54 ॥ इति श्रीगारुडे महापुराणे पूर्वखण्डे प्रथमांशाख्ये आचारकाण्डे वैद्यकशास्त्रपरिभाषा नामाष्टषष्ट्यधिकशततमो ऽध्यायः श्रीगरुडमहापुराणम्- 169 धन्वन्तरिरुवाच । हिताहितविकेकाय अनुपानविधिं ब्रुवे । रक्तशालि त्रिदोषघ्नं तृष्णामेदोनिवारकम्
54 // iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe vaidyakaśāstraparibhāṣā nāmāṣṭaṣaṣṭyadhikaśatatamo 'dhyāyaḥ śrīgaruḍamahāpurāṇam- 169 dhanvantariruvāca / hitāhitavikekāya anupānavidhiṃ bruve / raktaśāli tridoṣaghnaṃ tṛṣṇāmedonivārakam
1 ॥ महाशालि परं वृष्यं कलमः श्लेष्मपित्तहा । शीत्तो गुरुस्त्रिदोषघ्नः प्रायशो गौरषष्टिकः
1 // mahāśāli paraṃ vṛṣyaṃ kalamaḥ śleṣmapittahā / śītto gurustridoṣaghnaḥ prāyaśo gauraṣaṣṭikaḥ
2 ॥ श्यामाकः शोषणो रूक्षो वातलः श्लेष्मपित्तहा । तद्वत्प्रियङ्गुनीवारकोरदूषाः प्रकीर्तिताः
2 // śyāmākaḥ śoṣaṇo rūkṣo vātalaḥ śleṣmapittahā / tadvatpriyaṅgunīvārakoradūṣāḥ prakīrtitāḥ
3 ॥ बहुवारः सकृच्छीतः श्लेष्मपित्तहरो यवः । वृष्यः शीतो गुरुः स्वादुर्गोधूमो वातनाशनः
3 // bahuvāraḥ sakṛcchītaḥ śleṣmapittaharo yavaḥ / vṛṣyaḥ śīto guruḥ svādurgodhūmo vātanāśanaḥ
4 ॥ कफपित्तास्त्रजिन्मुद्गः कषायो मधुरोलघुः । माषो बहुबलो वृष्यः पित्तश्लेष्महरो गुरुः
4 // kaphapittāstrajinmudgaḥ kaṣāyo madhurolaghuḥ / māṣo bahubalo vṛṣyaḥ pittaśleṣmaharo guruḥ
5 ॥ अवृष्यः श्लेष्मपित्तघ्नो राजमाषो ऽनिलार्तिनुत् । कुलत्थः श्वासहिक्काहृत्कफगुल्मानिलापहः
5 // avṛṣyaḥ śleṣmapittaghno rājamāṣo 'nilārtinut / kulatthaḥ śvāsahikkāhṛtkaphagulmānilāpahaḥ
6 ॥ रक्तपित्तज्वरोन्माथो शीतो ग्राही मकुष्ठकः । पुंस्त्वासृक्कफपित्तघ्नश्चणको वातलः स्मृतः
6 // raktapittajvaronmātho śīto grāhī makuṣṭhakaḥ / puṃstvāsṛkkaphapittaghnaścaṇako vātalaḥ smṛtaḥ
7 ॥ मसूरो मधुरः शीव संग्रही कफपित्तहा । तद्वत्सर्वगुणाढ्यश्च कलायश्चातिवातलः
7 // masūro madhuraḥ śīva saṃgrahī kaphapittahā / tadvatsarvaguṇāḍhyaśca kalāyaścātivātalaḥ
8 ॥ आग्की कफपित्तघ्नो शुक्रला च तथा स्मृता । अतसी पित्तला ज्ञेया सिद्धार्थः कफवातजित्
8 // āgkī kaphapittaghno śukralā ca tathā smṛtā / atasī pittalā jñeyā siddhārthaḥ kaphavātajit
9 ॥ सक्षारमधुरस्निग्धो बलोष्णपित्तकृत्तिलः । बलघ्ना रूक्षलाः शीता विविधाः सस्यजातयः
9 // sakṣāramadhurasnigdho baloṣṇapittakṛttilaḥ / balaghnā rūkṣalāḥ śītā vividhāḥ sasyajātayaḥ
10 ॥ चित्रकेङ्गुदिनालीकाः पिप्पलीमधुशिग्रवः । चव्याचरणनिर्गुण्डीतर्कारीकाशमर्दकाः
10 // citrakeṅgudinālīkāḥ pippalīmadhuśigravaḥ / cavyācaraṇanirguṇḍītarkārīkāśamardakāḥ
11 ॥ सबिल्वाः कफपित्तघ्नाः क्रिमिघ्ना लघुदीपकाः । वर्षाभूमार्करौ वातकफघ्नौ दोषनाशनौ
11 // sabilvāḥ kaphapittaghnāḥ krimighnā laghudīpakāḥ / varṣābhūmārkarau vātakaphaghnau doṣanāśanau
12 ॥ तिक्तरसः स्यादेरण्डः काकमाची त्रिदोषहृत् । चाङ्गेरी कफवातघ्नी सर्षपः सर्वदोषदम्
12 // tiktarasaḥ syāderaṇḍaḥ kākamācī tridoṣahṛt / cāṅgerī kaphavātaghnī sarṣapaḥ sarvadoṣadam
13 ॥ तद्वदेव च कौस्मसुम्भं राजिका वातपित्तला । नाडीचः कफपित्तघ्नः चुचुर्मधुरशीतलः
13 // tadvadeva ca kausmasumbhaṃ rājikā vātapittalā / nāḍīcaḥ kaphapittaghnaḥ cucurmadhuraśītalaḥ
14 ॥ दोषघ्नं पद्मपत्रञ्च त्रिपुटं वातकृत्परम् । सक्षारः सर्वदोषघ्नो वास्तुको रोचनः परः
14 // doṣaghnaṃ padmapatrañca tripuṭaṃ vātakṛtparam / sakṣāraḥ sarvadoṣaghno vāstuko rocanaḥ paraḥ
15 ॥ तण्डुकीयोविपहरः पालङ्क्याश्च तथापरे । मूलकं दोषकृच्छामं स्विन्नं वातकफापदम्
15 // taṇḍukīyovipaharaḥ pālaṅkyāśca tathāpare / mūlakaṃ doṣakṛcchāmaṃ svinnaṃ vātakaphāpadam
16 ॥ सर्वदोषहरं ह्यद्यं कण्ठ्यं तत्पक्वमिष्यते । कर्कोटकं सवार्ताकं पदोलं कारवेल्लकम्
16 // sarvadoṣaharaṃ hyadyaṃ kaṇṭhyaṃ tatpakvamiṣyate / karkoṭakaṃ savārtākaṃ padolaṃ kāravellakam
17 ॥ कुष्ठमेहज्वरश्वासकासपित्तकफापहम् । सर्वदोषहरं हृद्यं कूष्माण्डं बस्तिशोधनम्
17 // kuṣṭhamehajvaraśvāsakāsapittakaphāpaham / sarvadoṣaharaṃ hṛdyaṃ kūṣmāṇḍaṃ bastiśodhanam
18 ॥ कलिङ्गालाबुनी पित्तनाशिनी वातकारिणी । त्रपुषोर्वारुके वातश्लेष्मले पित्तवारणे
18 // kaliṅgālābunī pittanāśinī vātakāriṇī / trapuṣorvāruke vātaśleṣmale pittavāraṇe
19 ॥ वृक्षाम्लं कफवातघ्नं जम्बीरं कफवातनुत् । वातघ्नं दाडिमं ग्राहि नागरङ्गफलं गुरु
19 // vṛkṣāmlaṃ kaphavātaghnaṃ jambīraṃ kaphavātanut / vātaghnaṃ dāḍimaṃ grāhi nāgaraṅgaphalaṃ guru
20 ॥ केशरं मातुलुङ्गं च दीपनं कफवातनुत् । वातपित्तहरो माषस्त्वक्स्निग्धोष्णानिलापहः
20 // keśaraṃ mātuluṅgaṃ ca dīpanaṃ kaphavātanut / vātapittaharo māṣastvaksnigdhoṣṇānilāpahaḥ
21 ॥ सरमामलकं वृष्यं मधुरं हृद्यमम्लकृत् । भुक्तप्ररोचका पुण्या हरीतक्यमृतोपमा
21 // saramāmalakaṃ vṛṣyaṃ madhuraṃ hṛdyamamlakṛt / bhuktaprarocakā puṇyā harītakyamṛtopamā
22 ॥ स्त्रंसनी कफवातघ्नी ह्यक्षस्तद्वत्त्रिदोषजित् । वातश्लेष्महरं त्वम्लं स्त्रंसनं तिन्तिडीफलम्
22 // straṃsanī kaphavātaghnī hyakṣastadvattridoṣajit / vātaśleṣmaharaṃ tvamlaṃ straṃsanaṃ tintiḍīphalam
23 ॥ दोषलं लकुचं स्वादु बकुलं कफवातजित् । गुल्मवातकफश्वासकासघ्नं बीजपूरकम्
23 // doṣalaṃ lakucaṃ svādu bakulaṃ kaphavātajit / gulmavātakaphaśvāsakāsaghnaṃ bījapūrakam
24 ॥ कपित्थं ग्राहि दोषघ्नं पक्वं गुरु विषापहम् । कफपित्तकरं बालमापूर्णं पित्तवर्धनम्
24 // kapitthaṃ grāhi doṣaghnaṃ pakvaṃ guru viṣāpaham / kaphapittakaraṃ bālamāpūrṇaṃ pittavardhanam
25 ॥ पक्वाम्रं वातकृन्मांसशुक्रवर्णबलप्रदम् । वातघ्नं कफपित्तघ्नं ग्राहि विष्टम्भि जाम्बवम्
25 // pakvāmraṃ vātakṛnmāṃsaśukravarṇabalapradam / vātaghnaṃ kaphapittaghnaṃ grāhi viṣṭambhi jāmbavam
26 ॥ तिन्दुकं कफवातघ्नं बदरं वातपित्तहृत् । विष्टम्भि वातलं बिल्वं प्रियालं पवनापहम्
26 // tindukaṃ kaphavātaghnaṃ badaraṃ vātapittahṛt / viṣṭambhi vātalaṃ bilvaṃ priyālaṃ pavanāpaham
27 ॥ राजादनफलं मोचं पनसं नारिकेलजम् । शुक्रमांसकराण्याहुः स्वादुस्निग्धगुरूणि च
27 // rājādanaphalaṃ mocaṃ panasaṃ nārikelajam / śukramāṃsakarāṇyāhuḥ svādusnigdhagurūṇi ca
28 ॥ द्राक्षामधूकखर्जूरं कुङ्कुमं वातरक्तजित् । मागधी मधुरा पक्वा श्वासपित्तहरा परा
28 // drākṣāmadhūkakharjūraṃ kuṅkumaṃ vātaraktajit / māgadhī madhurā pakvā śvāsapittaharā parā
29 ॥ आर्द्रकं रोचकं वृष्यं दीपनं कफवातहृत् । शुण्ठीमरिचपिप्पल्यः कफवातजितो मताः
29 // ārdrakaṃ rocakaṃ vṛṣyaṃ dīpanaṃ kaphavātahṛt / śuṇṭhīmaricapippalyaḥ kaphavātajito matāḥ
30 ॥ अवृष्यं मरिचं विद्यादिति वैद्यकसंमतम् । गुल्मशूलविबन्धघ्नं हिङ्गुवातकफापहम्
30 // avṛṣyaṃ maricaṃ vidyāditi vaidyakasaṃmatam / gulmaśūlavibandhaghnaṃ hiṅguvātakaphāpaham
31 ॥ यवानीधन्यकाजाज्यः वातश्लेष्मनुदः परम् । चक्षुष्यं सैन्धवं वृष्यं त्रिदोषशमनं स्मृतम्
31 // yavānīdhanyakājājyaḥ vātaśleṣmanudaḥ param / cakṣuṣyaṃ saindhavaṃ vṛṣyaṃ tridoṣaśamanaṃ smṛtam
32 ॥ सौवर्चलं विबन्धघ्नमुष्णं हृच्छूलनाशनम् । उष्णं शूलहरं तीक्ष्णं विडङ्गं वातनाशनम्
32 // sauvarcalaṃ vibandhaghnamuṣṇaṃ hṛcchūlanāśanam / uṣṇaṃ śūlaharaṃ tīkṣṇaṃ viḍaṅgaṃ vātanāśanam
33 ॥ रोमकं वातलं स्वादु रोचनं क्लेदनं गुरु । हृत्पाण्डुगलरोगघ्नं यवक्षारो ऽग्निदीपनः
33 // romakaṃ vātalaṃ svādu rocanaṃ kledanaṃ guru / hṛtpāṇḍugalarogaghnaṃ yavakṣāro 'gnidīpanaḥ
34 ॥ दहनो दीपनस्तीक्ष्णः सर्जिक्षारो विदारणः । दोषघ्नं नाभसं वारिलघु हृद्यं विषापहम्
34 // dahano dīpanastīkṣṇaḥ sarjikṣāro vidāraṇaḥ / doṣaghnaṃ nābhasaṃ vārilaghu hṛdyaṃ viṣāpaham
35 ॥ नादेयं वातलं रूक्षं सारसं मदुर लघु । वातश्लेष्महरं वार्प्यं ताडागं वातलं स्मृतम्
35 // nādeyaṃ vātalaṃ rūkṣaṃ sārasaṃ madura laghu / vātaśleṣmaharaṃ vārpyaṃ tāḍāgaṃ vātalaṃ smṛtam
36 ॥ रौच्यमग्निकरं रूक्षं कफघ्नंलघु नैर्झरम् । दीपनं पित्तलं कौपमौद्भिदं पित्तनाशनम्
36 // raucyamagnikaraṃ rūkṣaṃ kaphaghnaṃlaghu nairjharam / dīpanaṃ pittalaṃ kaupamaudbhidaṃ pittanāśanam
37 ॥ दिवार्ककिरणैर्जुष्टं रात्रौ चैवेन्दुरश्मिभिः । सर्वदोषविनिर्मुक्तं तत्तुल्यं गगनाम्बुना
37 // divārkakiraṇairjuṣṭaṃ rātrau caivenduraśmibhiḥ / sarvadoṣavinirmuktaṃ tattulyaṃ gaganāmbunā
38 ॥ उष्णं वारि ज्वरश्वासमेदो ऽनिलकफापहम् । शृतं शीतत्रिदोषघ्नमुषितं तच्च दोषलम्
38 // uṣṇaṃ vāri jvaraśvāsamedo 'nilakaphāpaham / śṛtaṃ śītatridoṣaghnamuṣitaṃ tacca doṣalam
39 ॥ गोक्षीरं वातपित्तग्नं स्निग्धं गुरुरसायनम् । गव्याद्गुरुतरं स्निग्धं माहिष् वह्निनाशनम्
39 // gokṣīraṃ vātapittagnaṃ snigdhaṃ gururasāyanam / gavyādgurutaraṃ snigdhaṃ māhiṣ vahnināśanam
40 ॥ छागं रक्तातिसारघ्नं कासश्वासकफापहम् । चक्षुष्यं जीवनं स्त्रीणां रक्तपित्ते चनावनम्
40 // chāgaṃ raktātisāraghnaṃ kāsaśvāsakaphāpaham / cakṣuṣyaṃ jīvanaṃ strīṇāṃ raktapitte canāvanam
41 ॥ परं वातहरं वृष्यं पित्तश्लेष्मकरं दधि । दोषघ्नं मन्थजातन्तु मस्तु स्रोतोविशोधनम्
41 // paraṃ vātaharaṃ vṛṣyaṃ pittaśleṣmakaraṃ dadhi / doṣaghnaṃ manthajātantu mastu srotoviśodhanam
42 ॥ ग्रहण्यर्शो ऽर्दितार्तिघ्नं नवनीतं नवोद्धृतम् । विकाराश्च किलाटाद्या गुरवः कुष्ठहेतवः
42 // grahaṇyarśo 'rditārtighnaṃ navanītaṃ navoddhṛtam / vikārāśca kilāṭādyā guravaḥ kuṣṭhahetavaḥ
43 ॥ परं ग्रहणीशोथार्शः पाण्ड्वतीसारगुल्मनुत् । त्रिदोषशमनं तक्रं कथितं पूर्वसूरिभिः
43 // paraṃ grahaṇīśothārśaḥ pāṇḍvatīsāragulmanut / tridoṣaśamanaṃ takraṃ kathitaṃ pūrvasūribhiḥ
44 ॥ वृष्यञ्च मधुरं सर्पिर्वातपित्तकफापहम् । गव्यं मेध्यञ्च चाक्षुष्यं संस्काराच्च त्रिदोषजित्
44 // vṛṣyañca madhuraṃ sarpirvātapittakaphāpaham / gavyaṃ medhyañca cākṣuṣyaṃ saṃskārācca tridoṣajit
45 ॥ अपस्मारगदोन्मादमूर्छाघ्नं संस्कृतङ्घृतम् । अजादीनाञ्च सर्पोषि विद्याद्गोक्षीरसद्गुणैः । कफवातहरं मूत्रं सर्वक्रिमिविषापहम्
45 // apasmāragadonmādamūrchāghnaṃ saṃskṛtaṅghṛtam / ajādīnāñca sarpoṣi vidyādgokṣīrasadguṇaiḥ / kaphavātaharaṃ mūtraṃ sarvakrimiviṣāpaham
46 ॥ पाण्डुत्वोदरकुष्ठार्शः शोथगुल्मप्रमेहनुत् । वातश्लेष्महरं बल्यं तैलं कश्यं तिलोद्भवम्
46 // pāṇḍutvodarakuṣṭhārśaḥ śothagulmapramehanut / vātaśleṣmaharaṃ balyaṃ tailaṃ kaśyaṃ tilodbhavam
47 ॥ सार्षपं कृमिपाण्डुघ्नं कफमेदो ऽनिलापहम् । क्षौमं तैलमचक्षुष्यं पित्तहृद्वातनाशनम्
47 // sārṣapaṃ kṛmipāṇḍughnaṃ kaphamedo 'nilāpaham / kṣaumaṃ tailamacakṣuṣyaṃ pittahṛdvātanāśanam
48 ॥ अक्षजं कफपित्तघ्नं केश्यं त्वक्श्रोत्रतर्पणम् । त्रिदोषघ्नं मधु प्रोक्तं वातलञ्च प्रकीर्तितम्
48 // akṣajaṃ kaphapittaghnaṃ keśyaṃ tvakśrotratarpaṇam / tridoṣaghnaṃ madhu proktaṃ vātalañca prakīrtitam
49 ॥ हिक्काश्वासकृमिच्छर्दिमेहतृष्णाविषामहम् । इक्षवोरक्तपित्तघ्नो बल्या वृष्याः कफप्रदाः
49 // hikkāśvāsakṛmicchardimehatṛṣṇāviṣāmaham / ikṣavoraktapittaghno balyā vṛṣyāḥ kaphapradāḥ
50 ॥ फाणितं पित्तलं तव्रिं सुरा मत्स्यण्डिका लघुः । खण्डं वृष्यं तथा स्निग्धं स्वाद्वसृक्पित्तवातजित्
50 // phāṇitaṃ pittalaṃ tavriṃ surā matsyaṇḍikā laghuḥ / khaṇḍaṃ vṛṣyaṃ tathā snigdhaṃ svādvasṛkpittavātajit
51 ॥ वातपित्तहरो रूक्षो वातघ्नः कफकृद्गुडः । स पित्तघ्नः परः पथ्यः पुराणो ऽसृक्प्रसादनः
51 // vātapittaharo rūkṣo vātaghnaḥ kaphakṛdguḍaḥ / sa pittaghnaḥ paraḥ pathyaḥ purāṇo 'sṛkprasādanaḥ
52 ॥ रक्तिपित्तहरा वृष्या सस्नेहा गडशर्करा । सर्वपित्तकरं मद्यमम्लत्वात्कफवातजित्
52 // raktipittaharā vṛṣyā sasnehā gaḍaśarkarā / sarvapittakaraṃ madyamamlatvātkaphavātajit
53 ॥ रक्तपित्तकरास्तीक्ष्णास्तथा सौवीरजातयः । पाचनो दीपनः पथ्यो मण्डः स्याद्भृष्टतण्डुलः
53 // raktapittakarāstīkṣṇāstathā sauvīrajātayaḥ / pācano dīpanaḥ pathyo maṇḍaḥ syādbhṛṣṭataṇḍulaḥ
54 ॥ वातानुलोमनी लघ्वी पेया वस्तिविशोधनी । सतक्रदाडिमव्योषा सगुडा मधुपिप्पली
54 // vātānulomanī laghvī peyā vastiviśodhanī / satakradāḍimavyoṣā saguḍā madhupippalī
55 ॥ इन्तीयं सुकृता पेया कासश्वा सप्रवाहिकाः । पायसः कफकृद्बल्यः कृशरा वातनाशिनी
55 // intīyaṃ sukṛtā peyā kāsaśvā sapravāhikāḥ / pāyasaḥ kaphakṛdbalyaḥ kṛśarā vātanāśinī
56 ॥ सुधौतः प्रस्त्रुतः स्निग्धः सुखोष्णो लघुरोचनः । कन्दमूलफलेहैः साधितो बृंहणोगुरुः
56 // sudhautaḥ prastrutaḥ snigdhaḥ sukhoṣṇo laghurocanaḥ / kandamūlaphalehaiḥ sādhito bṛṃhaṇoguruḥ
57 ॥ ईषदुष्णसेवनाच्च लघुः सूपः सुसाधितः । स्विन्न निष्पीडितं शाकं हितं स्नेहादिसंस्कृतम्
57 // īṣaduṣṇasevanācca laghuḥ sūpaḥ susādhitaḥ / svinna niṣpīḍitaṃ śākaṃ hitaṃ snehādisaṃskṛtam
58 ॥ दाडिमामलकैर्यूषो वह्निकृद्वातपित्तहा । श्वासकासप्रतिश्यायकफघ्नो मलकैः कृतः
58 // dāḍimāmalakairyūṣo vahnikṛdvātapittahā / śvāsakāsapratiśyāyakaphaghno malakaiḥ kṛtaḥ
59 ॥ यवकोलकुलत्थानां यूषः कण्ठ्यो ऽनिलापहः । मुद्गामलकजो ग्राही श्लेष्मपित्तविनाशनः
59 // yavakolakulatthānāṃ yūṣaḥ kaṇṭhyo 'nilāpahaḥ / mudgāmalakajo grāhī śleṣmapittavināśanaḥ
60 ॥ सगुडं दधि वातघ्नं सक्तवो रूक्षवातुलाः । घृतपूर्णो ऽग्निकारी स्याद्वृष्या गुर्वो च शष्कुली
60 // saguḍaṃ dadhi vātaghnaṃ saktavo rūkṣavātulāḥ / ghṛtapūrṇo 'gnikārī syādvṛṣyā gurvo ca śaṣkulī
61 ॥ बृंहणाः सामिषा भक्ष्यपिष्ट का गुखः स्मृताः । तैलसिद्धाश्च दृष्टिघ्नास्तोयस्विन्नाश्च दुर्जराः
61 // bṛṃhaṇāḥ sāmiṣā bhakṣyapiṣṭa kā gukhaḥ smṛtāḥ / tailasiddhāśca dṛṣṭighnāstoyasvinnāśca durjarāḥ
62 ॥ अत्युष्णा मण्डकाः पथ्याः शीतला गुखो मताः । अनुपानञ्च पानीयं श्रमतृष्णादिनाशनम्
62 // atyuṣṇā maṇḍakāḥ pathyāḥ śītalā gukho matāḥ / anupānañca pānīyaṃ śramatṛṣṇādināśanam
63 ॥ अन्नपानादिना रक्षा कृत्स्याद्रोगवर्जितः । अनुष्णः शिखिकण्ठाभो विषञ्चैव विवर्णकृत्
63 // annapānādinā rakṣā kṛtsyādrogavarjitaḥ / anuṣṇaḥ śikhikaṇṭhābho viṣañcaiva vivarṇakṛt
64 ॥ गन्धस्पर्शरसास्तीव्राभोक्तुश्च स्यान्मनोव्यथा । आघ्राणे चाक्षिरोगः स्यादसाध्यश्च भिषग्वरैः । वेपथुर्जृम्भणाद्यं स्याद्विषस्यैतत्तु लक्षणम्
64 // gandhasparśarasāstīvrābhoktuśca syānmanovyathā / āghrāṇe cākṣirogaḥ syādasādhyaśca bhiṣagvaraiḥ / vepathurjṛmbhaṇādyaṃ syādviṣasyaitattu lakṣaṇam