Aṃśa 1 · Chapter 200

35 ॥ इति श्रीगारुडे महापुराणे पूर्वखण्डे प्रथमांशाख्ये आचारकाण्डे नवनवत्यधिकशततमो ऽध्यायः श्रीगरुडमहापुराणम्- 200 भैरव उवाच । वक्ष्ये वायुजयं देवि जया जयविदेशकम् । वाय्वग्निजलशक्राख्यं मङ्गलानाञ्चतुष्टयम्

35 // iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe navanavatyadhikaśatatamo 'dhyāyaḥ śrīgaruḍamahāpurāṇam- 200 bhairava uvāca / vakṣye vāyujayaṃ devi jayā jayavideśakam / vāyvagnijalaśakrākhyaṃ maṅgalānāñcatuṣṭayam

1 ॥ वामदक्षिणसंस्थश्च वायुश्च बहुलो भवेत् । ऊर्ध्ववाही भवेदग्निरधस्तु वरुणो भवेत्

1 // vāmadakṣiṇasaṃsthaśca vāyuśca bahulo bhavet / ūrdhvavāhī bhavedagniradhastu varuṇo bhavet

2 ॥ महेन्द्रो मध्यसंस्थस्तु शुक्लपक्षे तु वामगः । कृष्णपक्षे दक्षिणग उदयस्य त्र्यहन्त्र्यहम्

2 // mahendro madhyasaṃsthastu śuklapakṣe tu vāmagaḥ / kṛṣṇapakṣe dakṣiṇaga udayasya tryahantryaham

3 ॥ वहेत्प्रतिपदाद्ये च विपरीते भवेन्नतिः । उदयः सूर्यमार्गेण चन्द्रेणास्तमयो यदि

3 // vahetpratipadādye ca viparīte bhavennatiḥ / udayaḥ sūryamārgeṇa candreṇāstamayo yadi

4 ॥ वर्धन्ते गुणसंघाता अन्यथा विघ्नमौचितम् । संक्रान्त्यः षोडशप्रोक्ता दिवा रात्रौ वरानने

4 // vardhante guṇasaṃghātā anyathā vighnamaucitam / saṃkrāntyaḥ ṣoḍaśaproktā divā rātrau varānane

5 ॥ यदा च संक्रमेद्वायुरर्धार्धप्रहरे स्थितः । स्वास्थ्याहानिस्तदा ज्ञेया वायुर्भ्रमति देहिषु

5 // yadā ca saṃkramedvāyurardhārdhaprahare sthitaḥ / svāsthyāhānistadā jñeyā vāyurbhramati dehiṣu

6 ॥ दक्षिणे च पुटे वायुर्हितो भोजनमैथुने । खड्गहस्तो जयेद्युद्धे रिपून्कामसमन्वितः

6 // dakṣiṇe ca puṭe vāyurhito bhojanamaithune / khaḍgahasto jayedyuddhe ripūnkāmasamanvitaḥ

7 ॥ वामेव गमनं श्रेष्ठं सर्वकार्येषु भूषितम् । वायुर्वहति तत्रस्थः प्रश्रो भूतस्य शोभनः

7 // vāmeva gamanaṃ śreṣṭhaṃ sarvakāryeṣu bhūṣitam / vāyurvahati tatrasthaḥ praśro bhūtasya śobhanaḥ

8 ॥ माहेन्द्रे वारुणे वाते को ऽपि दोषो न जायते । अनावृष्टिर्दक्षवाहे वृष्टिः स्याद्वामवाहके

8 // māhendre vāruṇe vāte ko 'pi doṣo na jāyate / anāvṛṣṭirdakṣavāhe vṛṣṭiḥ syādvāmavāhake