Chapter 162

॥ इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे सर्पतीर्थमाहात्म्यवर्णनं नामैकषष्ट्युत्तरशततमो ऽध्यायः ॥ RKV अध्याय 162 श्रीमार्कण्डेय उवाच: गोपेश्वरं ततो गच्छेत् सर्पक्षेत्रादनन्तरम् । यत्र स्नानेन चैकेन मुच्यन्ते पातकैर्नराः

|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe sarpatīrthamāhātmyavarṇanaṃ nāmaikaṣaṣṭyuttaraśatatamo 'dhyāyaḥ || RKV adhyāya 162 śrīmārkaṇḍeya uvāca: gopeśvaraṃ tato gacchet sarpakṣetrādanantaram / yatra snānena caikena mucyante pātakairnarāḥ

तत्र तीर्थे तु यः स्नात्वा कुरुते प्राणसंक्षयम् । स गच्छेद्यदि युक्तो ऽपि पापेन शिवमन्दिरम्

tatra tīrthe tu yaḥ snātvā kurute prāṇasaṃkṣayam / sa gacchedyadi yukto 'pi pāpena śivamandiram

तत्र तीर्थे तु यः स्नात्वा पूजयेद्देवमीश्वरम् । मुच्यते सर्वपापैश्च रुद्रलोकं स गच्छति

tatra tīrthe tu yaḥ snātvā pūjayeddevamīśvaram / mucyate sarvapāpaiśca rudralokaṃ sa gacchati

क्रीडित्वा च यथाकामं रुद्रलोके महातपाः । इह मानुष्यतां प्राप्य राजा भवति धार्मिकः

krīḍitvā ca yathākāmaṃ rudraloke mahātapāḥ / iha mānuṣyatāṃ prāpya rājā bhavati dhārmikaḥ

हस्त्यश्वरथसम्पन्नो दासीदाससमन्वितः । पूज्यमानो नरेन्द्रैश्च जीवेद्वर्षशतं सुखी

hastyaśvarathasampanno dāsīdāsasamanvitaḥ / pūjyamāno narendraiśca jīvedvarṣaśataṃ sukhī