13 ॥ इति श्रीमार्कण्डेयपुराणे सावर्णिके मन्वन्तरे वैवस्वतकीर्तनं नामैकोनाशीतितमो ऽध्यायः अशीतितमो ऽध्यायः- 80 क्रौष्टुकिरुवाच स्वायम्भुवाद्याः कथिताः सप्तैते मनवो मम । तदन्तरेषु ये देवा राजानो मुनयस्तथा
13 // iti śrīmārkaṇḍeyapurāṇe sāvarṇike manvantare vaivasvatakīrtanaṃ nāmaikonāśītitamo 'dhyāyaḥ aśītitamo 'dhyāyaḥ- 80 krauṣṭukiruvāca svāyambhuvādyāḥ kathitāḥ saptaite manavo mama / tadantareṣu ye devā rājāno munayastathā
1 ॥ अस्मिन् कल्पे सप्त ये ऽन्ये भविष्यन्ति महामुने । मनवस्तान् समाचक्ष्व ये च देवादयश्च ये
1 // asmin kalpe sapta ye 'nye bhaviṣyanti mahāmune / manavastān samācakṣva ye ca devādayaśca ye
2 ॥ मार्कण्डेय उवाच कथितस्तव सावर्णिश्छायासंज्ञासुतश्च यः । पूर्वजस्य मनोस्तुल्यः स मनुर्भविताष्टमः
2 // mārkaṇḍeya uvāca kathitastava sāvarṇiśchāyāsaṃjñāsutaśca yaḥ / pūrvajasya manostulyaḥ sa manurbhavitāṣṭamaḥ
3 ॥ रामो व्यासो गालवश्च दीप्तिमान् कृप एव च । ऋष्यशृङ्गस्तथा द्रोणस्तत्र सप्तर्षयो ऽभवन्
3 // rāmo vyāso gālavaśca dīptimān kṛpa eva ca / ṛṣyaśṛṅgastathā droṇastatra saptarṣayo 'bhavan
4 ॥ सुतपाश्चामिताभाश्च मुख्याश्चैव त्रिधा सुराः । विंशकः कथिताश्चैषां त्रयाणां त्रिगुणो गणः
4 // sutapāścāmitābhāśca mukhyāścaiva tridhā surāḥ / viṃśakaḥ kathitāścaiṣāṃ trayāṇāṃ triguṇo gaṇaḥ
5 ॥ तपस्तप्तश्च शक्रश्च द्युतिर्ज्योतिः प्रभाकरः । प्रभासो दयितो धर्मस्तेजोरश्मिश्चिरक्रतुः
5 // tapastaptaśca śakraśca dyutirjyotiḥ prabhākaraḥ / prabhāso dayito dharmastejoraśmiścirakratuḥ
6 ॥ इत्यादिकस्तु सुतपा देवानां विंशको गणः । प्रभुर्विभुर्विभासाद्यस्तथान्यो विंशको गणः
6 // ityādikastu sutapā devānāṃ viṃśako gaṇaḥ / prabhurvibhurvibhāsādyastathānyo viṃśako gaṇaḥ
7 ॥ सुराणाममिताभानां तृतीयमपि मे शृणु । दमो दान्तो ऋतः सोमो वित्ताद्याश्चैव विंशतिः
7 // surāṇāmamitābhānāṃ tṛtīyamapi me śṛṇu / damo dānto ṛtaḥ somo vittādyāścaiva viṃśatiḥ
8 ॥ मुख्या ह्येते समाख्याता देवा मन्वन्तराधिपाः । मारीचस्यैव ते पुत्राः कश्यपस्य प्रजापतेः
8 // mukhyā hyete samākhyātā devā manvantarādhipāḥ / mārīcasyaiva te putrāḥ kaśyapasya prajāpateḥ
9 ॥ भविष्याश्च भविष्यन्ति सावर्णस्यान्तरे मनोः । तेषामिन्द्रो भविष्यस्तु बलिर्वैरोचनिर्मुने
9 // bhaviṣyāśca bhaviṣyanti sāvarṇasyāntare manoḥ / teṣāmindro bhaviṣyastu balirvairocanirmune
10 ॥ पाताल आस्ते यो ऽद्यापि दैत्यः समयबन्धनः । विरजाश्चार्ववीरश्च निर्मोहः सत्यवाक् कृतिः । विष्ण्वाद्याश्चैव तनयाः सावर्णस्य मनोर्नृपाः
10 // pātāla āste yo 'dyāpi daityaḥ samayabandhanaḥ / virajāścārvavīraśca nirmohaḥ satyavāk kṛtiḥ / viṣṇvādyāścaiva tanayāḥ sāvarṇasya manornṛpāḥ