gṛhītvā praśnasūkṣmārṇe hṛte dvābhyāṃ śubhāśubhaṃ

त्रिभिर्जीवो मूलधातुश् चतुर्भिर्ब्राह्मणादिधीः

tribhirjīvo mūladhātuś caturbhirbrāhmaṇādidhīḥ

यञ्चादौ भूततत्त्वादि शेषे चैवं जपादिकं

yañcādau bhūtatattvādi śeṣe caivaṃ japādikaṃ

एकत्रिकातित्रिकान्ते पदे द्विपमकान्तके

ekatrikātitrikānte pade dvipamakāntake

अशुभं मध्यमं मध्येष्विन्द्रस्त्रिषु नृपः शुभः

aśubhaṃ madhyamaṃ madhyeṣvindrastriṣu nṛpaḥ śubhaḥ

सङ्ख्यावृन्दे जीविताब्दं यमो ऽब्ददशहा ध्रुवं

saṅkhyāvṛnde jīvitābdaṃ yamo 'bdadaśahā dhruvaṃ

सूर्येभास्येशदुर्गाश्रीविष्णुमन्त्रैर् लिखेत् कजे

sūryebhāsyeśadurgāśrīviṣṇumantrair likhet kaje

कठिन्या जप्तया स्पृष्टे गोमूत्राकृतिरेखया

kaṭhinyā japtayā spṛṣṭe gomūtrākṛtirekhayā

आरभ्यैकं त्रिकं यावत्त्रिचतुष्कावसानकं

ārabhyaikaṃ trikaṃ yāvattricatuṣkāvasānakaṃ

मरुद् व्योम मरुद्वीजैश् चतुःषष्टिपदे तथा

marud vyoma marudvījaiś catuḥṣaṣṭipade tathā

अक्षाणां पतनात् स्पर्शाद्विषमादौ शुभादिकं

akṣāṇāṃ patanāt sparśādviṣamādau śubhādikaṃ

एकत्रिकादिमारभ्य अन्ते चाष्टत्रिकं तथा

ekatrikādimārabhya ante cāṣṭatrikaṃ tathā

ध्वजाद्यायाः समा हीना विषमाः शोभनादिदाः

dhvajādyāyāḥ samā hīnā viṣamāḥ śobhanādidāḥ

आइपल्लवितैः काद्यैः षोडशस्वरपूर्वगैः

āipallavitaiḥ kādyaiḥ ṣoḍaśasvarapūrvagaiḥ

आद्यैस्तैः सस्वरैः काद्यैस्त्रिपुरानाममन्त्रकाः

ādyaistaiḥ sasvaraiḥ kādyaistripurānāmamantrakāḥ

ह्रीं वीजाः प्रणवाद्याःस्पुर् नमो ऽन्ता यत्र पूजने

hrīṃ vījāḥ praṇavādyāḥspur namo 'ntā yatra pūjane

मन्त्रा विंशतिसाहस्राः शतं षष्ठ्यधिकं ततः

mantrā viṃśatisāhasrāḥ śataṃ ṣaṣṭhyadhikaṃ tataḥ

आं ह्रीं मन्त्राः सरस्वत्याश् चण्डिकायास्तथैव च

āṃ hrīṃ mantrāḥ sarasvatyāś caṇḍikāyāstathaiva ca

तथा गौर्याश् च दुर्गाया आं श्रीं मन्त्राः श्रियस् तथा

tathā gauryāś ca durgāyā āṃ śrīṃ mantrāḥ śriyas tathā

तथाक्षौं क्रौं मन्त्राः सूर्यस्य आं हौं मन्त्राःशिवस्य च

tathākṣauṃ krauṃ mantrāḥ sūryasya āṃ hauṃ mantrāḥśivasya ca

आं गं मन्त्रा गणेशस्य आं मन्त्राश् च तथा हरेः

āṃ gaṃ mantrā gaṇeśasya āṃ mantrāś ca tathā hareḥ

शतार्धैकाधिकैः काद्यैस् तथा षोडशभिः खरैः

śatārdhaikādhikaiḥ kādyais tathā ṣoḍaśabhiḥ kharaiḥ

काद्यैस्तैः सस्वरैसाद्यैः कान्तैर् मन्त्रास् तथाखिलाः

kādyaistaiḥ sasvaraisādyaiḥ kāntair mantrās tathākhilāḥ

रवीशदेवीविष्णूनां स्वाब्धिदेवेन्द्रवर्तनात्

ravīśadevīviṣṇūnāṃ svābdhidevendravartanāt

शतत्रयं षष्ट्यधिकं प्रत्येकं मण्डलं क्रमात्

śatatrayaṃ ṣaṣṭyadhikaṃ pratyekaṃ maṇḍalaṃ kramāt

अभिषिक्तो जपेद् ध्यायेच्छिष्यादीन् दीक्षयेद्गुरुः

abhiṣikto japed dhyāyecchiṣyādīn dīkṣayedguruḥ