53 ॥ इति श्रीगारुडे महापुराणे पूर्वखण्डे प्रथमांशाख्ये आचारकाण्डे वातव्याधिनिदानं नाम षटूषष्ट्यधिकशततमो ऽध्यायः श्रीगरुडमहापुराणम्- 167 धन्वन्तरीरुवाच । वातरक्तनिदानं ते वक्ष्ये सुश्रुत तच्छृणु । विरुद्धाध्यशनक्रोधदिवास्वप्नप्रजागरैः
53 // iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe vātavyādhinidānaṃ nāma ṣaṭūṣaṣṭyadhikaśatatamo 'dhyāyaḥ śrīgaruḍamahāpurāṇam- 167 dhanvantarīruvāca / vātaraktanidānaṃ te vakṣye suśruta tacchṛṇu / viruddhādhyaśanakrodhadivāsvapnaprajāgaraiḥ
1 ॥ प्रायशः सुकुमाराणां मिथ्याहारविहारिणाम् । स्थूलानां सुखिनां चापि कुप्यते वातशोणितम्
1 // prāyaśaḥ sukumārāṇāṃ mithyāhāravihāriṇām / sthūlānāṃ sukhināṃ cāpi kupyate vātaśoṇitam
2 ॥ अग्निघातादशुद्धेश्च नृणामसृजि दूषिते । वातलैः शीतलैर्वायुर्वृद्धः क्रुद्धो विमार्गगः
2 // agnighātādaśuddheśca nṛṇāmasṛji dūṣite / vātalaiḥ śītalairvāyurvṛddhaḥ kruddho vimārgagaḥ
3 ॥ तादृशैवासृजा रुद्धः प्राक्तदैव प्रदूषयेत् । तथा वातो गुदे पीडां बलासं वातशोणितम्
3 // tādṛśaivāsṛjā ruddhaḥ prāktadaiva pradūṣayet / tathā vāto gude pīḍāṃ balāsaṃ vātaśoṇitam
4 ॥ संस्तभ्य जनयेत्पूर्वं पश्चात्सर्वत्र धावति । विशेषाद्वमनाद्यैश्च प्रलम्बस्तस्य लक्षणम्
4 // saṃstabhya janayetpūrvaṃ paścātsarvatra dhāvati / viśeṣādvamanādyaiśca pralambastasya lakṣaṇam
5 ॥ भविष्यतः कुष्ठसमं तथा साम्बुदसंज्ञकम् । जानुजङ्घोरुकट्यंसहस्तपादाङ्गसन्धिषु
5 // bhaviṣyataḥ kuṣṭhasamaṃ tathā sāmbudasaṃjñakam / jānujaṅghorukaṭyaṃsahastapādāṅgasandhiṣu
6 ॥ कण्डूस्फुरणनिस्तोदभेदगौरवसुप्तताः । भूत्वा भूत्वा प्रशाम्यन्ति मुहुराविर्भवन्ति च
6 // kaṇḍūsphuraṇanistodabhedagauravasuptatāḥ / bhūtvā bhūtvā praśāmyanti muhurāvirbhavanti ca
7 ॥ पादयोर्मूलमास्थाय कदाचिद्धस्तयोरपि । आखोरिव विलं क्रुद्धः कृत्स्नं देहं बिधावति
7 // pādayormūlamāsthāya kadāciddhastayorapi / ākhoriva vilaṃ kruddhaḥ kṛtsnaṃ dehaṃ bidhāvati
8 ॥ त्वङ्मांसाश्रयमत्तानं तत्पूर्वं जायते ततः । कालान्तरेण गम्भीरं सर्वधातूनभिद्रवेत्
8 // tvaṅmāṃsāśrayamattānaṃ tatpūrvaṃ jāyate tataḥ / kālāntareṇa gambhīraṃ sarvadhātūnabhidravet
9 ॥ कट्यादिसंयतस्थाने त्वक्ताम्रश्यावलोहिताः । श्वयथुर्ग्रथितः पाकः स वायुश्चास्थिमज्जसु
9 // kaṭyādisaṃyatasthāne tvaktāmraśyāvalohitāḥ / śvayathurgrathitaḥ pākaḥ sa vāyuścāsthimajjasu
10 ॥ छिन्दन्निव चरत्यन्तश्चकीकुर्वंश्च वेगवान् । करोति खञ्जं पङ्गुं वा शरीरं सर्वतश्चरन्
10 // chindanniva caratyantaścakīkurvaṃśca vegavān / karoti khañjaṃ paṅguṃ vā śarīraṃ sarvataścaran
11 ॥ वाताधिके ऽधिकं तत्र शूलस्फुरणभञ्जनम् । शोथस्य रौक्ष्यं कृष्णत्वं श्यावतावृद्धिहानयः
11 // vātādhike 'dhikaṃ tatra śūlasphuraṇabhañjanam / śothasya raukṣyaṃ kṛṣṇatvaṃ śyāvatāvṛddhihānayaḥ
12 ॥ धमन्यङ्गुलिसन्धीनां संकोचोङ्गग्रहो तिरुक् । शीतद्वेषानुपशयौ स्तम्भवेपथुसुप्तयः
12 // dhamanyaṅgulisandhīnāṃ saṃkocoṅgagraho tiruk / śītadveṣānupaśayau stambhavepathusuptayaḥ
13 ॥ रक्ते शोथो ऽतिरुक्तोदस्ताम्राश्चिमिचिमायते । स्निग्धरूक्षैः समं नैति कण्डुक्लेदसमन्वितः
13 // rakte śotho 'tiruktodastāmrāścimicimāyate / snigdharūkṣaiḥ samaṃ naiti kaṇḍukledasamanvitaḥ
14 ॥ पित्ते विदाहः संमोहः स्वादो मूर्छा मदस्तृषा । स्पर्शासहत्वं रुग्रावः शोषः पाको भृशोष्मता
14 // pitte vidāhaḥ saṃmohaḥ svādo mūrchā madastṛṣā / sparśāsahatvaṃ rugrāvaḥ śoṣaḥ pāko bhṛśoṣmatā
15 ॥ कफे स्तैमित्यगुरुता सुप्तिस्निग्धत्वशीतता । कण्डूर्मन्दा च रुग्द्बन्द्वं सर्वलिङ्गञ्च संकरात्
15 // kaphe staimityagurutā suptisnigdhatvaśītatā / kaṇḍūrmandā ca rugdbandvaṃ sarvaliṅgañca saṃkarāt
16 ॥ एकदोषञ्च संसाध्यं याप्यञ्चैव द्विदोषजम् । त्रिदोषजन्त्यजेदाशु रक्तपित्तं सुदारुणम्
16 // ekadoṣañca saṃsādhyaṃ yāpyañcaiva dvidoṣajam / tridoṣajantyajedāśu raktapittaṃ sudāruṇam
17 ॥ रक्तमङ्गे निहन्त्याशु शाखासन्धिषु मारुतः । निवेश्यान्योन्यमावार्य वेदनाभिर्हरत्यसून्
17 // raktamaṅge nihantyāśu śākhāsandhiṣu mārutaḥ / niveśyānyonyamāvārya vedanābhirharatyasūn
18 ॥ वायौ पञ्चात्मके प्राणे रौक्ष्याच्चापल्यलङ्घनैः । अत्याहाराभिघाताच्च वेगोदीरणचारणैः
18 // vāyau pañcātmake prāṇe raukṣyāccāpalyalaṅghanaiḥ / atyāhārābhighātācca vegodīraṇacāraṇaiḥ
19 ॥ कुपितश्चक्षुरादीनामुपघातं प्रकल्पयेत् । पीनसो दाहतृट्कासश्वासादिश्चैव जायते
19 // kupitaścakṣurādīnāmupaghātaṃ prakalpayet / pīnaso dāhatṛṭkāsaśvāsādiścaiva jāyate
20 ॥ कण्ठरोधोमलभ्रंशच्छर्द्यरोचकपीनसान् । कुर्याच्च गलगण्डदींस्तञ्जत्रुमूर्ध्वसंश्रयः
20 // kaṇṭharodhomalabhraṃśacchardyarocakapīnasān / kuryācca galagaṇḍadīṃstañjatrumūrdhvasaṃśrayaḥ
21 ॥ व्यानो ऽतिगमनस्नानक्रीडाविषयचोष्टितैः । विरुद्धरूक्षभीहर्षविषादाद्यैश्च दूषितः
21 // vyāno 'tigamanasnānakrīḍāviṣayacoṣṭitaiḥ / viruddharūkṣabhīharṣaviṣādādyaiśca dūṣitaḥ
22 ॥ पुंस्त्वोत्साहबलभ्रंशशोकचित्तप्लवज्वरान् । सर्वाकारादिनिस्तोदरोमहर्षं सुषुप्तताम्
22 // puṃstvotsāhabalabhraṃśaśokacittaplavajvarān / sarvākārādinistodaromaharṣaṃ suṣuptatām
23 ॥ कुष्ठं विसर्पमन्यच्च कुर्यात् सर्वाङ्गसादनम् । समानो विषमाजीर्णशीतसङ्कीर्णभोजनैः
23 // kuṣṭhaṃ visarpamanyacca kuryāt sarvāṅgasādanam / samāno viṣamājīrṇaśītasaṅkīrṇabhojanaiḥ
24 ॥ करोत्यकालशयनजागराद्यैश्च दूषितः । शूलगुल्मग्रहण्यादीन्यकृत्कामाश्रयान्गदान्
24 // karotyakālaśayanajāgarādyaiśca dūṣitaḥ / śūlagulmagrahaṇyādīnyakṛtkāmāśrayāngadān
25 ॥ अपानो रूक्षगुर्वन्नवेगाघातातिवाहनैः । यानपानसमुत्थानचङ्क्रमैश्चातिसेवितैः
25 // apāno rūkṣagurvannavegāghātātivāhanaiḥ / yānapānasamutthānacaṅkramaiścātisevitaiḥ
26 ॥ कुपितः कुरुते रोगान्कृत्स्नान् पक्वाशयाश्रयान् । मूत्रसुक्रप्रदोषार्शोगुदभ्रंशादिकान्बहून्
26 // kupitaḥ kurute rogānkṛtsnān pakvāśayāśrayān / mūtrasukrapradoṣārśogudabhraṃśādikānbahūn
27 ॥ सर्वाङ्गमाततं सामं तन्द्रास्तैमित्यगौरवैः । स्निग्धत्वाद्बोध कालस्य शैत्यशोथाग्निहानयः
27 // sarvāṅgamātataṃ sāmaṃ tandrāstaimityagauravaiḥ / snigdhatvādbodha kālasya śaityaśothāgnihānayaḥ
28 ॥ कण्डूरूक्षातिनाशेन तद्विधोपशमेन च । मुक्तिं विद्यान्निरामं तं तन्द्रादीनां विपर्ययात्
28 // kaṇḍūrūkṣātināśena tadvidhopaśamena ca / muktiṃ vidyānnirāmaṃ taṃ tandrādīnāṃ viparyayāt
29 ॥ वायोरावरणं वातो बहुभेदं प्रचक्षते । पित्तलिङ्गावृते दाहस्तृष्णा शूलं भ्रमस्तमः
29 // vāyorāvaraṇaṃ vāto bahubhedaṃ pracakṣate / pittaliṅgāvṛte dāhastṛṣṇā śūlaṃ bhramastamaḥ
30 ॥ कटुकोष्णाम्ललवणैर्विदाहशीतकामता । शैत्यगौरवशूलाग्निकट्वाज्यपयसो ऽधिकम्
30 // kaṭukoṣṇāmlalavaṇairvidāhaśītakāmatā / śaityagauravaśūlāgnikaṭvājyapayaso 'dhikam
31 ॥ लङ्घनायासरूक्षोष्णकामता च कफावृते । कफावृते ऽङ्गमर्दः स्याद्धृल्लासो गुरुतारुचिः
31 // laṅghanāyāsarūkṣoṣṇakāmatā ca kaphāvṛte / kaphāvṛte 'ṅgamardaḥ syāddhṛllāso gurutāruciḥ
32 ॥ रक्तवृते सदाहार्तिस्तवङ्मांसाश्रयजा भृशम् । भवेत्सरागः श्वयथुर्जायन्ते मण्डलानि च
32 // raktavṛte sadāhārtistavaṅmāṃsāśrayajā bhṛśam / bhavetsarāgaḥ śvayathurjāyante maṇḍalāni ca
33 ॥ शोथो मांसेन कठिनो हृल्लासपिटिकास्तथा । हर्षः पिपीलिकानां च संचार इव जायते । चललग्रनो मृदुः शीतः शोथो गात्रेषु रोचकः
33 // śotho māṃsena kaṭhino hṛllāsapiṭikāstathā / harṣaḥ pipīlikānāṃ ca saṃcāra iva jāyate / calalagrano mṛduḥ śītaḥ śotho gātreṣu rocakaḥ
34 ॥ आढ्यवात इव ज्ञेयः स कृच्छ्रो मेदसावतः । स्पर्श आच्छादितेत्युष्णशीतलश्च त्वनावृते । मज्जावृते तु विषमं जृम्भणं परिवेष्टनम्
34 // āḍhyavāta iva jñeyaḥ sa kṛcchro medasāvataḥ / sparśa ācchāditetyuṣṇaśītalaśca tvanāvṛte / majjāvṛte tu viṣamaṃ jṛmbhaṇaṃ pariveṣṭanam
35 ॥ शूलञ्च पड्यिमानश्च पाणिभ्यां लभते सुखम् । शुक्रावृते तु शोथे वै चातिवेगो न विद्यते
35 // śūlañca paḍyimānaśca pāṇibhyāṃ labhate sukham / śukrāvṛte tu śothe vai cātivego na vidyate
36 ॥ भुक्ते कुक्षौ रुजा जीर्णे निकृत्तिर्भवति ध्रुवम् । मूत्राप्रवृत्तिराध्मानं बस्तेर्मूत्रावृते भवेत्
36 // bhukte kukṣau rujā jīrṇe nikṛttirbhavati dhruvam / mūtrāpravṛttirādhmānaṃ bastermūtrāvṛte bhavet
37 ॥ छिद्रावृते विबन्धो ऽथ स्वस्थानं परिकृन्त ति । पतत्याशु ज्वराक्रान्तो मूर्छां च लभते नरः
37 // chidrāvṛte vibandho 'tha svasthānaṃ parikṛnta ti / patatyāśu jvarākrānto mūrchāṃ ca labhate naraḥ
38 ॥ सकृत् पीडितमन्येन दुष्टं शुक्रं चिरात्सृजेत् । सर्वधात्वावृते वायौ श्रोणिवङ्क्षणपृष्ठरुक्
38 // sakṛt pīḍitamanyena duṣṭaṃ śukraṃ cirātsṛjet / sarvadhātvāvṛte vāyau śroṇivaṅkṣaṇapṛṣṭharuk
39 ॥ विलोमे मारुते चैव हृदयं परिपीड्यते । भ्रमो मूर्छा रुजा दाहः पित्तेन प्राण आवृते
39 // vilome mārute caiva hṛdayaṃ paripīḍyate / bhramo mūrchā rujā dāhaḥ pittena prāṇa āvṛte
40 ॥ रुजा तन्द्रा स्वरभ्रंशो दाहो व्याने तु सर्वशः । क्रमों गचेष्टाभङ्गश्च सन्तापः सहवेदनः
40 // rujā tandrā svarabhraṃśo dāho vyāne tu sarvaśaḥ / kramoṃ gaceṣṭābhaṅgaśca santāpaḥ sahavedanaḥ
41 ॥ समान ऊष्मोपहतिः सस्वेदोपरतिः सुतृट् । दाहश्च स्यादपाने तु मले हारिद्रवर्णता
41 // samāna ūṣmopahatiḥ sasvedoparatiḥ sutṛṭ / dāhaśca syādapāne tu male hāridravarṇatā
42 ॥ रजोवृद्धिस्तापनञ्च तथा चानाहमेहनम् । श्लेष्मणा प्रावृते प्राणे नादः स्नोतो ऽवरोधनम्
42 // rajovṛddhistāpanañca tathā cānāhamehanam / śleṣmaṇā prāvṛte prāṇe nādaḥ snoto 'varodhanam
43 ॥ ष्ठीवनञ्चैव सस्वेदश्वासनिः श्वाससंग्रहः । उदाने गुरुगात्रत्वमरुचिर्वाक्स्वरग्रहः
43 // ṣṭhīvanañcaiva sasvedaśvāsaniḥ śvāsasaṃgrahaḥ / udāne gurugātratvamarucirvāksvaragrahaḥ
44 ॥ बलवर्णप्रणाशश्चा पाने पर्वास्थिसंग्रहः । गुरुताङ्गेषु सर्वेषु स्थूलत्वञ्चागतं भृशम्
44 // balavarṇapraṇāśaścā pāne parvāsthisaṃgrahaḥ / gurutāṅgeṣu sarveṣu sthūlatvañcāgataṃ bhṛśam
45 ॥ समाने ऽतिक्रियाज्ञत्वमस्वेदो मन्दवह्निता । अपाने सकलं मूत्रं शकृतः स्यात्प्रवर्तनम्?
45 // samāne 'tikriyājñatvamasvedo mandavahnitā / apāne sakalaṃ mūtraṃ śakṛtaḥ syātpravartanam?
46 ॥ इति द्वाविंशतिविधं वातरक्तामयं विदुः । प्राणादयस्तथान्यो ऽन्यं समाक्रान्ता यथाक्रमम्
46 // iti dvāviṃśatividhaṃ vātaraktāmayaṃ viduḥ / prāṇādayastathānyo 'nyaṃ samākrāntā yathākramam
47 ॥ सर्वे ऽपि विंशतिविधं विद्यादावरणञ्च यत् । हृल्लासोच्छ्वाससंरोधः प्रतिश्यायः शिरोग्रहः
47 // sarve 'pi viṃśatividhaṃ vidyādāvaraṇañca yat / hṛllāsocchvāsasaṃrodhaḥ pratiśyāyaḥ śirograhaḥ
48 ॥ हृद्रोगो मुखशोषश्च प्राणेनापान आवृते । उदानेनावृते प्राणे भवेद्धै बलसंक्षयः
48 // hṛdrogo mukhaśoṣaśca prāṇenāpāna āvṛte / udānenāvṛte prāṇe bhaveddhai balasaṃkṣayaḥ
49 ॥ विचारणेन विभजेत्सर्वमावरणं भिषक् । स्थानान्यपेक्ष्य वातानां वृर्धिहानिं च कर्मणाम्
49 // vicāraṇena vibhajetsarvamāvaraṇaṃ bhiṣak / sthānānyapekṣya vātānāṃ vṛrdhihāniṃ ca karmaṇām
50 ॥ प्राणादीनाञ्च पञ्चानां पित्तमावरणं मिथः । पित्तादीनामावसतिर्मिश्राणां मिश्रितैश्च तैः
50 // prāṇādīnāñca pañcānāṃ pittamāvaraṇaṃ mithaḥ / pittādīnāmāvasatirmiśrāṇāṃ miśritaiśca taiḥ
51 ॥ मिश्रैः पित्तादिभिस्तद्वन्मिश्राण्यपित्वनेकधा । तांल्लक्षयेदवहितो यथास्वं लक्षणोदयात्
51 // miśraiḥ pittādibhistadvanmiśrāṇyapitvanekadhā / tāṃllakṣayedavahito yathāsvaṃ lakṣaṇodayāt
52 ॥ शनैः शनैश्चोपशयान्दृढानपि मुहुर्मुहुः । विशेषाज्जीवितं प्राण उदानो बलमुच्यते । स्यात्तयोः पीडनाद्धनिरायुषञ्च बलस्य च
52 // śanaiḥ śanaiścopaśayāndṛḍhānapi muhurmuhuḥ / viśeṣājjīvitaṃ prāṇa udāno balamucyate / syāttayoḥ pīḍanāddhanirāyuṣañca balasya ca
53 ॥ आवृता वायवो ऽज्ञाता ज्ञाता वा स्थानविच्युताः । प्रयत्नेनापि दुः साध्या भवेयुर्वानुपद्रवाः
53 // āvṛtā vāyavo 'jñātā jñātā vā sthānavicyutāḥ / prayatnenāpi duḥ sādhyā bhaveyurvānupadravāḥ
54 ॥ विद्रधिप्लीहहृद्रोगगुल्माग्निसदनादयः । भवन्त्युपद्रवास्तेषामावृतानामुपेक्षया
54 // vidradhiplīhahṛdrogagulmāgnisadanādayaḥ / bhavantyupadravāsteṣāmāvṛtānāmupekṣayā
55 ॥ निदानं सुश्रुत ! मया आत्रेयोक्तं समीरितम् । सर्वरोगविवेकाय नराद्यायुः प्रवृद्धये
55 // nidānaṃ suśruta ! mayā ātreyoktaṃ samīritam / sarvarogavivekāya narādyāyuḥ pravṛddhaye
56 ॥ एवं विज्ञाय रोगादींश्चिकित्सामथ वै चरेत् । त्रिफला सर्वरोगघ्नी मध्वाज्यगुडसंयुता
56 // evaṃ vijñāya rogādīṃścikitsāmatha vai caret / triphalā sarvarogaghnī madhvājyaguḍasaṃyutā
57 ॥ सव्योषा त्रिफला वापि सर्वरोगप्रमर्दिनी । शतावरीगुडूच्यग्निविडङ्गेन युताथवा
57 // savyoṣā triphalā vāpi sarvarogapramardinī / śatāvarīguḍūcyagniviḍaṅgena yutāthavā
58 ॥ शतावरी गुडूच्यग्निः शुण्ठीमूषलिका बला । पुनर्नवा च बृहती निर्गुण्डी निम्बपत्रकम्
58 // śatāvarī guḍūcyagniḥ śuṇṭhīmūṣalikā balā / punarnavā ca bṛhatī nirguṇḍī nimbapatrakam
59 ॥ भृङ्गराजश्चामलकं वासकस्तद्रसेन वा । भाविता त्रिफला सप्तवारमेखमथापिवा
59 // bhṛṅgarājaścāmalakaṃ vāsakastadrasena vā / bhāvitā triphalā saptavāramekhamathāpivā
60 ॥ पूर्वोक्तश्च यथालाभयुक्तैश्चूर्णञ्च मोदकः । वटिका घृततैलं वा कषायो शोषरोगनुत् । पलं पलार्धकं वापि कर्षं कर्षार्धमेव वा
60 // pūrvoktaśca yathālābhayuktaiścūrṇañca modakaḥ / vaṭikā ghṛtatailaṃ vā kaṣāyo śoṣaroganut / palaṃ palārdhakaṃ vāpi karṣaṃ karṣārdhameva vā