= Dभ्P_7,35.63 ॥ इति देवीगीतायां पञ्चमो ऽध्यायः - इति श्रीदेवीभागवते महापुराणे सप्तमस्कन्धे देवीगीतायां पञ्चत्रिंशो ऽध्यायः अथ षष्ठो ऽध्यायः - सप्तमः स्कन्धः अथ षट्त्रिंशो ऽध्यायः देव्युवाच इत्यादियोगयुक्तात्मा ध्यायेन्मां ब्रह्मरूपिणीम् । भक्त्या निर्व्याजया राजन्नासने समुपस्थितः
= DbhP_7,35.63 // iti devīgītāyāṃ pañcamo 'dhyāyaḥ - iti śrīdevībhāgavate mahāpurāṇe saptamaskandhe devīgītāyāṃ pañcatriṃśo 'dhyāyaḥ atha ṣaṣṭho 'dhyāyaḥ - saptamaḥ skandhaḥ atha ṣaṭtriṃśo 'dhyāyaḥ devyuvāca ityādiyogayuktātmā dhyāyenmāṃ brahmarūpiṇīm / bhaktyā nirvyājayā rājannāsane samupasthitaḥ
= Dभ्P_7,36.1 ॥ आविः सन्निहितं गुहाचरं नाम महत्पदम् । अत्रैतत् सर्वम् अर्पितम् एजत् प्राणन्निमिषच्च यत्
= DbhP_7,36.1 // āviḥ sannihitaṃ guhācaraṃ nāma mahatpadam / atraitat sarvam arpitam ejat prāṇannimiṣacca yat
= Dभ्P_7,36.2 ॥ एतज्जानथ सदसद्वरेण्यं परं विज्ञानाद्यद्वरिष्ठं प्रजानाम् । यदर्चिमद्यदणुभ्यो ऽणु च यस्मिंल्लोका निहिता लोकिनश्च
= DbhP_7,36.2 // etajjānatha sadasadvareṇyaṃ paraṃ vijñānādyadvariṣṭhaṃ prajānām / yadarcimadyadaṇubhyo 'ṇu ca yasmiṃllokā nihitā lokinaśca
= Dभ्P_7,36.3 ॥ तदेतदक्षरं ब्रह्म स प्राणस्तदु वाङ्मनः । तदेतत् सत्यम् अमृतं तद्वेद्धव्यं सौम्य विद्धि
= DbhP_7,36.3 // tadetadakṣaraṃ brahma sa prāṇastadu vāṅmanaḥ / tadetat satyam amṛtaṃ tadveddhavyaṃ saumya viddhi
= Dभ्P_7,36.4 ॥ धनुर्गृहीत्वौपनिषदं महास्त्रं शरं ह्युपासानिशितं सन्धयीत । आयम्य तद्भावगतेन चेतसा लक्ष्यं तदेवाक्षरं सौम्य विद्धि
= DbhP_7,36.4 // dhanurgṛhītvaupaniṣadaṃ mahāstraṃ śaraṃ hyupāsāniśitaṃ sandhayīta / āyamya tadbhāvagatena cetasā lakṣyaṃ tadevākṣaraṃ saumya viddhi
= Dभ्P_7,36.5 ॥ प्रणवो धनुः शरो ह्यात्मा ब्रह्म तल्लक्ष्यम् उच्यते । अप्रमत्तेन वेद्धव्यं शरवत्तन्मयो भवेत्
= DbhP_7,36.5 // praṇavo dhanuḥ śaro hyātmā brahma tallakṣyam ucyate / apramattena veddhavyaṃ śaravattanmayo bhavet
= Dभ्P_7,36.6 ॥ यस्मिन् द्यौश्च पृथिवी चान्तरिक्षम् ओतं मनः सह प्राणैश्च सर्वैः । तम् एवैकं जानथात्मानम् अन्या वाचो विमुञ्चथामृतस्यैष सेतुः
= DbhP_7,36.6 // yasmin dyauśca pṛthivī cāntarikṣam otaṃ manaḥ saha prāṇaiśca sarvaiḥ / tam evaikaṃ jānathātmānam anyā vāco vimuñcathāmṛtasyaiṣa setuḥ
= Dभ्P_7,36.7 ॥ अरा इव रथनाभौ संहता यत्र नाड्यः । स एषो ऽन्तश्चरते बहुधा जायमानः
= DbhP_7,36.7 // arā iva rathanābhau saṃhatā yatra nāḍyaḥ / sa eṣo 'ntaścarate bahudhā jāyamānaḥ
= Dभ्P_7,36.8 ॥ Oमित्येवं ध्यायथात्मानं स्वस्ति वः पाराय तमसः परस्तात् । दिव्ये ब्रह्मपुरे व्योम्नि आत्मा सम्प्रतिष्ठितः
= DbhP_7,36.8 // Omityevaṃ dhyāyathātmānaṃ svasti vaḥ pārāya tamasaḥ parastāt / divye brahmapure vyomni ātmā sampratiṣṭhitaḥ
= Dभ्P_7,36.9 ॥ मनोमयः प्राणशरीरनेता प्रतिष्ठितो ऽन्ने हृदयं सन्निधाय । तद्विज्ञानेन परिपश्यन्ति धीरा आनन्दरूपम् अमृतं यद्विभाति
= DbhP_7,36.9 // manomayaḥ prāṇaśarīranetā pratiṣṭhito 'nne hṛdayaṃ sannidhāya / tadvijñānena paripaśyanti dhīrā ānandarūpam amṛtaṃ yadvibhāti
= Dभ्P_7,36.10 ॥ भिद्यते हृदयग्रन्थिश्छिद्यन्ते सर्वसंशयाः । क्षीयन्ते चास्य कर्माणि तस्मिन् दृष्टे परावरे
= DbhP_7,36.10 // bhidyate hṛdayagranthiśchidyante sarvasaṃśayāḥ / kṣīyante cāsya karmāṇi tasmin dṛṣṭe parāvare
= Dभ्P_7,36.11 ॥ हिरण्मये परे कोशे विराजं ब्रह्म निष्कलम् । तच्छुभ्रं ज्योतिषां ज्योतिस् तद्यदात्मविदो विदुः
= DbhP_7,36.11 // hiraṇmaye pare kośe virājaṃ brahma niṣkalam / tacchubhraṃ jyotiṣāṃ jyotis tadyadātmavido viduḥ
= Dभ्P_7,36.12 ॥ न तत्र सूर्यो भाति न चन्द्रतारकं नेमा विद्युतो भान्ति कुतो ऽयम् अग्निः । तमेव भान्तम् अनुभाति सर्वं तस्य भासा सर्वम् इदं विभाति
= DbhP_7,36.12 // na tatra sūryo bhāti na candratārakaṃ nemā vidyuto bhānti kuto 'yam agniḥ / tameva bhāntam anubhāti sarvaṃ tasya bhāsā sarvam idaṃ vibhāti
= Dभ्P_7,36.13 ॥ ब्रह्मैवेदम् अमृतं पुरस्ताद्ब्रह्म पश्चाद्ब्रह्म दक्षिणतश्चोत्तरेण । अधश्चोर्ध्वं च प्रसृतं ब्रह्मैवेदं विश्वं वरिष्ठम्
= DbhP_7,36.13 // brahmaivedam amṛtaṃ purastādbrahma paścādbrahma dakṣiṇataścottareṇa / adhaścordhvaṃ ca prasṛtaṃ brahmaivedaṃ viśvaṃ variṣṭham
= Dभ्P_7,36.14 ॥ एतादृगनुभवो यस्य स कृतार्थो नरोत्तमः । ब्रह्मभूतः प्रसन्नात्मा न शोचति न काङ्क्षति
= DbhP_7,36.14 // etādṛganubhavo yasya sa kṛtārtho narottamaḥ / brahmabhūtaḥ prasannātmā na śocati na kāṅkṣati
= Dभ्P_7,36.15 ॥ द्वितीयाद्वै भयं राजंस्तदभावाद्बिभेति न । न तद्वियोगो मे ऽप्यस्ति मद्वियोगो ऽपि तस्य न
= DbhP_7,36.15 // dvitīyādvai bhayaṃ rājaṃstadabhāvādbibheti na / na tadviyogo me 'pyasti madviyogo 'pi tasya na
= Dभ्P_7,36.16 ॥ अहम् एव स सो ऽहं वै निश्चितं विद्धि पर्वत । मद्दर्शनं तु तत्र स्याद्यत्र ज्ञानी स्थितो मम
= DbhP_7,36.16 // aham eva sa so 'haṃ vai niścitaṃ viddhi parvata / maddarśanaṃ tu tatra syādyatra jñānī sthito mama
= Dभ्P_7,36.17 ॥ नाहं तीर्थे न कैलासे वैकुण्ठे वा न कर्हिचित् । वसामि किन्तु मज्ज्ञानिहृदयाम्भोजमध्यमे
= DbhP_7,36.17 // nāhaṃ tīrthe na kailāse vaikuṇṭhe vā na karhicit / vasāmi kintu majjñānihṛdayāmbhojamadhyame
= Dभ्P_7,36.18 ॥ मत्पूजाकोटिफलदं सकृन्मज्ज्ञानिनो ऽर्चनम् । कुलं पवित्रं तस्यास्ति जननी कृतकृत्यका
= DbhP_7,36.18 // matpūjākoṭiphaladaṃ sakṛnmajjñānino 'rcanam / kulaṃ pavitraṃ tasyāsti jananī kṛtakṛtyakā
= Dभ्P_7,36.19 ॥ विश्वम्भरा पुण्यवती चिल्लयो यस्य चेतसः । ब्रह्मज्ञानं तु यत्पृष्टं त्वया पर्वत सत्तम
= DbhP_7,36.19 // viśvambharā puṇyavatī cillayo yasya cetasaḥ / brahmajñānaṃ tu yatpṛṣṭaṃ tvayā parvata sattama
= Dभ्P_7,36.20 ॥ कथितं तन्मया सर्वं नातो वक्तव्यम् अस्ति हि । इदं ज्येष्ठाय पुत्राय भक्तियुक्ताय शीलिने
= DbhP_7,36.20 // kathitaṃ tanmayā sarvaṃ nāto vaktavyam asti hi / idaṃ jyeṣṭhāya putrāya bhaktiyuktāya śīline
= Dभ्P_7,36.21 ॥ शिष्याय च यथोक्ताय वक्तव्यं नान्यथा क्वचित् । यस्य देवे परा भक्तिर्यथा देवे तथा गुरौ
= DbhP_7,36.21 // śiṣyāya ca yathoktāya vaktavyaṃ nānyathā kvacit / yasya deve parā bhaktiryathā deve tathā gurau
= Dभ्P_7,36.22 ॥ तस्यैते कथिता ह्यर्थाः प्रकाशन्ते महात्मनः । येनोपदिष्टाविद्येयं स एव परमेश्वरः
= DbhP_7,36.22 // tasyaite kathitā hyarthāḥ prakāśante mahātmanaḥ / yenopadiṣṭāvidyeyaṃ sa eva parameśvaraḥ
= Dभ्P_7,36.23 ॥ यस्यायं सुकृतं कर्तुम् असमर्थस्ततो ऋणी । पित्रोरप्यधिकः प्रोक्तो ब्रह्मजन्मप्रदायकः
= DbhP_7,36.23 // yasyāyaṃ sukṛtaṃ kartum asamarthastato ṛṇī / pitrorapyadhikaḥ prokto brahmajanmapradāyakaḥ
= Dभ्P_7,36.24 ॥ पितृजातं जन्म नष्टं नेत्थं जातं कदाचन । तस्मै न द्रुह्येदित्यादि निगमो ऽप्यवदन्नग
= DbhP_7,36.24 // pitṛjātaṃ janma naṣṭaṃ netthaṃ jātaṃ kadācana / tasmai na druhyedityādi nigamo 'pyavadannaga
= Dभ्P_7,36.25 ॥ तस्माच्छास्त्रस्य सिद्धान्तो ब्रह्मदाता गुरुः परः । शिवे रुष्टे गुरुस्त्राता गुरौ रुष्टे न शङ्करः
= DbhP_7,36.25 // tasmācchāstrasya siddhānto brahmadātā guruḥ paraḥ / śive ruṣṭe gurustrātā gurau ruṣṭe na śaṅkaraḥ
= Dभ्P_7,36.26 ॥ तस्मात् सर्वप्रयत्नेन श्रीगुरुं तोषयेन्नग । कायेन मनसा वाचा सर्वदा तत्परो भवेत्
= DbhP_7,36.26 // tasmāt sarvaprayatnena śrīguruṃ toṣayennaga / kāyena manasā vācā sarvadā tatparo bhavet
= Dभ्P_7,36.27 ॥ अन्यथा तु कृतघ्नः स्यात् कृतघ्ने नास्ति निष्कृतिः । इन्द्रेणाथर्वणायोक्ता शिरश्छेद प्रतिज्ञया
= DbhP_7,36.27 // anyathā tu kṛtaghnaḥ syāt kṛtaghne nāsti niṣkṛtiḥ / indreṇātharvaṇāyoktā śiraścheda pratijñayā
= Dभ्P_7,36.28 ॥ अश्विभ्यां कथने तस्य शिरश्छिन्नं च वज्रिणा । अश्वीयं तच्छिरो नष्टं दृष्ट्वा वैद्यौ सुरोत्तमौ
= DbhP_7,36.28 // aśvibhyāṃ kathane tasya śiraśchinnaṃ ca vajriṇā / aśvīyaṃ tacchiro naṣṭaṃ dṛṣṭvā vaidyau surottamau
= Dभ्P_7,36.29 ॥ पुनः संयोजितं स्वीयं ताभ्यां मुनिशिरस्तदा । इति सङ्कटसम्पाद्या ब्रह्मविद्या नगाधिप
= DbhP_7,36.29 // punaḥ saṃyojitaṃ svīyaṃ tābhyāṃ muniśirastadā / iti saṅkaṭasampādyā brahmavidyā nagādhipa