= Dभ्P_7,31.74 ॥ इति देवीगीतायां प्रथमो ऽध्यायः - इति श्रीदेवीभागवते महापुराणे सप्तमस्कन्धे देवीगीतायामेकत्रिंशो ऽध्यायः अथ द्वितीयो ऽध्यायः - सप्तमः स्कन्धः अथ द्वात्रिंशो ऽध्यायः श्रीदेव्युवाच शृण्वन्तु निर्जराः सर्वे व्याहरन्त्या वचो मम । यस्य श्रवणमात्रेण मद्रूपत्वं प्रपद्यते
= DbhP_7,31.74 // iti devīgītāyāṃ prathamo 'dhyāyaḥ - iti śrīdevībhāgavate mahāpurāṇe saptamaskandhe devīgītāyāmekatriṃśo 'dhyāyaḥ atha dvitīyo 'dhyāyaḥ - saptamaḥ skandhaḥ atha dvātriṃśo 'dhyāyaḥ śrīdevyuvāca śṛṇvantu nirjarāḥ sarve vyāharantyā vaco mama / yasya śravaṇamātreṇa madrūpatvaṃ prapadyate
= Dभ्P_7,32.1 ॥ अहम् एवास पूर्वं तु नान्यत्किञ्चिन्नगाधिप । तदात्मरूपं चित्संवित् परब्रह्मैकनामकम्
= DbhP_7,32.1 // aham evāsa pūrvaṃ tu nānyatkiñcinnagādhipa / tadātmarūpaṃ citsaṃvit parabrahmaikanāmakam
= Dभ्P_7,32.2 ॥ अप्रतर्क्यम् अनिर्देश्यमनौपम्यमनामयम् । तस्य काचित्स्वतः सिद्धा शक्तिर्मायेति विश्रुता
= DbhP_7,32.2 // apratarkyam anirdeśyamanaupamyamanāmayam / tasya kācitsvataḥ siddhā śaktirmāyeti viśrutā
= Dभ्P_7,32.3 ॥ न सती सा नासती सा नोभयात्मा विरोधतः । एतद्विलक्षणा काचिद्वस्तुभूतास्ति सर्वदा
= DbhP_7,32.3 // na satī sā nāsatī sā nobhayātmā virodhataḥ / etadvilakṣaṇā kācidvastubhūtāsti sarvadā
= Dभ्P_7,32.4 ॥ पावकस्योष्णतेवेयमुष्णांशोरिव दीधितिः । चन्द्रस्य चन्द्रिकेवेयं ममेयं सहजा ध्रुवा
= DbhP_7,32.4 // pāvakasyoṣṇateveyamuṣṇāṃśoriva dīdhitiḥ / candrasya candrikeveyaṃ mameyaṃ sahajā dhruvā
= Dभ्P_7,32.5 ॥ तस्यां कर्मणि जीवानां जीवाः कालाश्च सञ्चरे । अभेदेन विलीनाः स्युः सुषुप्तौ व्यवहारवत्
= DbhP_7,32.5 // tasyāṃ karmaṇi jīvānāṃ jīvāḥ kālāśca sañcare / abhedena vilīnāḥ syuḥ suṣuptau vyavahāravat
= Dभ्P_7,32.6 ॥ स्वशक्तेश् च समायोगादहं बीजात्मतां गता । स्वाधारावरणात्तस्या दोषत्वं च समागतम्
= DbhP_7,32.6 // svaśakteś ca samāyogādahaṃ bījātmatāṃ gatā / svādhārāvaraṇāttasyā doṣatvaṃ ca samāgatam
= Dभ्P_7,32.7 ॥ चैतन्यस्य समायोगान्निमित्तत्वं च कथ्यते । प्रपञ्चपरिणामाच्च समवायित्वमुच्यते
= DbhP_7,32.7 // caitanyasya samāyogānnimittatvaṃ ca kathyate / prapañcapariṇāmācca samavāyitvamucyate
= Dभ्P_7,32.8 ॥ केचित्तां तप इत्याहुस्तमः केचिज्जडं परे । ज्ञानं मायां प्रधानं च प्रकृतिं शक्तिमप्यजाम्
= DbhP_7,32.8 // kecittāṃ tapa ityāhustamaḥ kecijjaḍaṃ pare / jñānaṃ māyāṃ pradhānaṃ ca prakṛtiṃ śaktimapyajām
= Dभ्P_7,32.9 ॥ विमर्श इति तां प्राहुः शैवशास्त्रविशारदाः । अविद्यामितरे प्राहुर्वेदतत्त्वार्थचिन्तकाः
= DbhP_7,32.9 // vimarśa iti tāṃ prāhuḥ śaivaśāstraviśāradāḥ / avidyāmitare prāhurvedatattvārthacintakāḥ
= Dभ्P_7,32.10 ॥ एवं नानाविधानि स्युर्नामानि निगमादिषु । तस्या जडत्वं दृश्यत्वाज्ज्ञाननाशात्ततो ऽसती
= DbhP_7,32.10 // evaṃ nānāvidhāni syurnāmāni nigamādiṣu / tasyā jaḍatvaṃ dṛśyatvājjñānanāśāttato 'satī
= Dभ्P_7,32.11 ॥ चैतन्यस्य न दृश्यत्वम् दृश्यत्वे जडमेव तत् । स्वप्रकाशं च चैतन्यं न परेण प्रकाशितम्
= DbhP_7,32.11 // caitanyasya na dṛśyatvam dṛśyatve jaḍameva tat / svaprakāśaṃ ca caitanyaṃ na pareṇa prakāśitam
= Dभ्P_7,32.12 ॥ अनवस्थादोषसत्त्वान्न स्वेनापि प्रकाशितम् । कर्मकर्त्रीविरोधः स्यात्तस्मात्तद्दीपवत्स्वयम्
= DbhP_7,32.12 // anavasthādoṣasattvānna svenāpi prakāśitam / karmakartrīvirodhaḥ syāttasmāttaddīpavatsvayam
= Dभ्P_7,32.13 ॥ प्रकाशमानमन्येषां भासकं विद्धि पर्वत । अत एव च नित्यत्वं सिद्धसंवित्तनोर्मम
= DbhP_7,32.13 // prakāśamānamanyeṣāṃ bhāsakaṃ viddhi parvata / ata eva ca nityatvaṃ siddhasaṃvittanormama
= Dभ्P_7,32.14 ॥ जाग्रत्स्वप्नसुषुप्त्यादौ दृश्यस्य व्यभिचारतः । संविदो व्यभिचारश्च नानुभूतो ऽस्ति कर्हिचित्
= DbhP_7,32.14 // jāgratsvapnasuṣuptyādau dṛśyasya vyabhicārataḥ / saṃvido vyabhicāraśca nānubhūto 'sti karhicit
= Dभ्P_7,32.15 ॥ यदि तस्याप्यनुभवस्तर्ह्ययं येन साक्षिणा । अनुभूतः स एवात्र शिष्टः संविद्वपुः पुरा
= DbhP_7,32.15 // yadi tasyāpyanubhavastarhyayaṃ yena sākṣiṇā / anubhūtaḥ sa evātra śiṣṭaḥ saṃvidvapuḥ purā
= Dभ्P_7,32.16 ॥ अत एव च नित्यत्वं प्रोक्तं सच्छास्त्रकोविदैः । आनन्दरूपता चास्याः परप्रेमास्पदत्वतः
= DbhP_7,32.16 // ata eva ca nityatvaṃ proktaṃ sacchāstrakovidaiḥ / ānandarūpatā cāsyāḥ parapremāspadatvataḥ
= Dभ्P_7,32.17 ॥ मा न भूवं हि भूयासमिति प्रेमात्मनि स्थितम् । सर्वस्यान्यस्य मिथ्यात्वादसङ्गत्वं स्फुटं मम
= DbhP_7,32.17 // mā na bhūvaṃ hi bhūyāsamiti premātmani sthitam / sarvasyānyasya mithyātvādasaṅgatvaṃ sphuṭaṃ mama
= Dभ्P_7,32.18 ॥ अपरिच्छिन्नताप्येवमत एव मता मम । तच्च ज्ञानं नात्मधर्मा धर्मत्वे जडतात्मनः
= DbhP_7,32.18 // aparicchinnatāpyevamata eva matā mama / tacca jñānaṃ nātmadharmā dharmatve jaḍatātmanaḥ
= Dभ्P_7,32.19 ॥ ज्ञानस्य जडशेषत्वं न दृष्टं न च संभवि । चिद्धर्मत्वं तथा नास्ति चितश्चिन्न हि भिद्यते
= DbhP_7,32.19 // jñānasya jaḍaśeṣatvaṃ na dṛṣṭaṃ na ca saṃbhavi / ciddharmatvaṃ tathā nāsti citaścinna hi bhidyate
= Dभ्P_7,32.20 ॥ तस्मादात्मा ज्ञानरूपः सुखरूपश्च सर्वदा । सत्यः पूर्णो ऽप्य् असङ्गश्च द्वैतजालविवर्जितः
= DbhP_7,32.20 // tasmādātmā jñānarūpaḥ sukharūpaśca sarvadā / satyaḥ pūrṇo 'py asaṅgaśca dvaitajālavivarjitaḥ
= Dभ्P_7,32.21 ॥ स पुनः कामकर्मादियुक्तया स्वीयमायया । पूर्वानुभूतसंस्कारात्कालकर्मविपाकतः
= DbhP_7,32.21 // sa punaḥ kāmakarmādiyuktayā svīyamāyayā / pūrvānubhūtasaṃskārātkālakarmavipākataḥ
= Dभ्P_7,32.22 ॥ अविवेकाच्च तत्त्वस्य सिसृक्षावान्प्रजायते । अबुद्धिपूर्वः सर्गो ऽयं कथितस्ते नगाधिप
= DbhP_7,32.22 // avivekācca tattvasya sisṛkṣāvānprajāyate / abuddhipūrvaḥ sargo 'yaṃ kathitaste nagādhipa
= Dभ्P_7,32.23 ॥ एतद्धि यन्मया प्रोक्तं मम रूपमलौकिकम् । अव्याकृतं तदव्यक्तं मायाशबलमित्यपि
= DbhP_7,32.23 // etaddhi yanmayā proktaṃ mama rūpamalaukikam / avyākṛtaṃ tadavyaktaṃ māyāśabalamityapi
= Dभ्P_7,32.24 ॥ प्रोच्यते सर्वशास्त्रेषु सर्वकारणकारणम् । तत्त्वानामादिभूतं च सच्चिदानन्दविग्रहम्
= DbhP_7,32.24 // procyate sarvaśāstreṣu sarvakāraṇakāraṇam / tattvānāmādibhūtaṃ ca saccidānandavigraham
= Dभ्P_7,32.25 ॥ सर्वकर्मघनीभूतमिच्छाज्ञानक्रियाश्रयम् । ह्रीङ्कारमन्त्रवाच्यं तदादितत्त्वं तदुच्यते
= DbhP_7,32.25 // sarvakarmaghanībhūtamicchājñānakriyāśrayam / hrīṅkāramantravācyaṃ tadāditattvaṃ taducyate
= Dभ्P_7,32.26 ॥ तस्मादाकाश उत्पन्नः शब्दतन्मात्ररूपकः । भवेत्स्पर्शात्मको वायुस्तेजोरूपात्मकं पुनः
= DbhP_7,32.26 // tasmādākāśa utpannaḥ śabdatanmātrarūpakaḥ / bhavetsparśātmako vāyustejorūpātmakaṃ punaḥ
= Dभ्P_7,32.27 ॥ जलं रसात्मकं पश्चात्ततो गन्धात्मिका धरा । शब्दैकगुण आकाशो वायुः स्पर्शरवान्वितः
= DbhP_7,32.27 // jalaṃ rasātmakaṃ paścāttato gandhātmikā dharā / śabdaikaguṇa ākāśo vāyuḥ sparśaravānvitaḥ
= Dभ्P_7,32.28 ॥ शब्दस्पर्शरूपगुणं तेज इत्युच्यते बुधैः । शब्दस्पर्शरूपरसैरापो वेदगुणाः स्मृताः
= DbhP_7,32.28 // śabdasparśarūpaguṇaṃ teja ityucyate budhaiḥ / śabdasparśarūparasairāpo vedaguṇāḥ smṛtāḥ
= Dभ्P_7,32.29 ॥ शब्दस्पर्शरूपरसगन्धैः पञ्चगुणा धरा । तेभ्यो ऽभवन्महत्सूत्रं यल्लिङ्गं परिचक्षते
= DbhP_7,32.29 // śabdasparśarūparasagandhaiḥ pañcaguṇā dharā / tebhyo 'bhavanmahatsūtraṃ yalliṅgaṃ paricakṣate
= Dभ्P_7,32.30 ॥ सर्वात्मकम् तत्सम्प्रोक्तं सूक्ष्मदेहो ऽयमात्मनः । अव्यक्तं कारणो देहः स चोक्तः पूर्वम् एव हि
= DbhP_7,32.30 // sarvātmakam tatsamproktaṃ sūkṣmadeho 'yamātmanaḥ / avyaktaṃ kāraṇo dehaḥ sa coktaḥ pūrvam eva hi
= Dभ्P_7,32.31 ॥ यस्मिञ्जगद्बीजरूपं स्थितं लिङ्गोद्भवो यतः । ततः स्थूलानि भूतानि पञ्चीकरणमार्गतः
= DbhP_7,32.31 // yasmiñjagadbījarūpaṃ sthitaṃ liṅgodbhavo yataḥ / tataḥ sthūlāni bhūtāni pañcīkaraṇamārgataḥ
= Dभ्P_7,32.32 ॥ पञ्चसंख्यानि जायन्ते तत्प्रकारस्त्वथोच्यते । पूर्वोक्तानि च भूतानि प्रत्येकं विभजेद् द्विधा
= DbhP_7,32.32 // pañcasaṃkhyāni jāyante tatprakārastvathocyate / pūrvoktāni ca bhūtāni pratyekaṃ vibhajed dvidhā
= Dभ्P_7,32.33 ॥ एकैकं भागमेकस्य चतुर्धा विभजेद्गिरे । स्वस्वेतरद्वितीयांशे योजनात्पञ्च पञ्च ते
= DbhP_7,32.33 // ekaikaṃ bhāgamekasya caturdhā vibhajedgire / svasvetaradvitīyāṃśe yojanātpañca pañca te
= Dभ्P_7,32.34 ॥ तत्कार्यम् च विराड्देहः स्थूलदेहो ऽयमात्मनः । पञ्चभूतस्थसत्त्वांशैः श्रोत्रादीनां समुद्भवः
= DbhP_7,32.34 // tatkāryam ca virāḍdehaḥ sthūladeho 'yamātmanaḥ / pañcabhūtasthasattvāṃśaiḥ śrotrādīnāṃ samudbhavaḥ
= Dभ्P_7,32.35 ॥ ज्ञानेन्द्रियाणां राजेन्द्र प्रत्येकं मिलितैस्तु तैः । अन्तःकरणमेकं स्याद् वृत्तिभेदाच्चतुर्विधम्
= DbhP_7,32.35 // jñānendriyāṇāṃ rājendra pratyekaṃ militaistu taiḥ / antaḥkaraṇamekaṃ syād vṛttibhedāccaturvidham
= Dभ्P_7,32.36 ॥ यदा तु सङ्कल्पविकल्पकृत्यं तदा भवेत्तन्मन इत्यभिख्यम् । स्याद् बुद्धिसंज्ञं च यदा प्रवेत्ति सुनिश्चितं संशयहीनरूपम्
= DbhP_7,32.36 // yadā tu saṅkalpavikalpakṛtyaṃ tadā bhavettanmana ityabhikhyam / syād buddhisaṃjñaṃ ca yadā pravetti suniścitaṃ saṃśayahīnarūpam
= Dभ्P_7,32.37 ॥ अनुसन्धानरूपं तच्चित्तम् च परिकीर्तितम् । अहङ्कृत्यात्मवृत्त्या तु तदहङ्कारतां गतम्
= DbhP_7,32.37 // anusandhānarūpaṃ taccittam ca parikīrtitam / ahaṅkṛtyātmavṛttyā tu tadahaṅkāratāṃ gatam
= Dभ्P_7,32.38 ॥ तेषां रजोंशैर्ज्ञातानि क्रमात्कर्मेन्द्रियाणि च । प्रत्येकं मिलितैर्तैर्तु प्राणो भवति पञ्चधा
= DbhP_7,32.38 // teṣāṃ rajoṃśairjñātāni kramātkarmendriyāṇi ca / pratyekaṃ militairtairtu prāṇo bhavati pañcadhā
= Dभ्P_7,32.39 ॥ हृदि प्राणो गुदे ऽपानो नाभिस्थस्तु समानकः । कण्ठदेशे ऽप्युदानः स्याद्व्यानः सर्वशरीरगः
= DbhP_7,32.39 // hṛdi prāṇo gude 'pāno nābhisthastu samānakaḥ / kaṇṭhadeśe 'pyudānaḥ syādvyānaḥ sarvaśarīragaḥ
= Dभ्P_7,32.40 ॥ जानेन्द्रियाणि पञ्चैव पञ्च कर्मेन्द्रियाणि च । प्राणादिपञ्चकं चैव धियाच सहितं मनः
= DbhP_7,32.40 // jānendriyāṇi pañcaiva pañca karmendriyāṇi ca / prāṇādipañcakaṃ caiva dhiyāca sahitaṃ manaḥ
= Dभ्P_7,32.41 ॥ एतत्सूक्ष्मशरीरं स्यान्मम लिण्गं यदुच्यते । तत्र या प्रकृतिः प्रोक्ता सा राजन्द्विदिधा स्मृता
= DbhP_7,32.41 // etatsūkṣmaśarīraṃ syānmama liṇgaṃ yaducyate / tatra yā prakṛtiḥ proktā sā rājandvididhā smṛtā
= Dभ्P_7,32.42 ॥ सत्त्वात्मिका तु माया स्यादविद्या गुणमिश्रिता । स्वाश्रयं या तु संरक्षेत्सा मायेति निगद्यते
= DbhP_7,32.42 // sattvātmikā tu māyā syādavidyā guṇamiśritā / svāśrayaṃ yā tu saṃrakṣetsā māyeti nigadyate
= Dभ्P_7,32.43 ॥ तस्यां यत्प्रतिबिम्बं स्याद्बिम्बभूतस्य चेशितुः । स ईश्वरः समाख्यातः स्वाश्रयज्ञानवान्परः
= DbhP_7,32.43 // tasyāṃ yatpratibimbaṃ syādbimbabhūtasya ceśituḥ / sa īśvaraḥ samākhyātaḥ svāśrayajñānavānparaḥ
= Dभ्P_7,32.44 ॥ सर्वज्ञः सर्वकर्ता च सर्वानुग्रहकारकः । अविद्यायां तु यत्किञ्चित्प्रतिबिम्बं नगाधिप
= DbhP_7,32.44 // sarvajñaḥ sarvakartā ca sarvānugrahakārakaḥ / avidyāyāṃ tu yatkiñcitpratibimbaṃ nagādhipa
= Dभ्P_7,32.45 ॥ तदेव जीवसंज्ञं स्यात्सर्वदुःखाश्रयं पुनः । द्वयोरपीह सम्प्रोक्तं देहत्रयमविद्यया
= DbhP_7,32.45 // tadeva jīvasaṃjñaṃ syātsarvaduḥkhāśrayaṃ punaḥ / dvayorapīha samproktaṃ dehatrayamavidyayā
= Dभ्P_7,32.46 ॥ देहत्रयाभिमानाच्चाप्यभून्नामत्रयं पुनः । प्राज्ञस्तु कारणात्मा स्यात्सूक्ष्मदेही तु तैजसः
= DbhP_7,32.46 // dehatrayābhimānāccāpyabhūnnāmatrayaṃ punaḥ / prājñastu kāraṇātmā syātsūkṣmadehī tu taijasaḥ
= Dभ्P_7,32.47 ॥ स्थूलदेही तु विश्वाख्यस्त्रिविधः परिकीर्तितः । एवमीशो ऽपि सम्प्रोक्त ईशसूत्रविराट्पदैः
= DbhP_7,32.47 // sthūladehī tu viśvākhyastrividhaḥ parikīrtitaḥ / evamīśo 'pi samprokta īśasūtravirāṭpadaiḥ
= Dभ्P_7,32.48 ॥ प्रथमो व्यष्टिरूपस्तु समष्ट्यात्मा परः स्मृतः । स हि सर्वेश्वरः साक्षाज्जीवानुग्रहकाम्यया
= DbhP_7,32.48 // prathamo vyaṣṭirūpastu samaṣṭyātmā paraḥ smṛtaḥ / sa hi sarveśvaraḥ sākṣājjīvānugrahakāmyayā
= Dभ्P_7,32.49 ॥ करोति विविधं विश्वं नानाभोगाश्रयं पुनः । मच्छक्तिप्रेरितो नित्यं मयि राजन्प्रकल्पितः
= DbhP_7,32.49 // karoti vividhaṃ viśvaṃ nānābhogāśrayaṃ punaḥ / macchaktiprerito nityaṃ mayi rājanprakalpitaḥ