42 ॥ इति श्रीमार्कण्डेयपुराणे औत्तममन्वन्तरे द्विसप्ततितमो ऽध्यायः त्रिसप्ततितमो ऽध्यायः- 73 मार्कण्डेय उवाच मन्वन्तरे तृतीये ऽस्मिन् औत्तमस्य प्रजापतेः । देवानिन्द्रमृषीन् भूपान् निबोध गदतो मम
42 // iti śrīmārkaṇḍeyapurāṇe auttamamanvantare dvisaptatitamo 'dhyāyaḥ trisaptatitamo 'dhyāyaḥ- 73 mārkaṇḍeya uvāca manvantare tṛtīye 'smin auttamasya prajāpateḥ / devānindramṛṣīn bhūpān nibodha gadato mama
1 ॥ स्वधामानस्तथा देवा यथानामानुकारिणः । सत्याख्यश्च द्वितीयो ऽन्यस्त्रिदशानां तथा गणः
1 // svadhāmānastathā devā yathānāmānukāriṇaḥ / satyākhyaśca dvitīyo 'nyastridaśānāṃ tathā gaṇaḥ
2 ॥ तृतीये तु गणे देवाः शिवाख्या मुनिसत्तम । शिवाः स्वरूपतस्ते तु श्रुताः पापप्रणाशनाः
2 // tṛtīye tu gaṇe devāḥ śivākhyā munisattama / śivāḥ svarūpataste tu śrutāḥ pāpapraṇāśanāḥ
3 ॥ प्रतर्दनाख्यश्च गणो देवानां मुनिसत्तम । चतुर्थस्तत्र कथित औत्तमस्यान्तरे मनोः
3 // pratardanākhyaśca gaṇo devānāṃ munisattama / caturthastatra kathita auttamasyāntare manoḥ
4 ॥ वशवर्तिनः पञ्चमे ऽपि देवास्तत्र गणे द्विज । यथाख्यातस्वरूपास्तु सर्व एव महामुने
4 // vaśavartinaḥ pañcame 'pi devāstatra gaṇe dvija / yathākhyātasvarūpāstu sarva eva mahāmune
5 ॥ एते देवगणाः पञ्च स्मृता यज्ञभुजस्तथा । मन्वन्तरे मनुश्रेष्ठे सर्वे द्वादशका गणाः
5 // ete devagaṇāḥ pañca smṛtā yajñabhujastathā / manvantare manuśreṣṭhe sarve dvādaśakā gaṇāḥ
6 ॥ तेषामिन्द्रो महाभागस्त्रैलोक्ये स गुरुर्भवेत् । शतं क्रतूनामाहृत्य सुशान्तिर्नाम नामतः
6 // teṣāmindro mahābhāgastrailokye sa gururbhavet / śataṃ kratūnāmāhṛtya suśāntirnāma nāmataḥ
7 ॥ यस्योपसर्गनाशाय नामाक्षरविभूषिता । अद्यापि मानवैर्गाथा गीयते तु महीतले
7 // yasyopasarganāśāya nāmākṣaravibhūṣitā / adyāpi mānavairgāthā gīyate tu mahītale
8 ॥ शुशान्तिर्देवराट् कान्तः शुशान्तिं स प्रयच्छति । सहितः शिवसत्याद्यैस्तथैव वशवर्तिभिः
8 // śuśāntirdevarāṭ kāntaḥ śuśāntiṃ sa prayacchati / sahitaḥ śivasatyādyaistathaiva vaśavartibhiḥ
9 ॥ अजः परशुचिर्दिव्यो महाबलपराक्रमः । पुत्रस्तस्य मनोरासन् विख्यातास्त्रिदशोपमाः
9 // ajaḥ paraśucirdivyo mahābalaparākramaḥ / putrastasya manorāsan vikhyātāstridaśopamāḥ
10 ॥ तत्सूतिसम्भवैर्भूमिः पालिताभून्नरेश्वरैः । यावन्मन्वन्तर तस्य मनोरुत्तमतेजसः
10 // tatsūtisambhavairbhūmiḥ pālitābhūnnareśvaraiḥ / yāvanmanvantara tasya manoruttamatejasaḥ
11 ॥ चतुर्युगानां संख्याता साधिका ह्येकसप्ततिः । कृतत्रेतादिसंज्ञानां यान्युक्तानि युगे मया
11 // caturyugānāṃ saṃkhyātā sādhikā hyekasaptatiḥ / kṛtatretādisaṃjñānāṃ yānyuktāni yuge mayā
12 ॥ स्वतेजसा हि तपसो वरिष्ठस्य महात्मनः । तनयाश्चान्तरे तस्मिन् सप्त सप्तर्षयो ऽभवन्
12 // svatejasā hi tapaso variṣṭhasya mahātmanaḥ / tanayāścāntare tasmin sapta saptarṣayo 'bhavan
13 ॥ तृतीयमेतत्कथितं तव मन्वन्तरं मया । तामसस्य चतुर्थन्तु मनोरन्तरमुच्यते
13 // tṛtīyametatkathitaṃ tava manvantaraṃ mayā / tāmasasya caturthantu manorantaramucyate
14 ॥ वियोनिजन्मनो यस्य यशसा द्योतितं जगत् । जन्म तस्य मनोर्ब्रह्मन् ! श्रुयतां गदतो मम
14 // viyonijanmano yasya yaśasā dyotitaṃ jagat / janma tasya manorbrahman ! śruyatāṃ gadato mama
15 ॥ अतीन्द्रियमशेषाणां मनूनाञ्चरितन्तथा । तथा जन्मापि विज्ञेयं प्रभावश्च महात्मनाम्
15 // atīndriyamaśeṣāṇāṃ manūnāñcaritantathā / tathā janmāpi vijñeyaṃ prabhāvaśca mahātmanām