84 ॥ इति श्रीबृहन्नारदीयपुराणे पूर्वभागे बृहदुपाख्याने द्वादशमासस्थितत्रयोदशीव्रतकथनं नाम द्वाविंशदधिकशततमो ऽध्यायः सनातन उवाच शृणु नारद वक्ष्यामि चतुर्दश्या व्रतानि ते । यानि कृत्वा नरो लोके सर्वान्कामानवाप्नुयात्
84 // iti śrībṛhannāradīyapurāṇe pūrvabhāge bṛhadupākhyāne dvādaśamāsasthitatrayodaśīvratakathanaṃ nāma dvāviṃśadadhikaśatatamo 'dhyāyaḥ sanātana uvāca śṛṇu nārada vakṣyāmi caturdaśyā vratāni te / yāni kṛtvā naro loke sarvānkāmānavāpnuyāt
1 ॥ चैत्रशुक्ल चतुर्दश्यां कुङ्कुमागरुचन्दनैः । गन्धाद्यैर्वस्त्रमणिभिः कार्यार्या महती शिवे
1 // caitraśukla caturdaśyāṃ kuṅkumāgarucandanaiḥ / gandhādyairvastramaṇibhiḥ kāryāryā mahatī śive
2 ॥ वितानध्वजछत्राणि दत्वा पूज्याश्च मातरः । एवं कृत्वार्चनं विप्र सोपवासो ऽथवैकभुक्
2 // vitānadhvajachatrāṇi datvā pūjyāśca mātaraḥ / evaṃ kṛtvārcanaṃ vipra sopavāso 'thavaikabhuk
3 ॥ अश्वमेधाधिकं पुण्यं लभते मानवो भुवि । अत्रैव दमनार्चां च कारयेद्गन्धपुष्पकैः
3 // aśvamedhādhikaṃ puṇyaṃ labhate mānavo bhuvi / atraiva damanārcāṃ ca kārayedgandhapuṣpakaiḥ
4 ॥ समर्पयेत्सुपूर्णायां शिवाय शिवरूपिणे । राधकृष्णच तुर्द्दश्यां सोपवासो निशागमे
4 // samarpayetsupūrṇāyāṃ śivāya śivarūpiṇe / rādhakṛṣṇaca turddaśyāṃ sopavāso niśāgame
5 ॥ लिङ्गमभ्यर्चयेच्चैवं स्नात्वा धौतांबरः सुधीः । गन्धाद्यैरुपचारैश्च बिल्वपत्रैश्च सर्वतः
5 // liṅgamabhyarcayeccaivaṃ snātvā dhautāṃbaraḥ sudhīḥ / gandhādyairupacāraiśca bilvapatraiśca sarvataḥ
6 ॥ दत्वा मन्त्रं द्विजाग्र्याय भुञ्जीत च परे ऽहनि । एवमेव तु कृष्णासु सर्वासु द्विजसत्तम
6 // datvā mantraṃ dvijāgryāya bhuñjīta ca pare 'hani / evameva tu kṛṣṇāsu sarvāsu dvijasattama
7 ॥ शिवव्रतं प्रकर्तव्यं धनसंतानमिच्छता । राधशुक्लचतुर्दश्यां श्रीनृसिंहव्रतं चरेत्
7 // śivavrataṃ prakartavyaṃ dhanasaṃtānamicchatā / rādhaśuklacaturdaśyāṃ śrīnṛsiṃhavrataṃ caret
8 ॥ उपवासविधानेन शक्तो ऽशक्तस्तथैकभुक् । निशागमे तु संपूज्य नृसिंहं दैत्यसूदनम्
8 // upavāsavidhānena śakto 'śaktastathaikabhuk / niśāgame tu saṃpūjya nṛsiṃhaṃ daityasūdanam
9 ॥ उपचारैः षोडशभिः स्नानैः पञ्चामृतादिभिः । ततः क्षमापयेद्देवं मन्त्रेणानेन नारद
9 // upacāraiḥ ṣoḍaśabhiḥ snānaiḥ pañcāmṛtādibhiḥ / tataḥ kṣamāpayeddevaṃ mantreṇānena nārada
10 ॥ तत्पहाटककेशान्त ज्वलत्पावकलोचन । वज्राधिकनखस्पर्शदिव्यसिंह नमो ऽस्तु त
10 // tatpahāṭakakeśānta jvalatpāvakalocana / vajrādhikanakhasparśadivyasiṃha namo 'stu ta
11 ॥ इति संप्रार्थ्य देवेशं व्रती स्यात्स्थण्डिलेशयः । जितेन्द्रियो जितक्रोधः सर्वभोगविवर्ज्जितः
11 // iti saṃprārthya deveśaṃ vratī syātsthaṇḍileśayaḥ / jitendriyo jitakrodhaḥ sarvabhogavivarjjitaḥ
12 ॥ एवं यः कुरुते विप्र विधिवद्व्रतमुत्तमम् । वर्षे वर्षे स लभते भुक्तभोगो हरेः पदम्
12 // evaṃ yaḥ kurute vipra vidhivadvratamuttamam / varṣe varṣe sa labhate bhuktabhogo hareḥ padam
13 ॥ ओङ्कारेश्वरयात्रा च कार्यात्रैव मुनीश्वर । दुर्लभं वार्चनं तत्र दर्शनं पापनाशनम्
13 // oṅkāreśvarayātrā ca kāryātraiva munīśvara / durlabhaṃ vārcanaṃ tatra darśanaṃ pāpanāśanam
14 ॥ किमत्र बहुनोक्तेन पूजाध्यानजपेक्षणम् । यद्भवेत्तत्समुद्दिष्टं ज्ञानमोक्षप्रदं नृणाम्
14 // kimatra bahunoktena pūjādhyānajapekṣaṇam / yadbhavettatsamuddiṣṭaṃ jñānamokṣapradaṃ nṛṇām
15 ॥ अत्र लिङ्गव्रतं चापि कर्त्तव्यं पापनाशनम् । पञ्चामृतैस्तु संस्नाप्य लिङ्गमालिप्य कुङ्कुमैः
15 // atra liṅgavrataṃ cāpi karttavyaṃ pāpanāśanam / pañcāmṛtaistu saṃsnāpya liṅgamālipya kuṅkumaiḥ
16 ॥ नैवेद्यैश्च फलैर्धूपैर्दीपैर्वस्त्रविभूषणैः । एवं यः पूजयेत्पैष्टं लिङ्गं सर्वार्थसिद्धिदम्
16 // naivedyaiśca phalairdhūpairdīpairvastravibhūṣaṇaiḥ / evaṃ yaḥ pūjayetpaiṣṭaṃ liṅgaṃ sarvārthasiddhidam
17 ॥ भुक्तिं मुक्तिं स लभते महादेवप्रसादतः । ज्येष्ठशुक्लचतुर्दश्यां दिवा पञ्चतपा निशः
17 // bhuktiṃ muktiṃ sa labhate mahādevaprasādataḥ / jyeṣṭhaśuklacaturdaśyāṃ divā pañcatapā niśaḥ
18 ॥ मुखे ददेद्धेमधेनुं रुद्रव्रतमिदं स्मृतम् । शुचिशुक्लचतुर्दश्यां शिवं संपूज्य मानवः
18 // mukhe dadeddhemadhenuṃ rudravratamidaṃ smṛtam / śuciśuklacaturdaśyāṃ śivaṃ saṃpūjya mānavaḥ
19 ॥ देशकालोद्भवैः पुष्पैः सर्वसंपदमाप्नुयात् । नभः शुक्लचतुर्दश्यां पवित्रारोपणं मतम्
19 // deśakālodbhavaiḥ puṣpaiḥ sarvasaṃpadamāpnuyāt / nabhaḥ śuklacaturdaśyāṃ pavitrāropaṇaṃ matam
20 ॥ तत्स्वशाखोक्तविधिना कर्तव्यं द्विजसत्तम । शताभिमन्त्रितं कृत्वा ततो देव्यै निवेदयेत्
20 // tatsvaśākhoktavidhinā kartavyaṃ dvijasattama / śatābhimantritaṃ kṛtvā tato devyai nivedayet
21 ॥ पवित्रारोपणं कृत्वा नरो नार्यथवा यदि । महादेव्याः प्रसादेन भुक्तिं मुक्तिमवाप्नुयात्
21 // pavitrāropaṇaṃ kṛtvā naro nāryathavā yadi / mahādevyāḥ prasādena bhuktiṃ muktimavāpnuyāt
22 ॥ भाद्रशुक्लचतुर्दश्यामनन्तव्रतमुत्तमम् । कर्त्तव्यमेकभुक्तं हि गोधूमप्रस्थपिष्टकम्
22 // bhādraśuklacaturdaśyāmanantavratamuttamam / karttavyamekabhuktaṃ hi godhūmaprasthapiṣṭakam
23 ॥ विपाच्य शर्कराज्याक्तमनन्ताय निवेदयेत् । गन्धाद्यैः प्राक् समभ्यर्च्यः कार्पासं पट्टजं तु वा
23 // vipācya śarkarājyāktamanantāya nivedayet / gandhādyaiḥ prāk samabhyarcyaḥ kārpāsaṃ paṭṭajaṃ tu vā
24 ॥ चतुर्दशग्रन्थियुतं सूत्रं कृत्वा सुशोभनम् । ततः पुराणमुत्तार्य सूत्रं क्षिप्त्वा जलाशयें
24 // caturdaśagranthiyutaṃ sūtraṃ kṛtvā suśobhanam / tataḥ purāṇamuttārya sūtraṃ kṣiptvā jalāśayeṃ
25 ॥ निबघ्नीयान्नवं नारी वामे दक्षे पुमान्भुजे । विपाच्य पिष्टपक्वं तत्प्रदद्याद्दक्षिणान्वितम्
25 // nibaghnīyānnavaṃ nārī vāme dakṣe pumānbhuje / vipācya piṣṭapakvaṃ tatpradadyāddakṣiṇānvitam
26 ॥ स्वयं च तन्मितं चाद्यादेवं कुर्याद्व्रतोत्तमम् । द्विसप्तवर्षपर्यन्तं तत उद्यापयेत्सुधीः
26 // svayaṃ ca tanmitaṃ cādyādevaṃ kuryādvratottamam / dvisaptavarṣaparyantaṃ tata udyāpayetsudhīḥ
27 ॥ मण्डलं सर्वतोभद्रं धान्यवर्णैः प्रकल्प्य च । सुशोभने न्यसेत्तत्र कलशं ताम्रजं मुने
27 // maṇḍalaṃ sarvatobhadraṃ dhānyavarṇaiḥ prakalpya ca / suśobhane nyasettatra kalaśaṃ tāmrajaṃ mune
28 ॥ तस्योपरि न्यसेद्धैमीमनन्तप्रतिमां शुभाम् । पीतपट्टांशुकाच्छन्नां तत्र तां विधिना यजेत्
28 // tasyopari nyaseddhaimīmanantapratimāṃ śubhām / pītapaṭṭāṃśukācchannāṃ tatra tāṃ vidhinā yajet
29 ॥ गणेशं मातृकाः खेटांल्लोकपांश्च यजेत्पृथक् । ततो होमं हविष्येण कृत्वा पूर्णाहुतिं चरेत्
29 // gaṇeśaṃ mātṛkāḥ kheṭāṃllokapāṃśca yajetpṛthak / tato homaṃ haviṣyeṇa kṛtvā pūrṇāhutiṃ caret
30 ॥ शय्यां सोपस्करां धेनुं प्रतिमां च द्विजोत्तम । प्रदद्याद्गुरवे भक्त्या द्विजानन्यांश्चतुर्दश
30 // śayyāṃ sopaskarāṃ dhenuṃ pratimāṃ ca dvijottama / pradadyādgurave bhaktyā dvijānanyāṃścaturdaśa
31 ॥ संभोज्य मिष्टपक्वान्नैर्दक्षिणाभिः प्रतोषयेत् । एवं यः कुरुते ऽनन्तव्रतं प्रत्यक्षमादरात्
31 // saṃbhojya miṣṭapakvānnairdakṣiṇābhiḥ pratoṣayet / evaṃ yaḥ kurute 'nantavrataṃ pratyakṣamādarāt
32 ॥ सो ऽप्यनन्तप्रसादेन जायते भुक्तिमुक्तिभाक् । कदलीव्रतमप्यत्र तद्विधानं च मे शृणु
32 // so 'pyanantaprasādena jāyate bhuktimuktibhāk / kadalīvratamapyatra tadvidhānaṃ ca me śṛṇu
33 ॥ नरो वा यदि वा नारी रंभामुपवनस्थिताम् । स्नात्वा संपूजयेद्गन्धपुष्पधान्याङ्कुरादिभिः
33 // naro vā yadi vā nārī raṃbhāmupavanasthitām / snātvā saṃpūjayedgandhapuṣpadhānyāṅkurādibhiḥ
34 ॥ दधिदूर्वाक्षतैर्द्द्वीपैर्वस्त्रपक्कान्नसं चथैः । एवं संपूज्य मन्त्रेण ततः संप्रार्थयेर्द्वती
34 // dadhidūrvākṣatairddvīpairvastrapakkānnasaṃ cathaiḥ / evaṃ saṃpūjya mantreṇa tataḥ saṃprārthayerdvatī
35 ॥ अप्सरो मरकन्याभिर्नागकन्याभिरार्चिते । शरीरारोग्यलावण्यं देहि देवि नमो ऽस्तु ते
35 // apsaro marakanyābhirnāgakanyābhirārcite / śarīrārogyalāvaṇyaṃ dehi devi namo 'stu te
36 ॥ इति संप्रार्थ्यं कन्यास्तु चतस्रो वा सुवासिनीः । संभोज्यां शुकसिद्वरकज्जलालक्तचर्चिताः
36 // iti saṃprārthyaṃ kanyāstu catasro vā suvāsinīḥ / saṃbhojyāṃ śukasidvarakajjalālaktacarcitāḥ
37 ॥ नमस्कृत्य निजं गेहं समाप्य नियमं व्रजेत् । एवं कृते व्रते विप्र लब्ध्वा सौभाग्यमुत्तमम्
37 // namaskṛtya nijaṃ gehaṃ samāpya niyamaṃ vrajet / evaṃ kṛte vrate vipra labdhvā saubhāgyamuttamam
38 ॥ इह लोके विमानेन स्वर्गलोके व्रजेत्परम् । इषकृष्णचतुर्द्दश्यां विषशस्त्रांबुवह्निभिः
38 // iha loke vimānena svargaloke vrajetparam / iṣakṛṣṇacaturddaśyāṃ viṣaśastrāṃbuvahnibhiḥ
39 ॥ सर्पश्वापदवज्राद्यैर्हतानां ब्रह्मघातिनाम् । चतुर्द्दश्यां क्रियाश्राद्धमेकोद्दिष्टविधानतः
39 // sarpaśvāpadavajrādyairhatānāṃ brahmaghātinām / caturddaśyāṃ kriyāśrāddhamekoddiṣṭavidhānataḥ
40 ॥ कर्तव्यं विप्रवर्गं च भोजयेन्मिष्टपक्वकैः । तर्पणं च गवां ग्रासं बलिं चैव श्वकाकयोः
40 // kartavyaṃ vipravargaṃ ca bhojayenmiṣṭapakvakaiḥ / tarpaṇaṃ ca gavāṃ grāsaṃ baliṃ caiva śvakākayoḥ
41 ॥ कृत्वा चम्य स्वयं पश्चाद्भुञ्जीयाद्बन्धुभिः सह । एवं यः कुरुते विप्र श्राद्धं संपन्नदक्षिणम्
41 // kṛtvā camya svayaṃ paścādbhuñjīyādbandhubhiḥ saha / evaṃ yaḥ kurute vipra śrāddhaṃ saṃpannadakṣiṇam
42 ॥ स उद्धृत्य पितॄन्गच्छेद्देवलोकं सनातनम् । इषशुक्ल चतुर्द्दश्यां धर्मराजं द्विजोत्तम
42 // sa uddhṛtya pitṝngaccheddevalokaṃ sanātanam / iṣaśukla caturddaśyāṃ dharmarājaṃ dvijottama
43 ॥ गन्धाद्यैः सम्यगभ्यर्च्य सौवर्णं भोज्य वाङवम् । दद्यात्तस्मै धर्मराजस्त्रायते भुवि नारद
43 // gandhādyaiḥ samyagabhyarcya sauvarṇaṃ bhojya vāṅavam / dadyāttasmai dharmarājastrāyate bhuvi nārada
44 ॥ एवं यः कुरुते धर्मप्रतिमादानमुत्तमम् । स भुक्त्वेह वरान्भोगान्दिवं धर्माज्ञया व्रजेत्
44 // evaṃ yaḥ kurute dharmapratimādānamuttamam / sa bhuktveha varānbhogāndivaṃ dharmājñayā vrajet
45 ॥ ऊर्ज्जकृष्णचतुर्द्दश्यां तैलाभ्यङ्गं विधूदये । कृत्वा स्नात्वार्चयेद्धर्मं नरकादभयं लभेत्
45 // ūrjjakṛṣṇacaturddaśyāṃ tailābhyaṅgaṃ vidhūdaye / kṛtvā snātvārcayeddharmaṃ narakādabhayaṃ labhet
46 ॥ प्रदोषे तैलदीपांस्तु दीपयेद्यमतुष्टये । चतुष्पथे गृहाद्ब्राह्मप्रदेशे वा समाहितः
46 // pradoṣe tailadīpāṃstu dīpayedyamatuṣṭaye / catuṣpathe gṛhādbrāhmapradeśe vā samāhitaḥ
47 ॥ वत्सरे हेमलंब्याख्ये मासि श्रीमति कार्तिके । शुक्लपक्षे चतुर्द्दश्यामरुणाभ्युदयं प्रति
47 // vatsare hemalaṃbyākhye māsi śrīmati kārtike / śuklapakṣe caturddaśyāmaruṇābhyudayaṃ prati
48 ॥ स्नात्वा विश्वेश्वरो देवो देवैः सह मुनीश्वर । मणिकर्णिक तीर्थे च त्रिपुण्ड्रं भस्मना दधत्
48 // snātvā viśveśvaro devo devaiḥ saha munīśvara / maṇikarṇika tīrthe ca tripuṇḍraṃ bhasmanā dadhat
49 ॥ स्वात्मानं स्वयमभ्यर्च्य चक्रे पाशुपतव्रतम् । ततस्तत्र महापूजां लिङ्गे गन्धादिभिश्चरेत्
49 // svātmānaṃ svayamabhyarcya cakre pāśupatavratam / tatastatra mahāpūjāṃ liṅge gandhādibhiścaret
50 ॥ द्रोणपुष्पैर्बिल्वदलैरर्कपुष्पैश्च केतकैः । पुष्पैः फलैर्मिष्टपक्वैर्नैवेद्यैर्विविधैरपि
50 // droṇapuṣpairbilvadalairarkapuṣpaiśca ketakaiḥ / puṣpaiḥ phalairmiṣṭapakvairnaivedyairvividhairapi
51 ॥ एवं कृत्वैकभुक्तं तु व्रतं विश्वेशतोषणम् । लभते वाञ्छितान्कामानिहामुत्र च नारद
51 // evaṃ kṛtvaikabhuktaṃ tu vrataṃ viśveśatoṣaṇam / labhate vāñchitānkāmānihāmutra ca nārada
52 ॥ ब्रह्मकूर्चव्रतं चात्र कर्तव्यमृद्धिमिच्छता । सोपवासः पञ्चगव्यं पिबेद्रात्रौ जितेन्द्रियः
52 // brahmakūrcavrataṃ cātra kartavyamṛddhimicchatā / sopavāsaḥ pañcagavyaṃ pibedrātrau jitendriyaḥ
53 ॥ कपिलायास्तु गोमूत्रं कृष्णाया गोमयं तथा । श्वेतायाः क्षीरमुदितं रक्तायाश्च तथा दधि
53 // kapilāyāstu gomūtraṃ kṛṣṇāyā gomayaṃ tathā / śvetāyāḥ kṣīramuditaṃ raktāyāśca tathā dadhi
54 ॥ गृहीत्वा कर्बुरायाश्च घृतमेकत्र मेलयेत् । कुशां बुना ततः प्रातः स्नात्वा सन्तर्प्यं देवताः
54 // gṛhītvā karburāyāśca ghṛtamekatra melayet / kuśāṃ bunā tataḥ prātaḥ snātvā santarpyaṃ devatāḥ
55 ॥ ब्रह्मणांस्तोषयित्वा च भुञ्जीयाद्वाग्यतः स्वयम् । ब्रह्मकूर्चव्रतं ह्येतत्सर्वपातकनाशनम्
55 // brahmaṇāṃstoṣayitvā ca bhuñjīyādvāgyataḥ svayam / brahmakūrcavrataṃ hyetatsarvapātakanāśanam
56 ॥ यच्च बाल्ये कृतं पापं कौमारे वार्द्धके ऽपि यत् । ब्रह्मकूर्चोपवासेन तत्क्षणादेव नश्यति
56 // yacca bālye kṛtaṃ pāpaṃ kaumāre vārddhake 'pi yat / brahmakūrcopavāsena tatkṣaṇādeva naśyati
57 ॥ पाषाणव्रतमप्यत्र प्रोक्तं तच्छृणु नारद । सोपवासो दिवा नक्तं पाषाणाकारपिष्टचकम्
57 // pāṣāṇavratamapyatra proktaṃ tacchṛṇu nārada / sopavāso divā naktaṃ pāṣāṇākārapiṣṭacakam
58 ॥ प्रार्च्य गन्धादिभिर्गौंरीं घृतपङ्क्वमुपाहरेत् । व्रतमेतच्चरित्वा तु यथोक्तं द्विजसत्तम
58 // prārcya gandhādibhirgauṃrīṃ ghṛtapaṅkvamupāharet / vratametaccaritvā tu yathoktaṃ dvijasattama
59 ॥ ऐश्वर्यसौख्यसौभाग्यरूपाणि प्राप्नुयान्नरः । मार्गशुक्लचतुर्दश्यामेकभुक्तः पुरोदितम्
59 // aiśvaryasaukhyasaubhāgyarūpāṇi prāpnuyānnaraḥ / mārgaśuklacaturdaśyāmekabhuktaḥ puroditam
60 ॥ निराहारो वृषं स्वर्णं प्रार्च्य दद्याद्द्विजातये । परे ऽह्नि प्रातरुत्थाय स्नात्वा सोमं महेश्वरम्
60 // nirāhāro vṛṣaṃ svarṇaṃ prārcya dadyāddvijātaye / pare 'hni prātarutthāya snātvā somaṃ maheśvaram
61 ॥ पूजयेत्कमलैः पुष्पैर्गन्धमाल्यानुलेपनैः । द्विजान्सम्भोज्य मिष्टान्नौस्तोषयेद्दक्षिणादिभिः
61 // pūjayetkamalaiḥ puṣpairgandhamālyānulepanaiḥ / dvijānsambhojya miṣṭānnaustoṣayeddakṣiṇādibhiḥ
62 ॥ एतच्छिवव्रतं विप्र भुक्तिमुक्तिप्रदायकम् । कर्तृआणामुपदेष्टृआणां साह्यानामनुमोदिनाम्
62 // etacchivavrataṃ vipra bhuktimuktipradāyakam / kartṛāṇāmupadeṣṭṛāṇāṃ sāhyānāmanumodinām
63 ॥ पौषशुक्लचतुर्दश्यां विरूपाक्षव्रतं स्मृतम् । कपर्दीश्वरसांनिध्यं प्राप्स्याम्यत्र विचिन्त्य च
63 // pauṣaśuklacaturdaśyāṃ virūpākṣavrataṃ smṛtam / kapardīśvarasāṃnidhyaṃ prāpsyāmyatra vicintya ca
64 ॥ स्नात्वागाधजले विप्र विरूपाक्षं शिवं यजेत् । गन्धमाल्यनमस्कारधूपदीपान्नसंपदा
64 // snātvāgādhajale vipra virūpākṣaṃ śivaṃ yajet / gandhamālyanamaskāradhūpadīpānnasaṃpadā
65 ॥ तत्स्थं द्विजातये दत्त्वा मोदते दिवि देववत् । माघकृष्णचतुर्द्दश्यां यमतर्पणमीरितम्
65 // tatsthaṃ dvijātaye dattvā modate divi devavat / māghakṛṣṇacaturddaśyāṃ yamatarpaṇamīritam
66 ॥ अनर्काभ्युदिते काले स्नात्वा संतर्पयेद्यमम् । द्विसप्तनामभिः प्रोक्तैः सर्वपापविमुक्तये
66 // anarkābhyudite kāle snātvā saṃtarpayedyamam / dvisaptanāmabhiḥ proktaiḥ sarvapāpavimuktaye
67 ॥ तिलदर्भांबुभिः कार्यं तर्प्पणं द्विजभोजनम् । कृशरान्नं स्वयं चापि तदेवाश्नीत वाग्यतः
67 // tiladarbhāṃbubhiḥ kāryaṃ tarppaṇaṃ dvijabhojanam / kṛśarānnaṃ svayaṃ cāpi tadevāśnīta vāgyataḥ
68 ॥ अन्त्यकृष्णचतुर्दश्यां शिवरात्रिव्रतं द्विज । निर्जलं समुपोष्यात्र दिवानक्तं प्रपूजयेत्
68 // antyakṛṣṇacaturdaśyāṃ śivarātrivrataṃ dvija / nirjalaṃ samupoṣyātra divānaktaṃ prapūjayet
69 ॥ स्वयंभुवादिकं लिङ्गं पार्थिवं वा समाहितः । गन्धाद्यैरुपचारैश्च सांबुबिल्वदलादिभिः
69 // svayaṃbhuvādikaṃ liṅgaṃ pārthivaṃ vā samāhitaḥ / gandhādyairupacāraiśca sāṃbubilvadalādibhiḥ
70 ॥ धूपैर्दीपैश्च नैवेद्यैः स्तोत्रपाठैर्जपादिभिः । ततः परे ऽह्नि संपूज्य पुनरेवोपचारकैः
70 // dhūpairdīpaiśca naivedyaiḥ stotrapāṭhairjapādibhiḥ / tataḥ pare 'hni saṃpūjya punarevopacārakaiḥ
71 ॥ संभोज्य विप्रान्मिष्टान्नैर्विसृजेल्लब्धदक्षिणान् । एवं कृत्वा व्रतं मर्त्यो महादेवप्रसादतः
71 // saṃbhojya viprānmiṣṭānnairvisṛjellabdhadakṣiṇān / evaṃ kṛtvā vrataṃ martyo mahādevaprasādataḥ
72 ॥ अमर्त्यभोगान् लभते दैवतैः सुसभाजितः । अन्त्यशुक्लचतुर्दश्यां दुर्गां संपूज्य भक्तितः
72 // amartyabhogān labhate daivataiḥ susabhājitaḥ / antyaśuklacaturdaśyāṃ durgāṃ saṃpūjya bhaktitaḥ
73 ॥ गन्धाद्यैरुपचारैस्तु विप्रान्संभोजयेत्ततः । एवं कृत्वा व्रतं विप्र दुर्गायाश्चैकभोजनः
73 // gandhādyairupacāraistu viprānsaṃbhojayettataḥ / evaṃ kṛtvā vrataṃ vipra durgāyāścaikabhojanaḥ
74 ॥ लभते वाञ्छितान्कामानिहामुत्र च नारद । चैत्रकृष्णचतुर्दश्यामुपवासं विधाय च
74 // labhate vāñchitānkāmānihāmutra ca nārada / caitrakṛṣṇacaturdaśyāmupavāsaṃ vidhāya ca
75 ॥ केदारोदकपानेन वाचिमेधफलं भवेत् । उद्यापने तु सर्वांसां सामान्यो विधिरुच्यते
75 // kedārodakapānena vācimedhaphalaṃ bhavet / udyāpane tu sarvāṃsāṃ sāmānyo vidhirucyate
76 ॥ कुंभाश्चतुर्दशैवात्र सपूगाक्षतमोदकाः । सदक्षिणांशुकास्ताम्रामृन्मयाश्चाव्रणा नवाः
76 // kuṃbhāścaturdaśaivātra sapūgākṣatamodakāḥ / sadakṣiṇāṃśukāstāmrāmṛnmayāścāvraṇā navāḥ
77 ॥ तावन्तो वशदण्डाश्च पवित्राण्यासनानि च । पात्राणि यज्ञसूत्राणि तावत्येव हि कल्पयेत्
77 // tāvanto vaśadaṇḍāśca pavitrāṇyāsanāni ca / pātrāṇi yajñasūtrāṇi tāvatyeva hi kalpayet
78 ॥ शेषं प्रागुक्तवत्कुर्याद्वित्तशाठ्यविवर्ज्जितः
78 // śeṣaṃ prāguktavatkuryādvittaśāṭhyavivarjjitaḥ