= Dभ्P_7,37.45 ॥ इति देवीगीतायां सप्तमो ऽध्यायः - इति श्रीदेवीभागवते महापुराणे सप्तमस्कन्धे देवीगीतायां सप्तत्रिंशो ऽध्यायः अष्टमो ऽध्यायः सप्तमः स्कन्धः अथाष्टत्रिंशो ऽध्यायः हिमालय उवाच कति स्थानानि देवेशि द्रष्टव्यानि महीतले । मुख्यानि च पवित्राणि देवीप्रियतमानि च
= DbhP_7,37.45 // iti devīgītāyāṃ saptamo 'dhyāyaḥ - iti śrīdevībhāgavate mahāpurāṇe saptamaskandhe devīgītāyāṃ saptatriṃśo 'dhyāyaḥ aṣṭamo 'dhyāyaḥ saptamaḥ skandhaḥ athāṣṭatriṃśo 'dhyāyaḥ himālaya uvāca kati sthānāni deveśi draṣṭavyāni mahītale / mukhyāni ca pavitrāṇi devīpriyatamāni ca
= Dभ्P_7,38.1 ॥ व्रतान्यपि तथा यानि तुष्टिदान्युत्सवा अपि । तत्सर्वं देव मे मातः कृतकृत्यो यतो नरः
= DbhP_7,38.1 // vratānyapi tathā yāni tuṣṭidānyutsavā api / tatsarvaṃ deva me mātaḥ kṛtakṛtyo yato naraḥ
= Dभ्P_7,38.2 ॥ श्रीदेव्युवाच सर्वं दृश्यं मम स्थानं सर्वे काला व्रतात्मकाः । उत्सवाः सर्वकालेषु यतो ऽहं सर्वरूपिणी
= DbhP_7,38.2 // śrīdevyuvāca sarvaṃ dṛśyaṃ mama sthānaṃ sarve kālā vratātmakāḥ / utsavāḥ sarvakāleṣu yato 'haṃ sarvarūpiṇī
= Dभ्P_7,38.3 ॥ तथापि भक्तवात्सल्यात् किञ्चित्किञ्चिदथोच्यते । शृणुष्वावहितो भूत्वा नगराज वचो मम
= DbhP_7,38.3 // tathāpi bhaktavātsalyāt kiñcitkiñcidathocyate / śṛṇuṣvāvahito bhūtvā nagarāja vaco mama
= Dभ्P_7,38.4 ॥ कोलापुरं महास्थानं यत्र लक्ष्मीः सदा स्थिता । मातुः पुरं द्वितीयं च रेणुकाधिष्ठितं परम्
= DbhP_7,38.4 // kolāpuraṃ mahāsthānaṃ yatra lakṣmīḥ sadā sthitā / mātuḥ puraṃ dvitīyaṃ ca reṇukādhiṣṭhitaṃ param
= Dभ्P_7,38.5 ॥ तुलजापुरं तृतीयं स्यात्सप्तशृङ्गं तथैव च । हिङ्गुलाया महास्थानं ज्वालामुख्यास्तथैव च
= DbhP_7,38.5 // tulajāpuraṃ tṛtīyaṃ syātsaptaśṛṅgaṃ tathaiva ca / hiṅgulāyā mahāsthānaṃ jvālāmukhyāstathaiva ca
= Dभ्P_7,38.6 ॥ शकम्भर्याः परं स्थानं भ्रामर्याः स्थानमुत्तमम् । श्रीरक्तदन्तिकास्थानं दुर्गास्थानं तथैव च
= DbhP_7,38.6 // śakambharyāḥ paraṃ sthānaṃ bhrāmaryāḥ sthānamuttamam / śrīraktadantikāsthānaṃ durgāsthānaṃ tathaiva ca
= Dभ्P_7,38.7 ॥ विन्ध्याचलनिवासिन्याः स्थानं सर्वोत्तमोत्तमम् । अन्नपूर्णमहास्थानं काञ्चीपुरमनुत्तमम्
= DbhP_7,38.7 // vindhyācalanivāsinyāḥ sthānaṃ sarvottamottamam / annapūrṇamahāsthānaṃ kāñcīpuramanuttamam
= Dभ्P_7,38.8 ॥ भीमादेव्याः परं स्थानं विमलास्थानमेव च । श्रीचन्द्रलामहास्थानं कौशिकीस्थानमेव
= DbhP_7,38.8 // bhīmādevyāḥ paraṃ sthānaṃ vimalāsthānameva ca / śrīcandralāmahāsthānaṃ kauśikīsthānameva
= Dभ्P_7,38.9 ॥ नीलाम्बायाः परं स्थानं नीलपर्वतमस्तके । जाम्बूनदेश्वरीस्थानं तथा श्रीनगरं शुभम्
= DbhP_7,38.9 // nīlāmbāyāḥ paraṃ sthānaṃ nīlaparvatamastake / jāmbūnadeśvarīsthānaṃ tathā śrīnagaraṃ śubham
= Dभ्P_7,38.10 ॥ गुह्यकाल्या महास्थानं नेपाले यत्प्रतिष्ठितम् । मीनाक्ष्याः परं स्थानं यच्च प्रोक्तं चिदम्बरे
= DbhP_7,38.10 // guhyakālyā mahāsthānaṃ nepāle yatpratiṣṭhitam / mīnākṣyāḥ paraṃ sthānaṃ yacca proktaṃ cidambare
= Dभ्P_7,38.11 ॥ वेदारण्यं महास्थानं सुन्दर्याः समधिष्ठितम् । एकाम्बरं महास्थानं परशक्त्या प्रतिष्ठितम्
= DbhP_7,38.11 // vedāraṇyaṃ mahāsthānaṃ sundaryāḥ samadhiṣṭhitam / ekāmbaraṃ mahāsthānaṃ paraśaktyā pratiṣṭhitam
= Dभ्P_7,38.12 ॥ महालसापरं स्थानं योगेश्वर्यास्तथैव च । तथा नीलसरस्वत्याः स्थानं चीनेषु विश्रुतम्
= DbhP_7,38.12 // mahālasāparaṃ sthānaṃ yogeśvaryāstathaiva ca / tathā nīlasarasvatyāḥ sthānaṃ cīneṣu viśrutam
= Dभ्P_7,38.13 ॥ वैद्यनाथे तु बगलास्थानं सर्वोत्तमं मतम् । श्रीमच्छ्रीभुवनेश्वर्या मणिद्वीपं मम स्मृतम्
= DbhP_7,38.13 // vaidyanāthe tu bagalāsthānaṃ sarvottamaṃ matam / śrīmacchrībhuvaneśvaryā maṇidvīpaṃ mama smṛtam
= Dभ्P_7,38.14 ॥ श्रीमत्त्रिपुरभैरव्याः कामाख्यायोनिमण्डलम् । भूमण्डले क्षेत्ररत्नं महामायाधिवासितम्
= DbhP_7,38.14 // śrīmattripurabhairavyāḥ kāmākhyāyonimaṇḍalam / bhūmaṇḍale kṣetraratnaṃ mahāmāyādhivāsitam
= Dभ्P_7,38.15 ॥ नातः परतरं स्थानं क्वचिदस्ति धरातले । प्रतिमासं भवेद्देवी यत्र साक्षाद्रजस्वला
= DbhP_7,38.15 // nātaḥ parataraṃ sthānaṃ kvacidasti dharātale / pratimāsaṃ bhaveddevī yatra sākṣādrajasvalā
= Dभ्P_7,38.16 ॥ तत्रत्या देवताः सर्वाः पर्वतात्मकतां गताः । पर्वतेषु वसन्त्येव महत्यो देवता अपि
= DbhP_7,38.16 // tatratyā devatāḥ sarvāḥ parvatātmakatāṃ gatāḥ / parvateṣu vasantyeva mahatyo devatā api
= Dभ्P_7,38.17 ॥ तत्रत्या पृथिवी सर्वा देवीरूपा स्मृता बुधैः । नातः परतरं स्थानं कामाख्यायोनिमण्डलात्
= DbhP_7,38.17 // tatratyā pṛthivī sarvā devīrūpā smṛtā budhaiḥ / nātaḥ parataraṃ sthānaṃ kāmākhyāyonimaṇḍalāt
= Dभ्P_7,38.18 ॥ गायत्र्याश्च परं स्थानम् स्रीमत्पुष्करमीरितम् । अमरेशे चण्डिका स्यात्प्रभासे पुष्करेक्षिणी
= DbhP_7,38.18 // gāyatryāśca paraṃ sthānam srīmatpuṣkaramīritam / amareśe caṇḍikā syātprabhāse puṣkarekṣiṇī
= Dभ्P_7,38.19 ॥ नैमिषे तु महास्थाने देवी सा लिङ्गधारिणी । पुरुहूता पुष्कराक्षे अषाढै च रतिस्तथा
= DbhP_7,38.19 // naimiṣe tu mahāsthāne devī sā liṅgadhāriṇī / puruhūtā puṣkarākṣe aṣāḍhai ca ratistathā
= Dभ्P_7,38.20 ॥ चण्डमुण्डीमहास्थाने दण्डिनी परमेश्वरी । भारभूतौ भवेद्भूतिर्नाकुले नकुलेश्वरी
= DbhP_7,38.20 // caṇḍamuṇḍīmahāsthāne daṇḍinī parameśvarī / bhārabhūtau bhavedbhūtirnākule nakuleśvarī
= Dभ्P_7,38.21 ॥ चन्द्रिका तु हरिश्चन्द्रे श्रीगिरौ शाङ्करी स्मृता । जप्येश्वरे त्रिशूला स्यात्सूक्ष्मा चाम्रातकेश्वरे
= DbhP_7,38.21 // candrikā tu hariścandre śrīgirau śāṅkarī smṛtā / japyeśvare triśūlā syātsūkṣmā cāmrātakeśvare
= Dभ्P_7,38.22 ॥ शाङ्करी तु महाकाले शर्वाणी मध्यमाभिधे । केदाराख्ये महाक्षेत्रे देवी सा मार्गदायिनी
= DbhP_7,38.22 // śāṅkarī tu mahākāle śarvāṇī madhyamābhidhe / kedārākhye mahākṣetre devī sā mārgadāyinī
= Dभ्P_7,38.23 ॥ भैरवाख्ये भैरवी सा गयायां मङ्गला स्मृता । स्थाणुप्रिया कुरुक्षेत्रे स्वायम्भुव्यपि नाकुले
= DbhP_7,38.23 // bhairavākhye bhairavī sā gayāyāṃ maṅgalā smṛtā / sthāṇupriyā kurukṣetre svāyambhuvyapi nākule
= Dभ्P_7,38.24 ॥ कनखले भवेदुग्रा विश्वेशा विमलेश्वरे । अट्टहासे महानन्दा महेन्द्रे तु महान्तका
= DbhP_7,38.24 // kanakhale bhavedugrā viśveśā vimaleśvare / aṭṭahāse mahānandā mahendre tu mahāntakā
= Dभ्P_7,38.25 ॥ भीमे भीमेश्वरी प्रोक्ता स्थाने वस्त्रापथे पुनः । भवानी शाङ्करी प्रोक्ता रुद्राणी त्वर्धकोटिके
= DbhP_7,38.25 // bhīme bhīmeśvarī proktā sthāne vastrāpathe punaḥ / bhavānī śāṅkarī proktā rudrāṇī tvardhakoṭike
= Dभ्P_7,38.26 ॥ अविमुक्ते विशालाक्षी महाभागा महालये । गोकर्णे भद्रकर्णी स्याद्भद्रा स्याद्भद्रकर्णके
= DbhP_7,38.26 // avimukte viśālākṣī mahābhāgā mahālaye / gokarṇe bhadrakarṇī syādbhadrā syādbhadrakarṇake
= Dभ्P_7,38.27 ॥ उत्पलाक्षी सुवर्णाक्षे स्थाण्वीशा स्थाणुसञ्ज्ञिके । कमलालये तु कमला प्रचण्डा छगलण्डके
= DbhP_7,38.27 // utpalākṣī suvarṇākṣe sthāṇvīśā sthāṇusañjñike / kamalālaye tu kamalā pracaṇḍā chagalaṇḍake
= Dभ्P_7,38.28 ॥ कुरण्डले त्रिसन्ध्या स्यान्माकोटे मुकुटेश्वरी । मण्डलेशे शाण्डकी स्यात्काली कालञ्जरे पुनः
= DbhP_7,38.28 // kuraṇḍale trisandhyā syānmākoṭe mukuṭeśvarī / maṇḍaleśe śāṇḍakī syātkālī kālañjare punaḥ
= Dभ्P_7,38.29 ॥ शङ्कुकर्णे ध्वनिः प्रोक्ता स्थूला स्यात्स्थूलकेश्वरे । ज्ञानिनां हृदयाम्भोजे हृल्लेखा परमेश्वरी
= DbhP_7,38.29 // śaṅkukarṇe dhvaniḥ proktā sthūlā syātsthūlakeśvare / jñānināṃ hṛdayāmbhoje hṛllekhā parameśvarī
= Dभ्P_7,38.30 ॥ प्रोक्तानीमानि स्थानानि देव्याः प्रियतमानि च । तत्तत्क्षेत्रस्य माहात्म्यं श्रुत्वा पूर्वं नगोत्तम
= DbhP_7,38.30 // proktānīmāni sthānāni devyāḥ priyatamāni ca / tattatkṣetrasya māhātmyaṃ śrutvā pūrvaṃ nagottama
= Dभ्P_7,38.31 ॥ तदुक्तेन विधानेन पश्चाद्देवीं प्रपूजयेत् । अथवा सर्वक्षेत्राणि काश्यां सन्ति नगोत्तम
= DbhP_7,38.31 // taduktena vidhānena paścāddevīṃ prapūjayet / athavā sarvakṣetrāṇi kāśyāṃ santi nagottama
= Dभ्P_7,38.32 ॥ तत्र नित्यं वसेन्नित्यं देवीभक्तिपरायणः । तानि स्थानानि सम्पश्यञ्जपन्देवीं निरन्तरम्
= DbhP_7,38.32 // tatra nityaṃ vasennityaṃ devībhaktiparāyaṇaḥ / tāni sthānāni sampaśyañjapandevīṃ nirantaram
= Dभ्P_7,38.33 ॥ ध्यायंस्तच्चरणाम्भोजं मुक्तो भवति बन्धनात् । इमानि देवीनामानि प्रातरुत्थाय यः पठेत्
= DbhP_7,38.33 // dhyāyaṃstaccaraṇāmbhojaṃ mukto bhavati bandhanāt / imāni devīnāmāni prātarutthāya yaḥ paṭhet
= Dभ्P_7,38.34 ॥ भस्मीभवन्ति पापानि तत्क्षणान्नग सत्वरम् । श्राद्धकाले पठेदेतान्यमलानि द्विजाग्रतः
= DbhP_7,38.34 // bhasmībhavanti pāpāni tatkṣaṇānnaga satvaram / śrāddhakāle paṭhedetānyamalāni dvijāgrataḥ
= Dभ्P_7,38.35 ॥ मुक्तास्तत्पितरः सर्वे प्रयान्ति परमां गतिम् । अधुना कथयिष्यामि व्रतानि तव सुव्रत
= DbhP_7,38.35 // muktāstatpitaraḥ sarve prayānti paramāṃ gatim / adhunā kathayiṣyāmi vratāni tava suvrata
= Dभ्P_7,38.36 ॥ नारीभिश्च नरैश्चैव कर्तव्यानि प्रयत्नतः । व्रतमनन्ततृतीयाख्यं रसकल्याणिनीव्रतम्
= DbhP_7,38.36 // nārībhiśca naraiścaiva kartavyāni prayatnataḥ / vratamanantatṛtīyākhyaṃ rasakalyāṇinīvratam
= Dभ्P_7,38.37 ॥ आर्द्रानन्दकरं नाम्ना तृतीयाया व्रतम् च यत् । शुक्रवारव्रतं चैव तथा कृष्णचतुर्दशी
= DbhP_7,38.37 // ārdrānandakaraṃ nāmnā tṛtīyāyā vratam ca yat / śukravāravrataṃ caiva tathā kṛṣṇacaturdaśī
= Dभ्P_7,38.38 ॥ भौमवारव्रतं चैव प्रदोषव्रतमेव च । यत्र देवो महादेवो देवीं संस्थाप्य विष्टरे
= DbhP_7,38.38 // bhaumavāravrataṃ caiva pradoṣavratameva ca / yatra devo mahādevo devīṃ saṃsthāpya viṣṭare
= Dभ्P_7,38.39 ॥ नृत्यं करोति पुरतः सार्धं देवैर्निशामुखे । तत्रोपोष्य रजन्यादौ प्रदोषे पूजयेच्छिवाम्
= DbhP_7,38.39 // nṛtyaṃ karoti purataḥ sārdhaṃ devairniśāmukhe / tatropoṣya rajanyādau pradoṣe pūjayecchivām
= Dभ्P_7,38.40 ॥ प्रतिपक्षं विशेषेण तद्देवीप्रीतिकारकम् । सोमवारव्रतं चैव ममातिप्रियकृन्नग
= DbhP_7,38.40 // pratipakṣaṃ viśeṣeṇa taddevīprītikārakam / somavāravrataṃ caiva mamātipriyakṛnnaga
= Dभ्P_7,38.41 ॥ तत्रापि देवीं सम्पूज्य रात्रौ भोजनमाचरेत् । नवरात्रद्वयं चैव व्रतं प्रीतिकरं
= DbhP_7,38.41 // tatrāpi devīṃ sampūjya rātrau bhojanamācaret / navarātradvayaṃ caiva vrataṃ prītikaraṃ
= Dभ्P_7,38.42 ॥ एवमन्यान्यपि विभो नित्यनैमित्तिकानि च । व्रतानि कुरुते यो वै मत्प्रीत्यर्थं विमत्सरः
= DbhP_7,38.42 // evamanyānyapi vibho nityanaimittikāni ca / vratāni kurute yo vai matprītyarthaṃ vimatsaraḥ
= Dभ्P_7,38.43 ॥ प्राप्नोति मम सायुज्यं स मे भक्तः स मे प्रियः । उत्सवानपि कुर्वीत् दोलोत्सवसुखान्विभो
= DbhP_7,38.43 // prāpnoti mama sāyujyaṃ sa me bhaktaḥ sa me priyaḥ / utsavānapi kurvīt dolotsavasukhānvibho
= Dभ्P_7,38.44 ॥ शयनोत्सवं यथा कुर्यात्तथा जागरणोत्सवम् । रथोत्सवं च मे कुर्याद्दमनोत्सवमेव च
= DbhP_7,38.44 // śayanotsavaṃ yathā kuryāttathā jāgaraṇotsavam / rathotsavaṃ ca me kuryāddamanotsavameva ca
= Dभ्P_7,38.45 ॥ पवित्रोत्सवमेवापि श्रावणो प्रीतिकारकम् । मम भक्तः सदा कुर्यादेवमन्यान्महोत्सवान्
= DbhP_7,38.45 // pavitrotsavamevāpi śrāvaṇo prītikārakam / mama bhaktaḥ sadā kuryādevamanyānmahotsavān
= Dभ्P_7,38.46 ॥ मद्भक्तान्भोजयेत्प्रीत्या तथा चैव सुवासिनीः । कुमारीर्बटुकांश्चापि मद्बुद्ध्या तद्गतान्तरः
= DbhP_7,38.46 // madbhaktānbhojayetprītyā tathā caiva suvāsinīḥ / kumārīrbaṭukāṃścāpi madbuddhyā tadgatāntaraḥ
= Dभ्P_7,38.47 ॥ वित्तशाठ्येन रहितो यजेदेतान्सुमादिभिः । य एवं कुरुते भक्त्या प्रतिवर्षमतन्द्रितः
= DbhP_7,38.47 // vittaśāṭhyena rahito yajedetānsumādibhiḥ / ya evaṃ kurute bhaktyā prativarṣamatandritaḥ
= Dभ्P_7,38.48 ॥ स धन्यः कृतकृत्यो ऽसौ मत्प्रीतेः पात्रमञ्जसा । सर्वमुक्तं समासेन मम प्रीतिप्रदायकम्
= DbhP_7,38.48 // sa dhanyaḥ kṛtakṛtyo 'sau matprīteḥ pātramañjasā / sarvamuktaṃ samāsena mama prītipradāyakam
= Dभ्P_7,38.49 ॥ नाशिष्याय प्रदातव्यं नाबक्ताय कदाचन
= DbhP_7,38.49 // nāśiṣyāya pradātavyaṃ nābaktāya kadācana