Chapter 160

॥ इति श्रीस्कन्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे ऽनरकेश्वरतीर्थमाहात्म्यवर्णनं नामैकोनषष्ट्युत्तरशततमो ऽध्यायः ॥ RKV अध्याय 160 श्रीमार्कण्डेय उवाच: ततो गच्छेत्पाण्डुपुत्र मोक्षतीर्थमनुत्तमम् । सेवितं देवगन्धर्वैर्मुनिभिश्च तपोधनैः

|| iti śrīskande mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe 'narakeśvaratīrthamāhātmyavarṇanaṃ nāmaikonaṣaṣṭyuttaraśatatamo 'dhyāyaḥ || RKV adhyāya 160 śrīmārkaṇḍeya uvāca: tato gacchetpāṇḍuputra mokṣatīrthamanuttamam / sevitaṃ devagandharvairmunibhiśca tapodhanaiḥ

बहवस्तन्न जानन्ति विष्णुमायाविमोहिताः । यत्र सिद्धा महाभागा ऋषयः सतपोधनाः

bahavastanna jānanti viṣṇumāyāvimohitāḥ / yatra siddhā mahābhāgā ṛṣayaḥ satapodhanāḥ

पुलस्त्यः पुलहो विद्वान्क्रतुश्चैव महामतिः । प्राचेतसो वसिष्ठश्च दक्षो नारद एव च

pulastyaḥ pulaho vidvānkratuścaiva mahāmatiḥ / prācetaso vasiṣṭhaśca dakṣo nārada eva ca

एते चान्ये महाभागाः सप्तसाहस्रसंज्ञिताः । मोक्षं गताः सह सुतैस्तत्तीर्थं तेन मोक्षदम्

ete cānye mahābhāgāḥ saptasāhasrasaṃjñitāḥ / mokṣaṃ gatāḥ saha sutaistattīrthaṃ tena mokṣadam

तत्र प्रवाहमध्ये तु पतिता तमहा नदी । तत्र तत्सङ्गमं तीर्थं सर्वपापक्षयंकरम्

tatra pravāhamadhye tu patitā tamahā nadī / tatra tatsaṅgamaṃ tīrthaṃ sarvapāpakṣayaṃkaram

ऋग्यजुःसामसंज्ञानाम् अभ्यस्तानां तु यत्फलम् । सम्यग्जप्त्वा तु विधिना गायत्रीं तत्र तल्लभेत्

ṛgyajuḥsāmasaṃjñānām abhyastānāṃ tu yatphalam / samyagjaptvā tu vidhinā gāyatrīṃ tatra tallabhet

तत्र दत्तं हुतं जप्तं तीर्थसेवार्जितं फलम् । सर्वमक्षयतां याति मोक्षसाधनमुत्तमम्

tatra dattaṃ hutaṃ japtaṃ tīrthasevārjitaṃ phalam / sarvamakṣayatāṃ yāti mokṣasādhanamuttamam

तत्र तीर्थे मृतानां तु संन्यासेन द्विजन्मनाम् । अनिवर्तिका गतिस्तेषां मोक्षतीर्थप्रभावतः

tatra tīrthe mṛtānāṃ tu saṃnyāsena dvijanmanām / anivartikā gatisteṣāṃ mokṣatīrthaprabhāvataḥ

एष ते विधिरुद्दिष्टः संक्षेपेण मयानघ । व्युष्टिस्तीर्थस्य महती पुराणे याभिधीयते

eṣa te vidhiruddiṣṭaḥ saṃkṣepeṇa mayānagha / vyuṣṭistīrthasya mahatī purāṇe yābhidhīyate