Chapter 97

प्रातर् नित्पविधिं कृत्वा द्वारपालप्रपूजनं

prātar nitpavidhiṃ kṛtvā dvārapālaprapūjanaṃ

प्रविश्य प्रग्विधानेन देहशुद्ध्यादिमाचरेत्

praviśya pragvidhānena dehaśuddhyādimācaret

दिक्पतींश् च समभ्यर्च्य शिवकुम्भञ्च वर्धनीं

dikpatīṃś ca samabhyarcya śivakumbhañca vardhanīṃ

अष्टमुष्टिकया लिङ्गं वह्निं सन्पर्प्य च क्रमात्

aṣṭamuṣṭikayā liṅgaṃ vahniṃ sanparpya ca kramāt

शिवाज्ञातस्ततो गच्छेत् प्रासादं शस्त्रमुच्चरन्

śivājñātastato gacchet prāsādaṃ śastramuccaran

तद्गतान् प्रक्षिपेद्विघ्नान् हुम्फडन्तशराणुना

tadgatān prakṣipedvighnān humphaḍantaśarāṇunā

न मध्ये स्थापयेल्लिङ्गं बेधदोषविशङ्कया

na madhye sthāpayelliṅgaṃ bedhadoṣaviśaṅkayā

तस्मान् मध्यं परित्यज्य यवार्धेन यवेन वा

tasmān madhyaṃ parityajya yavārdhena yavena vā

किञ्चिदीशानमाश्रित्य शिलां मध्ये निवेशयेत्

kiñcidīśānamāśritya śilāṃ madhye niveśayet

मूलेन तामनन्ताख्यां सर्वाधारस्वरूपिणीं

mūlena tāmanantākhyāṃ sarvādhārasvarūpiṇīṃ

सर्वगां सृष्टियोगेन विन्यसेदचलां शिलां

sarvagāṃ sṛṣṭiyogena vinyasedacalāṃ śilāṃ

अथवानेन मन्त्रेण शिवस्यासनरूपिणीं

athavānena mantreṇa śivasyāsanarūpiṇīṃ

ओं नमो व्यापिनि भगवति स्थिरे ऽचले ध्रुवे

oṃ namo vyāpini bhagavati sthire 'cale dhruve

त्वया शिवाज्ञया शक्ते स्थातव्यमिह सन्ततं

tvayā śivājñayā śakte sthātavyamiha santataṃ

इत्युक्त्वा च समभ्यर्च्य निरुध्याद्रौद्रमुद्रया

ityuktvā ca samabhyarcya nirudhyādraudramudrayā

वज्रादीनि च रत्नानि तथोशीरादिकौषधीः

vajrādīni ca ratnāni tathośīrādikauṣadhīḥ

लोहान् हेमादिकांस्यन्तान् हरितालादिकांस् तथा

lohān hemādikāṃsyantān haritālādikāṃs tathā

धान्यप्रभृतिशस्त्रांश् च पूर्वमुक्ताननुक्रमात्

dhānyaprabhṛtiśastrāṃś ca pūrvamuktānanukramāt

प्रभारागत्वदेहत्ववीर्यशक्तिमयानिमान्

prabhārāgatvadehatvavīryaśaktimayānimān

भावयेन्नेकचित्तस्तु लोकपालेशसंवरैः

bhāvayennekacittastu lokapāleśasaṃvaraiḥ

पूर्वादिषु च गर्तेषु न्यसेदेकैकशः क्रमात्

pūrvādiṣu ca garteṣu nyasedekaikaśaḥ kramāt

हेमजं तारजं कूर्मं वृषं वा द्वारसम्मुखं

hemajaṃ tārajaṃ kūrmaṃ vṛṣaṃ vā dvārasammukhaṃ

सरित्तटमृदा युक्तं पर्वताग्रमृदाथवा

sarittaṭamṛdā yuktaṃ parvatāgramṛdāthavā

प्रक्षिपेन्मध्यगर्तादौ यद्वा मेरुं सुवर्णजं

prakṣipenmadhyagartādau yadvā meruṃ suvarṇajaṃ

मधूकाक्षतसंयुक्तमञ्जनेन समन्वितं

madhūkākṣatasaṃyuktamañjanena samanvitaṃ

पृथिवीं राजतीं यद्वा यद्वा हेमसमुद्भवां

pṛthivīṃ rājatīṃ yadvā yadvā hemasamudbhavāṃ

सर्ववीजसुवर्णाभ्यां समायुक्तां विनिक्षिपेत्

sarvavījasuvarṇābhyāṃ samāyuktāṃ vinikṣipet

स्वर्णजं राजतं वापि सर्वलोहसमुद्भवं

svarṇajaṃ rājataṃ vāpi sarvalohasamudbhavaṃ

सुवर्णं कृशरायुक्तं पद्मनालं ततो न्यसेत्

suvarṇaṃ kṛśarāyuktaṃ padmanālaṃ tato nyaset

देवदेवस्य शक्त्यादिमूर्तिपर्यन्तमासनं

devadevasya śaktyādimūrtiparyantamāsanaṃ

प्रकल्प्य पायसेनाथ लिप्त्वा गुग्गुलुनाथवा

prakalpya pāyasenātha liptvā guggulunāthavā

श्वभ्रमाच्छाद्य वस्त्रेण तनुत्रेणास्त्ररक्षितं

śvabhramācchādya vastreṇa tanutreṇāstrarakṣitaṃ

दिक्पतिभ्यो बलिं दत्वा समाचान्तो ऽथ देशिकः

dikpatibhyo baliṃ datvā samācānto 'tha deśikaḥ

शेवेन वा शिलाश्वभ्रसङ्गदोषनिवृत्तये

śevena vā śilāśvabhrasaṅgadoṣanivṛttaye

शस्त्रेण वा शतं सम्यग् जुहुयात् पूर्णया सह

śastreṇa vā śataṃ samyag juhuyāt pūrṇayā saha

8 श्वभ्रमाच्छाद्य वस्त्रेण तन्मात्रेण स्वरक्षितमिति ख.. , ङ.. च ।

8 śvabhramācchādya vastreṇa tanmātreṇa svarakṣitamiti kha.. , ṅa.. ca /

यन्त्रमाच्छाद्य शस्त्रेण तनुत्रेण स्वरक्षितमिति ज.. ।

yantramācchādya śastreṇa tanutreṇa svarakṣitamiti ja.. /

श्वभ्रेत्त्यादिपाठो छ.. पुस्तके नास्ति

śvabhrettyādipāṭho cha.. pustake nāsti

10 शिलास्तत्र सङ्गदोषनिवृत्तये इति घ.. , ज.. च ।

10 śilāstatra saṅgadoṣanivṛttaye iti gha.. , ja.. ca /

एकैकाहुतिदानेन सन्तर्प्य वास्तुदेवताः

ekaikāhutidānena santarpya vāstudevatāḥ

समुत्थाप्य हृदादेवमासनं मङ्गलादिभिः

samutthāpya hṛdādevamāsanaṃ maṅgalādibhiḥ

गुरुर्देवाग्रतो गच्छेन्मूर्तिपैश् च दिशि स्थितैः

gururdevāgrato gacchenmūrtipaiś ca diśi sthitaiḥ

चतुर्भिः सह कर्तव्या देवयज्ञस्य पृष्ठतः

caturbhiḥ saha kartavyā devayajñasya pṛṣṭhataḥ

प्रासादादि परिभ्रम्य भद्राख्यद्वारसम्मुखं

prāsādādi paribhramya bhadrākhyadvārasammukhaṃ

लिङ्गं संस्थाप्य दत्वार्घ्यं प्रासादं सन्निवेशयेत्

liṅgaṃ saṃsthāpya datvārghyaṃ prāsādaṃ sanniveśayet

द्वारेण द्वारबन्धेन द्वारदेशेन तच्छिला

dvāreṇa dvārabandhena dvāradeśena tacchilā

द्वारबन्धे शिखाशून्ये तदर्धेनाथ तदृते

dvārabandhe śikhāśūnye tadardhenātha tadṛte

वर्जयन् द्वारसंस्पर्शं द्वारेणैव महेश्वरं

varjayan dvārasaṃsparśaṃ dvāreṇaiva maheśvaraṃ

देवगृहसमारम्भे कोणेनापि प्रवेशयेत्

devagṛhasamārambhe koṇenāpi praveśayet

अयमेव विधिर्ज्ञेयो व्यक्तलिङ्गे ऽपि सर्वतः

ayameva vidhirjñeyo vyaktaliṅge 'pi sarvataḥ

गृहे प्रवेशनं द्वारे लोकैर् अपि समीरितं

gṛhe praveśanaṃ dvāre lokair api samīritaṃ

अपद्वारप्रवेशेन विदुर्गोत्रक्षयं गृहं

apadvārapraveśena vidurgotrakṣayaṃ gṛhaṃ

अथ पीठे च संस्थाप्य लिङ्गं द्वारस्य सम्मुखं

atha pīṭhe ca saṃsthāpya liṅgaṃ dvārasya sammukhaṃ

तूर्यमङ्गलनिर्घेषैर् दूर्वाक्षतसमन्वितं

tūryamaṅgalanirgheṣair dūrvākṣatasamanvitaṃ

समुत्तिष्ठं हृदेत्युक्त्वा महापाशुपतं पठेत्

samuttiṣṭhaṃ hṛdetyuktvā mahāpāśupataṃ paṭhet

अपनीय घटं श्वभ्राद् देशिको मूर्तिपैः सह

apanīya ghaṭaṃ śvabhrād deśiko mūrtipaiḥ saha

मन्त्रं सन्धारयित्वा तु विलिप्तं कुङ्कुमादिभिः

mantraṃ sandhārayitvā tu viliptaṃ kuṅkumādibhiḥ

शक्तिशक्तिमतोरैक्यं ध्यात्वा चैव तु रक्षितं

śaktiśaktimatoraikyaṃ dhyātvā caiva tu rakṣitaṃ

लयान्तं मूलमुच्चार्य स्पृष्ट्वा श्वभ्रे निवेशयेत्

layāntaṃ mūlamuccārya spṛṣṭvā śvabhre niveśayet

अंशेन ब्रह्मभागस्य यद्वा अंशद्वयेन च

aṃśena brahmabhāgasya yadvā aṃśadvayena ca

अर्धेन वाष्टमांशेन सर्वस्याथ प्रवेशनं

ardhena vāṣṭamāṃśena sarvasyātha praveśanaṃ

विधाय सीसकं नाभिदीर्घाभिः सुसमाहितः

vidhāya sīsakaṃ nābhidīrghābhiḥ susamāhitaḥ

श्वभ्रं वालुकयापुर्य ब्रूयात् स्थिरीभवेति च

śvabhraṃ vālukayāpurya brūyāt sthirībhaveti ca

ततो लिङ्गे स्थिरीभूते ध्यात्वा सकलरूपिणं

tato liṅge sthirībhūte dhyātvā sakalarūpiṇaṃ

मूलमुच्चार्य शक्त्यन्तं सृष्ट्या च निष्कलं न्यसेत्

mūlamuccārya śaktyantaṃ sṛṣṭyā ca niṣkalaṃ nyaset

स्थाप्यमानं यदा लिङ्गं याम्यां दिशमथाश्रयेत्

sthāpyamānaṃ yadā liṅgaṃ yāmyāṃ diśamathāśrayet

तत्तद्दिगीशमन्त्रेण पूर्णान्तं दक्षिणान्वितं

tattaddigīśamantreṇa pūrṇāntaṃ dakṣiṇānvitaṃ

सव्ये स्थाने च वक्रे च चलिते स्फुटितेपि वा

savye sthāne ca vakre ca calite sphuṭitepi vā

जुहुयान् मूलमन्त्रेण बहुरूपेण वा शतं

juhuyān mūlamantreṇa bahurūpeṇa vā śataṃ

कुञ्चान्येष्वपि दोषेषु शिवशान्तिं समाश्रयेत्

kuñcānyeṣvapi doṣeṣu śivaśāntiṃ samāśrayet

युक्तं न्यासादिभिर्लिङ्गं कुर्वन्नेवं न दोषभाक्

yuktaṃ nyāsādibhirliṅgaṃ kurvannevaṃ na doṣabhāk

पीठबन्धमतः कृत्वा लक्षणस्यांशलक्षणं

pīṭhabandhamataḥ kṛtvā lakṣaṇasyāṃśalakṣaṇaṃ

गौरीमन्त्रं लयं नीत्वा सृष्ट्या पिण्डीञ्च विन्यसेत्

gaurīmantraṃ layaṃ nītvā sṛṣṭyā piṇḍīñca vinyaset

सम्पूर्य पार्श्वसंसिद्धिं वालुकावज्रलेपनं

sampūrya pārśvasaṃsiddhiṃ vālukāvajralepanaṃ

ततो मूर्तिधरैः सार्धं गुरुः शान्तिं घटोर्ध्वतः

tato mūrtidharaiḥ sārdhaṃ guruḥ śāntiṃ ghaṭordhvataḥ

संस्थाप्य कलशैर् अन्यैस्तद्वत् पञ्चामृतादिभिः

saṃsthāpya kalaśair anyaistadvat pañcāmṛtādibhiḥ

विलिप्य चन्दनाद्यैश् च सम्पूज्य जगदीश्वरं

vilipya candanādyaiś ca sampūjya jagadīśvaraṃ

उमामहेशमन्त्राभ्यां तौ स्पृशेल्लिङ्गमुद्रया

umāmaheśamantrābhyāṃ tau spṛśelliṅgamudrayā

ततस्त्रितत्त्वविन्यासं षडर्चादिपुरःसरं

tatastritattvavinyāsaṃ ṣaḍarcādipuraḥsaraṃ

कृत्वा मूर्तिं तदीशानामङ्गानां ब्रह्मणामथ

kṛtvā mūrtiṃ tadīśānāmaṅgānāṃ brahmaṇāmatha

ज्ञानी लिङ्गे क्रियापीठे विनास्य स्नापयेत्ततः

jñānī liṅge kriyāpīṭhe vināsya snāpayettataḥ

गन्धैर् विलिप्य सन्धूप्य व्यापित्वे शिवे न्यसेत्

gandhair vilipya sandhūpya vyāpitve śive nyaset

स्रग्धूपदीपनैवेद्यैर् हृदयेन फलानि च

sragdhūpadīpanaivedyair hṛdayena phalāni ca

विनिवेद्य यथाशक्ति समाचम्य महेश्वरं

vinivedya yathāśakti samācamya maheśvaraṃ

दत्वार्घं च जपं कृत्वा निवेद्य वरदे करे

datvārghaṃ ca japaṃ kṛtvā nivedya varade kare

चन्द्रार्कतारकं यावन् मन्त्रेण शैवमूर्तिपैः

candrārkatārakaṃ yāvan mantreṇa śaivamūrtipaiḥ

स्वेच्छयैव त्वया नाथ स्थातव्यमिह मन्दिरे

svecchayaiva tvayā nātha sthātavyamiha mandire

प्रणम्येव वहिर्गत्वा हृदा वा प्रणवेन वा

praṇamyeva vahirgatvā hṛdā vā praṇavena vā

संस्थाप्य वृषभं पश्चात् पूर्ववद्वलिमाचरेत्

saṃsthāpya vṛṣabhaṃ paścāt pūrvavadvalimācaret

न्यूनादिदोषमोषाय ततो मृत्युजिता शतं

nyūnādidoṣamoṣāya tato mṛtyujitā śataṃ

शिवेन सशिवो हुत्वा शान्त्यर्थं पायसेन च

śivena saśivo hutvā śāntyarthaṃ pāyasena ca

ज्ञानाज्ञानकृतं यच्च तत् पूरय महाविभो

jñānājñānakṛtaṃ yacca tat pūraya mahāvibho

हिरण्यपशुभूम्यादि गीतवाद्यादिहेतवे

hiraṇyapaśubhūmyādi gītavādyādihetave

अम्बिकेशाय तद् भक्त्या शक्त्या सर्वं निवेदयेत्

ambikeśāya tad bhaktyā śaktyā sarvaṃ nivedayet

दानं महोत्सवं पश्चात् कुर्याद्दिनचतुष्टयं

dānaṃ mahotsavaṃ paścāt kuryāddinacatuṣṭayaṃ

त्रिसन्ध्यं त्रिदिनं मन्त्री होमयेन् मूर्तिपैः सह

trisandhyaṃ tridinaṃ mantrī homayen mūrtipaiḥ saha

चतुर्थेहनि पूर्णाञ्च चरुकं बहुरूपिणा

caturthehani pūrṇāñca carukaṃ bahurūpiṇā

निवेद्य सर्वकुण्डेषु सम्पाताहुतिसोधितम्

nivedya sarvakuṇḍeṣu sampātāhutisodhitam

दिनचतुष्टयं यावत्तन्निर्माल्यन्तदूर्धतः

dinacatuṣṭayaṃ yāvattannirmālyantadūrdhataḥ

निर्माल्यापनयं कृत्वा स्नापयित्वा तु पूजयेत्

nirmālyāpanayaṃ kṛtvā snāpayitvā tu pūjayet

पूजा सामान्यलिङ्गेषु कार्या साधारणाणुभिः

pūjā sāmānyaliṅgeṣu kāryā sādhāraṇāṇubhiḥ

विहाय लिङ्गचैतन्यं कुर्यात् स्थाणुविसर्जनं

vihāya liṅgacaitanyaṃ kuryāt sthāṇuvisarjanaṃ

असाधारणलिङ्गेषु क्षमस्वेति विसर्जनं

asādhāraṇaliṅgeṣu kṣamasveti visarjanaṃ

आवाहनमभिव्यक्तिर्विसर्गः शक्तिरूपता

āvāhanamabhivyaktirvisargaḥ śaktirūpatā

प्रतिष्ठान्ते क्वचित् प्रोक्तं स्थिराद्याहुतिसप्तकं

pratiṣṭhānte kvacit proktaṃ sthirādyāhutisaptakaṃ

स्थिरस् तथाप्रमेयश्चानादिबोधस्तथैव च

sthiras tathāprameyaścānādibodhastathaiva ca

नित्योथ सर्वगश् चैवाविनाशी दृष्ट एव च

nityotha sarvagaś caivāvināśī dṛṣṭa eva ca

एते गुणा महेशस्य सन्निधानाय कीर्तिताः

ete guṇā maheśasya sannidhānāya kīrtitāḥ

ओं नमः शिवाय स्थिरो भवेत्याहुतीनां क्रमः

oṃ namaḥ śivāya sthiro bhavetyāhutīnāṃ kramaḥ

एवमेतञ्च सम्पाद्य विधाय शिवकुम्भवत्

evametañca sampādya vidhāya śivakumbhavat

कुम्भद्वयञ्च तन्मध्यादेककुम्भाम्भसा भवं

kumbhadvayañca tanmadhyādekakumbhāmbhasā bhavaṃ

संस्नाप्य तद् द्वितीयन्तु कर्तृस्नानाय धारयेत्

saṃsnāpya tad dvitīyantu kartṛsnānāya dhārayet

दत्वा बलिं समाचम्य वहिर्गच्छेत् शिवाज्ञया

datvā baliṃ samācamya vahirgacchet śivājñayā

जगतीवाह्यतश् चण्डमैशान्यान्दिशि मन्दिरे

jagatīvāhyataś caṇḍamaiśānyāndiśi mandire

धामगर्भप्रमाणे च सुपीठे कल्पितासने

dhāmagarbhapramāṇe ca supīṭhe kalpitāsane

पूर्ववन् न्यासहोमादि विधाय ध्यानपूर्वकं

pūrvavan nyāsahomādi vidhāya dhyānapūrvakaṃ

संस्थाप्य विधिवत्तत्र ब्रह्माङ्गैः पूजयेत्ततः

saṃsthāpya vidhivattatra brahmāṅgaiḥ pūjayettataḥ

अङ्गानि पूर्वयुक्तानि ब्रह्माणी त्वर्चना यथा

aṅgāni pūrvayuktāni brahmāṇī tvarcanā yathā

जपं विवेद्य सन्तर्प्य विज्ञाप्य नतिपूर्वकं

japaṃ vivedya santarpya vijñāpya natipūrvakaṃ

देवः सन्निहितो यावत्तावत्त्वं सन्निधो भव

devaḥ sannihito yāvattāvattvaṃ sannidho bhava

न्यूनाधिकञ्च यत्किञ्चित् कृतमज्ञानतो मया

nyūnādhikañca yatkiñcit kṛtamajñānato mayā

तवत्प्रसादेन चण्डेश तत् सर्वं परिपूरय

tavatprasādena caṇḍeśa tat sarvaṃ paripūraya

वाणलिङ्गे वाणरोहे सिद्धलिङ्गे स्वयम्भुवि

vāṇaliṅge vāṇarohe siddhaliṅge svayambhuvi

प्रतिमासु च सर्वासु न चण्डो ऽधिकृतो भवेत्

pratimāsu ca sarvāsu na caṇḍo 'dhikṛto bhavet

अद्वैतभावनायुक्ते स्थण्डिलेशविधावपि

advaitabhāvanāyukte sthaṇḍileśavidhāvapi

अभ्यर्च्य चण्डं ससुतं यजमानं हि भार्यया

abhyarcya caṇḍaṃ sasutaṃ yajamānaṃ hi bhāryayā

पूर्वस्थापितकुम्भे न स्नापयेत् स्नापकः स्वयं

pūrvasthāpitakumbhe na snāpayet snāpakaḥ svayaṃ

स्थापकं यजमानोपि सम्पूज्य च महेशवत्

sthāpakaṃ yajamānopi sampūjya ca maheśavat

वित्तशाठ्यं विना दद्याद् भूहिरण्यादि दक्षिणां

vittaśāṭhyaṃ vinā dadyād bhūhiraṇyādi dakṣiṇāṃ

मूर्तिमान् विधिवत् पश्चात् जापकान् ब्राह्मणांस् तथा

mūrtimān vidhivat paścāt jāpakān brāhmaṇāṃs tathā

देवज्ञं शिल्पिनं प्रार्च्य दीनानाथादि भोजयेत्

devajñaṃ śilpinaṃ prārcya dīnānāthādi bhojayet

यदत्र सम्मुखीभावे स्वेदितो भगवन्मया

yadatra sammukhībhāve svedito bhagavanmayā

क्षमस्व नाथ तत् सर्वं कारुण्याम्बुनिधं मम

kṣamasva nātha tat sarvaṃ kāruṇyāmbunidhaṃ mama

इति विज्ञप्तियुक्ताय यजमानाय सद्गुरुः

iti vijñaptiyuktāya yajamānāya sadguruḥ

प्रतिष्ठापुण्यसद्भावं स्फुरत्तारकसप्रभं

pratiṣṭhāpuṇyasadbhāvaṃ sphurattārakasaprabhaṃ

कुशपुष्पाक्षतोपेतं स्वकरेण समर्पयेत्

kuśapuṣpākṣatopetaṃ svakareṇa samarpayet

ततः पाशपतोपेतं प्रणम्य परमेश्वरं

tataḥ pāśapatopetaṃ praṇamya parameśvaraṃ

ततो ऽपि बलिभिर्भूतान् सन्निधाय निबोधयेत्

tato 'pi balibhirbhūtān sannidhāya nibodhayet

स्थातव्यं भवता तावद् यावत् सन्निहितो हरः

sthātavyaṃ bhavatā tāvad yāvat sannihito haraḥ

गुरुर्वस्त्रादिसंयुक्तं गृह्णीयाद्यागमण्डपं

gururvastrādisaṃyuktaṃ gṛhṇīyādyāgamaṇḍapaṃ

सर्वोपकरणं शिल्पी तथा स्नापनमण्डपं

sarvopakaraṇaṃ śilpī tathā snāpanamaṇḍapaṃ

अन्ये देवादयः स्थाप्या मन्त्रैर् आगमसम्भवैः

anye devādayaḥ sthāpyā mantrair āgamasambhavaiḥ

आदिवर्णस्य भेदाद्वा सुतत्त्वव्याप्तिभाविताः

ādivarṇasya bhedādvā sutattvavyāptibhāvitāḥ

साध्य प्रमुखदेवाश् च सरिदोषधयस् तथा

sādhya pramukhadevāś ca saridoṣadhayas tathā

क्षेत्रपाः किन्नराद्याश् च पृथिवीतत्त्वमाश्रिताः

kṣetrapāḥ kinnarādyāś ca pṛthivītattvamāśritāḥ

स्नानं सरस्वतीलक्ष्मीनदीनामम्भसि क्वचित्

snānaṃ sarasvatīlakṣmīnadīnāmambhasi kvacit

भुवनाधिपतीनाञ्च स्थानं यत्र व्यवस्थितिः

bhuvanādhipatīnāñca sthānaṃ yatra vyavasthitiḥ

अण्डवृद्धिप्रधानान्तं त्रितत्त्वं ब्रह्मणः पदं

aṇḍavṛddhipradhānāntaṃ tritattvaṃ brahmaṇaḥ padaṃ

तन्मात्रादिप्रधानान्तं पदमेतत् त्रिकं हरेः

tanmātrādipradhānāntaṃ padametat trikaṃ hareḥ

नाट्येशगणमातॄणां यक्षेशशरजन्मनां

nāṭyeśagaṇamātṝṇāṃ yakṣeśaśarajanmanāṃ

अण्डजाः शुद्धविद्यान्तं पदं गणपतेस् तथा

aṇḍajāḥ śuddhavidyāntaṃ padaṃ gaṇapates tathā

मायांशदेशशक्त्यनतं शिवा शिवोप्तरोचिषां

māyāṃśadeśaśaktyanataṃ śivā śivoptarociṣāṃ

पदमीश्वरपर्यन्तं व्यक्तार्चासु च कीर्तितं

padamīśvaraparyantaṃ vyaktārcāsu ca kīrtitaṃ

कूर्माद्यं कीर्तितं यच्च यच्च रत्नादिपञ्चकं

kūrmādyaṃ kīrtitaṃ yacca yacca ratnādipañcakaṃ

प्रतिक्षिपेत् पीठगर्ते च पञ्चब्रह्मशिलां विना

pratikṣipet pīṭhagarte ca pañcabrahmaśilāṃ vinā

षड्भिर्विभाजिते गर्ते त्यक्त्वा भावञ्च पृष्ठतः

ṣaḍbhirvibhājite garte tyaktvā bhāvañca pṛṣṭhataḥ

स्थापनं पञ्चमांशे च यदि वा वसुभाजिते

sthāpanaṃ pañcamāṃśe ca yadi vā vasubhājite

स्थापनं सप्तमे भागे प्रतिमासु सुखावहं

sthāpanaṃ saptame bhāge pratimāsu sukhāvahaṃ

धारणाभिर्विशुद्धिः स्यात् स्थापने लेपचित्रयोः

dhāraṇābhirviśuddhiḥ syāt sthāpane lepacitrayoḥ

स्नानादि मानसन्तत्र शिलारत्नादिवेशनं

snānādi mānasantatra śilāratnādiveśanaṃ

नेत्रोद्घाटनमन्त्रेष्टमासनादिप्रकल्पनं

netrodghāṭanamantreṣṭamāsanādiprakalpanaṃ

पूजा निरम्बुभिः पुष्पैर् यथा चित्रं न दुष्यति

pūjā nirambubhiḥ puṣpair yathā citraṃ na duṣyati

विधिस्तु चललिङ्गेषु सम्प्रत्येव निगद्यते

vidhistu calaliṅgeṣu sampratyeva nigadyate

पञ्चभिर्वा त्रिभिर्वापि पृथक् कुर्याद् विभाजिते

pañcabhirvā tribhirvāpi pṛthak kuryād vibhājite

भगत्रयेण भागांशो भवेद्भागद्वयेन वा

bhagatrayeṇa bhāgāṃśo bhavedbhāgadvayena vā

स्वपीठेष्वपि तद्वत् स्याल्लिङ्गेषु तत्त्वभेदतः

svapīṭheṣvapi tadvat syālliṅgeṣu tattvabhedataḥ

सृष्टिमन्त्रेण संस्कारो विधिवत् स्फाटिकादिषु

sṛṣṭimantreṇa saṃskāro vidhivat sphāṭikādiṣu

किञ्च ब्रह्मशिलारत्नप्रभूतेश्चानिवेदनं

kiñca brahmaśilāratnaprabhūteścānivedanaṃ

योजनं पिण्डिकायाश् च मनसा परिकल्पयेत्

yojanaṃ piṇḍikāyāś ca manasā parikalpayet

स्वयम्भूवाणलिङ्गादौ संस्कृतौ नियमो न हि

svayambhūvāṇaliṅgādau saṃskṛtau niyamo na hi

स्नापनं संहितामन्त्रैर् न्यासं होमञ्च कारयेत्

snāpanaṃ saṃhitāmantrair nyāsaṃ homañca kārayet

नदीसमुद्ररोहाणां स्थापनं पूर्ववन् मतं

nadīsamudrarohāṇāṃ sthāpanaṃ pūrvavan mataṃ

ऐहिकम् मृण्मयं लिङ्गं पिष्टकादि च तक्षणात्

aihikam mṛṇmayaṃ liṅgaṃ piṣṭakādi ca takṣaṇāt

कृत्वा सम्पूजयेच्छुद्धं सीक्षणादिविधानतः

kṛtvā sampūjayecchuddhaṃ sīkṣaṇādividhānataḥ

समादाय ततो मन्त्रानात्मानं सन्निधाय च

samādāya tato mantrānātmānaṃ sannidhāya ca

तज्जले प्रक्षिपेल्लिङ्गं वत्सरात् कामदं भवेत्

tajjale prakṣipelliṅgaṃ vatsarāt kāmadaṃ bhavet

विष्ण्वादिस्थापनं चैव पृयङ्मन्त्रैः समाचरेत्

viṣṇvādisthāpanaṃ caiva pṛyaṅmantraiḥ samācaret