65 ॥ इति श्रीमार्कण्डेयपुराणे स्वारोचिषे मन्वन्तरे त्रिषष्टितमो ऽध्यायः चतुः षष्टितमो ऽध्यायः- 64 मार्कण्डेय उवाच एवं विमुक्तरोगा तु कन्यका तं मुदान्विता । स्वरोचिषमुवाचेदं शृणुष्व वचनं प्रभो
65 // iti śrīmārkaṇḍeyapurāṇe svārociṣe manvantare triṣaṣṭitamo 'dhyāyaḥ catuḥ ṣaṣṭitamo 'dhyāyaḥ- 64 mārkaṇḍeya uvāca evaṃ vimuktarogā tu kanyakā taṃ mudānvitā / svarociṣamuvācedaṃ śṛṇuṣva vacanaṃ prabho
1 ॥ मन्दारविद्याधरजा नाम्ना ख्याता विभावरी । उपकारिन् ! स्वमात्मानं प्रयच्छामि प्रतीच्छ माम्
1 // mandāravidyādharajā nāmnā khyātā vibhāvarī / upakārin ! svamātmānaṃ prayacchāmi pratīccha mām
2 ॥ विद्याञ्च तुभ्यं दास्यामि सर्वबूतरुतानि ते । ययाभिव्यक्तिमेष्यन्ति प्रसादपुरगो भव
2 // vidyāñca tubhyaṃ dāsyāmi sarvabūtarutāni te / yayābhivyaktimeṣyanti prasādapurago bhava
3 ॥ मार्कण्डेय उवाच एवमस्त्विति तेनोक्ते धर्मज्ञेन स्वरोचिषा । द्वितीया तु तदा कन्या इदं वचनमब्रवीत्
3 // mārkaṇḍeya uvāca evamastviti tenokte dharmajñena svarociṣā / dvitīyā tu tadā kanyā idaṃ vacanamabravīt
4 ॥ कुमारब्रह्मचार्यासीत् पारो नाम पिता मम । ब्रह्मर्षिः सुमहाभागो वेदवेदाङ्गपारगः
4 // kumārabrahmacāryāsīt pāro nāma pitā mama / brahmarṣiḥ sumahābhāgo vedavedāṅgapāragaḥ
5 ॥ तस्य पुंस्कोकिलालापरमणीये मधौ पुरा । आजगामाप्सराभ्यासं प्रख्याता पुञ्जिकास्तना
5 // tasya puṃskokilālāparamaṇīye madhau purā / ājagāmāpsarābhyāsaṃ prakhyātā puñjikāstanā
6 ॥ कामवक्तव्यतां नीतः स तदा मुनिपुङ्गवः । तत्संयोगे ऽहमुत्पन्ना तस्यामत्र महाचले
6 // kāmavaktavyatāṃ nītaḥ sa tadā munipuṅgavaḥ / tatsaṃyoge 'hamutpannā tasyāmatra mahācale
7 ॥ विहाय मां गता सा च मातास्मिन्निर्जने वने । बालामेकां महीपृष्ठे व्यालश्वापदसंकुले
7 // vihāya māṃ gatā sā ca mātāsminnirjane vane / bālāmekāṃ mahīpṛṣṭhe vyālaśvāpadasaṃkule
8 ॥ ततः कलाभिः सोमस्य वर्धन्तीभिरहः क्षये । आप्याय्यमानाहरहो वृद्धिं यातास्मि सत्तम
8 // tataḥ kalābhiḥ somasya vardhantībhirahaḥ kṣaye / āpyāyyamānāharaho vṛddhiṃ yātāsmi sattama
9 ॥ ततः कलावतीत्येतन्मम नाम महात्मना । गृहीतायः कृतं पित्रा गन्धर्वेण शुभानना
9 // tataḥ kalāvatītyetanmama nāma mahātmanā / gṛhītāyaḥ kṛtaṃ pitrā gandharveṇa śubhānanā
10 ॥ न दत्ताहं तदा तेन याचितेन महात्मना । देवारिणालिना सुप्तस्ततो मे घातितः पिता
10 // na dattāhaṃ tadā tena yācitena mahātmanā / devāriṇālinā suptastato me ghātitaḥ pitā
11 ॥ ततो ऽहमतिनिर्वेदादात्मव्यापादनोद्यता । निवारिता शम्भुपत्न्या सत्या सत्यप्रतिश्रवा
11 // tato 'hamatinirvedādātmavyāpādanodyatā / nivāritā śambhupatnyā satyā satyapratiśravā
12 ॥ मा शुचः सुभ्रु ! भर्ता ते महाभागो भविष्यति । स्वरोचिर्नाम पुत्रश्च मनुस्तस्य भविष्यति
12 // mā śucaḥ subhru ! bhartā te mahābhāgo bhaviṣyati / svarocirnāma putraśca manustasya bhaviṣyati
13 ॥ आज्ञाञ्च निधयः सर्वे करिष्यन्ति तवादृताः । यथाभिलषितं वित्तं प्रदास्यन्ति च ते शुभे
13 // ājñāñca nidhayaḥ sarve kariṣyanti tavādṛtāḥ / yathābhilaṣitaṃ vittaṃ pradāsyanti ca te śubhe
14 ॥ यस्या वत्से प्रभावेण विद्यायास्तां गृहाण मे । पद्मिनी नाम विद्येयं महापद्माभिपूजिता
14 // yasyā vatse prabhāveṇa vidyāyāstāṃ gṛhāṇa me / padminī nāma vidyeyaṃ mahāpadmābhipūjitā
15 ॥ इत्याह मां दक्षसुता सती सत्यपरायणा । स्वरोचिस्त्वं ध्रुवं देवी नान्यथा सा वदिष्यति
15 // ityāha māṃ dakṣasutā satī satyaparāyaṇā / svarocistvaṃ dhruvaṃ devī nānyathā sā vadiṣyati
16 ॥ साहं प्राणप्रदायाद्य तां विद्यां स्वं तथा वपुः । प्रयच्छामि प्रतीच्छ त्वं प्रसादसुमुखो मम
16 // sāhaṃ prāṇapradāyādya tāṃ vidyāṃ svaṃ tathā vapuḥ / prayacchāmi pratīccha tvaṃ prasādasumukho mama
17 ॥ मार्कण्डेय उवाच एवमस्त्विति तामाह स तु कन्यां कलावतीम् । विभावर्याः कलावत्याः स्निग्धदृष्ट्यानुमोदितः
17 // mārkaṇḍeya uvāca evamastviti tāmāha sa tu kanyāṃ kalāvatīm / vibhāvaryāḥ kalāvatyāḥ snigdhadṛṣṭyānumoditaḥ
18 ॥ जग्राह च ततः पाणी स तयोरमरद्युतिः । नदत्सु देवतूर्येषु नृत्यन्तीष्वप्सरः सु च
18 // jagrāha ca tataḥ pāṇī sa tayoramaradyutiḥ / nadatsu devatūryeṣu nṛtyantīṣvapsaraḥ su ca