162 ॥ इति श्रीबृन्नारदीयपुराणे पूर्वभागे प्रथमपादे योगनिरुपणं नाम त्रयस्त्रिंशो ऽध्यायः नारद उवाच समाख्यातानि सर्वाणि योगाङ्गानि महामुने । इदानीमपि सर्वज्ञ यत्पृच्छामि तदुच्यताम्
162 // iti śrībṛnnāradīyapurāṇe pūrvabhāge prathamapāde yoganirupaṇaṃ nāma trayastriṃśo 'dhyāyaḥ nārada uvāca samākhyātāni sarvāṇi yogāṅgāni mahāmune / idānīmapi sarvajña yatpṛcchāmi taducyatām
1 ॥ योगोभक्तिमतामेव सिध्यतीति त्वयोदितम् । यस्य तुष्यति सर्वेशस्तस्य भक्तिश्च शाश्वतम्
1 // yogobhaktimatāmeva sidhyatīti tvayoditam / yasya tuṣyati sarveśastasya bhaktiśca śāśvatam
2 ॥ यथा तुष्यति सर्वेशो देवदेवो जनार्दनः । तन्ममाख्याहि सर्वज्ञ मुने कारुण्यवारिधे
2 // yathā tuṣyati sarveśo devadevo janārdanaḥ / tanmamākhyāhi sarvajña mune kāruṇyavāridhe
3 ॥ सनक उवाच नारायणं परं देवं सच्चिदानन्दविग्रहम् । भज सर्वात्मना विप्र यदि मुक्तिमभीप्ससि
3 // sanaka uvāca nārāyaṇaṃ paraṃ devaṃ saccidānandavigraham / bhaja sarvātmanā vipra yadi muktimabhīpsasi
4 ॥ रिपवस्तं न हिंसन्ति न बाधन्ते ग्रहाश्चतम् । राक्षसाश्च न चेक्षन्ते नरं विष्णुपरायणम्
4 // ripavastaṃ na hiṃsanti na bādhante grahāścatam / rākṣasāśca na cekṣante naraṃ viṣṇuparāyaṇam
5 ॥ भक्तर्दृढा भवेद्यस्य देवदेवे जनार्दने । श्रेयांसि तस्य सिध्यन्ति भक्तिमन्तो ऽधिकास्ततः
5 // bhaktardṛḍhā bhavedyasya devadeve janārdane / śreyāṃsi tasya sidhyanti bhaktimanto 'dhikāstataḥ
6 ॥ पादौ तौ सफलौ पुंसां यौ विष्णुगृहगामिनौ । तौ करौ लफलौ ज्ञेयौ विष्णुपूजापरौ तु यौ
6 // pādau tau saphalau puṃsāṃ yau viṣṇugṛhagāminau / tau karau laphalau jñeyau viṣṇupūjāparau tu yau
7 ॥ ते नेत्रे सुफले पुंसां पश्यतो ये दनार्दनम् । सा जिह्वा प्रोच्यते सद्भिर्हरिनामपरा तु या
7 // te netre suphale puṃsāṃ paśyato ye danārdanam / sā jihvā procyate sadbhirharināmaparā tu yā
8 ॥ सत्यं सत्यं पुनः सत्यमुद्धृत्य भुजमुत्यते । तत्त्वं गुरुसमं नारित नत देवः केशवात्परः
8 // satyaṃ satyaṃ punaḥ satyamuddhṛtya bhujamutyate / tattvaṃ gurusamaṃ nārita nata devaḥ keśavātparaḥ
9 ॥ सत्यं वच्मिहितं वाच्मि सारं वच्मि पुनः पुनः । असारे ऽस्मिंस्त संसारे सत्यं हरिसमर्चनम्
9 // satyaṃ vacmihitaṃ vācmi sāraṃ vacmi punaḥ punaḥ / asāre 'smiṃsta saṃsāre satyaṃ harisamarcanam
10 ॥ संसारपाशं सुदृढं महामोहप्रदायकम् । हरिभक्तिकुटारेण च्छित्त्वात्यन्तसुखी भव
10 // saṃsārapāśaṃ sudṛḍhaṃ mahāmohapradāyakam / haribhaktikuṭāreṇa cchittvātyantasukhī bhava
11 ॥ तन्मनः संयुतं विष्णौ सा वाणी यत्परायणा । ते श्रोत्रे तत्कथासारपूरिते लोकवन्दिते
11 // tanmanaḥ saṃyutaṃ viṣṇau sā vāṇī yatparāyaṇā / te śrotre tatkathāsārapūrite lokavandite
12 ॥ आनन्दमक्षरं शून्यमवस्थात्रितयैरपि । आकाशमध्यगं देवं भज नारद संततम्
12 // ānandamakṣaraṃ śūnyamavasthātritayairapi / ākāśamadhyagaṃ devaṃ bhaja nārada saṃtatam
13 ॥ स्थानं न शक्यते यस्य स्वरुपं वा कदाचन । निर्देष्टुं मुनिशार्दूल द्रष्टुं वाप्यकृतात्मभिः
13 // sthānaṃ na śakyate yasya svarupaṃ vā kadācana / nirdeṣṭuṃ muniśārdūla draṣṭuṃ vāpyakṛtātmabhiḥ
14 ॥ समस्तैः करणैर्युक्तो वर्त्ते ऽसौ यदा तदा । जाग्रदित्युच्यते सद्भिरन्तर्यामी सनातनः
14 // samastaiḥ karaṇairyukto vartte 'sau yadā tadā / jāgradityucyate sadbhirantaryāmī sanātanaḥ
15 ॥ यदान्तः करणैर्ंयुक्तः स्वेच्छया विचरत्यसौ । स्वपन्निच्युच्यते ह्यात्मा यदा स्वापविवर्जितः
15 // yadāntaḥ karaṇairṃyuktaḥ svecchayā vicaratyasau / svapannicyucyate hyātmā yadā svāpavivarjitaḥ
16 ॥ न बाह्यकरणैर्युक्तो न चान्तः करणैस्तथा । अस्वरुपो यदात्मासौ पुण्यापुण्यविवर्जितः
16 // na bāhyakaraṇairyukto na cāntaḥ karaṇaistathā / asvarupo yadātmāsau puṇyāpuṇyavivarjitaḥ
17 ॥ सर्वोपाधिविनिर्मुक्तो ह्यानन्दो निर्गुणो विभुः । परब्रह्ममयो देवः सुषुत्प इति गीयते
17 // sarvopādhivinirmukto hyānando nirguṇo vibhuḥ / parabrahmamayo devaḥ suṣutpa iti gīyate
18 ॥ भावनामयमेतद्वै जगत्स्थावरजङ्गमम् । विद्युद्विलोलं विप्रेन्द्र भघज तस्माज्जनार्दनम्
18 // bhāvanāmayametadvai jagatsthāvarajaṅgamam / vidyudvilolaṃ viprendra bhaghaja tasmājjanārdanam
19 ॥ अहिंसा सत्यमस्तेयं ब्रह्मचर्यापरिग्रहौ । वर्तते यस्य तस्यैव तुष्यते जगतां पतिः
19 // ahiṃsā satyamasteyaṃ brahmacaryāparigrahau / vartate yasya tasyaiva tuṣyate jagatāṃ patiḥ
20 ॥ सर्वभघूतदयायुक्तो विप्रपूजापरायणः । तस्य तुष्टो जगन्नाथो मधुकैटभमर्द्दनः
20 // sarvabhaghūtadayāyukto viprapūjāparāyaṇaḥ / tasya tuṣṭo jagannātho madhukaiṭabhamarddanaḥ
21 ॥ सत्कथायां च रमते सत्कथां च करोति यः । सत्सङ्गो निरहं कारस्तस्य प्रीतो रमापतिः
21 // satkathāyāṃ ca ramate satkathāṃ ca karoti yaḥ / satsaṅgo nirahaṃ kārastasya prīto ramāpatiḥ
22 ॥ नामसंकीर्त्तनं विष्णो क्षुत्तृट्प्रस्खलितादिषु । करोति सततं यस्तु तस्य प्रीतो ह्यधोक्षजः
22 // nāmasaṃkīrttanaṃ viṣṇo kṣuttṛṭpraskhalitādiṣu / karoti satataṃ yastu tasya prīto hyadhokṣajaḥ
23 ॥ यातु नारीपतिप्राणा पतिपूजापरायणा । तस्यास्तुष्टो जगन्नाथो ददाति स्वपदं मुने
23 // yātu nārīpatiprāṇā patipūjāparāyaṇā / tasyāstuṣṭo jagannātho dadāti svapadaṃ mune
24 ॥ असूयारहिता ये तु ह्यहङ्कारविवर्जिताः । देवपूजापराश्चैव तेषां तुष्यति केशवः
24 // asūyārahitā ye tu hyahaṅkāravivarjitāḥ / devapūjāparāścaiva teṣāṃ tuṣyati keśavaḥ
25 ॥ तस्माच्छृणुष्व देवर्शे भजस्वं सततं हरिम् । मा कुरुष्व ह्यहङ्कारं विद्युल्लोलश्रिया वृथा
25 // tasmācchṛṇuṣva devarśe bhajasvaṃ satataṃ harim / mā kuruṣva hyahaṅkāraṃ vidyullolaśriyā vṛthā
26 ॥ शरीरं मृत्युसंयुक्तं जीवितं चाति चञ्चलम् । राजादिभिर्धनं बाध्यं सम्पदः क्षणभङ्गुराः
26 // śarīraṃ mṛtyusaṃyuktaṃ jīvitaṃ cāti cañcalam / rājādibhirdhanaṃ bādhyaṃ sampadaḥ kṣaṇabhaṅgurāḥ
27 ॥ किं न पश्यसि देवर्षे ह्यायुषार्द्धं तु निद्रया । हतं च भोजनाद्यैश्च कियदायुः समाहृतम्
27 // kiṃ na paśyasi devarṣe hyāyuṣārddhaṃ tu nidrayā / hataṃ ca bhojanādyaiśca kiyadāyuḥ samāhṛtam
28 ॥ कियदायुर्बालभावात्कियद्वृथा । कियद्विषयभोगैश्च कदा धर्मान्करिष्यति
28 // kiyadāyurbālabhāvātkiyadvṛthā / kiyadviṣayabhogaiśca kadā dharmānkariṣyati
29 ॥ बालभावे च वार्द्धक्येन घटेताच्युतार्चनम् । वयस्येव ततो धर्मान्कुरु त्वमनहङ्कृतः
29 // bālabhāve ca vārddhakyena ghaṭetācyutārcanam / vayasyeva tato dharmānkuru tvamanahaṅkṛtaḥ
30 ॥ मा विनाशं व्रज मुने मग्नः संसारगह्वरे । वरुर्विनाशनिलयमापदां परमं पदम्
30 // mā vināśaṃ vraja mune magnaḥ saṃsāragahvare / varurvināśanilayamāpadāṃ paramaṃ padam
31 ॥ शरीरं भोगनिलयं मलाद्यैः परिदूषितम् । किमर्थं शाश्वतधिया कुर्यात्पापं नरो वृथा
31 // śarīraṃ bhoganilayaṃ malādyaiḥ paridūṣitam / kimarthaṃ śāśvatadhiyā kuryātpāpaṃ naro vṛthā
32 ॥ आसारभूते संसारे नानादुः खसमन्विते । विश्वासो नात्र कर्त्तव्यो निश्चितं मृत्युसंकुले
32 // āsārabhūte saṃsāre nānāduḥ khasamanvite / viśvāso nātra karttavyo niścitaṃ mṛtyusaṃkule
33 ॥ तस्माच्छृणुष्व विप्रेन्द्र सत्यमेतद्व्रवीम्यहम् । देहयोगनिवृत्त्यर्थं सद्य एव जनार्दनम्
33 // tasmācchṛṇuṣva viprendra satyametadvravīmyaham / dehayoganivṛttyarthaṃ sadya eva janārdanam
34 ॥ मानं त्यक्त्वा तथा लोभं कामक्रोधविवर्जितः । भजस्व सततं विष्णुं मानुष्यमतिदुर्लभम्
34 // mānaṃ tyaktvā tathā lobhaṃ kāmakrodhavivarjitaḥ / bhajasva satataṃ viṣṇuṃ mānuṣyamatidurlabham
35 ॥ कोटिजन्मसहस्रेषु स्थावरादिषु सत्तम । संभ्रान्तस्य तु मानुष्यं कथञ्चित्परिलभ्यते
35 // koṭijanmasahasreṣu sthāvarādiṣu sattama / saṃbhrāntasya tu mānuṣyaṃ kathañcitparilabhyate
36 ॥ तत्रापि देवताबुद्धिर्दानबुद्धिश्च सत्तम । भोगबुद्धिस्तथा नॄणां जन्मान्तरतपः फलम्
36 // tatrāpi devatābuddhirdānabuddhiśca sattama / bhogabuddhistathā nṝṇāṃ janmāntaratapaḥ phalam
37 ॥ मानुष्यं दुर्लभं प्राप्य यो हरिं नार्चयेत्सकृत् । मूर्खः को ऽस्ति परस्तस्माज्जडबुद्धिरचेतनः
37 // mānuṣyaṃ durlabhaṃ prāpya yo hariṃ nārcayetsakṛt / mūrkhaḥ ko 'sti parastasmājjaḍabuddhiracetanaḥ
38 ॥ दुर्लभं प्राप्य मानुष्यं नार्चयन्ति च ये हरिम् । तेषामतीव मूर्खाणां विवेकः कुत्र तिष्ठति
38 // durlabhaṃ prāpya mānuṣyaṃ nārcayanti ca ye harim / teṣāmatīva mūrkhāṇāṃ vivekaḥ kutra tiṣṭhati
39 ॥ आराधितो जगन्नाथो ददात्यभिमतं फलम् । कस्तं न पूजयेद्विप्रसंसाराप्रिप्रदीपितः
39 // ārādhito jagannātho dadātyabhimataṃ phalam / kastaṃ na pūjayedviprasaṃsārāpripradīpitaḥ
40 ॥ चण्डालो ऽपि मुनिश्रेष्ट विष्णुभक्तो द्विजाधिकः । विष्णुभक्तिविहीनश्च द्विजो ऽपि श्वपचाधमः
40 // caṇḍālo 'pi muniśreṣṭa viṣṇubhakto dvijādhikaḥ / viṣṇubhaktivihīnaśca dvijo 'pi śvapacādhamaḥ
41 ॥ तस्मात्कामादिकं त्यक्त्वा भजेत हरिमव्ययम् । यस्मिंस्तुष्टे ऽखिलं तुष्येद्यतः सर्वगतो हरिः
41 // tasmātkāmādikaṃ tyaktvā bhajeta harimavyayam / yasmiṃstuṣṭe 'khilaṃ tuṣyedyataḥ sarvagato hariḥ
42 ॥ यथा हस्तिपदे सर्वं पदमात्रं प्रलीयते । तथःआ चराचरं विश्वं विष्णाविव प्रलीयते
42 // yathā hastipade sarvaṃ padamātraṃ pralīyate / tathaḥā carācaraṃ viśvaṃ viṣṇāviva pralīyate
43 ॥ आकाशेन यथा व्यात्पं जगत्स्थावरजङ्गमम् । तथैव हरिणा व्यात्पं विश्वमेतच्चराचरम्
43 // ākāśena yathā vyātpaṃ jagatsthāvarajaṅgamam / tathaiva hariṇā vyātpaṃ viśvametaccarācaram
44 ॥ जन्मनो मरणं नॄणां जन्म वै मृत्युसाधनम् । उभे ते निकटे विद्धि तन्नाशो हरिसेवया
44 // janmano maraṇaṃ nṝṇāṃ janma vai mṛtyusādhanam / ubhe te nikaṭe viddhi tannāśo harisevayā
45 ॥ ध्यातः स्मृतः पूजितो वा प्रणतो वा जनार्दनः । संसारपाशविच्छेदीकस्तं न प्रतिपूजयेत्
45 // dhyātaḥ smṛtaḥ pūjito vā praṇato vā janārdanaḥ / saṃsārapāśavicchedīkastaṃ na pratipūjayet
46 ॥ यन्नामोच्चांरणादेव महापातकनाशनम् । यं समभ्यर्च्य विप्रर्षे मोक्षभागी भवेन्नरः
46 // yannāmoccāṃraṇādeva mahāpātakanāśanam / yaṃ samabhyarcya viprarṣe mokṣabhāgī bhavennaraḥ
47 ॥ अहो चित्रमहो चित्रमहो चित्रमिदं द्विज । हरिनाम्नि स्थिते लोकः संसारे परिवर्त्तते
47 // aho citramaho citramaho citramidaṃ dvija / harināmni sthite lokaḥ saṃsāre parivarttate
48 ॥ भूयोभूयो ऽपि वक्ष्यामि सत्यमेतत्तपोधन । नीयमानो यमभटैरशक्तो धर्मसाधनैः
48 // bhūyobhūyo 'pi vakṣyāmi satyametattapodhana / nīyamāno yamabhaṭairaśakto dharmasādhanaiḥ
49 ॥ यावन्नेन्द्रियवैकल्यं यावद्व्याधिर्न बाधते । तावदेवार्चयेद्विष्णुं यदि मुक्तिमभीप्सति
49 // yāvannendriyavaikalyaṃ yāvadvyādhirna bādhate / tāvadevārcayedviṣṇuṃ yadi muktimabhīpsati
50 ॥ मातुर्गर्भाद्विनिः मातुर्गर्भाद्विनिष्क्रान्तो यदा जन्तुस्तदैव हि । मृत्युः संनिहितो भूयात्तस्माद्धर्मपरो भवेत्
50 // māturgarbhādviniḥ māturgarbhādviniṣkrānto yadā jantustadaiva hi / mṛtyuḥ saṃnihito bhūyāttasmāddharmaparo bhavet
51 ॥ अहो कष्टमहो कष्टमहोकष्टमिदं वपुः । विनश्वरं समाज्ञाय धर्मं नैवाचरत्ययम्
51 // aho kaṣṭamaho kaṣṭamahokaṣṭamidaṃ vapuḥ / vinaśvaraṃ samājñāya dharmaṃ naivācaratyayam
52 ॥ सत्यं सत्यं पुनः सत्यमुद्धृत्य भुजमुच्यते । दम्भाचारं परित्यज्यं वासुदेवं समर्चयेत्
52 // satyaṃ satyaṃ punaḥ satyamuddhṛtya bhujamucyate / dambhācāraṃ parityajyaṃ vāsudevaṃ samarcayet
53 ॥ भूयो भूयो हितं वच्मि भुजमुद्धृत्य नारद । विष्णुः सर्वात्मना पूज्यस्त्याज्यासूया तथानृतम्
53 // bhūyo bhūyo hitaṃ vacmi bhujamuddhṛtya nārada / viṣṇuḥ sarvātmanā pūjyastyājyāsūyā tathānṛtam
54 ॥ क्रोधमूलो मनस्तापः क्रोधः संसारबन्धनम् । धर्मक्षयकरः क्रोधस्तस्मात्तं परिवर्जयेत्
54 // krodhamūlo manastāpaḥ krodhaḥ saṃsārabandhanam / dharmakṣayakaraḥ krodhastasmāttaṃ parivarjayet
55 ॥ काममूलमिदं जन्म कामः पापस्य कारणम् । यशः क्षयकरः कामस्तस्मात्तं परिवर्जयेत्
55 // kāmamūlamidaṃ janma kāmaḥ pāpasya kāraṇam / yaśaḥ kṣayakaraḥ kāmastasmāttaṃ parivarjayet
56 ॥ समस्तदुःखजालानां मात्सर्यं कारणं स्मृतम् । नरकाणां साधनं च तस्मात्तदपि संत्यजेत्
56 // samastaduḥkhajālānāṃ mātsaryaṃ kāraṇaṃ smṛtam / narakāṇāṃ sādhanaṃ ca tasmāttadapi saṃtyajet
57 ॥ मन एव मनुष्याणां कारणं बन्धमोक्षयोः । तस्मात्तदभिसंयोज्य परात्मनि सुखी भवेत्
57 // mana eva manuṣyāṇāṃ kāraṇaṃ bandhamokṣayoḥ / tasmāttadabhisaṃyojya parātmani sukhī bhavet
58 ॥ अहो धैर्यमहो धैर्यमहो धैर्यमहो नृणाम् । विष्णौ स्थिते जगन्नाथे न भजन्ति मदोद्धताः
58 // aho dhairyamaho dhairyamaho dhairyamaho nṛṇām / viṣṇau sthite jagannāthe na bhajanti madoddhatāḥ
59 ॥ अनाराध्य जगन्नाथं सर्वधातारमच्युतम् । संसारसागरे मग्नाः कथं पारं प्रयान्ति हि
59 // anārādhya jagannāthaṃ sarvadhātāramacyutam / saṃsārasāgare magnāḥ kathaṃ pāraṃ prayānti hi
60 ॥ अच्युतानन्तगोविन्दनामोच्चारणभेषजात् । नश्यन्ति सकला रोगाः सत्यं सत्यं वदाम्यहम्
60 // acyutānantagovindanāmoccāraṇabheṣajāt / naśyanti sakalā rogāḥ satyaṃ satyaṃ vadāmyaham
61 ॥ नारायण जगन्नाथ वासुदेव जनार्द्दन । इतीरयन्ति ये नित्यं ते वै सर्वत्र वन्दिताः
61 // nārāyaṇa jagannātha vāsudeva janārddana / itīrayanti ye nityaṃ te vai sarvatra vanditāḥ
62 ॥ अद्यापि च मुनिश्रेष्ट ब्रह्माद्या अपि देवताः । यत्प्राभावं न जानन्ति तं याहि शरणं मुने
62 // adyāpi ca muniśreṣṭa brahmādyā api devatāḥ / yatprābhāvaṃ na jānanti taṃ yāhi śaraṇaṃ mune
63 ॥ अहो मौर्ख्यमहो मौर्ख्यमहो मौर्ख्यं दुरात्मनाम् । हृत्पद्मसंस्थितं विष्णुं न विजानन्ति नारद
63 // aho maurkhyamaho maurkhyamaho maurkhyaṃ durātmanām / hṛtpadmasaṃsthitaṃ viṣṇuṃ na vijānanti nārada
64 ॥ शृणुष्व मुनिशार्दूल भूयोभूयो वदाम्यहम् । हरिः श्रद्धावतां तुष्येन्न धनैर्न च बान्धवैः
64 // śṛṇuṣva muniśārdūla bhūyobhūyo vadāmyaham / hariḥ śraddhāvatāṃ tuṣyenna dhanairna ca bāndhavaiḥ
65 ॥ बन्धुमत्त्वं धनाढ्यत्वं पुत्रवत्त्वं च सत्तम । विष्णुभघक्तिमतां नॄणां भवेज्जन्मनि जन्मनि
65 // bandhumattvaṃ dhanāḍhyatvaṃ putravattvaṃ ca sattama / viṣṇubhaghaktimatāṃ nṝṇāṃ bhavejjanmani janmani
66 ॥ पापमूलमयं देहः पापकर्मरतस्तथा । एतद्विदित्वा सततं पूजनीयो जनार्द्दनः
66 // pāpamūlamayaṃ dehaḥ pāpakarmaratastathā / etadviditvā satataṃ pūjanīyo janārddanaḥ
67 ॥ पुत्रमित्रकलत्राद्या बहवः स्युश्च संपदः । हरिपूजारतानां तु भवत्येन न संशयः
67 // putramitrakalatrādyā bahavaḥ syuśca saṃpadaḥ / haripūjāratānāṃ tu bhavatyena na saṃśayaḥ
68 ॥ इहामुत्र सुखप्रेप्सुः पूजयेत्सततं हरिम् । इहामुत्रासुखप्रेप्सुः परनिन्दापरो भवेत्
68 // ihāmutra sukhaprepsuḥ pūjayetsatataṃ harim / ihāmutrāsukhaprepsuḥ paranindāparo bhavet
69 ॥ धिग्जन्म भक्तिहीनानां देवदेवे जनार्द्दने । सत्पात्रदानशून्यं यत्तद्धनं धिक्पुनः पुनः
69 // dhigjanma bhaktihīnānāṃ devadeve janārddane / satpātradānaśūnyaṃ yattaddhanaṃ dhikpunaḥ punaḥ
70 ॥ न नमेद्विष्णवे यस्य शरीरं कर्मभेदिने । पापानामाकरं तद्वै विज्ञेयं मुनिसत्तम
70 // na namedviṣṇave yasya śarīraṃ karmabhedine / pāpānāmākaraṃ tadvai vijñeyaṃ munisattama
71 ॥ सत्पात्रदानरहितं यद्द्रव्यं येन रक्षितम् । चौर्येण रक्षितमिव विद्धि लोकेषु निश्चितम्
71 // satpātradānarahitaṃ yaddravyaṃ yena rakṣitam / cauryeṇa rakṣitamiva viddhi lokeṣu niścitam
72 ॥ तडिल्लोलश्रिया मत्ताः क्षणंभयुरशालिनः । नाराधयन्ति विश्वेशं पशुपाशविमोचकम्
72 // taḍillolaśriyā mattāḥ kṣaṇaṃbhayuraśālinaḥ / nārādhayanti viśveśaṃ paśupāśavimocakam
73 ॥ सृष्टिस्तु द्विविधा प्रोक्ता दैवासुरविभेदतः । हरि भक्ति युता दैवी तद्धीना ह्यासुरी महा
73 // sṛṣṭistu dvividhā proktā daivāsuravibhedataḥ / hari bhakti yutā daivī taddhīnā hyāsurī mahā
74 ॥ तस्माच्छृणष्व विप्रेन्द्र हरिभक्तिपरायणाः । श्रेष्ठाः सर्वत्र विख्याता यतो भक्तिः सुदुर्लभा
74 // tasmācchṛṇaṣva viprendra haribhaktiparāyaṇāḥ / śreṣṭhāḥ sarvatra vikhyātā yato bhaktiḥ sudurlabhā
75 ॥ असूयारहिता ये च विप्रत्राणपरायणाः । कामादिरहिता ये च तेषां तुष्यति केशवः
75 // asūyārahitā ye ca vipratrāṇaparāyaṇāḥ / kāmādirahitā ye ca teṣāṃ tuṣyati keśavaḥ
76 ॥ संमार्जनादिना ये तु विष्णुशुश्रूषणे रताः । सत्पात्रदाननिरताः प्रयान्ति परमं पदम्
76 // saṃmārjanādinā ye tu viṣṇuśuśrūṣaṇe ratāḥ / satpātradānaniratāḥ prayānti paramaṃ padam