= Dभ्P_7,34.50 ॥ इति देवीगीतायां चतुर्थो ऽध्यायः - इति श्रीदेवीभागवते महापुराणे सप्तमस्कन्धे देवीगीतायां चतुस्त्रिंशो ऽध्यायः अथ पञ्चमो ऽध्यायः - सप्तमः स्कन्धः अथ पञ्चत्रिंशो ऽध्यायः हिमालय उवाच योगं वेद महेशानि साङ्गं संवित्प्रदायकम् । कृतेन येन योग्यो ऽहं भवेयं तत्त्वदर्शने
= DbhP_7,34.50 // iti devīgītāyāṃ caturtho 'dhyāyaḥ - iti śrīdevībhāgavate mahāpurāṇe saptamaskandhe devīgītāyāṃ catustriṃśo 'dhyāyaḥ atha pañcamo 'dhyāyaḥ - saptamaḥ skandhaḥ atha pañcatriṃśo 'dhyāyaḥ himālaya uvāca yogaṃ veda maheśāni sāṅgaṃ saṃvitpradāyakam / kṛtena yena yogyo 'haṃ bhaveyaṃ tattvadarśane
= Dभ्P_7,35.1 ॥ श्रीदेव्युवाच न योगो नभसः पृष्ठे न भूमौ न रसातले । ऐक्यं जीवात्मनोर् आहुर् योगं योगविशारदाः
= DbhP_7,35.1 // śrīdevyuvāca na yogo nabhasaḥ pṛṣṭhe na bhūmau na rasātale / aikyaṃ jīvātmanor āhur yogaṃ yogaviśāradāḥ
= Dभ्P_7,35.2 ॥ तत्प्रत्यूहाः षडाख्याता योगविघ्नकरानघ । कामक्रोधौ लोभमोहौ मदमात्सर्यसञ्ज्ञकौ
= DbhP_7,35.2 // tatpratyūhāḥ ṣaḍākhyātā yogavighnakarānagha / kāmakrodhau lobhamohau madamātsaryasañjñakau
= Dभ्P_7,35.3 ॥ योगाङ्गैरेव भित्त्वा तान्योगिनो योगमाप्नुयुः । यमं नियममासनप्राणायामौ ततः परम्
= DbhP_7,35.3 // yogāṅgaireva bhittvā tānyogino yogamāpnuyuḥ / yamaṃ niyamamāsanaprāṇāyāmau tataḥ param
= Dभ्P_7,35.4 ॥ प्रत्याहारं धारणाख्यं ध्यानं सार्धं समाधिना । अष्टाङ्गान्याहुरेतानि योगिनां योगसाधने
= DbhP_7,35.4 // pratyāhāraṃ dhāraṇākhyaṃ dhyānaṃ sārdhaṃ samādhinā / aṣṭāṅgānyāhuretāni yogināṃ yogasādhane
= Dभ्P_7,35.5 ॥ अहिंसा सत्यमस्तेयं ब्रह्मचर्यं दयार्जवम् । क्षमा धृतिर्मिताहारः शौचं चेति यमा दश
= DbhP_7,35.5 // ahiṃsā satyamasteyaṃ brahmacaryaṃ dayārjavam / kṣamā dhṛtirmitāhāraḥ śaucaṃ ceti yamā daśa
= Dभ्P_7,35.6 ॥ तपः सन्तोष आस्तिक्यं दानं देवस्य पूजनम् । सिद्धान्तश्रवणं चैव ह्रीर्मतिश्च जपो हुतम्
= DbhP_7,35.6 // tapaḥ santoṣa āstikyaṃ dānaṃ devasya pūjanam / siddhāntaśravaṇaṃ caiva hrīrmatiśca japo hutam
= Dभ्P_7,35.7 ॥ दशैते नियमाः प्रोक्ता मया पर्वतनायक । पद्मासनं स्वस्तिकं च भद्रं वज्रासनं तथा
= DbhP_7,35.7 // daśaite niyamāḥ proktā mayā parvatanāyaka / padmāsanaṃ svastikaṃ ca bhadraṃ vajrāsanaṃ tathā
= Dभ्P_7,35.8 ॥ वीरासनमिति प्रोक्तं क्रमादासनपञ्चकम् । ऊर्वोरुपरि विन्यस्य सम्यक्पादतले शुभे
= DbhP_7,35.8 // vīrāsanamiti proktaṃ kramādāsanapañcakam / ūrvorupari vinyasya samyakpādatale śubhe
= Dभ्P_7,35.9 ॥ अङ्गुष्ठौ च निबध्नीयाद्धस्ताभ्यां व्युत्क्रमात् ततः । पद्मासनमिति प्रोक्तं योगिनां हृदयङ्गमम्
= DbhP_7,35.9 // aṅguṣṭhau ca nibadhnīyāddhastābhyāṃ vyutkramāt tataḥ / padmāsanamiti proktaṃ yogināṃ hṛdayaṅgamam
= Dभ्P_7,35.10 ॥ जानूर्वोरन्तरे सम्यक् कृत्वा पादतले शुभे । कृजुकायो विशेद्योगी स्वस्तिकं तत्प्रचक्षते
= DbhP_7,35.10 // jānūrvorantare samyak kṛtvā pādatale śubhe / kṛjukāyo viśedyogī svastikaṃ tatpracakṣate
= Dभ्P_7,35.11 ॥ सीवन्याः पार्श्वयोर्न्यस्य गुल्फयुग्मं सुनिश्चितम् । वृषणाधः पादपार्ष्णी पार्ष्णिभ्यां परिबन्धयेत्
= DbhP_7,35.11 // sīvanyāḥ pārśvayornyasya gulphayugmaṃ suniścitam / vṛṣaṇādhaḥ pādapārṣṇī pārṣṇibhyāṃ paribandhayet
= Dभ्P_7,35.12 ॥ भद्रासनमिति प्रोक्तं योगिभिः परिपूजितम् । उर्वोः पादौ क्रमान्न्यस्य जान्वोः प्रत्यङ्मुखाङ्गुली
= DbhP_7,35.12 // bhadrāsanamiti proktaṃ yogibhiḥ paripūjitam / urvoḥ pādau kramānnyasya jānvoḥ pratyaṅmukhāṅgulī
= Dभ्P_7,35.13 ॥ करौ विदध्यादाख्यातं वज्रासनमनुत्तमम् । एकं पादमधः कृत्वा विन्यस्योरुं तथोत्तरे
= DbhP_7,35.13 // karau vidadhyādākhyātaṃ vajrāsanamanuttamam / ekaṃ pādamadhaḥ kṛtvā vinyasyoruṃ tathottare
= Dभ्P_7,35.14 ॥ कृजुकायो विशेद्योगी वीरासनमितीरितम् । इडयाकर्षयेत् वायुं बाह्यं षोडशमात्रया
= DbhP_7,35.14 // kṛjukāyo viśedyogī vīrāsanamitīritam / iḍayākarṣayet vāyuṃ bāhyaṃ ṣoḍaśamātrayā
= Dभ्P_7,35.15 ॥ धारयेत्पूरितं योगी चतुःषष्ट्या तु मात्रया । सुषुम्नामध्यगं सम्यग्द्वात्रिंशन्मात्रया शनैः
= DbhP_7,35.15 // dhārayetpūritaṃ yogī catuḥṣaṣṭyā tu mātrayā / suṣumnāmadhyagaṃ samyagdvātriṃśanmātrayā śanaiḥ
= Dभ्P_7,35.16 ॥ नाड्या पिङ्गलया चैव रेचयेद्योगवित्तमः । प्राणायाममिमं प्राहूर्योगशास्त्रविशारदाः
= DbhP_7,35.16 // nāḍyā piṅgalayā caiva recayedyogavittamaḥ / prāṇāyāmamimaṃ prāhūryogaśāstraviśāradāḥ
= Dभ्P_7,35.17 ॥ भूयोभूयः क्रमात् तस्य बाह्यमेवं समाचरेत् । मात्रावृद्धिः क्रमेणैव सम्यग्द्वादश षोडश
= DbhP_7,35.17 // bhūyobhūyaḥ kramāt tasya bāhyamevaṃ samācaret / mātrāvṛddhiḥ krameṇaiva samyagdvādaśa ṣoḍaśa
= Dभ्P_7,35.18 ॥ जपध्यानादिभिः सार्धं सगर्भं तं विदुर्बुधाः । तदपेतं विगर्भं च प्राणायामं परे विदुः
= DbhP_7,35.18 // japadhyānādibhiḥ sārdhaṃ sagarbhaṃ taṃ vidurbudhāḥ / tadapetaṃ vigarbhaṃ ca prāṇāyāmaṃ pare viduḥ
= Dभ्P_7,35.19 ॥ क्रमादभ्यस्यतः पुंसो देहे स्वेदोद्गमो ऽधमः । मध्यमः कम्पसंयुक्तो भूमित्यागः परो मतः
= DbhP_7,35.19 // kramādabhyasyataḥ puṃso dehe svedodgamo 'dhamaḥ / madhyamaḥ kampasaṃyukto bhūmityāgaḥ paro mataḥ
= Dभ्P_7,35.20 ॥ उत्तमस्य गुणावाप्तिर्यावच्छीलनम् इष्यते । इन्द्रियाणां विचरतां विषयेषु निरर्गलम्
= DbhP_7,35.20 // uttamasya guṇāvāptiryāvacchīlanam iṣyate / indriyāṇāṃ vicaratāṃ viṣayeṣu nirargalam
= Dभ्P_7,35.21 ॥ बलादाहरणं तेभ्यः प्रत्याहारो ऽभिधीयते । अङ्गुष्ठगुल्फजानूरुमूलाधारलिङ्गनाभिषु
= DbhP_7,35.21 // balādāharaṇaṃ tebhyaḥ pratyāhāro 'bhidhīyate / aṅguṣṭhagulphajānūrumūlādhāraliṅganābhiṣu
= Dभ्P_7,35.22 ॥ हृद्ग्रीवाकण्ठदेशेषु लम्बिकायां ततो नसि । भ्रूमध्ये मस्तके मूर्ध्नि द्वादशान्ते यथाविधि
= DbhP_7,35.22 // hṛdgrīvākaṇṭhadeśeṣu lambikāyāṃ tato nasi / bhrūmadhye mastake mūrdhni dvādaśānte yathāvidhi
= Dभ्P_7,35.23 ॥ धारणं प्राणमरुतो धारणेति निगद्यते । समाहितेन मनसा चैतन्यान्तरवर्तिना
= DbhP_7,35.23 // dhāraṇaṃ prāṇamaruto dhāraṇeti nigadyate / samāhitena manasā caitanyāntaravartinā
= Dभ्P_7,35.24 ॥ आत्मन्यभीष्टदेवानां ध्यानं ध्यानमिहोच्यते । समत्वभावना नित्यं जीवात्मपरमात्मनोः
= DbhP_7,35.24 // ātmanyabhīṣṭadevānāṃ dhyānaṃ dhyānamihocyate / samatvabhāvanā nityaṃ jīvātmaparamātmanoḥ
= Dभ्P_7,35.25 ॥ समाधिमाहुर्मुनयः प्रोक्तम् अष्टाङ्गलक्षणम् । इदानीं कथये ते ऽहं मन्त्रयोगमनुत्तमम्
= DbhP_7,35.25 // samādhimāhurmunayaḥ proktam aṣṭāṅgalakṣaṇam / idānīṃ kathaye te 'haṃ mantrayogamanuttamam
= Dभ्P_7,35.26 ॥ विश्वं शरीरमित्युक्तं पञ्चभूतात्मकं नग । चन्द्रसूर्याग्नितेजोभिर्जीवब्रह्मैक्यरूपकम्
= DbhP_7,35.26 // viśvaṃ śarīramityuktaṃ pañcabhūtātmakaṃ naga / candrasūryāgnitejobhirjīvabrahmaikyarūpakam
= Dभ्P_7,35.27 ॥ तिस्रः कोट्यस्तदर्धेन शरीरे नाडयो मताः । तासु मुख्या दश प्रोक्तास्ताभ्यस्तिस्रो व्यवस्थिताः
= DbhP_7,35.27 // tisraḥ koṭyastadardhena śarīre nāḍayo matāḥ / tāsu mukhyā daśa proktāstābhyastisro vyavasthitāḥ
= Dभ्P_7,35.28 ॥ प्रधाना मेरुदण्डे ऽत्र चन्द्रसूर्याग्ररूपिणी इडा वामे स्थिता नाडी शुभ्रा तु चन्द्ररूपिणी
= DbhP_7,35.28 // pradhānā merudaṇḍe 'tra candrasūryāgrarūpiṇī iḍā vāme sthitā nāḍī śubhrā tu candrarūpiṇī
= Dभ्P_7,35.29 ॥ शक्तिरूपा तु सा नाडी साक्षादमृतविग्रहा । दक्षिणे या पिङ्गलाख्या पुंरूपा सूर्यविग्रहा
= DbhP_7,35.29 // śaktirūpā tu sā nāḍī sākṣādamṛtavigrahā / dakṣiṇe yā piṅgalākhyā puṃrūpā sūryavigrahā
= Dभ्P_7,35.30 ॥ सर्वतेजोमयी सा तु सुषुम्ना वह्निरूपिणी । तस्या मध्ये विचित्राख्ये इच्छाज्ञानक्रियात्मकम्
= DbhP_7,35.30 // sarvatejomayī sā tu suṣumnā vahnirūpiṇī / tasyā madhye vicitrākhye icchājñānakriyātmakam
= Dभ्P_7,35.31 ॥ मध्ये स्वयंभूलिङ्गं तु कोटिसूर्यसमप्रभम् । तदूर्ध्वं मायाबीजं तु हरात्मा बिन्दुनादकम्
= DbhP_7,35.31 // madhye svayaṃbhūliṅgaṃ tu koṭisūryasamaprabham / tadūrdhvaṃ māyābījaṃ tu harātmā bindunādakam
= Dभ्P_7,35.32 ॥ तदूर्ध्वं तु शिखाकारा कुण्डली रक्तविग्रहा । देव्यात्मिका तु सा प्रोक्ता मदभिन्ना नगाधिप
= DbhP_7,35.32 // tadūrdhvaṃ tu śikhākārā kuṇḍalī raktavigrahā / devyātmikā tu sā proktā madabhinnā nagādhipa
= Dभ्P_7,35.33 ॥ तद्बाह्ये हेमरूपाभं वादिसान्तचतुर्दलम् । द्रुतहेमसमप्रख्यं पद्मं तत्र विचिन्तयेत्
= DbhP_7,35.33 // tadbāhye hemarūpābhaṃ vādisāntacaturdalam / drutahemasamaprakhyaṃ padmaṃ tatra vicintayet
= Dभ्P_7,35.34 ॥ तदूर्ध्वं त्वनलप्रख्यं षड्दलं हीरकप्रभम् । बादिलान्तषड्वर्णेन स्वाधिष्ठानमनुत्तमम्
= DbhP_7,35.34 // tadūrdhvaṃ tvanalaprakhyaṃ ṣaḍdalaṃ hīrakaprabham / bādilāntaṣaḍvarṇena svādhiṣṭhānamanuttamam
= Dभ्P_7,35.35 ॥ मूलमाधारषट्कोणं मूलाधारं ततो विदुः । स्वशब्देन परं लिङ्गं स्वाधिष्ठानं ततो विदुः
= DbhP_7,35.35 // mūlamādhāraṣaṭkoṇaṃ mūlādhāraṃ tato viduḥ / svaśabdena paraṃ liṅgaṃ svādhiṣṭhānaṃ tato viduḥ
= Dभ्P_7,35.36 ॥ तदूर्ध्वं नाभिदेशे तु मणिपूरं महाप्रभम् । मेघाभं विद्युदाभं च बहुतेजोमयं ततः
= DbhP_7,35.36 // tadūrdhvaṃ nābhideśe tu maṇipūraṃ mahāprabham / meghābhaṃ vidyudābhaṃ ca bahutejomayaṃ tataḥ
= Dभ्P_7,35.37 ॥ मणिवद्भिन्नं तत्पद्मं मणिपद्मं तथोच्यते । दशभिश्च दलैर्युक्तं डादिफान्ताक्षरान्वितम्
= DbhP_7,35.37 // maṇivadbhinnaṃ tatpadmaṃ maṇipadmaṃ tathocyate / daśabhiśca dalairyuktaṃ ḍādiphāntākṣarānvitam
= Dभ्P_7,35.38 ॥ विष्णुनाधिष्ठितं पद्मं विष्ण्वालोकनकारणम् । तदूर्ध्वे ऽनाहतं पद्ममुद्यदादित्यसन्निभम्
= DbhP_7,35.38 // viṣṇunādhiṣṭhitaṃ padmaṃ viṣṇvālokanakāraṇam / tadūrdhve 'nāhataṃ padmamudyadādityasannibham
= Dभ्P_7,35.39 ॥ कादिठान्तदलैरेकं पत्रैश्च समधिष्ठितम् । तन्मध्ये बाणलिङ्गं तु सूर्यायुतसमप्रभम्
= DbhP_7,35.39 // kādiṭhāntadalairekaṃ patraiśca samadhiṣṭhitam / tanmadhye bāṇaliṅgaṃ tu sūryāyutasamaprabham
= Dभ्P_7,35.40 ॥ शब्दब्रह्ममयं शब्दानाहतं तत्र दृश्यते । अनाहताख्यं तत्पद्मं मुनिभिः परिकीर्तितम्
= DbhP_7,35.40 // śabdabrahmamayaṃ śabdānāhataṃ tatra dṛśyate / anāhatākhyaṃ tatpadmaṃ munibhiḥ parikīrtitam
= Dभ्P_7,35.41 ॥ आनन्दसदनं तत्तु पुरुषाधिष्ठितं परम् । तदूर्ध्वं तु विशुद्धाख्यं दलं षोडशपङ्कजम्
= DbhP_7,35.41 // ānandasadanaṃ tattu puruṣādhiṣṭhitaṃ param / tadūrdhvaṃ tu viśuddhākhyaṃ dalaṃ ṣoḍaśapaṅkajam
= Dभ्P_7,35.42 ॥ स्वरैः षोडशभिर्युक्तं धूम्रवर्णम् महाप्रभम् । विशुद्धं तनुते यस्माज्जीवस्य हंसलोकनात्
= DbhP_7,35.42 // svaraiḥ ṣoḍaśabhiryuktaṃ dhūmravarṇam mahāprabham / viśuddhaṃ tanute yasmājjīvasya haṃsalokanāt
= Dभ्P_7,35.43 ॥ विशुद्धं पद्ममाख्यातमाकाशाख्यं महाद्भुतम् । आज्ञाचक्रं तदूर्ध्वे तु आत्मनाधिष्ठितं परम्
= DbhP_7,35.43 // viśuddhaṃ padmamākhyātamākāśākhyaṃ mahādbhutam / ājñācakraṃ tadūrdhve tu ātmanādhiṣṭhitaṃ param
= Dभ्P_7,35.44 ॥ आज्ञासंक्रमणं तत्र तेनाज्ञेति प्रकीर्तितम् । द्विदलं हक्षसंयुक्तं पद्मं तत्सुमनोहरम्
= DbhP_7,35.44 // ājñāsaṃkramaṇaṃ tatra tenājñeti prakīrtitam / dvidalaṃ hakṣasaṃyuktaṃ padmaṃ tatsumanoharam
= Dभ्P_7,35.45 ॥ कैलासाख्यं तदूर्ध्वं तु रोधिनी तु तदूर्ध्वतः । एवं त्वाधारचक्राणि प्रोक्तानि तव सुव्रत
= DbhP_7,35.45 // kailāsākhyaṃ tadūrdhvaṃ tu rodhinī tu tadūrdhvataḥ / evaṃ tvādhāracakrāṇi proktāni tava suvrata
= Dभ्P_7,35.46 ॥ सहस्रारयुतं बिन्दुस्थानं तदूर्ध्वमीरितम् । इत्येतत्कथितं सर्वम् योगमार्गमनुत्तमम्
= DbhP_7,35.46 // sahasrārayutaṃ bindusthānaṃ tadūrdhvamīritam / ityetatkathitaṃ sarvam yogamārgamanuttamam
= Dभ्P_7,35.47 ॥ आदौ पूरकयोगेनाप्याधारे योजयेन्मनः । गुदमेढ्रान्तरे शक्तिस्तामाकुञ्च्य प्रबोधयेत्
= DbhP_7,35.47 // ādau pūrakayogenāpyādhāre yojayenmanaḥ / gudameḍhrāntare śaktistāmākuñcya prabodhayet
= Dभ्P_7,35.48 ॥ लिङ्गभेदक्रमेणैव बिन्दुचक्रं च प्रापयेत् । शम्भुना तां परां शक्तिमेकीभूतां विचिन्तयेत्
= DbhP_7,35.48 // liṅgabhedakrameṇaiva binducakraṃ ca prāpayet / śambhunā tāṃ parāṃ śaktimekībhūtāṃ vicintayet
= Dभ्P_7,35.49 ॥ तत्रोत्थितामृतम् यत्तु द्रुतलाक्षारसोपमम् । पाययित्वा तु तां शक्तिं मायाख्यां योगसिद्धिदम्
= DbhP_7,35.49 // tatrotthitāmṛtam yattu drutalākṣārasopamam / pāyayitvā tu tāṃ śaktiṃ māyākhyāṃ yogasiddhidam
= Dभ्P_7,35.50 ॥ षड्चक्रदेवतास्तत्र सन्तर्प्यामृतधारया । आनयेत्तेन मार्गेण मूलाधारं ततः सुधी
= DbhP_7,35.50 // ṣaḍcakradevatāstatra santarpyāmṛtadhārayā / ānayettena mārgeṇa mūlādhāraṃ tataḥ sudhī
= Dभ्P_7,35.51 ॥ एवमभ्यस्यमानस्याप्यहन्यहनि निश्चितम् । पूर्वोक्तदूषिता मन्त्राः सर्वे सिध्यन्ति नान्यथा
= DbhP_7,35.51 // evamabhyasyamānasyāpyahanyahani niścitam / pūrvoktadūṣitā mantrāḥ sarve sidhyanti nānyathā
= Dभ्P_7,35.52 ॥ जरामरणदुःखाद्यैर्मुच्यते भवबन्धनात् । ये गुणाः सन्ति देव्या मे जगन्मातुर्यथा तथा
= DbhP_7,35.52 // jarāmaraṇaduḥkhādyairmucyate bhavabandhanāt / ye guṇāḥ santi devyā me jaganmāturyathā tathā
= Dभ्P_7,35.53 ॥ ते गुणाः साधकवरे भवन्त्येव न चान्यथा । इत्येवं कथितं तात वायुधारणमुत्तमम्
= DbhP_7,35.53 // te guṇāḥ sādhakavare bhavantyeva na cānyathā / ityevaṃ kathitaṃ tāta vāyudhāraṇamuttamam
= Dभ्P_7,35.54 ॥ इदानीं धारणाख्यं तु शृणुष्वावहितो मम । दिक्कालाद्यनवच्छिन्नदेव्यां चेतो विधाय च
= DbhP_7,35.54 // idānīṃ dhāraṇākhyaṃ tu śṛṇuṣvāvahito mama / dikkālādyanavacchinnadevyāṃ ceto vidhāya ca
= Dभ्P_7,35.55 ॥ तन्मयो भवति क्षिप्रं जीवब्रह्मैक्ययोजनात् । अथवा समलं चेतो यदि क्षिप्रं न सिद्ध्यति
= DbhP_7,35.55 // tanmayo bhavati kṣipraṃ jīvabrahmaikyayojanāt / athavā samalaṃ ceto yadi kṣipraṃ na siddhyati
= Dभ्P_7,35.56 ॥ तदावयवयोगेन योगी योगान्समभ्यसेत् । मदीयहस्तपादादावङ्गे तु मधुरे नग
= DbhP_7,35.56 // tadāvayavayogena yogī yogānsamabhyaset / madīyahastapādādāvaṅge tu madhure naga
= Dभ्P_7,35.57 ॥ चित्तं संस्थापयेन्मन्त्री स्थानस्थानजयात्पुनः । विशुद्धचित्तः सर्वस्मिन्रूपे सम्स्थापयेन्मनः
= DbhP_7,35.57 // cittaṃ saṃsthāpayenmantrī sthānasthānajayātpunaḥ / viśuddhacittaḥ sarvasminrūpe samsthāpayenmanaḥ
= Dभ्P_7,35.58 ॥ यावन्मनो लयं याति देव्यां संविदि पर्वत । तावदिष्टमनुं मन्त्री जपहोमैः समभ्यसेत्
= DbhP_7,35.58 // yāvanmano layaṃ yāti devyāṃ saṃvidi parvata / tāvadiṣṭamanuṃ mantrī japahomaiḥ samabhyaset
= Dभ्P_7,35.59 ॥ मन्त्राभ्यासेन योगेन ज्ञेयज्ञानाय कल्पते । न योगेन विना मन्त्रो न मन्त्रेण विना हि सः
= DbhP_7,35.59 // mantrābhyāsena yogena jñeyajñānāya kalpate / na yogena vinā mantro na mantreṇa vinā hi saḥ
= Dभ्P_7,35.60 ॥ द्वयोरभ्यासयोगो हि ब्रह्मसंसिद्धिकारणम् । तमः परिवृते गेहे घटो दीपेन दृश्यते
= DbhP_7,35.60 // dvayorabhyāsayogo hi brahmasaṃsiddhikāraṇam / tamaḥ parivṛte gehe ghaṭo dīpena dṛśyate
= Dभ्P_7,35.61 ॥ एवं मायावृतो ह्यात्मा मनुना गोचरीकृतः । इति योगविधिः कृत्स्नः साङ्गः प्रोक्तो मया ऽधुना
= DbhP_7,35.61 // evaṃ māyāvṛto hyātmā manunā gocarīkṛtaḥ / iti yogavidhiḥ kṛtsnaḥ sāṅgaḥ prokto mayā 'dhunā
= Dभ्P_7,35.62 ॥ गुरूपदेशतो ज्ञेयो नान्यथा शास्त्रकोटिभिः
= DbhP_7,35.62 // gurūpadeśato jñeyo nānyathā śāstrakoṭibhiḥ