Chapter 165

॥ इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे सांवौरेश्वरतीर्थमाहात्म्यवर्णनं नाम चतुःषष्ट्युत्तरशततमो ऽध्यायः ॥ RKV अध्याय 165 श्रीमार्कण्डेय उवाच: नर्मदादक्षिणे कूले सिद्धेश्वरमिति श्रुतम् । तीर्थं परं महाराज सिद्धैः कृतमिति प्रभो

|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe sāṃvaureśvaratīrthamāhātmyavarṇanaṃ nāma catuḥṣaṣṭyuttaraśatatamo 'dhyāyaḥ || RKV adhyāya 165 śrīmārkaṇḍeya uvāca: narmadādakṣiṇe kūle siddheśvaramiti śrutam / tīrthaṃ paraṃ mahārāja siddhaiḥ kṛtamiti prabho

तत्र तीर्थं महापुण्यं सर्वतीर्थेषु पावनम् । नर्मदाया महाराज दक्षिणं कूलमाश्रितम्

tatra tīrthaṃ mahāpuṇyaṃ sarvatīrtheṣu pāvanam / narmadāyā mahārāja dakṣiṇaṃ kūlamāśritam

तत्र तीर्थे नरः स्नात्वा तर्पयेत् पितृदेवताः । श्राद्धं तत्रैव यो दद्यात् पित्ःन् उद्दिश्य भारत

tatra tīrthe naraḥ snātvā tarpayet pitṛdevatāḥ / śrāddhaṃ tatraiva yo dadyāt pitḥn uddiśya bhārata

तृप्यन्ति पितरस्तस्य द्वादशाब्दान्न संशयः । तत्र तीर्थे तु यो भक्त्या स्नात्वा पूजयते शिवम्

tṛpyanti pitarastasya dvādaśābdānna saṃśayaḥ / tatra tīrthe tu yo bhaktyā snātvā pūjayate śivam

रात्रौ जागरणं कृत्वा पठेत्पौराणिकीं कथाम् । ततः प्रभाते विमले स्नानं कुर्याद्यथाविधि

rātrau jāgaraṇaṃ kṛtvā paṭhetpaurāṇikīṃ kathām / tataḥ prabhāte vimale snānaṃ kuryādyathāvidhi

वीक्षते गिरिजाकान्तं स गच्छेत् परमां गतिम् । पुरा सिद्धा महाभागाः कपिलाद्या महर्षयः

vīkṣate girijākāntaṃ sa gacchet paramāṃ gatim / purā siddhā mahābhāgāḥ kapilādyā maharṣayaḥ

जपन्तश्च परं ब्रह्म योगसिद्धा महाव्रताः । सिद्धिं ते परमां प्राप्ता नर्मदायाः प्रभावतः

japantaśca paraṃ brahma yogasiddhā mahāvratāḥ / siddhiṃ te paramāṃ prāptā narmadāyāḥ prabhāvataḥ