सोमवंशं शृणुष्वाथ भरद्वाज महामुने पुराणे विस्तरेणोक्तं संक्षेपात् कथये ऽधुना
somavaṃśaṃ śṛṇuṣvātha bharadvāja mahāmune purāṇe vistareṇoktaṃ saṃkṣepāt kathaye 'dhunā
आदौ तावद् ब्रह्मा । ब्रह्मणो मानसः पुत्रो मरीचिर् मरीचेर् दाक्षायण्यां दाक्षायिण्यां कश्यपः ॥
ādau tāvad brahmā | brahmaṇo mānasaḥ putro marīcir marīcer dākṣāyaṇyāṃ dākṣāyiṇyāṃ kaśyapaḥ ||
कश्यपाद् अदितेर् आदित्यः । आदित्यात् सुवर्णलायां मनुः ॥
kaśyapād aditer ādityaḥ | ādityāt suvarṇalāyāṃ manuḥ ||
ःमनोर् सुरूपायां सोमः । ःसोमाद् रोहिण्यां बुधः । ःबुधाद् इलायां पुरूरवाः ॥
ḥmanor surūpāyāṃ somaḥ | ḥsomād rohiṇyāṃ budhaḥ | ḥbudhād ilāyāṃ purūravāḥ ||
पुरूरवस आयुः । आयो रूपवत्यां नहुषः ॥
purūravasa āyuḥ | āyo rūpavatyāṃ nahuṣaḥ ||
नहुषात् पितृवत्यां ययातिः । ययातेः शर्मिष्ठायां पूरुः ॥
nahuṣāt pitṛvatyāṃ yayātiḥ | yayāteḥ śarmiṣṭhāyāṃ pūruḥ ||
ःपूरोर् वंशदायां संपातिः । ःसंपातेर् भानुदत्तायां सार्वभौमः । ःसार्वभौमस्य वैदेह्यां भोजः ॥
ḥpūror vaṃśadāyāṃ saṃpātiḥ | ḥsaṃpāter bhānudattāyāṃ sārvabhaumaḥ | ḥsārvabhaumasya vaidehyāṃ bhojaḥ ||
भोजस्य लिङ्गायां दुष्यन्तः । दुष्यन्तस्य शकुन्तलायां भरतः ॥
bhojasya liṅgāyāṃ duṣyantaḥ | duṣyantasya śakuntalāyāṃ bharataḥ ||
भरतस्य नन्दायाम् अजमीढः । अजमीढस्य सुदेव्यां पृश्निः । पृश्नेर् उग्रसेनायां प्रसरः । ःप्रसरस्य बहुरूपायां शंतनुः । ःशंतनोर् योजनगन्धायां विचित्रवीर्यः । ःविचित्रवीर्यस्याम्बिकायां पाण्डुः ॥ पाण्डोः कुन्तिदेव्याम् अर्जुनः । अर्जुनात् सुभद्रायाम् अभिमन्युः ॥
bharatasya nandāyām ajamīḍhaḥ | ajamīḍhasya sudevyāṃ pṛśniḥ | pṛśner ugrasenāyāṃ prasaraḥ | ḥprasarasya bahurūpāyāṃ śaṃtanuḥ | ḥśaṃtanor yojanagandhāyāṃ vicitravīryaḥ | ḥvicitravīryasyāmbikāyāṃ pāṇḍuḥ || pāṇḍoḥ kuntidevyām arjunaḥ | arjunāt subhadrāyām abhimanyuḥ ||
ःप्रसरस्य बहुरूपायां शंतनुः । ःशंतनोर् योजनगन्धायां विचित्रवीर्यः । ःविचित्रवीर्यस्याम्बिकायां पाण्डुः ॥
ḥprasarasya bahurūpāyāṃ śaṃtanuḥ | ḥśaṃtanor yojanagandhāyāṃ vicitravīryaḥ | ḥvicitravīryasyāmbikāyāṃ pāṇḍuḥ ||
ःअभिमन्योर् उत्तरायां परीक्षितः । ःपरीक्षितस्य मातृवत्यां जनमेजयः । ःजनमेजयस्य पुण्यवत्यां शतानीकः ॥
ḥabhimanyor uttarāyāṃ parīkṣitaḥ | ḥparīkṣitasya mātṛvatyāṃ janamejayaḥ | ḥjanamejayasya puṇyavatyāṃ śatānīkaḥ ||
ःशतानीकस्य पुष्पवत्यां सहस्रानीकः । ःसहस्रानीकस्य मृगवत्याम् उदयनः । ःतस्य वासवदत्तायां नरवाहनः ॥
ḥśatānīkasya puṣpavatyāṃ sahasrānīkaḥ | ḥsahasrānīkasya mṛgavatyām udayanaḥ | ḥtasya vāsavadattāyāṃ naravāhanaḥ ||
नरवाहनस्याश्वमेधायां क्षेमकः । क्षेमकान्ताः पाण्डवाः सोमवंशो निवर्तते ॥
naravāhanasyāśvamedhāyāṃ kṣemakaḥ | kṣemakāntāḥ pāṇḍavāḥ somavaṃśo nivartate ||
य इदं शृणुयान् नित्यं राजवंशम् अनुत्तमम् सर्वपापविशुद्धात्मा विष्णुलोकं स गच्छति
ya idaṃ śṛṇuyān nityaṃ rājavaṃśam anuttamam sarvapāpaviśuddhātmā viṣṇulokaṃ sa gacchati
यश् चेदं पठते नित्यं श्राद्धे वा श्रावयेत् पितॄन् वंशानुकीर्तनं पुण्यं पितॄणां दत्तम् अक्षयम्
yaś cedaṃ paṭhate nityaṃ śrāddhe vā śrāvayet pitṝn vaṃśānukīrtanaṃ puṇyaṃ pitṝṇāṃ dattam akṣayam
राज्ञां हि सोमस्य मया तवेरिता वंशानुकीर्तिर् द्विज पापनाशनी शृणुष्व विप्रेन्द्र मयोच्यमानं मन्वन्तरं चापि चतुर्दशाख्यम्
rājñāṃ hi somasya mayā taveritā vaṃśānukīrtir dvija pāpanāśanī śṛṇuṣva viprendra mayocyamānaṃ manvantaraṃ cāpi caturdaśākhyam