39 ॥ इति श्रीमार्कण्डेयपुराणे श्राद्धकल्पो नाम द्वात्रिंशो ऽध्यायः त्रयस्त्रिंशो ऽध्यायः मदालसोवाच प्रतिपद्धनलाभाय द्वितीया द्विपदप्रदा । वरार्थिनी तृतीया तु चतुर्थो शत्रुनाशिनी
39 // iti śrīmārkaṇḍeyapurāṇe śrāddhakalpo nāma dvātriṃśo 'dhyāyaḥ trayastriṃśo 'dhyāyaḥ madālasovāca pratipaddhanalābhāya dvitīyā dvipadapradā / varārthinī tṛtīyā tu caturtho śatrunāśinī
1 ॥ श्रियं प्राप्रोति पञ्चम्यां षष्ठ्यां पूज्यो भवेन्नरः । गणाधिपत्यं सप्तम्यामष्टम्यां वृद्धिमुत्तमाम्
1 // śriyaṃ prāproti pañcamyāṃ ṣaṣṭhyāṃ pūjyo bhavennaraḥ / gaṇādhipatyaṃ saptamyāmaṣṭamyāṃ vṛddhimuttamām
2 ॥ स्त्रियो नवम्यां प्राप्रोति दशम्यां पूर्णकामताम् । वेदांस्तथाप्नुयात् सर्वानेकादश्यां क्रियापरः
2 // striyo navamyāṃ prāproti daśamyāṃ pūrṇakāmatām / vedāṃstathāpnuyāt sarvānekādaśyāṃ kriyāparaḥ
3 ॥ द्वादश्यां जयलाभञ्च प्राप्रोति पितृपूजकः । प्रजां मेधां पशुं वृद्धिं स्वतन्त्र्यं पुष्टमुत्तमाम्
3 // dvādaśyāṃ jayalābhañca prāproti pitṛpūjakaḥ / prajāṃ medhāṃ paśuṃ vṛddhiṃ svatantryaṃ puṣṭamuttamām
4 ॥ दीर्घमायुरथैश्वर्यं कुर्वाणस्तु त्रयोदशीम् । अवाप्रोति न सन्देहः श्राद्धं श्रद्धापरो नरः
4 // dīrghamāyurathaiśvaryaṃ kurvāṇastu trayodaśīm / avāproti na sandehaḥ śrāddhaṃ śraddhāparo naraḥ
5 ॥ यथासम्भावितान्नेन श्राद्धसम्पत्समन्वितः । युवानः पितरो यस्य मृताः शस्त्रेण वा हताः
5 // yathāsambhāvitānnena śrāddhasampatsamanvitaḥ / yuvānaḥ pitaro yasya mṛtāḥ śastreṇa vā hatāḥ
6 ॥ तेन कार्यं चतुर्दश्यां तेषां प्रीतिमभीप्सता । श्राद्धं कुर्वन्नमावास्यां यत्नेन पुरुषः शुचिः
6 // tena kāryaṃ caturdaśyāṃ teṣāṃ prītimabhīpsatā / śrāddhaṃ kurvannamāvāsyāṃ yatnena puruṣaḥ śuciḥ
7 ॥ सर्वान् कामानवाप्रोति स्वर्गञ्चानन्तमश्नुते । कुत्तिकासु पितॄनर्च्य स्वर्गमाप्रोति मानवः
7 // sarvān kāmānavāproti svargañcānantamaśnute / kuttikāsu pitṝnarcya svargamāproti mānavaḥ
8 ॥ अपत्यकामो रोहिण्यां सौम्ये चौजस्वितां लभेत् । शौर्यमार्द्रासु चाप्रोति क्षेत्रादि च पुनर्वसौ
8 // apatyakāmo rohiṇyāṃ saumye caujasvitāṃ labhet / śauryamārdrāsu cāproti kṣetrādi ca punarvasau
9 ॥ पुष्टिं पुष्ये सदाभ्यर्च्य आश्लेषासु वरान् सुतान् । मघासु स्वजनश्रैष्ठ्यं सौभाग्यं फाल्गुनीषु च
9 // puṣṭiṃ puṣye sadābhyarcya āśleṣāsu varān sutān / maghāsu svajanaśraiṣṭhyaṃ saubhāgyaṃ phālgunīṣu ca
10 ॥ प्रदानशीलो भवति सापत्यश्चोत्तरासु च । प्रयाति श्रेष्ठतां सत्यं हस्ते श्राद्धप्रदो नरः
10 // pradānaśīlo bhavati sāpatyaścottarāsu ca / prayāti śreṣṭhatāṃ satyaṃ haste śrāddhaprado naraḥ
11 ॥ रूपयुक्तश्च चित्रासु तथापत्यान्यवाप्नुयात् । वाणिज्यलाभदा स्वातिर्विशाखा पुत्रकामदा
11 // rūpayuktaśca citrāsu tathāpatyānyavāpnuyāt / vāṇijyalābhadā svātirviśākhā putrakāmadā
12 ॥ कुर्वन्तश्चानुराधासु लभन्ते चक्रावर्तिताम् । आधिपत्यञ्च ज्येष्ठासु मूले चारोग्यमुत्तमम्
12 // kurvantaścānurādhāsu labhante cakrāvartitām / ādhipatyañca jyeṣṭhāsu mūle cārogyamuttamam
13 ॥ आषाढासु यशः प्राप्तिरुत्तरासु विशोकता । श्रवणे च शुभान् लोकान् धनिष्ठासु धनं महत्
13 // āṣāḍhāsu yaśaḥ prāptiruttarāsu viśokatā / śravaṇe ca śubhān lokān dhaniṣṭhāsu dhanaṃ mahat
14 ॥ वेदवित्त्वमभिजिति भिषक्सिद्धन्तु वारुणे । अजाविकं प्रौष्ठपदे विन्देद् गास्तु तथोत्तरे
14 // vedavittvamabhijiti bhiṣaksiddhantu vāruṇe / ajāvikaṃ prauṣṭhapade vinded gāstu tathottare
15 ॥ रेवतीषु तथा कुप्यमश्विनीषु तुरङ्गमान् । श्राद्धं कुर्वंस्तथाप्रोति भरणीष्वायुरुत्तमम् । तस्मात् काम्यानि कुर्वोत ऋक्षेष्वेतेषु तत्त्ववित्
15 // revatīṣu tathā kupyamaśvinīṣu turaṅgamān / śrāddhaṃ kurvaṃstathāproti bharaṇīṣvāyuruttamam / tasmāt kāmyāni kurvota ṛkṣeṣveteṣu tattvavit