38 ॥ इति श्रीमार्कण्डेयमहापुराणे सावर्णिके मन्वन्तरे देवीमाहत्म्ये चतुरशीतितमो ऽद्यायः पञ्चाशीतितमो ऽध्यायः- 85 ऋषिरुवाच पुरा शुम्भनिशुम्भाभ्यामसुराभ्यां शचीपतेः । त्रैलोक्यं यज्ञभागाश्च हृता मदबलाश्रयात्
38 // iti śrīmārkaṇḍeyamahāpurāṇe sāvarṇike manvantare devīmāhatmye caturaśītitamo 'dyāyaḥ pañcāśītitamo 'dhyāyaḥ- 85 ṛṣiruvāca purā śumbhaniśumbhābhyāmasurābhyāṃ śacīpateḥ / trailokyaṃ yajñabhāgāśca hṛtā madabalāśrayāt
1 ॥ तावेव सूर्यतां तद्वदधिकारं तथैन्दवम् । कौबेरमथ याम्यं च चक्राते वरुणस्य च
1 // tāveva sūryatāṃ tadvadadhikāraṃ tathaindavam / kauberamatha yāmyaṃ ca cakrāte varuṇasya ca
2 ॥ तावेव पवनर्धि च चक्रतुर्वह्निकर्म च । अन्येषाञ्चाधिकारान् स स्वयमेवाधितिष्ठति । ततो देवा विनिर्धूता भ्रष्टराज्याः पराजिताः
2 // tāveva pavanardhi ca cakraturvahnikarma ca / anyeṣāñcādhikārān sa svayamevādhitiṣṭhati / tato devā vinirdhūtā bhraṣṭarājyāḥ parājitāḥ
3 ॥ हृताधिकारास्त्रिदशास्ताभ्यां सर्वे निराकृताः । महासुराभ्यां तां देवीं संस्मरन्त्यपराजिताम्
3 // hṛtādhikārāstridaśāstābhyāṃ sarve nirākṛtāḥ / mahāsurābhyāṃ tāṃ devīṃ saṃsmarantyaparājitām
4 ॥ तयास्माकं वरो दत्तो यथाऽपत्सु स्मृताखिलाः । भवतां नाशयिष्यामि तत्क्षणात् परमापदः
4 // tayāsmākaṃ varo datto yathā'patsu smṛtākhilāḥ / bhavatāṃ nāśayiṣyāmi tatkṣaṇāt paramāpadaḥ
5 ॥ इति कृत्वा मतिं देवा हिमवन्तं नगेश्वरम् । जग्मुस्तत्र ततो देवीं विष्णुमायां प्रतुष्टुवुः
5 // iti kṛtvā matiṃ devā himavantaṃ nageśvaram / jagmustatra tato devīṃ viṣṇumāyāṃ pratuṣṭuvuḥ
6 ॥ देवा ऊचुः नमो देव्यै महादेव्यै शिवायै सततं नमः । नमः प्रकृत्यै भद्रायै नियताः प्रणताः स्म ताम्
6 // devā ūcuḥ namo devyai mahādevyai śivāyai satataṃ namaḥ / namaḥ prakṛtyai bhadrāyai niyatāḥ praṇatāḥ sma tām
7 ॥ रौद्रायै नमो नित्यायौ गौर्यै धात्र्यै नमो नमः । नमो जगत्प्रतिष्ठायै देव्यै कृत्यै नमो नमः
7 // raudrāyai namo nityāyau gauryai dhātryai namo namaḥ / namo jagatpratiṣṭhāyai devyai kṛtyai namo namaḥ
8 ॥ द्योत्स्त्रायै चेन्दुरूपिण्यै सुखायै सततं नमः । कल्याण्यै प्रणतां वृद्ध्यै सिद्ध्यै कुर्मो नमो नमः
8 // dyotstrāyai cendurūpiṇyai sukhāyai satataṃ namaḥ / kalyāṇyai praṇatāṃ vṛddhyai siddhyai kurmo namo namaḥ
9 ॥ नैरृत्यै भूभृतां लक्ष्म्यै शर्वाण्यै ते नमो नमः । दुर्गायै दुर्गपारायै सारायै सर्वकारिण्यै । ख्यात्यै तथैव कृष्णायै धूम्रायै सततं नमः
9 // nairṛtyai bhūbhṛtāṃ lakṣmyai śarvāṇyai te namo namaḥ / durgāyai durgapārāyai sārāyai sarvakāriṇyai / khyātyai tathaiva kṛṣṇāyai dhūmrāyai satataṃ namaḥ
10 ॥ अतिसौम्यातिरौद्रायै नतास्तस्यै नमो नमः । मनो जगत्प्रतिष्ठायै देव्यै कृत्यै नमो नमः
10 // atisaumyātiraudrāyai natāstasyai namo namaḥ / mano jagatpratiṣṭhāyai devyai kṛtyai namo namaḥ
11 ॥ या देवी सर्वभूतेषु विष्णुमायेति शब्दिता । नमस्तस्यै नमस्तस्यै नमस्तस्यै नमो नमः
11 // yā devī sarvabhūteṣu viṣṇumāyeti śabditā / namastasyai namastasyai namastasyai namo namaḥ
12 ॥ या देवी सर्वभूतेषु चेतनेत्यभिधीयते । नमस्तस्यै नमस्तस्यै नमस्तस्यै नमो नमः
12 // yā devī sarvabhūteṣu cetanetyabhidhīyate / namastasyai namastasyai namastasyai namo namaḥ
13 ॥ या देवी सर्वभूतेषु बुद्धिरूपेण संस्थिता । नमस्तस्यै नमस्तस्यै नमस्तस्यै नमो नमः
13 // yā devī sarvabhūteṣu buddhirūpeṇa saṃsthitā / namastasyai namastasyai namastasyai namo namaḥ
14 ॥ या देवी सर्वभूतेषु निद्रारूपेण संस्थिता । नमस्तस्यै नमस्तस्यै नमस्तस्यै मनो नमः
14 // yā devī sarvabhūteṣu nidrārūpeṇa saṃsthitā / namastasyai namastasyai namastasyai mano namaḥ
15 ॥ या देवी सर्वभूतेषु क्षुधारूपेण संस्थिता । नमस्तस्यै नमस्तस्यै नमस्तस्यै नमो नमः
15 // yā devī sarvabhūteṣu kṣudhārūpeṇa saṃsthitā / namastasyai namastasyai namastasyai namo namaḥ
16 ॥ या देवी सर्वभूतेषु च्छायारूपेण संस्थिता । नमस्तस्यै नमस्तस्यै नमस्तस्यै नमो नमः
16 // yā devī sarvabhūteṣu cchāyārūpeṇa saṃsthitā / namastasyai namastasyai namastasyai namo namaḥ
17 ॥ या देवी सर्वभूतेषु शक्तिरूपेण संस्थिता । नमस्तस्यै नमस्तस्यै नमस्तस्यै नमो नमः
17 // yā devī sarvabhūteṣu śaktirūpeṇa saṃsthitā / namastasyai namastasyai namastasyai namo namaḥ
18 ॥ या देवी सर्वभूतेषु तृष्णारूपेण संस्थिता । नमस्तस्यै नमस्तस्यै नमस्तस्यै नमो नमः
18 // yā devī sarvabhūteṣu tṛṣṇārūpeṇa saṃsthitā / namastasyai namastasyai namastasyai namo namaḥ
19 ॥ या देवी सर्वभूतेषु क्षान्तिरूपेण संस्थिता । नमस्तस्यै नमस्तस्यै नमस्तस्यै नमो नमः
19 // yā devī sarvabhūteṣu kṣāntirūpeṇa saṃsthitā / namastasyai namastasyai namastasyai namo namaḥ
20 ॥ या देवी सर्वभूतेषु जातिरूपेण संस्थिता । नमस्तस्यै नमस्तस्यै नमस्तस्यै नमो नमः
20 // yā devī sarvabhūteṣu jātirūpeṇa saṃsthitā / namastasyai namastasyai namastasyai namo namaḥ
21 ॥ या देवी सर्वभूतेषु लज्जारूपेण संस्थिता । नमस्तस्यै नमस्तस्यै नमस्तस्यै नमो नमः
21 // yā devī sarvabhūteṣu lajjārūpeṇa saṃsthitā / namastasyai namastasyai namastasyai namo namaḥ
22 ॥ या देवी सर्वभूतेषु शान्तिरूपेण संस्थिता । नमस्तस्यै नमस्तस्यै नमस्तस्यै नमो नमः
22 // yā devī sarvabhūteṣu śāntirūpeṇa saṃsthitā / namastasyai namastasyai namastasyai namo namaḥ
23 ॥ या देवी सर्वभूतेषु श्रद्धारूपेण संस्थिता । नमस्तस्यै नमस्तस्यै नमस्तस्यै नमो नमः
23 // yā devī sarvabhūteṣu śraddhārūpeṇa saṃsthitā / namastasyai namastasyai namastasyai namo namaḥ
24 ॥ या देवी सर्वभूतेषु कान्तिरूपेण संस्थिता । नमस्तस्यै नमस्तस्यै नमस्तस्यै नमो नमः
24 // yā devī sarvabhūteṣu kāntirūpeṇa saṃsthitā / namastasyai namastasyai namastasyai namo namaḥ
25 ॥ या देवी सर्वभूतेषु लक्ष्मीरूपेण संस्थिता । नमस्तस्यै नमस्तस्यै नमस्तस्यै नमो नमः
25 // yā devī sarvabhūteṣu lakṣmīrūpeṇa saṃsthitā / namastasyai namastasyai namastasyai namo namaḥ
26 ॥ या देवी सर्वभूतेषु धृतिरूपेण संस्थिता । तमस्तस्यै नमस्तस्यै नमस्तस्यै नमो नमः
26 // yā devī sarvabhūteṣu dhṛtirūpeṇa saṃsthitā / tamastasyai namastasyai namastasyai namo namaḥ
27 ॥ या देवी सर्वभूतेषु वृत्तिरूपेण संस्थिता । नमस्तस्यै नमस्तस्यै नमस्तस्यै नमो नमः
27 // yā devī sarvabhūteṣu vṛttirūpeṇa saṃsthitā / namastasyai namastasyai namastasyai namo namaḥ
28 ॥ या देवी सर्वभूतेषु स्मृतिरूपेण संस्थिता । नमस्तस्यै नमस्तस्यै नमस्तस्यै नमो नमः
28 // yā devī sarvabhūteṣu smṛtirūpeṇa saṃsthitā / namastasyai namastasyai namastasyai namo namaḥ
29 ॥ या देवी सर्वभूतेषु दयारूपेण संस्थिता । नमस्तस्यै नमस्तस्यै नमस्तस्यै नमो नमः
29 // yā devī sarvabhūteṣu dayārūpeṇa saṃsthitā / namastasyai namastasyai namastasyai namo namaḥ
30 ॥ या देवी सर्वभूतेषु नीतिरूपेणं संस्थिता । नमस्तस्यै नमस्तस्यै नमस्तस्यै नमो नमः
30 // yā devī sarvabhūteṣu nītirūpeṇaṃ saṃsthitā / namastasyai namastasyai namastasyai namo namaḥ
31 ॥ या देवी सर्वभूतेषु तुष्टिरूपेण संस्थिता । नमस्तस्यै नमस्तस्यै नमस्तस्यै नमो नमः
31 // yā devī sarvabhūteṣu tuṣṭirūpeṇa saṃsthitā / namastasyai namastasyai namastasyai namo namaḥ
32 ॥ या देवी सर्वभूतेषु पुष्टिरूपेण संस्थिता । नमस्तस्यै नमस्तस्यै नमस्तस्यै नमो नमः
32 // yā devī sarvabhūteṣu puṣṭirūpeṇa saṃsthitā / namastasyai namastasyai namastasyai namo namaḥ
33 ॥ या देवी सर्वभूतेषु मातृरूपेण संस्थिता । नमस्तस्यै नमस्तस्यै नमस्तस्यै नमो नमः
33 // yā devī sarvabhūteṣu mātṛrūpeṇa saṃsthitā / namastasyai namastasyai namastasyai namo namaḥ
34 ॥ या देवी सर्वभूतेषु भ्रान्तिरूपेण संस्थिता । नमस्तस्यै नमस्तस्यै नमस्तस्यै नमो नमः
34 // yā devī sarvabhūteṣu bhrāntirūpeṇa saṃsthitā / namastasyai namastasyai namastasyai namo namaḥ
35 ॥ इन्द्रियाणामधिष्ठात्री भूतानां चाखिलेषु या । भूतेषु सततं तस्यै व्याप्तिदेव्यै नमो नमः
35 // indriyāṇāmadhiṣṭhātrī bhūtānāṃ cākhileṣu yā / bhūteṣu satataṃ tasyai vyāptidevyai namo namaḥ
36 ॥ चितिरूपेण या कृत्स्त्रमेतद् व्याप्य स्थिता जगत् । नमस्तस्यै नमस्तस्यै नमस्तस्यै नमो नमः
36 // citirūpeṇa yā kṛtstrametad vyāpya sthitā jagat / namastasyai namastasyai namastasyai namo namaḥ
37 ॥ स्तु ता सुरैः पूर्वमभीष्टसंश्रयात् तथासुरेन्द्रेण दिनेषु सेविता । करोतु सा नः शुभहेतुरीश्वरी शुभानि भद्राण्यभिहन्तु चापदः
37 // stu tā suraiḥ pūrvamabhīṣṭasaṃśrayāt tathāsurendreṇa dineṣu sevitā / karotu sā naḥ śubhaheturīśvarī śubhāni bhadrāṇyabhihantu cāpadaḥ
38 ॥ या साम्प्रतं चोद्धतदैत्यतापितैर् अस्माभिरीशा च सुरैर्नमस्यते । या च स्मृता तत्क्षणमेव हन्ति नः सर्वापदो भक्तिविनम्कमूर्तिभिः
38 // yā sāmprataṃ coddhatadaityatāpitair asmābhirīśā ca surairnamasyate / yā ca smṛtā tatkṣaṇameva hanti naḥ sarvāpado bhaktivinamkamūrtibhiḥ
39 ॥ ऋषिरूवाच एवं स्तवादियुक्तानां देवानां तत्र पार्वती । स्त्रातुमभ्याययौ तोये जाह्नव्या नृपनन्दन
39 // ṛṣirūvāca evaṃ stavādiyuktānāṃ devānāṃ tatra pārvatī / strātumabhyāyayau toye jāhnavyā nṛpanandana
40 ॥ साब्रवीत्तान् सुरान् सुभ्रूर्भवद्भिः स्तूयते ऽत्र का । शरीरकोशतश्चास्याः समुद्भूताब्रवीच्छिवा
40 // sābravīttān surān subhrūrbhavadbhiḥ stūyate 'tra kā / śarīrakośataścāsyāḥ samudbhūtābravīcchivā
41 ॥ स्तोत्रं ममैतत् क्रियते शुम्भदैत्यनिराकृतैः । देवैः समेतैः समरे निशुम्भेन पराजितैः
41 // stotraṃ mamaitat kriyate śumbhadaityanirākṛtaiḥ / devaiḥ sametaiḥ samare niśumbhena parājitaiḥ
42 ॥ शरीरकोशाद्यत्तस्याः पार्वत्या निः सृताम्बिका । कौशिकीति समस्तेषु ततो लोकेषु गीयते
42 // śarīrakośādyattasyāḥ pārvatyā niḥ sṛtāmbikā / kauśikīti samasteṣu tato lokeṣu gīyate
43 ॥ तस्यां विनिर्गतायां तु कृष्णाभूत् सापि पार्वती । कालिकेति समाख्याता हिमाचलकृताश्रया
43 // tasyāṃ vinirgatāyāṃ tu kṛṣṇābhūt sāpi pārvatī / kāliketi samākhyātā himācalakṛtāśrayā
44 ॥ ततो ऽम्बिकां परं रूपं बिभ्राणां सुमनोहरम् । ददर्श चण्डो मुण्डश्च भृत्यौ शुम्भनिशुम्भयोः
44 // tato 'mbikāṃ paraṃ rūpaṃ bibhrāṇāṃ sumanoharam / dadarśa caṇḍo muṇḍaśca bhṛtyau śumbhaniśumbhayoḥ
45 ॥ ताभ्यां शुम्भाय चाख्याता अतीव सुमनोहरा । काप्यास्ते स्त्री महाराज भासयन्ती हिमाचलम्
45 // tābhyāṃ śumbhāya cākhyātā atīva sumanoharā / kāpyāste strī mahārāja bhāsayantī himācalam
46 ॥ नैव तादृक् क्वचिद्रूपं दृष्टं केनचिदुत्तमम् । ज्ञायतां काप्यसौ देवी गृह्यतां चासुरेश्वर
46 // naiva tādṛk kvacidrūpaṃ dṛṣṭaṃ kenaciduttamam / jñāyatāṃ kāpyasau devī gṛhyatāṃ cāsureśvara
47 ॥ स्त्रीरत्नमतिचार्वङ्गी द्योतयन्ती दिशस्त्विषा । सा तु तिष्ठति दैत्येन्द्र तां भवान् द्रष्टुमर्हति
47 // strīratnamaticārvaṅgī dyotayantī diśastviṣā / sā tu tiṣṭhati daityendra tāṃ bhavān draṣṭumarhati
48 ॥ यानि रत्नानि मणयो गजाश्वादीनि वै प्रभो । त्रैलोक्ये तु समस्तानि साम्प्रतं भान्ति ते गृहे
48 // yāni ratnāni maṇayo gajāśvādīni vai prabho / trailokye tu samastāni sāmprataṃ bhānti te gṛhe
49 ॥ ऐरावतः समानीतो गजरत्नं पुरन्दरात् । पारिजाततरुश्चायं तथैवोच्चैः श्रवा हयः
49 // airāvataḥ samānīto gajaratnaṃ purandarāt / pārijātataruścāyaṃ tathaivoccaiḥ śravā hayaḥ
50 ॥ विमानं हंससंयुक्तमेतत्तिष्ठति ते ऽङ्गणे । रत्नभूतमिहानीतं यदासीद्वेधसो ऽद्भुतम्
50 // vimānaṃ haṃsasaṃyuktametattiṣṭhati te 'ṅgaṇe / ratnabhūtamihānītaṃ yadāsīdvedhaso 'dbhutam
51 ॥ निधिरेष महापद्मः समानीतो धनेश्वरात् । किञ्जल्किनीं ददौ चाब्धिर्मालामम्लानपङ्कजाम्
51 // nidhireṣa mahāpadmaḥ samānīto dhaneśvarāt / kiñjalkinīṃ dadau cābdhirmālāmamlānapaṅkajām
52 ॥ छत्रं ते वारुणं गेहे काञ्चनस्त्रावि तिष्ठति । तथायं स्यन्तनवरो यः पुरासीत् प्रजापतेः
52 // chatraṃ te vāruṇaṃ gehe kāñcanastrāvi tiṣṭhati / tathāyaṃ syantanavaro yaḥ purāsīt prajāpateḥ
53 ॥ मृत्योरुत्क्रान्तिदा नाम शक्तिरीश त्वया हृता । पाशः सलिलराजस्य भ्रातुस्तव परिग्रहे
53 // mṛtyorutkrāntidā nāma śaktirīśa tvayā hṛtā / pāśaḥ salilarājasya bhrātustava parigrahe
54 ॥ निशुम्भस्याब्धिजाताश्च समस्ता रत्नजातयः । वह्निरपि ददौ तुभ्यमग्निशौचे च वाससी
54 // niśumbhasyābdhijātāśca samastā ratnajātayaḥ / vahnirapi dadau tubhyamagniśauce ca vāsasī
55 ॥ एवं दैत्येन्द्र रत्नानि समस्तान्याहृतानि ते । स्त्रीरत्नमेषा कल्याणी त्वया कस्मान्न गृह्यते
55 // evaṃ daityendra ratnāni samastānyāhṛtāni te / strīratnameṣā kalyāṇī tvayā kasmānna gṛhyate
56 ॥ ऋषिरुवाच निशम्येति वचः शुम्भः स तदा चण्डमुण्डयोः । प्रेषयामास सुग्रीवं दूतं देव्या महासुरः
56 // ṛṣiruvāca niśamyeti vacaḥ śumbhaḥ sa tadā caṇḍamuṇḍayoḥ / preṣayāmāsa sugrīvaṃ dūtaṃ devyā mahāsuraḥ
57 ॥ शुम्भ उवाच इति चेति च वक्तव्या सा गत्वा वचनान्मम । यथा चाभ्येति संप्रीत्या तथा कार्यं त्वया लघु
57 // śumbha uvāca iti ceti ca vaktavyā sā gatvā vacanānmama / yathā cābhyeti saṃprītyā tathā kāryaṃ tvayā laghu
58 ॥ स तत्र गत्वा यत्रास्ते शैलोद्देशे ऽतिशोभने । तां च देवीं ततः प्राह श्लक्ष्णं मधुरया गिरा
58 // sa tatra gatvā yatrāste śailoddeśe 'tiśobhane / tāṃ ca devīṃ tataḥ prāha ślakṣṇaṃ madhurayā girā
59 ॥ दूत उवाच देवि दैत्येश्वरः शुम्भस्त्रैलोक्ये परमेश्वरः । दूतो ऽहं प्रेषितस्तेन त्वत्सकाशमिहागतः
59 // dūta uvāca devi daityeśvaraḥ śumbhastrailokye parameśvaraḥ / dūto 'haṃ preṣitastena tvatsakāśamihāgataḥ
60 ॥ अव्याहताज्ञः सर्वासु यः सदा देवयोनिषु । निर्जिताखिलदैत्यारिः स यदाह शृणुष्व तत्
60 // avyāhatājñaḥ sarvāsu yaḥ sadā devayoniṣu / nirjitākhiladaityāriḥ sa yadāha śṛṇuṣva tat
61 ॥ मम त्रैलोक्यमखिलं मम देवा वशानुगाः । यज्ञभागानहं सर्वानुपाश्नामि पृथक् पृथक्
61 // mama trailokyamakhilaṃ mama devā vaśānugāḥ / yajñabhāgānahaṃ sarvānupāśnāmi pṛthak pṛthak
62 ॥ त्रैलोक्ये वररत्नानि मम वश्यान्यशेषतः । तथैव गजरत्नं च हृत्वा देवेन्द्रवाहनम्
62 // trailokye vararatnāni mama vaśyānyaśeṣataḥ / tathaiva gajaratnaṃ ca hṛtvā devendravāhanam
63 ॥ क्षीरोदमथनोद्भूतमश्वरत्नं ममामरैः । उच्चैः श्रवससंज्ञं तत्प्रणिपत्य समर्पितम्
63 // kṣīrodamathanodbhūtamaśvaratnaṃ mamāmaraiḥ / uccaiḥ śravasasaṃjñaṃ tatpraṇipatya samarpitam
64 ॥ यानि चान्यानि देवेषु गन्धर्वेषूरगेषु च । रत्नभूतानि भूतानि तानि मय्येव शोभने
64 // yāni cānyāni deveṣu gandharveṣūrageṣu ca / ratnabhūtāni bhūtāni tāni mayyeva śobhane
65 ॥ स्त्रीरत्नभूतां त्वां देवि लोके मन्यामहे वयम् । सा त्वमस्मानुपागच्छ यतो रत्नभुजो वयम्
65 // strīratnabhūtāṃ tvāṃ devi loke manyāmahe vayam / sā tvamasmānupāgaccha yato ratnabhujo vayam
66 ॥ मां वा ममानुजं वापि निशुम्भमुरुविक्रमम् । भज त्वं चञ्चलापाङ्गि रत्नभूतासि वै यतः
66 // māṃ vā mamānujaṃ vāpi niśumbhamuruvikramam / bhaja tvaṃ cañcalāpāṅgi ratnabhūtāsi vai yataḥ
67 ॥ परमैश्वर्यमतुलं प्राप्स्यसे मत्परिग्रहात् । एतद् बुद्ध्या समालोच्य मत्परिग्रहतां व्रज
67 // paramaiśvaryamatulaṃ prāpsyase matparigrahāt / etad buddhyā samālocya matparigrahatāṃ vraja
68 ॥ ऋषिरुवाच इत्युक्ता सा तदा देवी गम्भीरान्तः स्मिता जगौ । दुर्गा भगवती भद्रा ययेदं धार्यते जगत्
68 // ṛṣiruvāca ityuktā sā tadā devī gambhīrāntaḥ smitā jagau / durgā bhagavatī bhadrā yayedaṃ dhāryate jagat
69 ॥ देव्युवाच सत्यमुक्तत्वया नात्र मिथ्या किञ्चित्त्वयोदितम् । त्रैलोक्याधिपतिः सुम्भो निशुम्भश्चापि तादृशः
69 // devyuvāca satyamuktatvayā nātra mithyā kiñcittvayoditam / trailokyādhipatiḥ sumbho niśumbhaścāpi tādṛśaḥ
70 ॥ किं त्वत्र यत्प्रतिज्ञातं मिथ्या तत्क्रियते कथम् । श्रूयतामल्पबुद्धित्वात् प्रतिज्ञा या कृता पुरा
70 // kiṃ tvatra yatpratijñātaṃ mithyā tatkriyate katham / śrūyatāmalpabuddhitvāt pratijñā yā kṛtā purā
71 ॥ यो मां जयति संग्रामे यो मे दर्पं व्यपोहति । यो मे प्रतिबलो लोके स मे भर्ता भविष्यति
71 // yo māṃ jayati saṃgrāme yo me darpaṃ vyapohati / yo me pratibalo loke sa me bhartā bhaviṣyati
72 ॥ तदागच्छतु शुम्भो ऽत्र निशुम्भो वा महासुरः । मां जित्वा किं चिरेणात्र पाणि गृह्णातु मे लघु
72 // tadāgacchatu śumbho 'tra niśumbho vā mahāsuraḥ / māṃ jitvā kiṃ cireṇātra pāṇi gṛhṇātu me laghu
73 ॥ दूत उवाच अवलिप्तासि मैवं त्वं देवि ब्रूहि ममाग्रतः । त्रैलोक्ये कः पुमांस्तिष्ठेदग्रे शुम्भनिशुम्भयोः
73 // dūta uvāca avaliptāsi maivaṃ tvaṃ devi brūhi mamāgrataḥ / trailokye kaḥ pumāṃstiṣṭhedagre śumbhaniśumbhayoḥ
74 ॥ अन्येषामपि दैत्यानां सर्वे देवा न वै युधि । तिष्ठन्ति संमुखे देवि किं पुनः स्त्री त्वमेकिका
74 // anyeṣāmapi daityānāṃ sarve devā na vai yudhi / tiṣṭhanti saṃmukhe devi kiṃ punaḥ strī tvamekikā
75 ॥ इन्द्राद्याः सकला देवास्तस्थुर्येषां न संयुगे । शुम्भादीनां कथं तेषां स्त्री प्रयास्यसि संमुखम्
75 // indrādyāḥ sakalā devāstasthuryeṣāṃ na saṃyuge / śumbhādīnāṃ kathaṃ teṣāṃ strī prayāsyasi saṃmukham
76 ॥ सा त्वं गच्छ मयैवोक्ता पार्श्वं शुम्भनिशुम्भयोः । केशाकर्षणनिर्धूतगौरवा मा गमिष्यसि
76 // sā tvaṃ gaccha mayaivoktā pārśvaṃ śumbhaniśumbhayoḥ / keśākarṣaṇanirdhūtagauravā mā gamiṣyasi
77 ॥ देव्युवाच एवमेतद् बली शुम्भो निशुम्भश्चातिवीर्यवान् । किं करोमि प्रतिज्ञा मे यदनालोचिता पुरा
77 // devyuvāca evametad balī śumbho niśumbhaścātivīryavān / kiṃ karomi pratijñā me yadanālocitā purā
78 ॥ स त्वं गच्छ मयोक्तं ते यदेतत्सर्वमादृतः । तदाचक्ष्वासुरेन्द्राय स च युक्तं करोतु तत्
78 // sa tvaṃ gaccha mayoktaṃ te yadetatsarvamādṛtaḥ / tadācakṣvāsurendrāya sa ca yuktaṃ karotu tat