= Dभ्P_7,39.47 ॥ इति देवीगीतायां नवमो ऽध्यायः - इति श्रीदेवीभागवते महापुराणे सप्तमस्कन्धे देवीगीतायामेकोनचत्वारिंशो ऽध्यायः दशमो ऽध्यायः सप्तमः स्कन्धः अथ चत्वारिंशो ऽध्यायः श्री देव्युवाच प्रातरुत्थाय शिरसि संस्मरेत्पद्ममुज्ज्वलम् । कर्पूराभं स्मरेत्तत्र श्रीगुरुं निजरूपिणम्
= DbhP_7,39.47 // iti devīgītāyāṃ navamo 'dhyāyaḥ - iti śrīdevībhāgavate mahāpurāṇe saptamaskandhe devīgītāyāmekonacatvāriṃśo 'dhyāyaḥ daśamo 'dhyāyaḥ saptamaḥ skandhaḥ atha catvāriṃśo 'dhyāyaḥ śrī devyuvāca prātarutthāya śirasi saṃsmaretpadmamujjvalam / karpūrābhaṃ smarettatra śrīguruṃ nijarūpiṇam
= Dभ्P_7,40.1 ॥ सुप्रसन्न् अं लसद्भूषाभूषितं शक्तिसंयुतम् । नमस्कृत्य ततो देवीं कुण्डलीं संस्मरेद्बुधः
= DbhP_7,40.1 // suprasann aṃ lasadbhūṣābhūṣitaṃ śaktisaṃyutam / namaskṛtya tato devīṃ kuṇḍalīṃ saṃsmaredbudhaḥ
= Dभ्P_7,40.2 ॥ प्रकाशमानां प्रथमे प्रयाणे प्रतिप्रयाणे ऽप्यमृतायमानाम् । अन्तः पदव्यामनुसञ्चरन्तीमानन्दरूपामबलां प्रपद्ये
= DbhP_7,40.2 // prakāśamānāṃ prathame prayāṇe pratiprayāṇe 'pyamṛtāyamānām / antaḥ padavyāmanusañcarantīmānandarūpāmabalāṃ prapadye
= Dभ्P_7,40.3 ॥ ध्यात्वैवं तच्छिखामध्ये सच्चिदानन्दरूपिणीम् । मां ध्यायेदथ शौचादित्रियाः सर्वाः समापयेत्
= DbhP_7,40.3 // dhyātvaivaṃ tacchikhāmadhye saccidānandarūpiṇīm / māṃ dhyāyedatha śaucāditriyāḥ sarvāḥ samāpayet
= Dभ्P_7,40.4 ॥ अग्निहोत्रं ततो हूत्वा मत्प्रीत्यर्थं द्विजोत्तमः । होमान्ते स्वासने स्थित्वा पूजासङ्कल्पमाचरेत्
= DbhP_7,40.4 // agnihotraṃ tato hūtvā matprītyarthaṃ dvijottamaḥ / homānte svāsane sthitvā pūjāsaṅkalpamācaret
= Dभ्P_7,40.5 ॥ भूतशुद्धिं पुरा कृत्वा मातृकान्यासमेव च । हृल्लेखामातृकान्यासं नित्यमेव समाचरेत्
= DbhP_7,40.5 // bhūtaśuddhiṃ purā kṛtvā mātṛkānyāsameva ca / hṛllekhāmātṛkānyāsaṃ nityameva samācaret
= Dभ्P_7,40.6 ॥ मूलाधारे हकारं च हृदये च रकारकम् । भ्रूमध्ये तद्वदीकारं ह्रीङ्कारं मस्तके न्यसेत्
= DbhP_7,40.6 // mūlādhāre hakāraṃ ca hṛdaye ca rakārakam / bhrūmadhye tadvadīkāraṃ hrīṅkāraṃ mastake nyaset
= Dभ्P_7,40.7 ॥ तत्तन्मन्त्रोदितानन्यान्न्यासान्सर्वान्समाचरेत् । कल्पयेत्स्वात्मनो देहे पीठं धर्मादिभिः पुनः
= DbhP_7,40.7 // tattanmantroditānanyānnyāsānsarvānsamācaret / kalpayetsvātmano dehe pīṭhaṃ dharmādibhiḥ punaḥ
= Dभ्P_7,40.8 ॥ ततो ध्यायेन्महादेवीं प्राणायामैर्विजृम्भिते । हृदम्भोजे मम स्थाने पञ्चप्रेतासने बुधः
= DbhP_7,40.8 // tato dhyāyenmahādevīṃ prāṇāyāmairvijṛmbhite / hṛdambhoje mama sthāne pañcapretāsane budhaḥ
= Dभ्P_7,40.9 ॥ ब्रह्मा विष्णुश्च रुद्रश्च ईश्वरश्च सदाशिवः । एते पञ्च महाप्रेताः पादमूले मम स्थिताः
= DbhP_7,40.9 // brahmā viṣṇuśca rudraśca īśvaraśca sadāśivaḥ / ete pañca mahāpretāḥ pādamūle mama sthitāḥ
= Dभ्P_7,40.10 ॥ पञ्चभूतात्मका ह्येते पञ्चावस्थात्मका अपि । अहं त्वव्यक्तचिद्रूपा तदतीतास्ति सर्वथा
= DbhP_7,40.10 // pañcabhūtātmakā hyete pañcāvasthātmakā api / ahaṃ tvavyaktacidrūpā tadatītāsti sarvathā
= Dभ्P_7,40.11 ॥ ततो विष्टरतां याताः शक्तितन्त्रेषु सर्वदा । ध्यात्वैवं मानसैर्भोगैः पूजयेन्मां जपेदपि
= DbhP_7,40.11 // tato viṣṭaratāṃ yātāḥ śaktitantreṣu sarvadā / dhyātvaivaṃ mānasairbhogaiḥ pūjayenmāṃ japedapi
= Dभ्P_7,40.12 ॥ जपं समर्प्य श्रीदेव्यै ततो ऽर्घ्यस्थापनं चरेत् । पात्रासादनकं कृत्वा पूजाद्रव्याणि शोधयेत्
= DbhP_7,40.12 // japaṃ samarpya śrīdevyai tato 'rghyasthāpanaṃ caret / pātrāsādanakaṃ kṛtvā pūjādravyāṇi śodhayet
= Dभ्P_7,40.13 ॥ जलेन तेन मनुना चास्त्रमन्त्रेण देशिकः । दिग्बन्धं च पुरा कृत्वा गुरून् नत्वा ततः परम्
= DbhP_7,40.13 // jalena tena manunā cāstramantreṇa deśikaḥ / digbandhaṃ ca purā kṛtvā gurūn natvā tataḥ param
= Dभ्P_7,40.14 ॥ तदनुज्ञां समादाय बाह्यपीठे ततः परम् । हृदिस्थां भवितां मूर्तिं मम दिव्यां मनोहराम्
= DbhP_7,40.14 // tadanujñāṃ samādāya bāhyapīṭhe tataḥ param / hṛdisthāṃ bhavitāṃ mūrtiṃ mama divyāṃ manoharām
= Dभ्P_7,40.15 ॥ आवाहयेत्ततः पीठे प्राणस्थापनविद्यया । असनावाहने चार्घ्यं पाद्याद्याचमनं तथा
= DbhP_7,40.15 // āvāhayettataḥ pīṭhe prāṇasthāpanavidyayā / asanāvāhane cārghyaṃ pādyādyācamanaṃ tathā
= Dभ्P_7,40.16 ॥ स्नानं वासोद्वयं चैव भूषणानि च सर्वशः । गन्धपुष्पं यथायोग्यं दत्त्वा देव्यै स्वभक्तितः
= DbhP_7,40.16 // snānaṃ vāsodvayaṃ caiva bhūṣaṇāni ca sarvaśaḥ / gandhapuṣpaṃ yathāyogyaṃ dattvā devyai svabhaktitaḥ
= Dभ्P_7,40.17 ॥ यन्त्रस्थानामावृतीनीं पूजनं सम्यगाचरेत् । प्रतिवारमशक्तानां शुक्रवारो नियम्यते
= DbhP_7,40.17 // yantrasthānāmāvṛtīnīṃ pūjanaṃ samyagācaret / prativāramaśaktānāṃ śukravāro niyamyate
= Dभ्P_7,40.18 ॥ मूलदेवीप्रभारूपाः स्मर्तव्या अङ्गदेवताः । तत्प्रभापटलव्याप्तं त्रैलोक्यं च विचिन्तयेत्
= DbhP_7,40.18 // mūladevīprabhārūpāḥ smartavyā aṅgadevatāḥ / tatprabhāpaṭalavyāptaṃ trailokyaṃ ca vicintayet
= Dभ्P_7,40.19 ॥ पुनरावृत्तिसहितां मूलदेवीं च पूजयेत् । गन्धादिभिः सुगन्धैस्तु तथा पुष्पैः सुवासितैः
= DbhP_7,40.19 // punarāvṛttisahitāṃ mūladevīṃ ca pūjayet / gandhādibhiḥ sugandhaistu tathā puṣpaiḥ suvāsitaiḥ
= Dभ्P_7,40.20 ॥ नैवेद्यैस्तर्पणैश्चैव ताम्बूलैर्दक्षिणादिभिः । तोषयेन्मां त्वत्कृतेन नाम्नां साहस्रकेण च
= DbhP_7,40.20 // naivedyaistarpaṇaiścaiva tāmbūlairdakṣiṇādibhiḥ / toṣayenmāṃ tvatkṛtena nāmnāṃ sāhasrakeṇa ca
= Dभ्P_7,40.21 ॥ कवचेन च सूक्तेनाहं रुद्रेभिरिति प्रभो । देव्यथर्वशिरोमन्त्रैर्हृल्लेखोपनिषद्भवैः
= DbhP_7,40.21 // kavacena ca sūktenāhaṃ rudrebhiriti prabho / devyatharvaśiromantrairhṛllekhopaniṣadbhavaiḥ
= Dभ्P_7,40.22 ॥ महाविद्यामहामन्त्रैस्तोषयेन्मां मुहुर्मुहुः । क्षमापयेज्जगद्धात्रीं प्रेमार्द्रहृदयो नरः
= DbhP_7,40.22 // mahāvidyāmahāmantraistoṣayenmāṃ muhurmuhuḥ / kṣamāpayejjagaddhātrīṃ premārdrahṛdayo naraḥ
= Dभ्P_7,40.23 ॥ पुलकाङ्कितसर्वाङ्गैर्बाष्परुद्धाक्षिनिःस्वनः । नृत्यगीतादिघोषेण तोषयेन्मां मुहुर्मुहुः
= DbhP_7,40.23 // pulakāṅkitasarvāṅgairbāṣparuddhākṣiniḥsvanaḥ / nṛtyagītādighoṣeṇa toṣayenmāṃ muhurmuhuḥ
= Dभ्P_7,40.24 ॥ वेदपारायनैश्चैव पुराणैः सकलैरपि । प्रतिपाद्या यतो ऽहं वै तस्मात्तैस्तोषयेत्तु माम्
= DbhP_7,40.24 // vedapārāyanaiścaiva purāṇaiḥ sakalairapi / pratipādyā yato 'haṃ vai tasmāttaistoṣayettu mām
= Dभ्P_7,40.25 ॥ निजं सर्वस्वमपि मे सदेहं नित्यशो ऽर्पयेत् । नित्यहोमं ततः कुर्याद्ब्राह्मणांश्च सुवासिनीः
= DbhP_7,40.25 // nijaṃ sarvasvamapi me sadehaṃ nityaśo 'rpayet / nityahomaṃ tataḥ kuryādbrāhmaṇāṃśca suvāsinīḥ
= Dभ्P_7,40.26 ॥ बटुकान्पामरानन्यान्देवीबुद्ध्या तु भोजयेत् । नत्वा पुनः स्वहृदये व्युत्क्रमेण विसर्जयेत्
= DbhP_7,40.26 // baṭukānpāmarānanyāndevībuddhyā tu bhojayet / natvā punaḥ svahṛdaye vyutkrameṇa visarjayet
= Dभ्P_7,40.27 ॥ सर्वं हृल्लेखया कुर्यात् पूजनं मम सुब्रत । हृल्लेखा सर्वमन्त्राणां नायिका परमा स्मृता
= DbhP_7,40.27 // sarvaṃ hṛllekhayā kuryāt pūjanaṃ mama subrata / hṛllekhā sarvamantrāṇāṃ nāyikā paramā smṛtā
= Dभ्P_7,40.28 ॥ हृल्लेखादर्पणे नित्यमहं तत्प्रतिबिम्बिता । तस्माद् हृल्लेखया दत्तं सर्वमन्त्रैः समर्पितम्
= DbhP_7,40.28 // hṛllekhādarpaṇe nityamahaṃ tatpratibimbitā / tasmād hṛllekhayā dattaṃ sarvamantraiḥ samarpitam
= Dभ्P_7,40.29 ॥ गुरुं सम्पूज्य भूषाद्यैः कृतकृत्यत्वमावहेत् । य एवं पूजयेद्देवीं श्रीमद्भुवनसुन्दरीम्
= DbhP_7,40.29 // guruṃ sampūjya bhūṣādyaiḥ kṛtakṛtyatvamāvahet / ya evaṃ pūjayeddevīṃ śrīmadbhuvanasundarīm
= Dभ्P_7,40.30 ॥ न तस्य दुर्लभं किञ्चित् कदाचित् क्वचिदस्ति हि । देहान्ते तु मणिद्वीपं मम यात्येव सर्वथा
= DbhP_7,40.30 // na tasya durlabhaṃ kiñcit kadācit kvacidasti hi / dehānte tu maṇidvīpaṃ mama yātyeva sarvathā
= Dभ्P_7,40.31 ॥ ज्ञेयो देवीस्वरूपो ऽसौ देवा नित्यं नमन्ति तम् । इति ते कथितं राजन् महादेव्याः प्रपूजनम्
= DbhP_7,40.31 // jñeyo devīsvarūpo 'sau devā nityaṃ namanti tam / iti te kathitaṃ rājan mahādevyāḥ prapūjanam
= Dभ्P_7,40.32 ॥ विमृश्यैतदशेषेणाप्यधिकारानुरूपतः । कुरु मे पूजनं तेन कृतार्थस्त्वं बविष्यसि
= DbhP_7,40.32 // vimṛśyaitadaśeṣeṇāpyadhikārānurūpataḥ / kuru me pūjanaṃ tena kṛtārthastvaṃ baviṣyasi
= Dभ्P_7,40.33 ॥ इदं तु गीताशास्त्रं मे नाशिष्याय वदेत् क्वचित् । नाभक्ताय प्रदातव्यं न धूर्ताय च दुर्हृदे
= DbhP_7,40.33 // idaṃ tu gītāśāstraṃ me nāśiṣyāya vadet kvacit / nābhaktāya pradātavyaṃ na dhūrtāya ca durhṛde
= Dभ्P_7,40.34 ॥ एतत्प्रकाशनं मातुरुद्धाटनमुरोजयोः । तस्मादवश्यं यत्नेन गोपनीयमिदं सदा
= DbhP_7,40.34 // etatprakāśanaṃ māturuddhāṭanamurojayoḥ / tasmādavaśyaṃ yatnena gopanīyamidaṃ sadā
= Dभ्P_7,40.35 ॥ देयं भक्ताय शिष्याय ज्येष्ठपुत्राय चैव हि । सुशीलाय सुवेषाय देवीभक्तियुताय च
= DbhP_7,40.35 // deyaṃ bhaktāya śiṣyāya jyeṣṭhaputrāya caiva hi / suśīlāya suveṣāya devībhaktiyutāya ca
= Dभ्P_7,40.36 ॥ श्राद्धकाले पठेदेतद् ब्राह्मणानाम् समीपतः । तृप्तास्तत्पितरः सर्वे प्रयान्ति परमं पदम्
= DbhP_7,40.36 // śrāddhakāle paṭhedetad brāhmaṇānām samīpataḥ / tṛptāstatpitaraḥ sarve prayānti paramaṃ padam
= Dभ्P_7,40.37 ॥ व्यास उवाच इत्युक्त्वा सा भगवती तत्रैवान्तरधीयत । देवाश्च मुदिताः सर्वे देवीदर्शनतो ऽभवन्
= DbhP_7,40.37 // vyāsa uvāca ityuktvā sā bhagavatī tatraivāntaradhīyata / devāśca muditāḥ sarve devīdarśanato 'bhavan
= Dभ्P_7,40.38 ॥ ततो हिमालये जज्ञे देवी हैमवती तु सा । या गौरीति प्रसिद्धासीद्दत्ता सा शङ्कराय च
= DbhP_7,40.38 // tato himālaye jajñe devī haimavatī tu sā / yā gaurīti prasiddhāsīddattā sā śaṅkarāya ca
= Dभ्P_7,40.39 ॥ ततः स्कन्दः समुद्भूतस्तारकस्तेन पातितः । समुद्रमन्थने पूर्वं रत्नान्यासुर्नराधिप
= DbhP_7,40.39 // tataḥ skandaḥ samudbhūtastārakastena pātitaḥ / samudramanthane pūrvaṃ ratnānyāsurnarādhipa
= Dभ्P_7,40.40 ॥ तत्र देवैः स्तुता देवी लक्ष्मीप्राप्त्यर्थमादरात् । तेषामनुग्रहार्थाय निर्गता तु रमा ततः
= DbhP_7,40.40 // tatra devaiḥ stutā devī lakṣmīprāptyarthamādarāt / teṣāmanugrahārthāya nirgatā tu ramā tataḥ
= Dभ्P_7,40.41 ॥ वैकुण्ठाय सुरैर्दत्ता तेन तस्य शमो ऽभवत् । इति ते कथितं राजन् देवीमाहात्म्यमुत्तमम्
= DbhP_7,40.41 // vaikuṇṭhāya surairdattā tena tasya śamo 'bhavat / iti te kathitaṃ rājan devīmāhātmyamuttamam
= Dभ्P_7,40.42 ॥ गौरीलक्ष्म्योः समुद्भूतिविषयं सर्वकामदम् । न वाच्यं त्वेतदन्यस्मै रहस्यं कथितं यतः
= DbhP_7,40.42 // gaurīlakṣmyoḥ samudbhūtiviṣayaṃ sarvakāmadam / na vācyaṃ tvetadanyasmai rahasyaṃ kathitaṃ yataḥ
= Dभ्P_7,40.43 ॥ गीता रहस्यभूतेयं गोपनीया प्रयत्नतः । सर्वमुक्तं स्मसेन यत्पृष्टं तत्त्वयानघ
= DbhP_7,40.43 // gītā rahasyabhūteyaṃ gopanīyā prayatnataḥ / sarvamuktaṃ smasena yatpṛṣṭaṃ tattvayānagha
= Dभ्P_7,40.44 ॥ पवित्रं पावनं दिव्यं किं भूयः श्रोतुमिच्छसि
= DbhP_7,40.44 // pavitraṃ pāvanaṃ divyaṃ kiṃ bhūyaḥ śrotumicchasi