= Dभ्P_7,36.30 ॥ लाब्धा येन स धन्यः स्यात् कृतकृत्यश्च भूधर इति देवीगीतायां षष्टो ऽध्यायः इति श्रीदेवीभागवते महापुराणे सप्तमस्कन्धे देवीगीतायां षट्त्रिंशो ऽध्यायः अथ सप्तमो ऽध्यायः - सप्तमः स्कन्धः अथ सप्तत्रिंशो ऽध्यायः हिमालय उवाच स्वीयां भक्तिं वदस्वाम्ब येन ज्ञानं सुखेन हि । जायेत मनुजस्यास्य मध्यमस्याविरागिणः
= DbhP_7,36.30 // lābdhā yena sa dhanyaḥ syāt kṛtakṛtyaśca bhūdhara iti devīgītāyāṃ ṣaṣṭo 'dhyāyaḥ iti śrīdevībhāgavate mahāpurāṇe saptamaskandhe devīgītāyāṃ ṣaṭtriṃśo 'dhyāyaḥ atha saptamo 'dhyāyaḥ - saptamaḥ skandhaḥ atha saptatriṃśo 'dhyāyaḥ himālaya uvāca svīyāṃ bhaktiṃ vadasvāmba yena jñānaṃ sukhena hi / jāyeta manujasyāsya madhyamasyāvirāgiṇaḥ
= Dभ्P_7,37.1 ॥ देव्युवाच मार्गास्त्रयो मे विख्याता मोक्षप्राप्तौ नगाधिप । कर्मयोगो ज्ञानयोगो भक्तियोगश्च सत्तम
= DbhP_7,37.1 // devyuvāca mārgāstrayo me vikhyātā mokṣaprāptau nagādhipa / karmayogo jñānayogo bhaktiyogaśca sattama
= Dभ्P_7,37.2 ॥ त्रयाणामप्ययं योग्यः कर्तुं शक्यो ऽस्ति सर्वथा । सुलभत्वान्मानसत्वात् कायचित्ताद्यपीडनात्
= DbhP_7,37.2 // trayāṇāmapyayaṃ yogyaḥ kartuṃ śakyo 'sti sarvathā / sulabhatvānmānasatvāt kāyacittādyapīḍanāt
= Dभ्P_7,37.3 ॥ गुणभेदान्मनुष्याणां सा भक्तिस्त्रिविधा मता । परपीडां समुद्दिश्य दम्भं कृत्वा पुरःसरम्
= DbhP_7,37.3 // guṇabhedānmanuṣyāṇāṃ sā bhaktistrividhā matā / parapīḍāṃ samuddiśya dambhaṃ kṛtvā puraḥsaram
= Dभ्P_7,37.4 ॥ मात्सर्यक्रोधयुक्तो यस्तस्य भक्तिस् तु तामसी । परपीडादिरहितः स्वकल्याणार्थम् एव च
= DbhP_7,37.4 // mātsaryakrodhayukto yastasya bhaktis tu tāmasī / parapīḍādirahitaḥ svakalyāṇārtham eva ca
= Dभ्P_7,37.5 ॥ नित्यं सकामो हृदयं यशोर्थी भोगलोलुपः । तत्तत्फलसमावाप्त्यै मामुपास्ते ऽतिभक्तितः
= DbhP_7,37.5 // nityaṃ sakāmo hṛdayaṃ yaśorthī bhogalolupaḥ / tattatphalasamāvāptyai māmupāste 'tibhaktitaḥ
= Dभ्P_7,37.6 ॥ भेदबुद्ध्या तु मां स्वस्मादन्यां जानाति पामरः । तस्य भक्तिः समाख्याता नगाधिप तु राजसी
= DbhP_7,37.6 // bhedabuddhyā tu māṃ svasmādanyāṃ jānāti pāmaraḥ / tasya bhaktiḥ samākhyātā nagādhipa tu rājasī
= Dभ्P_7,37.7 ॥ परमेशार्पणं कर्म पापसङ्क्षालनाय च । वेदोक्तत्वादवश्यं तत्कर्तव्यं तु मयानिशम्
= DbhP_7,37.7 // parameśārpaṇaṃ karma pāpasaṅkṣālanāya ca / vedoktatvādavaśyaṃ tatkartavyaṃ tu mayāniśam
= Dभ्P_7,37.8 ॥ इति निश्चितबुद्धिस्तु भेदबुद्धिम् उपाश्रितः । करोति प्रीतये कर्म भक्तिः सा नग सत्त्विकी
= DbhP_7,37.8 // iti niścitabuddhistu bhedabuddhim upāśritaḥ / karoti prītaye karma bhaktiḥ sā naga sattvikī
= Dभ्P_7,37.9 ॥ परभक्तेः प्रापिकेयं भेदबुद्ध्यवलम्बनात् । पूर्वप्रोक्ते ह्युभे भक्ती न परप्रापिके मते
= DbhP_7,37.9 // parabhakteḥ prāpikeyaṃ bhedabuddhyavalambanāt / pūrvaprokte hyubhe bhaktī na paraprāpike mate
= Dभ्P_7,37.10 ॥ अधुना परभक्तिं तु प्रोच्यमानां निबोध मे । मद्गुणश्रवणं नित्यं मम नामानुकीर्तनम्
= DbhP_7,37.10 // adhunā parabhaktiṃ tu procyamānāṃ nibodha me / madguṇaśravaṇaṃ nityaṃ mama nāmānukīrtanam
= Dभ्P_7,37.11 ॥ कल्याणगुणरत्नानामाकरायां मयि स्थिरम् । चेतसो वर्तनं चैव तैलधारासमं सदा
= DbhP_7,37.11 // kalyāṇaguṇaratnānāmākarāyāṃ mayi sthiram / cetaso vartanaṃ caiva tailadhārāsamaṃ sadā
= Dभ्P_7,37.12 ॥ हेतुस्तु तत्र को वापि न कदाचिद्भवेदपि । सामीप्यसार्ष्टिसायुज्यसालोक्यानां न चैषणा
= DbhP_7,37.12 // hetustu tatra ko vāpi na kadācidbhavedapi / sāmīpyasārṣṭisāyujyasālokyānāṃ na caiṣaṇā
= Dभ्P_7,37.13 ॥ मत्सेवातो ऽधिकं किञ्चिन्नैव जानाति कर्हिचित् । सेव्यसेवकताभावात् तत्र मोक्षं न वाञ्छति
= DbhP_7,37.13 // matsevāto 'dhikaṃ kiñcinnaiva jānāti karhicit / sevyasevakatābhāvāt tatra mokṣaṃ na vāñchati
= Dभ्P_7,37.14 ॥ परानुरक्त्या माम् एव चिन्तयेद्यो ह्यतन्द्रितः । स्वाभेदेनैव मां नित्यं जानाति न विभेदतः
= DbhP_7,37.14 // parānuraktyā mām eva cintayedyo hyatandritaḥ / svābhedenaiva māṃ nityaṃ jānāti na vibhedataḥ
= Dभ्P_7,37.15 ॥ मद्रूपत्वेन जीवानां चिन्तनं कुरुते तु यः । यथा स्वस्यात्मनि प्रीतिस्तथैव च परात्मनि
= DbhP_7,37.15 // madrūpatvena jīvānāṃ cintanaṃ kurute tu yaḥ / yathā svasyātmani prītistathaiva ca parātmani
= Dभ्P_7,37.16 ॥ चैतन्यस्य समानत्वान्न भेदं कुरुते तु यः । सर्वत्र वर्तमानानां सर्वरूपां च सर्वदा
= DbhP_7,37.16 // caitanyasya samānatvānna bhedaṃ kurute tu yaḥ / sarvatra vartamānānāṃ sarvarūpāṃ ca sarvadā
= Dभ्P_7,37.17 ॥ नमते यजते चैवाप्याचाण्डालान्तम् ईश्वर । न कुत्रापि द्रोहबुद्धिं कुरुते भेदवर्जनात्
= DbhP_7,37.17 // namate yajate caivāpyācāṇḍālāntam īśvara / na kutrāpi drohabuddhiṃ kurute bhedavarjanāt
= Dभ्P_7,37.18 ॥ मत्स्थानदर्शने श्रद्धा मद्भक्तदर्शने तथा । मच्छास्त्रश्रवणे श्रद्धा मन्त्रतन्त्रादिषु प्रभो
= DbhP_7,37.18 // matsthānadarśane śraddhā madbhaktadarśane tathā / macchāstraśravaṇe śraddhā mantratantrādiṣu prabho
= Dभ्P_7,37.19 ॥ मायि प्रेमाकुलमती रोमाञ्चिततनुः सदा । प्रेमाश्रुजलपूर्णाक्षः कण्ठगद्नदनिस्वनः
= DbhP_7,37.19 // māyi premākulamatī romāñcitatanuḥ sadā / premāśrujalapūrṇākṣaḥ kaṇṭhagadnadanisvanaḥ
= Dभ्P_7,37.20 ॥ अनन्येनैव भावेन पूजयेद्यो नगाधिप । मामीश्वरीं जगद्योनिं सर्वकारणकारणम्
= DbhP_7,37.20 // ananyenaiva bhāvena pūjayedyo nagādhipa / māmīśvarīṃ jagadyoniṃ sarvakāraṇakāraṇam
= Dभ्P_7,37.21 ॥ व्रतानि मम दिव्यानि नित्यनैमित्तिकान्यपि । नित्यं यः कुरुते भक्त्या वित्तशाठ्यविवर्जितः
= DbhP_7,37.21 // vratāni mama divyāni nityanaimittikānyapi / nityaṃ yaḥ kurute bhaktyā vittaśāṭhyavivarjitaḥ
= Dभ्P_7,37.22 ॥ मदुत्सवदिदृक्षा च मदुत्सवकृतिस्तथा । जायते यस्य नियतं स्वभावदेव भूधर
= DbhP_7,37.22 // madutsavadidṛkṣā ca madutsavakṛtistathā / jāyate yasya niyataṃ svabhāvadeva bhūdhara
= Dभ्P_7,37.23 ॥ उच्चैर्गायंश्च नामानि ममैव खलु नृत्यति । अहङ्कारादिरहितो देहतादात्म्यवर्जितः
= DbhP_7,37.23 // uccairgāyaṃśca nāmāni mamaiva khalu nṛtyati / ahaṅkārādirahito dehatādātmyavarjitaḥ
= Dभ्P_7,37.24 ॥ प्रारब्धेन यथा यच्च क्रियते तत्तथा बह्वेत् । न मे चिन्तास्ति तत्रापि देहसंरक्षणादिषु
= DbhP_7,37.24 // prārabdhena yathā yacca kriyate tattathā bahvet / na me cintāsti tatrāpi dehasaṃrakṣaṇādiṣu
= Dभ्P_7,37.25 ॥ इति भक्तिस्तु या प्रोक्ता परभक्तिस्तु सा स्मृता । यस्यां देव्यतिरिक्तं तु न किञ्चिदपि भाव्यते
= DbhP_7,37.25 // iti bhaktistu yā proktā parabhaktistu sā smṛtā / yasyāṃ devyatiriktaṃ tu na kiñcidapi bhāvyate
= Dभ्P_7,37.26 ॥ इत्थं जाता परा भक्तिर्यस्य भूधर तत्त्वतः । तदैव तस्य चिन्मात्रे मद्रूपे विलयो भवेत्
= DbhP_7,37.26 // itthaṃ jātā parā bhaktiryasya bhūdhara tattvataḥ / tadaiva tasya cinmātre madrūpe vilayo bhavet
= Dभ्P_7,37.27 ॥ भक्तेस्तु या परा काष्ठा सैव ज्ञानं प्रकीर्तितम् । वैराग्यस्य च सीमा सा ज्ञाने तदुभयं यतः
= DbhP_7,37.27 // bhaktestu yā parā kāṣṭhā saiva jñānaṃ prakīrtitam / vairāgyasya ca sīmā sā jñāne tadubhayaṃ yataḥ
= Dभ्P_7,37.28 ॥ भक्तौ कृतायां यस्यापि प्रारब्धवशतो नग । न जायते मम ज्ञानं मणिद्वीपं स गच्छति
= DbhP_7,37.28 // bhaktau kṛtāyāṃ yasyāpi prārabdhavaśato naga / na jāyate mama jñānaṃ maṇidvīpaṃ sa gacchati
= Dभ्P_7,37.29 ॥ तत्र गत्वाखिलान्भोगाननिच्छन्नपि चर्च्छति । तदन्ते मम चिद्रूपज्ञानं सम्यग्भवेन्नग
= DbhP_7,37.29 // tatra gatvākhilānbhogānanicchannapi carcchati / tadante mama cidrūpajñānaṃ samyagbhavennaga
= Dभ्P_7,37.30 ॥ तेन मुक्तः सदैव स्याज्ज्ञानान्मुक्तिर्न चान्यथा । इहैव यस्य ज्ञानं स्याद्धृद्गतप्रत्यगात्मनः
= DbhP_7,37.30 // tena muktaḥ sadaiva syājjñānānmuktirna cānyathā / ihaiva yasya jñānaṃ syāddhṛdgatapratyagātmanaḥ
= Dभ्P_7,37.31 ॥ मम संवित्परतनोस्तस्य प्राणा व्रजन्ति न । ब्रह्मैव संस्तदाप्नोति ब्रह्मैव ब्रह्म वेद यः
= DbhP_7,37.31 // mama saṃvitparatanostasya prāṇā vrajanti na / brahmaiva saṃstadāpnoti brahmaiva brahma veda yaḥ
= Dभ्P_7,37.32 ॥ कण्ठचामीकरसमम् अज्ञानात्तु तिरोहितम् । ज्ञानादज्ञाननाशेन लब्धमेव हि लभ्यते
= DbhP_7,37.32 // kaṇṭhacāmīkarasamam ajñānāttu tirohitam / jñānādajñānanāśena labdhameva hi labhyate
= Dभ्P_7,37.33 ॥ विदिताविदितादन्यन्नगोत्तम वपुर्मम । यथादर्शे तथात्मनि यथा जले तथा पितृलोके
= DbhP_7,37.33 // viditāviditādanyannagottama vapurmama / yathādarśe tathātmani yathā jale tathā pitṛloke
= Dभ्P_7,37.34 ॥ छायातपौ यथा स्वच्छौ विविक्तौ तद्वदेव हि । मम लोके भवेज्ज्ञानं द्वैतभावविवर्जितम्
= DbhP_7,37.34 // chāyātapau yathā svacchau viviktau tadvadeva hi / mama loke bhavejjñānaṃ dvaitabhāvavivarjitam
= Dभ्P_7,37.35 ॥ यस्तु वैराग्यवानेव ज्ञानहीनो म्रियेत चेत् । ब्रह्मलोके वसेन्नित्यं यावत्कल्पं ततः परम्
= DbhP_7,37.35 // yastu vairāgyavāneva jñānahīno mriyeta cet / brahmaloke vasennityaṃ yāvatkalpaṃ tataḥ param
= Dभ्P_7,37.36 ॥ शुचीनां श्रीमतां गेहे भवेत्तस्य जनिः पुनः । करोति साधनं पश्चात्ततो ज्ञानं हि जायते
= DbhP_7,37.36 // śucīnāṃ śrīmatāṃ gehe bhavettasya janiḥ punaḥ / karoti sādhanaṃ paścāttato jñānaṃ hi jāyate
= Dभ्P_7,37.37 ॥ अनेकजन्मभी राजञ्ज्ञानं स्यान्नैकजन्मना । ततः सर्वप्रयत्नेन ज्ञानार्थं यत्नमाश्रयेत्
= DbhP_7,37.37 // anekajanmabhī rājañjñānaṃ syānnaikajanmanā / tataḥ sarvaprayatnena jñānārthaṃ yatnamāśrayet
= Dभ्P_7,37.38 ॥ नोचेन्महान्विनाशः स्याज्जन्मैतद्दुर्लभं पुनः । तत्रापि प्रथमे वर्णे वेदप्राप्तिश्च दुर्लभा
= DbhP_7,37.38 // nocenmahānvināśaḥ syājjanmaitaddurlabhaṃ punaḥ / tatrāpi prathame varṇe vedaprāptiśca durlabhā
= Dभ्P_7,37.39 ॥ शमादिषट्कसम्पत्तिर्योगसिद्धिस्तथैव च । तथोत्तमगुरुप्राप्तिः सर्वमेवात्र दुर्लभम्
= DbhP_7,37.39 // śamādiṣaṭkasampattiryogasiddhistathaiva ca / tathottamaguruprāptiḥ sarvamevātra durlabham
= Dभ्P_7,37.40 ॥ तथेन्द्रियाणां पटुता संस्कृतत्वं तनोस्तथा । अनेकजन्मपुण्यैस्तु मोक्षेच्छा जायते ततः
= DbhP_7,37.40 // tathendriyāṇāṃ paṭutā saṃskṛtatvaṃ tanostathā / anekajanmapuṇyaistu mokṣecchā jāyate tataḥ
= Dभ्P_7,37.41 ॥ साधने सफले ऽप्येवं जायमाने ऽपि यो नरः । ज्ञानार्थं नैव यतते तस्य जन्म निरर्थकम्
= DbhP_7,37.41 // sādhane saphale 'pyevaṃ jāyamāne 'pi yo naraḥ / jñānārthaṃ naiva yatate tasya janma nirarthakam
= Dभ्P_7,37.42 ॥ तस्माद्राजन्यथाशक्त्या ज्ञानार्थं यत्नमाश्रयेत् । पदेपदे ऽश्वमेधस्य फलमाप्नोति निश्चितम्
= DbhP_7,37.42 // tasmādrājanyathāśaktyā jñānārthaṃ yatnamāśrayet / padepade 'śvamedhasya phalamāpnoti niścitam
= Dभ्P_7,37.43 ॥ घृतमिव पयसि निगूढं भूते भूते च वसति विज्ञानम् । सततं मन्थयितव्यं मनसा मन्थानभूतेन
= DbhP_7,37.43 // ghṛtamiva payasi nigūḍhaṃ bhūte bhūte ca vasati vijñānam / satataṃ manthayitavyaṃ manasā manthānabhūtena
= Dभ्P_7,37.44 ॥ ज्ञानं लब्ध्वा कृतार्थः स्यादिति वेदान्तडिण्डिमः । सर्वमुक्तं समासेन किं भूयः श्रोतुमिच्छसि
= DbhP_7,37.44 // jñānaṃ labdhvā kṛtārthaḥ syāditi vedāntaḍiṇḍimaḥ / sarvamuktaṃ samāsena kiṃ bhūyaḥ śrotumicchasi