88 ॥ इति श्रीब्रह्माण्डमहापुराणे उत्तरभागे ललितोपाख्याने त्रिचत्वारिंशो ऽध्यायः हयग्रीव उवाच प्रविश्य तु जपस्थानमानीय निजमासनम् । अभ्युक्ष्य विधिवन्मन्त्रैर्गुरूक्तक्रमयोगतः
88 // iti śrībrahmāṇḍamahāpurāṇe uttarabhāge lalitopākhyāne tricatvāriṃśo 'dhyāyaḥ hayagrīva uvāca praviśya tu japasthānamānīya nijamāsanam / abhyukṣya vidhivanmantrairgurūktakramayogataḥ
1 ॥ स्वात्मानं देवतामूर्तिं ध्यायंस्तत्राविशेषतः । प्राङ्मुखो दृढमाबध्य पद्मासनमनन्यधीः
1 // svātmānaṃ devatāmūrtiṃ dhyāyaṃstatrāviśeṣataḥ / prāṅmukho dṛḍhamābadhya padmāsanamananyadhīḥ
2 ॥ त्रिखण्डामनुबध्नीयाद्गुर्वादीनभिवन्द्य च । द्विरुक्तबालबीजानि मध्याद्यङ्गुलिषु क्रमात्
2 // trikhaṇḍāmanubadhnīyādgurvādīnabhivandya ca / dviruktabālabījāni madhyādyaṅguliṣu kramāt
3 ॥ तलयोरपि विन्यस्य करशुद्धिपुरःसरम् । अग्निप्राकारपर्यन्तं कुर्यात्स्वास्त्रेण मन्त्रवित्
3 // talayorapi vinyasya karaśuddhipuraḥsaram / agniprākāraparyantaṃ kuryātsvāstreṇa mantravit
4 ॥ प्रतिलोमेन पादाद्यमनुलोमेन कादिकम् । व्याप कन्यासमारोप्य व्यापयन्वाग्भवादिभिः
4 // pratilomena pādādyamanulomena kādikam / vyāpa kanyāsamāropya vyāpayanvāgbhavādibhiḥ
5 ॥ व्यक्तैः कारमसूक्ष्मस्थूलशरीराणि कल्पयेत् । नाभौ हृदि भ्रुवोर्मध्ये बालाबीजान्यथ न्यसेत्
5 // vyaktaiḥ kāramasūkṣmasthūlaśarīrāṇi kalpayet / nābhau hṛdi bhruvormadhye bālābījānyatha nyaset
6 ॥ मातृकां मूलपुटितां न्यसेन्नाभ्यादिषु क्रमात् । बालाबीजानि तान्येव द्विरावृत्त्याथ विन्यसेत्
6 // mātṛkāṃ mūlapuṭitāṃ nyasennābhyādiṣu kramāt / bālābījāni tānyeva dvirāvṛttyātha vinyaset
7 ॥ मध्यादिकरशाखासु तलयोरपि नान्यथा । नाभ्यादावथ विन्यस्य न्यसेदथ पदद्वये
7 // madhyādikaraśākhāsu talayorapi nānyathā / nābhyādāvatha vinyasya nyasedatha padadvaye
8 ॥ जानूरुस्फिग्गुह्यमूलनाभि हृन्मूर्धसु क्रमात् । नवासनानि ब्रह्माणं विष्णुं रुद्रं तथेश्वरम्
8 // jānūrusphigguhyamūlanābhi hṛnmūrdhasu kramāt / navāsanāni brahmāṇaṃ viṣṇuṃ rudraṃ tatheśvaram
9 ॥ सदाशिवं च पूषाणं तूलिकां च प्रकाशकम् । विद्यासनं च विन्यस्य हृदये दर्शयेत्ततः
9 // sadāśivaṃ ca pūṣāṇaṃ tūlikāṃ ca prakāśakam / vidyāsanaṃ ca vinyasya hṛdaye darśayettataḥ
10 ॥ पद्मत्रिखण्डयोन्याख्यां मुद्रामोष्ठपुटेन च । वायुमापूर्य हुं हुं हुं त्विति प्राबीध्य कुण्डलीम्
10 // padmatrikhaṇḍayonyākhyāṃ mudrāmoṣṭhapuṭena ca / vāyumāpūrya huṃ huṃ huṃ tviti prābīdhya kuṇḍalīm
11 ॥ मन्त्रशक्त्या समुन्नीय द्वादशान्ते शिवैकताम् । भावयित्वा पुनस्तं च स्वस्थाने विनिवेश्य च
11 // mantraśaktyā samunnīya dvādaśānte śivaikatām / bhāvayitvā punastaṃ ca svasthāne viniveśya ca
12 ॥ वाग्भवादीनि बीजानि मूलहृद्बाहुषु न्यसेत् । समस्तमूर्ध्नि दोर्मूलमध्याग्रेषु यथाक्रमम्
12 // vāgbhavādīni bījāni mūlahṛdbāhuṣu nyaset / samastamūrdhni dormūlamadhyāgreṣu yathākramam
13 ॥ हस्तौ विन्यस्य चाङ्गेषु ह्यङ्गुष्ठादितलावधि । हृदयादौ च विन्यस्य कुङ्कुमं न्यासमाचरेत्
13 // hastau vinyasya cāṅgeṣu hyaṅguṣṭhāditalāvadhi / hṛdayādau ca vinyasya kuṅkumaṃ nyāsamācaret
14 ॥ शुद्धा तृतीयबीजेन पुटितां मातृकां पुनः । आद्यबीजद्वयं न्यस्य ह्यन्त्यबीजं न्यसेदिति
14 // śuddhā tṛtīyabījena puṭitāṃ mātṛkāṃ punaḥ / ādyabījadvayaṃ nyasya hyantyabījaṃ nyasediti
15 ॥ पुनर्भूतलविन्यासमाचरेन्नातिविस्तरम् । वर्गाष्टकं न्यसेन्मूले नाभौ हृदयकण्ठयोः
15 // punarbhūtalavinyāsamācarennātivistaram / vargāṣṭakaṃ nyasenmūle nābhau hṛdayakaṇṭhayoḥ
16 ॥ प्रागाधायैषु शषसान्मूलहृन्मूर्द्धसु न्यसेत् । कक्षकट्यंसवामांसकटिहृत्सु च विन्यसेत्
16 // prāgādhāyaiṣu śaṣasānmūlahṛnmūrddhasu nyaset / kakṣakaṭyaṃsavāmāṃsakaṭihṛtsu ca vinyaset
17 ॥ प्रभूताधः षडङ्गानि दादिवर्गैस्तु विन्यसेत् । ऋषिस्तु शब्दब्रह्मस्याच्छन्दो भूतलिपिर्मता
17 // prabhūtādhaḥ ṣaḍaṅgāni dādivargaistu vinyaset / ṛṣistu śabdabrahmasyācchando bhūtalipirmatā
18 ॥ श्रीमूलप्रकृतिस्त्वस्य देवता कथिता मनोः । अक्षस्रक्पुस्तके चोर्ध्वे पुष्पसायककार्मुके
18 // śrīmūlaprakṛtistvasya devatā kathitā manoḥ / akṣasrakpustake cordhve puṣpasāyakakārmuke
19 ॥ वराभीतिकराब्जैश्च धारयन्तीमनूपमाम् । रक्षणाक्षमयीं मानां वहन्ती कण्ठदेशतः
19 // varābhītikarābjaiśca dhārayantīmanūpamām / rakṣaṇākṣamayīṃ mānāṃ vahantī kaṇṭhadeśataḥ
20 ॥ हारकेयूरकटकच्छन्नवीरविभूषणाम् । दिव्याङ्गरागसंभिन्नमणिकुण्डलमण्डिताम्
20 // hārakeyūrakaṭakacchannavīravibhūṣaṇām / divyāṅgarāgasaṃbhinnamaṇikuṇḍalamaṇḍitām
21 ॥ लिपिकल्पद्रुमस्याधो रूपिपङ्कजवासिनीम् । साक्षाल्लिपिमयीं ध्यायेद्भैरवीं भक्तवत्सलाम्
21 // lipikalpadrumasyādho rūpipaṅkajavāsinīm / sākṣāllipimayīṃ dhyāyedbhairavīṃ bhaktavatsalām
22 ॥ अनेककोटिदूतीभिः समन्तात्समलङ्कृताम् । एवं ध्यात्वा न्यसेद्भूयो भूतलेप्यक्षरान्क्रमात्
22 // anekakoṭidūtībhiḥ samantātsamalaṅkṛtām / evaṃ dhyātvā nyasedbhūyo bhūtalepyakṣarānkramāt
23 ॥ मूलाद्याज्ञावसानेषु वर्गाष्टकमथो न्यसेत् । शषसान्मूर्ध्नि संन्यस्य स्वरानेष्वेव विन्यसेत्
23 // mūlādyājñāvasāneṣu vargāṣṭakamatho nyaset / śaṣasānmūrdhni saṃnyasya svarāneṣveva vinyaset
24 ॥ हादिरूर्ध्वादिपञ्चास्येष्वग्रे मूले च मध्यमे । अङ्गुलीमूलमणिबन्धयोर्देष्णोश्च पादयोः
24 // hādirūrdhvādipañcāsyeṣvagre mūle ca madhyame / aṅgulīmūlamaṇibandhayordeṣṇośca pādayoḥ
25 ॥ जठरे पार्श्वयोर्दक्षवामयोर्नाभिपृष्ठयोः । शषसान्मूलहृन्मूर्धस्वेतान्वा लादिकान्न्य सेत्
25 // jaṭhare pārśvayordakṣavāmayornābhipṛṣṭhayoḥ / śaṣasānmūlahṛnmūrdhasvetānvā lādikānnya set
26 ॥ ह्रस्वाः पञ्चाथ सन्ध्यर्णाश्चत्वारो हयरा वलौ । अकौ खगेनगश्चादौ क्रमोयं शिष्टवर्गके
26 // hrasvāḥ pañcātha sandhyarṇāścatvāro hayarā valau / akau khagenagaścādau kramoyaṃ śiṣṭavargake
27 ॥ शषसा इति विख्याता द्विचत्वारिंशदक्षराः । आद्यः पञ्चाक्षरो वर्गो द्वितीयश्चतुरक्षरः
27 // śaṣasā iti vikhyātā dvicatvāriṃśadakṣarāḥ / ādyaḥ pañcākṣaro vargo dvitīyaścaturakṣaraḥ
28 ॥ पञ्चाक्षरी तु षड्वर्गी त्रिवर्णो नवमो मतः । ब्रह्मा विष्णुश्च रुद्रश्च धनेशेन्द्रयमाः क्रमात्
28 // pañcākṣarī tu ṣaḍvargī trivarṇo navamo mataḥ / brahmā viṣṇuśca rudraśca dhaneśendrayamāḥ kramāt
29 ॥ वरुणश्चैव सोमश्च शक्तित्रयमिमे नव । वर्णानामीश्वराः प्रोक्ताः क्रमो भूतलिपेरयम्
29 // varuṇaścaiva somaśca śaktitrayamime nava / varṇānāmīśvarāḥ proktāḥ kramo bhūtaliperayam
30 ॥ एवं सृष्टौ पाठो विपरीतः संहृतावमुन्येव । स्थानानि योजनीयौ विसर्गबिन्दू च वर्णान्तौ
30 // evaṃ sṛṣṭau pāṭho viparītaḥ saṃhṛtāvamunyeva / sthānāni yojanīyau visargabindū ca varṇāntau
31 ॥ ध्यानपूर्वं ततः प्राज्ञो रत्यादिन्यासमाचरेत् । जपाकुसुमसंकाशाः कुङ्कुमारुणविग्रहाः
31 // dhyānapūrvaṃ tataḥ prājño ratyādinyāsamācaret / japākusumasaṃkāśāḥ kuṅkumāruṇavigrahāḥ
32 ॥ कामवामाधिरूढाङ्का ध्येयाः शरधनुर्धराः । रतिप्रीतियुतः कामः कामिन्याः कान्तैष्यते
32 // kāmavāmādhirūḍhāṅkā dhyeyāḥ śaradhanurdharāḥ / ratiprītiyutaḥ kāmaḥ kāminyāḥ kāntaiṣyate
33 ॥ कान्तिमान्मोहिनीयुक्तकामाङ्गः कलहप्रियाम् । अन्वेति कामचारैस्तु विलासिन्या समन्वितः
33 // kāntimānmohinīyuktakāmāṅgaḥ kalahapriyām / anveti kāmacāraistu vilāsinyā samanvitaḥ
34 ॥ कामः कल्पलता युक्तः कामुकः श्यामवर्णया । शुचिस्मितान्वितः कामो बन्धको विस्मृतायुतः
34 // kāmaḥ kalpalatā yuktaḥ kāmukaḥ śyāmavarṇayā / śucismitānvitaḥ kāmo bandhako vismṛtāyutaḥ
35 ॥ रमणो विस्मिताक्ष्या च रामो ऽयं लेलिहानया । रमण्या रतिनाथोपि दिग्वस्त्राढ्यो रतिप्रियः
35 // ramaṇo vismitākṣyā ca rāmo 'yaṃ lelihānayā / ramaṇyā ratināthopi digvastrāḍhyo ratipriyaḥ
36 ॥ वामया कुब्जया युक्तो रतिनाथो धरायुतः । रमाकान्तो रमोपास्यो रममाणो निशाचरः
36 // vāmayā kubjayā yukto ratinātho dharāyutaḥ / ramākānto ramopāsyo ramamāṇo niśācaraḥ
37 ॥ कल्याणो मोहिनीनाथो नन्दकश्चोत्तमान्वितः । नन्दी सुरोत्तमाढ्यो नन्दनो नन्दयिता पुनः
37 // kalyāṇo mohinīnātho nandakaścottamānvitaḥ / nandī surottamāḍhyo nandano nandayitā punaḥ
38 ॥ सुलावण्यान्वितः पञ्चबाणो बालनिधीश्वरः । कलहप्रियया युक्तस्तथा रतिसखः पुनः
38 // sulāvaṇyānvitaḥ pañcabāṇo bālanidhīśvaraḥ / kalahapriyayā yuktastathā ratisakhaḥ punaḥ
39 ॥ एकाक्ष्या पुष्पधन्वापि सुमुखेशो महाधनुः । नीली जडिल्यो भ्रमणः क्रमशः पालिनीपतिः
39 // ekākṣyā puṣpadhanvāpi sumukheśo mahādhanuḥ / nīlī jaḍilyo bhramaṇaḥ kramaśaḥ pālinīpatiḥ
40 ॥ भ्रममाणः शिवाकान्तो भ्रमो भ्रान्तश्च मुग्धया । भ्रामको रमया प्राप्तो भ्रामितो भृङ्ग इष्यते
40 // bhramamāṇaḥ śivākānto bhramo bhrāntaśca mugdhayā / bhrāmako ramayā prāpto bhrāmito bhṛṅga iṣyate
41 ॥ भ्रान्ताचारो लोचनया दीर्घजिह्विकया पुनः । भ्रमावहं समन्वेति मोहनस्तु रतिप्रियाम्
41 // bhrāntācāro locanayā dīrghajihvikayā punaḥ / bhramāvahaṃ samanveti mohanastu ratipriyām
42 ॥ मोहकस्तु पलाशाक्ष्या गृहिण्यां मोह इष्यते । विकटेशो मोहधरो वर्धनोयं धरायुतः
42 // mohakastu palāśākṣyā gṛhiṇyāṃ moha iṣyate / vikaṭeśo mohadharo vardhanoyaṃ dharāyutaḥ
43 ॥ मदनाथो ऽनूपमस्तु मन्मथो मलयान्वितः । मादकोह्लादिनीयुक्तः समिच्छन्विश्वतोमुखी
43 // madanātho 'nūpamastu manmatho malayānvitaḥ / mādakohlādinīyuktaḥ samicchanviśvatomukhī
44 ॥ नायको भृङ्गपूर्वस्तु गायको नन्दिनीयुतः । गणको ऽनामया ज्ञेयः काल्या नर्तक इष्यते
44 // nāyako bhṛṅgapūrvastu gāyako nandinīyutaḥ / gaṇako 'nāmayā jñeyaḥ kālyā nartaka iṣyate
45 ॥ क्ष्वेल्लकः कालकर्ण्यढ्यः कन्दर्पो मत्त इष्यते । नर्तकः श्यामलाकान्तो विलासी झषयान्वितः
45 // kṣvellakaḥ kālakarṇyaḍhyaḥ kandarpo matta iṣyate / nartakaḥ śyāmalākānto vilāsī jhaṣayānvitaḥ
46 ॥ उन्मत्तामुपसंगम्य मोदते कामवर्धनः । ध्यानपूर्वं ततः श्रीकण्ठादिविन्यासमाचरेत्
46 // unmattāmupasaṃgamya modate kāmavardhanaḥ / dhyānapūrvaṃ tataḥ śrīkaṇṭhādivinyāsamācaret
47 ॥ सिंदूरकाञ्चनसमोभयभागमर्धनारीश्वरं गिरिसुताहरभूपचिह्नम् । पाशद्वयाक्षवलयेष्टदहस्तमेव स्मृत्वा न्यसेल्लिपिपदेषु समीहितार्थम्
47 // siṃdūrakāñcanasamobhayabhāgamardhanārīśvaraṃ girisutāharabhūpacihnam / pāśadvayākṣavalayeṣṭadahastameva smṛtvā nyasellipipadeṣu samīhitārtham
48 ॥ श्रीकण्ठानन्तसूक्ष्मौ च त्रिमूर्तिरमरेश्वरः । उर्वीशोभारभूतिश्चातिथीशः स्थाणुको हरः
48 // śrīkaṇṭhānantasūkṣmau ca trimūrtiramareśvaraḥ / urvīśobhārabhūtiścātithīśaḥ sthāṇuko haraḥ
49 ॥ चण्डीशो भौतिकः सद्योजातश्चानुग्रहेश्वरः । अक्रूरश्च महासेनः स्युरेते वरमूर्त्तयः
49 // caṇḍīśo bhautikaḥ sadyojātaścānugraheśvaraḥ / akrūraśca mahāsenaḥ syurete varamūrttayaḥ
50 ॥ ततः क्रोधीशचण्डीशौ पञ्चान्तकशिवोत्तमौ । तथैकरुद्रकूर्मैकनेत्राः सचतुरातनाः
50 // tataḥ krodhīśacaṇḍīśau pañcāntakaśivottamau / tathaikarudrakūrmaikanetrāḥ sacaturātanāḥ
51 ॥ अजेशः शर्वसोमेशौ हरो लागलिदारुकौ । अर्धनारीश्वरश्चोमाकान्तश्चापाढ्यदण्डिनौ
51 // ajeśaḥ śarvasomeśau haro lāgalidārukau / ardhanārīśvaraścomākāntaścāpāḍhyadaṇḍinau
52 ॥ अत्रिर्मीनश्च मेषश्च लोहितश्च शिखी तथा । खड्गदण्डद्विदण्डौ च सुमहाकालव्या लिनौ
52 // atrirmīnaśca meṣaśca lohitaśca śikhī tathā / khaḍgadaṇḍadvidaṇḍau ca sumahākālavyā linau
53 ॥ भुजङ्गेशः पिनाकी च खड्गेशश्च बकस्तथा । श्वेतो ह्यभ्रश्च लकुलीशिवः संवर्त्तकस्तथा
53 // bhujaṅgeśaḥ pinākī ca khaḍgeśaśca bakastathā / śveto hyabhraśca lakulīśivaḥ saṃvarttakastathā
54 ॥ पूर्णोदरी च विरजा तृतीया शाल्म तथा । लोलाक्षी वर्तुलाक्षी च दीर्घङ्घोणा तथैव च
54 // pūrṇodarī ca virajā tṛtīyā śālma tathā / lolākṣī vartulākṣī ca dīrghaṅghoṇā tathaiva ca
55 ॥ सुदीर्घमुखिगो मुख्यौ नवमी दीर्घजिह्विका । कुञ्जरी चौर्ध्वकेशा च द्विमुखी विकृतानना
55 // sudīrghamukhigo mukhyau navamī dīrghajihvikā / kuñjarī caurdhvakeśā ca dvimukhī vikṛtānanā
56 ॥ सत्यलीलाकलाविद्यामुख्याः स्युः स्वरशक्तयः । महाकाली सरस्वत्यौ सर्वसिद्धिसमन्विते
56 // satyalīlākalāvidyāmukhyāḥ syuḥ svaraśaktayaḥ / mahākālī sarasvatyau sarvasiddhisamanvite
57 ॥ गौरी त्रैलोक्यविद्या च तथा मन्त्रात्मशक्तिका । लंबोदरी भूतमता द्राविणी नागरी तथा
57 // gaurī trailokyavidyā ca tathā mantrātmaśaktikā / laṃbodarī bhūtamatā drāviṇī nāgarī tathā
58 ॥ खेचरी मञ्जरी चैव रूपिणी वीरिणी तथा । कोटरा पूतना भद्रा काली योगिन्य एव च
58 // khecarī mañjarī caiva rūpiṇī vīriṇī tathā / koṭarā pūtanā bhadrā kālī yoginya eva ca
59 ॥ शङ्खिनीगर्जिनीकालरात्रिकूर्दिन्य एव च । कपर्दिनी तथा वज्रा जया च सुमुखेश्वरी
59 // śaṅkhinīgarjinīkālarātrikūrdinya eva ca / kapardinī tathā vajrā jayā ca sumukheśvarī
60 ॥ रेवती माधवी चैव वारुणी वायवी तथा । रक्षावधारिणी चान्या तथा च सहजाह्वया
60 // revatī mādhavī caiva vāruṇī vāyavī tathā / rakṣāvadhāriṇī cānyā tathā ca sahajāhvayā
61 ॥ लक्ष्मीश्च व्यापिनीमाये संख्याता वर्णशक्तयः । द्विरुक्तवालाया वर्णै रङ्गं कृत्वाथ केवलैः
61 // lakṣmīśca vyāpinīmāye saṃkhyātā varṇaśaktayaḥ / dviruktavālāyā varṇai raṅgaṃ kṛtvātha kevalaiḥ
62 ॥ षोढा न्यासं प्रकुर्वीत देवतात्मत्वसिद्धये । विघ्नेशादींस्तु तत्रादौ विन्यसेद्ध्यानपूर्वकम्
62 // ṣoḍhā nyāsaṃ prakurvīta devatātmatvasiddhaye / vighneśādīṃstu tatrādau vinyaseddhyānapūrvakam
63 ॥ तरुणारुणसंकाशान्गजवक्त्रांस्त्रिलोचनान् । पाशाङ्कुशवराभीतिहस्ताञ्छक्तिसमन्वितान्
63 // taruṇāruṇasaṃkāśāngajavaktrāṃstrilocanān / pāśāṅkuśavarābhītihastāñchaktisamanvitān
64 ॥ विघ्नेशो विघ्नराजश्च विनायकशिवोत्तमौ । विघ्नकृद्विघ्नहन्ता च विघ्नराढ्गणनायकः
64 // vighneśo vighnarājaśca vināyakaśivottamau / vighnakṛdvighnahantā ca vighnarāḍhgaṇanāyakaḥ
65 ॥ एकदन्तो द्विदन्तश्च गजवक्त्रो निरञ्जनः । कपर्दवान्दीर्घमुखः शङ्कुकर्णो वृषध्वजः
65 // ekadanto dvidantaśca gajavaktro nirañjanaḥ / kapardavāndīrghamukhaḥ śaṅkukarṇo vṛṣadhvajaḥ
66 ॥ गणनाथो गजेन्द्रास्यः शूर्पकर्णस्त्रिलोचनः । लम्बोदरो महानादश्चतुर्मूर्तिः सदाशिवः
66 // gaṇanātho gajendrāsyaḥ śūrpakarṇastrilocanaḥ / lambodaro mahānādaścaturmūrtiḥ sadāśivaḥ
67 ॥ आमोदो दुर्मदश्चैव सुमुखश्च प्रमोदकः । एकपादो द्विपादश्च शूरो वीरश्च षण्मुखः
67 // āmodo durmadaścaiva sumukhaśca pramodakaḥ / ekapādo dvipādaśca śūro vīraśca ṣaṇmukhaḥ
68 ॥ वरदो नाम देवश्च वक्रतुण्डो द्विदन्तकः । सेनानीर्ग्रामणीर्मत्तो मत्तमूषकवाहनः
68 // varado nāma devaśca vakratuṇḍo dvidantakaḥ / senānīrgrāmaṇīrmatto mattamūṣakavāhanaḥ
69 ॥ जटी मुण्डी तथा खड्गी वरेण्यो वृषकेतनः । भङ्यप्रियो गणेशश्च मेघनादो गणेश्वरः
69 // jaṭī muṇḍī tathā khaḍgī vareṇyo vṛṣaketanaḥ / bhaṅyapriyo gaṇeśaśca meghanādo gaṇeśvaraḥ
70 ॥ एते गणेशा वर्णानामेकपञ्चाशतः क्रमात् । श्रीश्च ह्रीश्चैव पुष्टिश्च शान्तिस्तुष्टिः सरस्वती
70 // ete gaṇeśā varṇānāmekapañcāśataḥ kramāt / śrīśca hrīścaiva puṣṭiśca śāntistuṣṭiḥ sarasvatī
71 ॥ रतिर्मेधा तथा कान्तिः कामिनी मोहिनी तथा । तीव्रा च ज्वालिनी नन्दा सुयशाः कामरूपिणी
71 // ratirmedhā tathā kāntiḥ kāminī mohinī tathā / tīvrā ca jvālinī nandā suyaśāḥ kāmarūpiṇī
72 ॥ उग्रा तेजोवती सत्या विघ्नेशानी स्वरूपिणी । कामार्त्ता मदजिह्वा च विकटा घूर्णितानना
72 // ugrā tejovatī satyā vighneśānī svarūpiṇī / kāmārttā madajihvā ca vikaṭā ghūrṇitānanā
73 ॥ भूतिर्भूमिर्द्विरम्या चामारूपा मकरध्वजा । विकर्णभ्रुकुटी लज्जा दीर्घघोणा धनुर्धरी
73 // bhūtirbhūmirdviramyā cāmārūpā makaradhvajā / vikarṇabhrukuṭī lajjā dīrghaghoṇā dhanurdharī
74 ॥ तथैव यामिनी रात्रिश्चन्द्रकान्ता शशिप्रभा । लोलाक्षी चपला ऋज्वी दुर्भगा सुभगा शिवा
74 // tathaiva yāminī rātriścandrakāntā śaśiprabhā / lolākṣī capalā ṛjvī durbhagā subhagā śivā
75 ॥ दुर्गा गुहप्रिया काली कालजिह्वा च शक्तयः । ग्रहन्यासं ततः कुर्याद्ध्यानपूर्वं समाहितः
75 // durgā guhapriyā kālī kālajihvā ca śaktayaḥ / grahanyāsaṃ tataḥ kuryāddhyānapūrvaṃ samāhitaḥ
76 ॥ वरदाभयहस्ताढ्याञ्छक्त्यालिङ्गितविग्रहान् । कुङ्कुमक्षीररुधिरकुन्दकाञ्चनकंबुभिः
76 // varadābhayahastāḍhyāñchaktyāliṅgitavigrahān / kuṅkumakṣīrarudhirakundakāñcanakaṃbubhiḥ
77 ॥ अम्भोदधूमतिमिरैः सूर्यादीन्सदृशान्स्मरेत् । हृदयाधो रविं न्यस्य शीर्ष्णि सोमं दृशोः कुजम्
77 // ambhodadhūmatimiraiḥ sūryādīnsadṛśānsmaret / hṛdayādho raviṃ nyasya śīrṣṇi somaṃ dṛśoḥ kujam
78 ॥ हृदि शुक्रं च हृन्मध्ये बुधं कण्ठे बृहस्पतिम् । नाभौ शनैश्चरं वक्त्रे राहुं केतुं पदद्वये
78 // hṛdi śukraṃ ca hṛnmadhye budhaṃ kaṇṭhe bṛhaspatim / nābhau śanaiścaraṃ vaktre rāhuṃ ketuṃ padadvaye
79 ॥ ज्वलत्कालानलप्रख्या वरदाभयपाणयः । तारा न्यसेत्ततो ध्यायन्सर्वाभरणभूषिताः
79 // jvalatkālānalaprakhyā varadābhayapāṇayaḥ / tārā nyasettato dhyāyansarvābharaṇabhūṣitāḥ
80 ॥ भाले नयनयोः कर्णद्वये नासापुडद्वये । कण्ठे स्कन्धद्वये पश्चात्कूर्पयोर्मणिबन्धयोः
80 // bhāle nayanayoḥ karṇadvaye nāsāpuḍadvaye / kaṇṭhe skandhadvaye paścātkūrpayormaṇibandhayoḥ
81 ॥ स्तनयोर्नाभिकट्यूरुजानुजङ्घापदद्वये । योगिनीन्यासमादध्या द्विशुद्धो हृदये तथा
81 // stanayornābhikaṭyūrujānujaṅghāpadadvaye / yoginīnyāsamādadhyā dviśuddho hṛdaye tathā
82 ॥ नाभौ स्वाधिष्ठिते मूले भ्रूमध्ये मूर्धनि क्रमात् । पद्मेन्दुकर्णिकामध्ये वर्णशक्तीर्दलेष्वथ
82 // nābhau svādhiṣṭhite mūle bhrūmadhye mūrdhani kramāt / padmendukarṇikāmadhye varṇaśaktīrdaleṣvatha
83 ॥ दलाग्रेषु तु पद्मस्य मूर्ध्नि सर्वाश्च विन्यसेत् । अमृता नन्दिनीन्द्राणी त्वीशानी चात्युमा तथा
83 // dalāgreṣu tu padmasya mūrdhni sarvāśca vinyaset / amṛtā nandinīndrāṇī tvīśānī cātyumā tathā
84 ॥ ऊर्ध्वकेशी ऋद्विदुषी ऌकारिका तथैव च । एकपादात्मिकैश्वर्यकारिणी चौषधात्मिका
84 // ūrdhvakeśī ṛdviduṣī ḷkārikā tathaiva ca / ekapādātmikaiśvaryakāriṇī cauṣadhātmikā
85 ॥ ततोंबिकाथो रक्षात्मिकेति षोडश शक्तयः । कालिका खेचरी गायत्री घण्टाधारिणी तथा
85 // tatoṃbikātho rakṣātmiketi ṣoḍaśa śaktayaḥ / kālikā khecarī gāyatrī ghaṇṭādhāriṇī tathā
86 ॥ नादात्मिका च चामुण्टा छत्रिका च जया तथा । झङ्कारिणी च संज्ञा च टङ्कहस्ता ततः परम्
86 // nādātmikā ca cāmuṇṭā chatrikā ca jayā tathā / jhaṅkāriṇī ca saṃjñā ca ṭaṅkahastā tataḥ param
87 ॥ टङ्कारिणी च विज्ञेयाः शक्तयो द्वादश क्रमात् । डङ्कारी टङ्कारिणी च णामिनी तामसी तथा
87 // ṭaṅkāriṇī ca vijñeyāḥ śaktayo dvādaśa kramāt / ḍaṅkārī ṭaṅkāriṇī ca ṇāminī tāmasī tathā
88 ॥ थङ्कारिणी दया धात्री नादिनी पार्वती तथा । फट्कारिणी च विज्ञेयाः शक्तयो द्वयपन्नगाः
88 // thaṅkāriṇī dayā dhātrī nādinī pārvatī tathā / phaṭkāriṇī ca vijñeyāḥ śaktayo dvayapannagāḥ
89 ॥ वर्धिनी च तथा भद्रा मज्जा चैव यशस्विनी । रमा च लामिनी चेति षडेताः शक्तयः क्रमात्
89 // vardhinī ca tathā bhadrā majjā caiva yaśasvinī / ramā ca lāminī ceti ṣaḍetāḥ śaktayaḥ kramāt
90 ॥ नारदा श्रीस्तथा षण्ढाशश्वत्यपि च शक्तयः । चतस्रो ऽपि तथैव द्वे हाकिनी च क्षमा तथा
90 // nāradā śrīstathā ṣaṇḍhāśaśvatyapi ca śaktayaḥ / catasro 'pi tathaiva dve hākinī ca kṣamā tathā
91 ॥ ततः पादे च लिङ्गे च कुक्षौ हृद्दोःशिरस्मु च । दक्षा दिवामपादान्तं राशीन्मेषादिकान्न्यसेत्
91 // tataḥ pāde ca liṅge ca kukṣau hṛddoḥśirasmu ca / dakṣā divāmapādāntaṃ rāśīnmeṣādikānnyaset
92 ॥ ततः पीठानि पञ्चाशदेकं चक्रं मनो न्यसेत् । वाराणसी कामरूपं नेपालं पौण्ड्रवर्धनम्
92 // tataḥ pīṭhāni pañcāśadekaṃ cakraṃ mano nyaset / vārāṇasī kāmarūpaṃ nepālaṃ pauṇḍravardhanam
93 ॥ वरस्थिरं कान्यकुब्जं पूर्णशैलं तथार्बुदम् । आम्रातकेश्वरैकाम्रं त्रिस्रोतः कामकोष्ठकम्
93 // varasthiraṃ kānyakubjaṃ pūrṇaśailaṃ tathārbudam / āmrātakeśvaraikāmraṃ trisrotaḥ kāmakoṣṭhakam
94 ॥ कैलासं भृगुनगरं केदारं चन्द्रपुष्करम् । श्रीपीठं चैकवीरां च जालन्ध्रं मालवं तथा
94 // kailāsaṃ bhṛgunagaraṃ kedāraṃ candrapuṣkaram / śrīpīṭhaṃ caikavīrāṃ ca jālandhraṃ mālavaṃ tathā
95 ॥ कुलान्नं देविकोटं च गोकर्णं मारुतेश्वरम् । अट्टहासं च विरजं राजवेश्म महापथम्
95 // kulānnaṃ devikoṭaṃ ca gokarṇaṃ māruteśvaram / aṭṭahāsaṃ ca virajaṃ rājaveśma mahāpatham
96 ॥ कोलापुरकैलापुरकालेश्वरजयन्तिकाः । उज्ज्यिन्यपि चित्रा च क्षीरकं हस्तिनापुरम्
96 // kolāpurakailāpurakāleśvarajayantikāḥ / ujjyinyapi citrā ca kṣīrakaṃ hastināpuram
97 ॥ उडीरां च प्रयागं च षष्टिमायापुरं तथा । गौरीशं सलयं चैव श्रीशैलं मरुमेव च
97 // uḍīrāṃ ca prayāgaṃ ca ṣaṣṭimāyāpuraṃ tathā / gaurīśaṃ salayaṃ caiva śrīśailaṃ marumeva ca
98 ॥ पुनर्गिरिवरं पश्चान्महेन्द्रं वामनं गिरिम् । स्याद्धिरण्यपुरं पश्चान्महालक्ष्मीपुरं तथा
98 // punargirivaraṃ paścānmahendraṃ vāmanaṃ girim / syāddhiraṇyapuraṃ paścānmahālakṣmīpuraṃ tathā
99 ॥ पुरोद्यानं तथा छायाक्षेत्रमाहुर्मनीषिणः । लिपिक्रमसमायुक्तांल्लिपिस्थानेषु विन्यसेत्
99 // purodyānaṃ tathā chāyākṣetramāhurmanīṣiṇaḥ / lipikramasamāyuktāṃllipisthāneṣu vinyaset
100 ॥ अन्यान्यथीक्तस्थानेषु संयुक्तांल्लिपिसङ्कमात् । षोढा न्यासो मयाख्यातः साक्षादीश्वरभाषितः
100 // anyānyathīktasthāneṣu saṃyuktāṃllipisaṅkamāt / ṣoḍhā nyāso mayākhyātaḥ sākṣādīśvarabhāṣitaḥ
101 ॥ एवं विन्यस्तदेहस्तु देवताविग्रहो भवेत् । ततः षोढा पुरः कृत्वा श्रीचक्रन्यासमाचरेत्
101 // evaṃ vinyastadehastu devatāvigraho bhavet / tataḥ ṣoḍhā puraḥ kṛtvā śrīcakranyāsamācaret
102 ॥ अंशाद्यानन्द्यमूर्त्यन्तं मन्त्रैस्तु व्यापकं चरेत् । चक्रेश्वरीं चक्रसमर्पणमन्त्रान्हृदि न्यसेत्
102 // aṃśādyānandyamūrtyantaṃ mantraistu vyāpakaṃ caret / cakreśvarīṃ cakrasamarpaṇamantrānhṛdi nyaset
103 ॥ अन्यान्यथोक्तस्थानेषु गणपत्यादिकान्न्यसेत् । दक्षिणोरुसमं वामं सर्वांश्च क्रमशो न्यसेत्
103 // anyānyathoktasthāneṣu gaṇapatyādikānnyaset / dakṣiṇorusamaṃ vāmaṃ sarvāṃśca kramaśo nyaset
104 ॥ गणेशं क्षेत्रपालं च योगिनीं बटुकं तथा । आदाविन्द्रादयो न्यस्याः पदाङ्गुष्ठद्वयाग्रके
104 // gaṇeśaṃ kṣetrapālaṃ ca yoginīṃ baṭukaṃ tathā / ādāvindrādayo nyasyāḥ padāṅguṣṭhadvayāgrake
105 ॥ जानुपार्श्वंसमूर्धास्यपार्श्वजानुषु मूर्धनि । मूलाधारे ऽणिमादीनां सिद्धीनां दशकं ततः
105 // jānupārśvaṃsamūrdhāsyapārśvajānuṣu mūrdhani / mūlādhāre 'ṇimādīnāṃ siddhīnāṃ daśakaṃ tataḥ
106 ॥ न्यस्तव्यमंसदोः पृष्ठवक्षस्सु प्रपदोः स्फिजि । दोर्देशपृष्ठयोर्मूर्धपादद्वितययोः क्रमात्
106 // nyastavyamaṃsadoḥ pṛṣṭhavakṣassu prapadoḥ sphiji / dordeśapṛṣṭhayormūrdhapādadvitayayoḥ kramāt
107 ॥ अणिमा चैव लघिमा तृतीया महिमा तथा । ईशित्वं च वशित्वं च प्राकाम्यं प्राप्तिरेव च । इच्छासिद्धी रससिद्धिर्मोक्षसिद्धिरिति स्मृताः
107 // aṇimā caiva laghimā tṛtīyā mahimā tathā / īśitvaṃ ca vaśitvaṃ ca prākāmyaṃ prāptireva ca / icchāsiddhī rasasiddhirmokṣasiddhiriti smṛtāḥ
108 ॥ ततो विप्र न्यसेद्धीमान्मातृणामष्टकं क्रमात् । पादाङ्गुष्ठयुगे दक्षपार्श्वे मूर्द्धनि वामतः
108 // tato vipra nyaseddhīmānmātṛṇāmaṣṭakaṃ kramāt / pādāṅguṣṭhayuge dakṣapārśve mūrddhani vāmataḥ
109 ॥ वामजनौ दक्षजानौ दक्षवामांसयोस्तथा
109 // vāmajanau dakṣajānau dakṣavāmāṃsayostathā
110 ॥ ब्राह्मी माहेश्वरी चैव कौमारी वैष्णवी तथा । वाराही च तथेन्द्राणी चामुण्डा चैव सप्तमी
110 // brāhmī māheśvarī caiva kaumārī vaiṣṇavī tathā / vārāhī ca tathendrāṇī cāmuṇḍā caiva saptamī
11 ॥ महालक्ष्मीश्च विज्ञेया मातरो वै क्रमाद् बुधैः । मुद्रादेवीर्न्यसेदष्टावेष्वेव द्वे च ते पुनः
11 // mahālakṣmīśca vijñeyā mātaro vai kramād budhaiḥ / mudrādevīrnyasedaṣṭāveṣveva dve ca te punaḥ
12 ॥ मूर्द्धार्न्ध्योरपि मुद्रास्तु सर्वसंक्षोभिणी तथा । सर्वविद्राविणी पश्चात्सर्वार्थाकर्षणी तथा
12 // mūrddhārndhyorapi mudrāstu sarvasaṃkṣobhiṇī tathā / sarvavidrāviṇī paścātsarvārthākarṣaṇī tathā
13 ॥ सर्वाद्या वशकरिणी सर्वाद्या प्रियकारिणी । महाङ्कुशी च सर्वाद्या सर्वाद्या खेचरी तथा
13 // sarvādyā vaśakariṇī sarvādyā priyakāriṇī / mahāṅkuśī ca sarvādyā sarvādyā khecarī tathā
14 ॥ त्रिखण्डा सर्वबीजा च मूद्रा सर्वप्रपीरिका । योनिमुद्रेति विज्ञेयास्तत्र चक्रेश्वरीं न्यसेत्
14 // trikhaṇḍā sarvabījā ca mūdrā sarvaprapīrikā / yonimudreti vijñeyāstatra cakreśvarīṃ nyaset
15 ॥ त्रैलोक्य मोहनं चक्रं समर्प्य व्याप्य वर्ष्मणि । ततः कलानां नित्यानां क्रमात्षोडशकं न्यसेत्
15 // trailokya mohanaṃ cakraṃ samarpya vyāpya varṣmaṇi / tataḥ kalānāṃ nityānāṃ kramātṣoḍaśakaṃ nyaset
16 ॥ कामाकर्षणरूपा च शब्दाकर्षणरूपिणी । अहङ्काराकर्षिणी च शब्दाकर्षणरूपिणी
16 // kāmākarṣaṇarūpā ca śabdākarṣaṇarūpiṇī / ahaṅkārākarṣiṇī ca śabdākarṣaṇarūpiṇī
17 ॥ स्पर्शाकर्षणरूपा च रूपाकर्षणरूपिणी । रसाकर्षणरूपा च गन्धाकर्षणरूपिणी
17 // sparśākarṣaṇarūpā ca rūpākarṣaṇarūpiṇī / rasākarṣaṇarūpā ca gandhākarṣaṇarūpiṇī
18 ॥ चित्ताकर्षणरूपा च धैर्याकर्षणरूपिणी । स्मृत्याकर्षणरूपा च हृदाकर्षणरूपिणी
18 // cittākarṣaṇarūpā ca dhairyākarṣaṇarūpiṇī / smṛtyākarṣaṇarūpā ca hṛdākarṣaṇarūpiṇī
19 ॥ श्रद्धाकर्षणरूपा च ह्यात्माकर्षणरूपिणी । अमृताकर्षिणी प्रोक्ता शरीराकर्षणी तथा
19 // śraddhākarṣaṇarūpā ca hyātmākarṣaṇarūpiṇī / amṛtākarṣiṇī proktā śarīrākarṣaṇī tathā
120 ॥ स्थानानि दक्षिणं श्रोत्रं पृष्ठमंसश्च कूर्परः । दक्षहस्त तलस्याथ पृष्ठं तत्स्फिक्च जानुनी
120 // sthānāni dakṣiṇaṃ śrotraṃ pṛṣṭhamaṃsaśca kūrparaḥ / dakṣahasta talasyātha pṛṣṭhaṃ tatsphikca jānunī
21 ॥ तज्जङ्घाप्रपदे वामप्रपदादिविलोमतः । चक्रेशीं न्यस्य चक्रं च समर्च्य व्याप्य वर्ष्मणि
21 // tajjaṅghāprapade vāmaprapadādivilomataḥ / cakreśīṃ nyasya cakraṃ ca samarcya vyāpya varṣmaṇi
22 ॥ न्यसेदनङ्गकुसुमदेव्यादीनामथाष्टकम् । शङ्खजत्रूरुजङ्घासु वामे तु प्रतिलोमतः
22 // nyasedanaṅgakusumadevyādīnāmathāṣṭakam / śaṅkhajatrūrujaṅghāsu vāme tu pratilomataḥ
23 ॥ अनङ्गकुसुमा पश्चाद्द्वितीयानङ्ग मेखला । अनङ्गमदना पश्चादनङ्गमदनातुरा
23 // anaṅgakusumā paścāddvitīyānaṅga mekhalā / anaṅgamadanā paścādanaṅgamadanāturā
24 ॥ अनङ्गरेखा तत्पश्चाद्वेगाख्यानङ्गपूर्विका । ततो ऽनङ्गाङ्कुशा पश्चादनङ्गाधारमालिनी
24 // anaṅgarekhā tatpaścādvegākhyānaṅgapūrvikā / tato 'naṅgāṅkuśā paścādanaṅgādhāramālinī
25 ॥ चक्रेशीं न्यस्य चक्रं च समर्प्य व्याप्य वर्ष्मणि । शक्तिदेवीर्न्यसेत्सर्वसंक्षोभिण्यादिका अथ
25 // cakreśīṃ nyasya cakraṃ ca samarpya vyāpya varṣmaṇi / śaktidevīrnyasetsarvasaṃkṣobhiṇyādikā atha
26 ॥ ललाटगण्डयोरं से पादमूले च जानुनि । उपर्यधश्च जङ्घायां तथा वामे विलोमतः
26 // lalāṭagaṇḍayoraṃ se pādamūle ca jānuni / uparyadhaśca jaṅghāyāṃ tathā vāme vilomataḥ
27 ॥ सर्वसंक्षोभिणी शक्तिः सर्वविद्राविणी तथा । सर्वाद्याकर्षणी शक्तिः सर्वप्रह्लादिनी तथा
27 // sarvasaṃkṣobhiṇī śaktiḥ sarvavidrāviṇī tathā / sarvādyākarṣaṇī śaktiḥ sarvaprahlādinī tathā
28 ॥ सर्वसंमोहिनी शक्तिः सर्वाद्या स्तंभिनी तथा । सर्वाद्या जृंभिणी शक्तिः सर्वाद्या वशकारिणी
28 // sarvasaṃmohinī śaktiḥ sarvādyā staṃbhinī tathā / sarvādyā jṛṃbhiṇī śaktiḥ sarvādyā vaśakāriṇī
29 ॥ सर्वाद्या रञ्जिनी शक्तिः सर्वाद्योन्मादिनी तथा । सर्वार्थसाधिनी शक्तिस्सर्वाशापूरिणी तथा
29 // sarvādyā rañjinī śaktiḥ sarvādyonmādinī tathā / sarvārthasādhinī śaktissarvāśāpūriṇī tathā
130 ॥ सर्वमन्त्रमयी शक्तिः सर्वद्वन्द्वक्षयङ्करा । चक्रेशीं न्यस्य चक्रं च समर्प्य व्याप्य वर्ष्मणि
130 // sarvamantramayī śaktiḥ sarvadvandvakṣayaṅkarā / cakreśīṃ nyasya cakraṃ ca samarpya vyāpya varṣmaṇi
31 ॥ सर्वसिद्धिप्रदादीनां दशकं चाथ विन्यसेत् । दक्षनासापुटे दन्तमूले दक्षस्तने तथा
31 // sarvasiddhipradādīnāṃ daśakaṃ cātha vinyaset / dakṣanāsāpuṭe dantamūle dakṣastane tathā
32 ॥ कूर्परे मणिबन्धे च न्यस्येद्वामे विलोमतः । सर्वसिद्धिप्रदा नित्यं सर्वसंपत्प्रदा तथा
32 // kūrpare maṇibandhe ca nyasyedvāme vilomataḥ / sarvasiddhipradā nityaṃ sarvasaṃpatpradā tathā
33 ॥ सर्वप्रियङ्करा देवी सर्वमङ्गलकारिणी । सर्वाघमोचिनी शक्तिः सर्वदुःखविमोचिनी
33 // sarvapriyaṅkarā devī sarvamaṅgalakāriṇī / sarvāghamocinī śaktiḥ sarvaduḥkhavimocinī
34 ॥ सर्व मृत्युप्रशमिनी सर्वविघ्नविनाशिनी । सर्वाङ्गसुन्दरी चैव सर्वसौभाग्यदायिनी
34 // sarva mṛtyupraśaminī sarvavighnavināśinī / sarvāṅgasundarī caiva sarvasaubhāgyadāyinī
35 ॥ चक्रेशीं न्यस्य चक्रं च समर्प्य व्याप्य वर्ष्मणि । सर्वज्ञाद्यान्न्यसेद्वक्षस्यपि दन्तस्थलेष्वथ
35 // cakreśīṃ nyasya cakraṃ ca samarpya vyāpya varṣmaṇi / sarvajñādyānnyasedvakṣasyapi dantasthaleṣvatha
36 ॥ सर्वज्ञा सर्वशक्तिश्च सर्वज्ञानप्रदा तथा । सर्वज्ञानमयी देवी सर्वव्याधिविनाशिनी
36 // sarvajñā sarvaśaktiśca sarvajñānapradā tathā / sarvajñānamayī devī sarvavyādhivināśinī
37 ॥ सर्वाधारस्वरूपा च सर्वपापहरा तथा । सर्वानन्दमयी देवी सर्वरक्षास्वरूपिणी । विज्ञेया दशमी चैव सर्वेप्सितफलप्रदा
37 // sarvādhārasvarūpā ca sarvapāpaharā tathā / sarvānandamayī devī sarvarakṣāsvarūpiṇī / vijñeyā daśamī caiva sarvepsitaphalapradā
38 ॥ चक्रेशीं न्यस्य चक्रं च समर्प्य व्याप्य वर्ष्मणि । प्राग्वामाद्याश्च विन्यस्य पक्षिण्याद्यास्ततः सुधीः
38 // cakreśīṃ nyasya cakraṃ ca samarpya vyāpya varṣmaṇi / prāgvāmādyāśca vinyasya pakṣiṇyādyāstataḥ sudhīḥ
39 ॥ दक्षे तु चिबुके कण्ठे स्तने नाभौ च पार्श्वयोः । वामा विनोदिनी विद्या वशिता कामिकी मता
39 // dakṣe tu cibuke kaṇṭhe stane nābhau ca pārśvayoḥ / vāmā vinodinī vidyā vaśitā kāmikī matā
140 ॥ कामेश्वरी परा ज्ञेया मोहिनी विमला तथा । अरुणा जयिनी पश्चात्तथा सर्वेश्वरी मता । कौलिनीति समुक्तानि तासां नामानि सूरिभिः
140 // kāmeśvarī parā jñeyā mohinī vimalā tathā / aruṇā jayinī paścāttathā sarveśvarī matā / kaulinīti samuktāni tāsāṃ nāmāni sūribhiḥ
41 ॥ चक्रेश्वरीं न्यसेच्चक्रं समर्प्य व्याप्य वर्ष्मणि । हृदि त्रिकोणं संभाव्य दिक्षु प्रागादितः क्रमात्
41 // cakreśvarīṃ nyaseccakraṃ samarpya vyāpya varṣmaṇi / hṛdi trikoṇaṃ saṃbhāvya dikṣu prāgāditaḥ kramāt
42 ॥ तद्बहिर्विन्न्यसेद्धीमानायुधानां चतुष्टयम् । न्यसेदग्न्यादिकोणेषु मध्ये पीठचतुष्टयम्
42 // tadbahirvinnyaseddhīmānāyudhānāṃ catuṣṭayam / nyasedagnyādikoṇeṣu madhye pīṭhacatuṣṭayam
43 ॥ मध्यवृत्तंन्यसित्वा च नित्याषोडशकं न्यसेत् । कामेश्वरी तथा नित्या नित्या च भगमालिनी
43 // madhyavṛttaṃnyasitvā ca nityāṣoḍaśakaṃ nyaset / kāmeśvarī tathā nityā nityā ca bhagamālinī
44 ॥ नित्यक्लिन्ना तथा नित्या नित्या भेरुण्डिनी मता । वह्निवासिनिका नित्या महावज्रेश्वरी तथा
44 // nityaklinnā tathā nityā nityā bheruṇḍinī matā / vahnivāsinikā nityā mahāvajreśvarī tathā
45 ॥ नित्या च दूती नित्या च त्वरिता तु ततः परम् । कुलसुन्दरिका नित्या कुल्या नित्या ततः परम्
45 // nityā ca dūtī nityā ca tvaritā tu tataḥ param / kulasundarikā nityā kulyā nityā tataḥ param
46 ॥ नित्या नीलपताका च नित्या तु विजया परा । ततस्तु मङ्गला चैव नित्यपूर्वा प्रचक्ष्यते
46 // nityā nīlapatākā ca nityā tu vijayā parā / tatastu maṅgalā caiva nityapūrvā pracakṣyate
47 ॥ प्रभामालिनिका नित्या चित्रा नित्या तथैव च । एतास्त्रिकोणान्तरेण पादतो हृदि विन्यसेत्
47 // prabhāmālinikā nityā citrā nityā tathaiva ca / etāstrikoṇāntareṇa pādato hṛdi vinyaset
48 ॥ नित्या प्रमोदिनी चैव नित्या त्रिपुरसुन्दरी । तन्मध्ये विन्यसेद्देवीमखण्डजगदात्मिकाम्
48 // nityā pramodinī caiva nityā tripurasundarī / tanmadhye vinyaseddevīmakhaṇḍajagadātmikām
49 ॥ चक्रेश्वरीं हृदि न्यस्य कृत्वा चक्रं समुद्धृतम् । प्रदर्श्य मुद्रां योन्याख्यां सर्वानन्दमनुं जपेत्
49 // cakreśvarīṃ hṛdi nyasya kṛtvā cakraṃ samuddhṛtam / pradarśya mudrāṃ yonyākhyāṃ sarvānandamanuṃ japet
150 ॥ इत्यात्मनस्तु चक्रस्य चक्रदेवी भविष्यति
150 // ityātmanastu cakrasya cakradevī bhaviṣyati